Al-Baqarah 2:187

በጾም ሌሊት ወደ ሴቶቻችሁ መድረስ ለናንተ ተፈቀደላችሁ፡፡ እነርሱ ለናንተ ልብሶች ናቸው፤ እናንተም ለነርሱ ልብሶች ናችሁ፡፡ አላህ እናንተ ነፍሶቻችሁን የምትበድሉ መኾናችሁን ዐወቀ፡፡ በእናንተም ላይ ተመለሰላችሁ፡፡ ከእናንተም ይቅርታ አደረገ፡፡ አሁን ተገናኙዋቸው፡፡ አላህም ለናንተ የጻፈላችሁን ነገር (ልጅን) ፈልጉ፡፡ ከጎህ የኾነው ነጩ ክርም ከጥቁሩ ክር (ከሌሊት ጨለማ) ለእናንተ እስከሚገልጽላችሁ ድረስ ብሉ፤ ጠጡም፡፡ ከዚያም ጾምን እስከ ሌሊቱ ድረስ ሙሉ፡፡ እናንተም በመስጊዶች ተቀማጮች ስትኾኑ አትገናኙዋቸው፡፡ ይህች የአላህ ሕግጋት ናትና (ለመተላለፍ) አትቅረቧት፡፡ እንደዚሁ አላህ አንቀጾቹን ለሰዎች ያብራራል፡፡ እነርሱ (የተከለከሉትን) ሊጠነቀቁ ይከጀላልና፡፡

(ሙስሊሞች ሆይ!) በፆም ሌሊት ከሚስቶቻችሁ ጋር የግብረ ስጋ ግንኙነት ተፈቀደላችሁ። እነርሱ ለእናንተ ልብሶች ናቸው። እናንተም ለእነርሱ ልብሶች ናችሁና። አላህ በዚህ ረገድ ነፍሶቻችሁን ታታልሉ እንደነበራችሁ ያውቃል። በእናንተም ላይ ተመለሰላችሁ። ከእናንተም ይቅርታ አደረገ። አሁን ተገናኙዋቸው። አላህም ለናንተ የጻፈላችሁን ነገር (ልጅን) ፈልጉ። ነጩ የንጋት ገመድ ከጥቁሩ የሌሊት ገመድ ለእናንተ እስከሚገለጽላችሁ ድረስ ብሉ። ጠጡም። ከዚያም ፆምን እስከ ሌሊቱ ድረስ ሙሉ። እናንተ በመስጊዶች ተቀማጮች ኢዕቲካፍ ላይ ስትሆኑ ግን ሚስቶቻችሁን አትገናኙዋቸው። ይህች የአላህ ህግጋት ናትና ለመተላለፍ አትቅረቧት። ልክ እንደዚሁ አላህ አናቅጽን ለሰዎች ያብራራል። እነርሱ የተከለከሉትን ሊጠነቀቁ ይከጅላልና።