The Event · an-Naba' · سورة النبإ · 40 ayahs

١ عَمَّ يَتَسَاءَلُونَ

1 ከምን ነገር ይጠያየቃሉ?

٢ عَنِ النَّبَإِ الْعَظِيمِ

2 ከታላቁ ዜና (ከትንሳኤና ከቁርኣን) ይጠያየቃሉ።

٣ الَّذِي هُمْ فِيهِ مُخْتَلِفُونَ

3 ስለዚያ እነርሱ በእርሱ ላይ ስለተለያዩበት (ስለተወዛገቡበት)።

٤ كَلَّا سَيَعْلَمُونَ

4 ጉዳዩ እነርሱ እንደሚሉት አይደለም። (ትክክለኛውን) ወደ ፊት ያውቃሉ።

٥ ثُمَّ كَلَّا سَيَعْلَمُونَ

5 ከዚያም ይከልከሉ፤ (ትክክለኛውን) ወደ ፊት ያውቃሉ።

٦ أَلَمْ نَجْعَلِ الْأَرْضَ مِهَادًا

6 ምድርን ምንጣፍ አላደረግንምን?

٧ وَالْجِبَالَ أَوْتَادًا

7 ጋራዎችንም ችካሎች (አላደረግንምን)?

٨ وَخَلَقْنَاكُمْ أَزْوَاجًا

8 ጥንዶች አድርገንም ፈጠርናችሁ።

٩ وَجَعَلْنَا نَوْمَكُمْ سُبَاتًا

9 እንቅልፋችሁንም እረፍት አደረግን።

١٠ وَجَعَلْنَا اللَّيْلَ لِبَاسًا

10 ሌሊቱንም ልባስ አደረግን።

١١ وَجَعَلْنَا النَّهَارَ مَعَاشًا

11 ቀኑንም ለኑሮ መስሪያ (ለጉዳይ መከወኛ) አደረግን።

١٢ وَبَنَيْنَا فَوْقَكُمْ سَبْعًا شِدَادًا

12 ከበላያችሁም ሰባት ብርቱዎችን (ሰማያት) ገነባን።

١٣ وَجَعَلْنَا سِرَاجًا وَهَّاجًا

13 አንጸባራቂ ብርሃንንም አደረግንላችሁ።

١٤ وَأَنْزَلْنَا مِنَ الْمُعْصِرَاتِ مَاءً ثَجَّاجًا

14 ከአረገዙት ደመናዎችም የሚንቧቧ ውሃን አወረድን።

١٥ لِنُخْرِجَ بِهِ حَبًّا وَنَبَاتًا

15 በእርሱ እህልንና ቅጠላ ቅጠልን፤ እናወጣ ዘንድ(አወረድን)።

١٦ وَجَنَّاتٍ أَلْفَافًا

16 የተቆላለፉ አትክልቶችንም ።

١٧ إِنَّ يَوْمَ الْفَصْلِ كَانَ مِيقَاتًا

17 (በህዝቦች መካከልም) የመለያው ቀን የተወሰነ ጊዜ ነው።

١٨ يَوْمَ يُنْفَخُ فِي الصُّورِ فَتَأْتُونَ أَفْوَاجًا

18 (ይሀዉም) በቀንዱ በሚነፋበትና በቡድን በቡድን ሆናችሁም በምትመጡበት ቀን ነው።

١٩ وَفُتِحَتِ السَّمَاءُ فَكَانَتْ أَبْوَابًا

19 ሰማይም በምትከፈትና ባለ ብዙ ደጃፎችም በምትሆንበት ቀን፤

٢٠ وَسُيِّرَتِ الْجِبَالُ فَكَانَتْ سَرَابًا

20 ጋራዎችም ከቦታቸው በሚኼዱበትና እንደ ሲሪብዶም በሚሆኑበትም ቀን ነው።

٢١ إِنَّ جَهَنَّمَ كَانَتْ مِرْصَادًا

21 ገሀነም (ለከሓዲያን) መጠባበቂያ ኬላ (ስፍራ) ናት።

٢٢ لِلطَّاغِينَ مَآبًا

22 ለህግ ተላላፊዎች መመለሻ ስትሆን።

