The Enwrapped · al-Muzzammil · سورة المزمل · 20 ayahs

١ يَا أَيُّهَا الْمُزَّمِّلُ

1 አንተ ተከናናቢው ሆይ።

٢ قُمِ اللَّيْلَ إِلَّا قَلِيلًا

2 ሌሊቱን (ሁሉ) ጥቂት ሲቀር ቁም (ስገድ)።

٣ نِصْفَهُ أَوِ انْقُصْ مِنْهُ قَلِيلًا

3 ግማሹን (ቁም) ወይም ከእርሱ ጥቂትን ቀንስ።

٤ أَوْ زِدْ عَلَيْهِ وَرَتِّلِ الْقُرْآنَ تَرْتِيلًا

4 ወይም በእርሱ ላይ ጨምር። ቁርኣንንም በዝግታ አንብብ።

٥ إِنَّا سَنُلْقِي عَلَيْكَ قَوْلًا ثَقِيلًا

5 እኛ ባንተ ላይ ከባድ ቃልን እናወርዳለንና።

٦ إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا

6 ሌሊት መነሳት (ህዋሳትንና ልብን) ለማስማማት በጣም ብርቱ ነው። ለማንበብም ትክክለኛ ሰዓት ነው።

٧ إِنَّ لَكَ فِي النَّهَارِ سَبْحًا طَوِيلًا

7 ላንተ በቀን ውስጥ ረዥም የመዘዋወርያ ሰዓት አለህ።

٨ وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا

8 የጌታህን ስም አውሳ። ወደ እርሱም (አምልኮ) መቋረጥን ተቋረጥ።

٩ رَبُّ الْمَشْرِقِ وَالْمَغْرِبِ لَا إِلَٰهَ إِلَّا هُوَ فَاتَّخِذْهُ وَكِيلًا

9 (እርሱም) የምስራቅና የምዕራብ ጌታ ነው። ከእርሱ ሌላ ትክክለኛ አምላክ የለም። መጠጊያ አድርገህም ያዘው።

١٠ وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا

10 (ከሓዲያንም) በሚሉት ላይ ታገስ። መልካምንም መተው ተዋቸው።

١١ وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا

11 የድሎት ባለቤቶችም ከሆኑት አስተባባዮች ጋር ተወኝ። ጥቂትንም ጊዜ አቆያቸው።

١٢ إِنَّ لَدَيْنَا أَنْكَالًا وَجَحِيمًا

12 ከእኛ ዘንድ ከባድ ማሰሪያዎችና እሳት አሉንና።

١٣ وَطَعَامًا ذَا غُصَّةٍ وَعَذَابًا أَلِيمًا

13 (ጉሮሮን) የሚያንቅ ምግብና አሳማሚ ቅጣትም አለ።

١٤ يَوْمَ تَرْجُفُ الْأَرْضُ وَالْجِبَالُ وَكَانَتِ الْجِبَالُ كَثِيبًا مَهِيلًا

14 በዚያ ምድርና ጋራዎች በሚርገፈገፉበት፤ ጋራዎችም ፈሳሽ የአሸዋ ክምር በሚሆኑበት ቀን።

١٥ إِنَّا أَرْسَلْنَا إِلَيْكُمْ رَسُولًا شَاهِدًا عَلَيْكُمْ كَمَا أَرْسَلْنَا إِلَىٰ فِرْعَوْنَ رَسُولًا

15 እኛ ወደ ፈርዖን መልዕክተኛን እንደላክን ሁሉ በእናንተ ላይ መስካሪ መልዕክተኛንም ወደ እናንተ ላክን።

١٦ فَعَصَىٰ فِرْعَوْنُ الرَّسُولَ فَأَخَذْنَاهُ أَخْذًا وَبِيلًا

16 ፈርዖንም መልዕክተኛውን አመጸ። ብርቱ መያዝንም ያዝነው።

١٧ فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيبًا

17 (በአላህ) ከካዳችሁ ያን ልጆችን ሸበቶዎች የሚያደርገውን ቀን ቅጣት እንዴት ትጠነቀቃላችሁ?

