Al-A'raf 7:160

ዐሥራ ሁለት ነገዶች ሕዝቦች አድርገንም ከፋፈልናቸው፡፡ ወደ ሙሳም ወገኖቹ መጠጣትን በፈለጉበት ጊዜ «ድንጋዩን በበትርህ ምታው» ስንል ላክን፡፡ (መታውም) ከእርሱ ዐሥራ ሁለት ምንጮችም ፈለቁ፡፡ ሰዎቹ ሁሉ መጠጫቸውን በእርግጥ ዐወቁ፡፡ በእነሱም ላይ ደመናን አጠለልን፡፡ በእነሱም ላይ መናንና ድርጭትን አወረድን፡፡ «ከሰጠናችሁም መልካም ሲሳይ ብሉ» (አልን፤ ጸጋችንን በመካዳቸው) አልበደሉንምም፡፡ ግን ነፍሶቻቸውን የሚበድሉ ነበሩ፡፡

የሙሳን ህዝቦች አስራ ሁለት ነገዶች አድርገን ከፋፈልናቸው። ወደ ሙሳም ወገኖቹ ውሃን በፈለጉበት ጊዜ ድንጋዩን በበትርህ ምታው ስንል ላክን። (መታዉም) አስራ ሁለት ምንጮች ፈለቁ። ሰዎቹ ሁሉ መጠጫቸውን በእርግጥ አወቁ። በእነርሱም ላይ ዳመናን አጠለልን። በእነርሱም ላይ "መንን" እና ድርጭትን አወረድን። «ከሰጠናችሁም መልካም ሲሳይ ብሉ።» አልን። ጸጋዎቻችንን በመካዳቸው አልበደሉንም። ግን ነፍሶቻቸውን የሚበድሉ ህዝቦች ነበሩ።