٢٣ لَابِثِينَ فِيهَا أَحْقَابًا

23 በውስጧ ብዙ ዘመናትን ነዋሪዎች ሲሆኑ፤

٢٤ لَا يَذُوقُونَ فِيهَا بَرْدًا وَلَا شَرَابًا

24 በውስጧ ቅዝቃዜንም መጠጥንም አይቀምሱም (አያገኙም)።

٢٥ إِلَّا حَمِيمًا وَغَسَّاقًا

25 ሙቅ የፈላ ውሃንና እዥን እንጂ

٢٦ جَزَاءً وِفَاقًا

26 ተመጣጣኝን ምንዳ ይመነዳሉ።

٢٧ إِنَّهُمْ كَانُوا لَا يَرْجُونَ حِسَابًا

27 ምርመራ (እንዳለባቸው) አይጠብቁም ነበርና።

٢٨ وَكَذَّبُوا بِآيَاتِنَا كِذَّابًا

28 በአናቅጻችንም ማስተባበልን አስተባበሉ።

٢٩ وَكُلَّ شَيْءٍ أَحْصَيْنَاهُ كِتَابًا

29 ነገሩን ሁሉ የተፃፈ ሲሆን አጠቃለልነው።

٣٠ فَذُوقُوا فَلَنْ نَزِيدَكُمْ إِلَّا عَذَابًا

30 «(የጃችሁን) ቅመሱም፤ ቅጣትን እንጂ ሌላን አንጨምርላችሁም» (ይባላሉም)።

٣١ إِنَّ لِلْمُتَّقِينَ مَفَازًا

31 ለጥንቁቆቹ (አላህን ለሚፈሩ) ስኬት አላቸው።

٣٢ حَدَائِقَ وَأَعْنَابًا

32 አትክልቶችና ወይኖችም፤

٣٣ وَكَوَاعِبَ أَتْرَابًا

33 በእድሜ እኩያዎች የሆኑ ጡተ ጉችማዎችም፤

٣٤ وَكَأْسًا دِهَاقًا

34 የተሞሉ ብርጭቆዎችም፤

٣٥ لَا يَسْمَعُونَ فِيهَا لَغْوًا وَلَا كِذَّابًا

35 በውስጧ ትርፍ ቃልንም፤ ማስዋሸትንም አይሰሙም።

٣٦ جَزَاءً مِنْ رَبِّكَ عَطَاءً حِسَابًا

36 ከጌታህ የሆነን ምንዳ፤ በቂ ስጦታን ተሰጡ።

٣٧ رَبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا

37 የሰማያትና የምድር በመካከላቸዉም ላለው ሁሉ ጌታ ከሆነውና በጣም አዛኝ ከሆነው ተመነዱ፤ ከእርሱ ጋር መነጋገርን አይችሉም።

٣٨ يَوْمَ يَقُومُ الرُّوحُ وَالْمَلَائِكَةُ صَفًّا ۖ لَا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا

38 መልአኩ (ጅብሪል) እና ሌሎች መላዕክትም የተሰለፉ ሆነው በሚቆሙበት ቀን አርረህማን ለእርሱ የፈቀደለትና ትክክለኛን ቃል ያለ ብቻ ቢሆን እንጂ መነጋገርን አይችሉም።

٣٩ ذَٰلِكَ الْيَوْمُ الْحَقُّ ۖ فَمَنْ شَاءَ اتَّخَذَ إِلَىٰ رَبِّهِ مَآبًا

39 ያ! የእውነት ቀን ነው። የፈለገ ሰው ወደ ጌታው በመልካም ተግባር መመለስን ተግባሩ አድርጎ ይይዛል።

٤٠ إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا

40 እኛ ቅርብ የሆነን ቅጣት አስጠነቀቅናችሁ። ሰው ሁሉ በሁለት እጆቹ ያስቀደመውን የሚያይበትና ከሓዲያን ሁሉ «ዋ ምኞቴ! ምንነው አፈር በሆንኩ (ባልተቀሰቀስኩኝ)» የሚሉበት ቀን።