١٨ السَّمَاءُ مُنْفَطِرٌ بِهِ ۚ كَانَ وَعْدُهُ مَفْعُولًا

18 ሰማዩ በቀኑ ተሰንጣቂ ነው። ቀጠሮዉም ተፈፃሚ ነው።

١٩ إِنَّ هَٰذِهِ تَذْكِرَةٌ ۖ فَمَنْ شَاءَ اتَّخَذَ إِلَىٰ رَبِّهِ سَبِيلًا

19 ይህች መገሰጫ ናት። (መዳንን) የሻ (የፈለገ) ሰው ወደ ጌታው (የሚያደርሰዉን) መንገድ ይይዛል።

٢٠ إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِنْ ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِنَ الَّذِينَ مَعَكَ ۚ وَاللَّهُ يُقَدِّرُ اللَّيْلَ وَالنَّهَارَ ۚ عَلِمَ أَنْ لَنْ تُحْصُوهُ فَتَابَ عَلَيْكُمْ ۖ فَاقْرَءُوا مَا تَيَسَّرَ مِنَ الْقُرْآنِ ۚ عَلِمَ أَنْ سَيَكُونُ مِنْكُمْ مَرْضَىٰ ۙ وَآخَرُونَ يَضْرِبُونَ فِي الْأَرْضِ يَبْتَغُونَ مِنْ فَضْلِ اللَّهِ ۙ وَآخَرُونَ يُقَاتِلُونَ فِي سَبِيلِ اللَّهِ ۖ فَاقْرَءُوا مَا تَيَسَّرَ مِنْهُ ۚ وَأَقِيمُوا الصَّلَاةَ وَآتُوا الزَّكَاةَ وَأَقْرِضُوا اللَّهَ قَرْضًا حَسَنًا ۚ وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِنْدَ اللَّهِ هُوَ خَيْرًا وَأَعْظَمَ أَجْرًا ۚ وَاسْتَغْفِرُوا اللَّهَ ۖ إِنَّ اللَّهَ غَفُورٌ رَحِيمٌ

20 (መልዕክተኛችን ሙሐመድ ሆይ!) አንተ ከሌሊቱ ሁለት ሶስተኛ እጅ ያነሰን፤ ግማሹንም ሲሶውንም የምትቆም መሆንህን ጌታህ ያውቃል። (ሙስሊሞች) ከእነዚያም አብረውህ ካሉ ከፊሎች የሚቆሙ መሆናቸውንም ያውቃል። አላህ ሌሊትና ቀንን ይለካል። (የሌሊቱን ሰዓታት) ልትቆጣጠሩት የማትችሉ መሆናችሁን አወቀ። እናም በእናንተ ላይ ህጉን ወደ ማቃለል ተመለሰላችሁ። ስለዚህ ከቁርኣን (በስግደት) የተቻላችሁን ያህል አንብቡ። ከናንተ ውስጥ በሽተኞች፤ ሌሎችም ከአላህ ችሮታ ለመፈለግ በምድር ላይ የሚጓዙ፤ ሌሎችም በአላህ መንገድ የሚጋደሉ እንደሚኖሩ አወቀ። (ስለዚህ አቃለለላችሁ)፤ ከእርሱ (ከቁርኣን) የቻላችሁትን አንብቡ። ሶላትንም ስገዱ። ዘካንም ስጡ። ለአላህ መልካም ብድርንም አበድሩ። ከመልካም ስራም ለነፍሶቻችሁ የምታስቀድሙትን ሁሉ የተሻለና በምንዳም ታላቅ ሆኖ በአላህ ዘንድ ታገኙታላችሁ። አላህን ምህረት ለምኑት። አላህ መሀሪና አዛኝ ነውና።