The Star · an-Najm · سورة النجم · 62 ayahs

١وَالنَّجْمِ إِذَا هَوَىٰ

1And olsun batmaqda olan ulduza!

٢مَا ضَلَّ صَاحِبُكُمْ وَمَا غَوَىٰ

2Yoldaşınız (Muhamməd) nə azmış, nə də sapmışdır.

٣وَمَا يَنْطِقُ عَنِ الْهَوَىٰ

3O, havadan (istədiyini) danışmaz.

٤إِنْ هُوَ إِلَّا وَحْيٌ يُوحَىٰ

4Bu (Quran), ona nazil edilən bir vəhydir.

٥عَلَّمَهُ شَدِيدُ الْقُوَىٰ

5Bunu ona çox qüvvətli olan öyrətdi –

٦ذُو مِرَّةٍ فَاسْتَوَىٰ

6gözəl görünüşlü (Cəbrail). O, yüksəlib (Peyğəmbərə öz surətində göründü).

٧وَهُوَ بِالْأُفُقِ الْأَعْلَىٰ

7O (Cəbrail), ən uca üfüqdə idi.

٨ثُمَّ دَنَا فَتَدَلَّىٰ

8Sonra (Muhammədə) yaxınlaşıb aşağı endi.

٩فَكَانَ قَابَ قَوْسَيْنِ أَوْ أَدْنَىٰ

9(Cəbrail ilə Muhamməd arasındakı məsafə) iki yay qədər yaxud ondan da yaxın (məsafə) oldu.

١٠فَأَوْحَىٰ إِلَىٰ عَبْدِهِ مَا أَوْحَىٰ

10(Sonra Allah) quluna (Muhammədə) nazil edəcəyini vəhy etdi.

١١مَا كَذَبَ الْفُؤَادُ مَا رَأَىٰ

11Qəlb (Peyğəmbərin qəlbi) gördüyünü (Cəbraili iki gözü ilə görməsini) yalan saymadı.

١٢أَفَتُمَارُونَهُ عَلَىٰ مَا يَرَىٰ

12(Ey Müşriklər!) Siz onunla gördüyü şey barəsində mübahisəmi edirsiniz?

١٣وَلَقَدْ رَآهُ نَزْلَةً أُخْرَىٰ

13(Muhamməd) Onu (Cəbraili) bir daha (isra gecəsi öz sürətində) enərkən gördü –

١٤عِنْدَ سِدْرَةِ الْمُنْتَهَىٰ

14(Yeddinci səmadakı) Sidrətül-müntəhanın yanında.

١٥عِنْدَهَا جَنَّةُ الْمَأْوَىٰ

15Onun yanında Məva cənnəti vardır.

١٦إِذْ يَغْشَى السِّدْرَةَ مَا يَغْشَىٰ

16O zaman Sidrə ağacını bürüyən bürümüşdü.

١٧مَا زَاغَ الْبَصَرُ وَمَا طَغَىٰ

17Göz (Peyğəmbərin gözü sağa-sola) yayınmadı və həddi aşmadı.

١٨لَقَدْ رَأَىٰ مِنْ آيَاتِ رَبِّهِ الْكُبْرَىٰ

18O, Rəbbinin ən böyük dəlillərindən bəzisini gördü.

١٩أَفَرَأَيْتُمُ اللَّاتَ وَالْعُزَّىٰ

19(Ey müşriklər!) Lat və Uzzanı gördünüzmü?

٢٠وَمَنَاةَ الثَّالِثَةَ الْأُخْرَىٰ

20Digər üçüncü olan Mənatı da?

٢١أَلَكُمُ الذَّكَرُ وَلَهُ الْأُنْثَىٰ

21Məgər oğlanlar sizin, qızlar Onundur (Allahındır)?!

٢٢تِلْكَ إِذًا قِسْمَةٌ ضِيزَىٰ

22Onda bu, ədalətsiz bir bölgüdür!

٢٣إِنْ هِيَ إِلَّا أَسْمَاءٌ سَمَّيْتُمُوهَا أَنْتُمْ وَآبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ ۚ إِنْ يَتَّبِعُونَ إِلَّا الظَّنَّ وَمَا تَهْوَى الْأَنْفُسُ ۖ وَلَقَدْ جَاءَهُمْ مِنْ رَبِّهِمُ الْهُدَىٰ

23Bunlar (bütlər) sizin və atalarınızın qoyduqları adlardan başqa bir şey deyildir. Allah onlar haqqında heç bir dəlil nazil etməmişdir. Onlar (müşriklər) yalnız zənnə və nəfslərinin istəklərinə uyarlar. Halbuki Rəbbindən onlara doğru yolu göstərən rəhbər (Quran və Peyğəmbər) gəlmişdir.

٢٤أَمْ لِلْإِنْسَانِ مَا تَمَنَّىٰ

24Yoxsa insan üçün istədiyi şey (bütlərin onun üçün Allah yanında şəfaətçi olması) vardır?

٢٥فَلِلَّهِ الْآخِرَةُ وَالْأُولَىٰ

25Axirət də, dünya da Allahındır.

٢٦وَكَمْ مِنْ مَلَكٍ فِي السَّمَاوَاتِ لَا تُغْنِي شَفَاعَتُهُمْ شَيْئًا إِلَّا مِنْ بَعْدِ أَنْ يَأْذَنَ اللَّهُ لِمَنْ يَشَاءُ وَيَرْضَىٰ

26Göylərdə neçə-neçə mələk var ki, onların şəfaəti Allahın istədiyi və razı qaldığı kimsədən başqa (heç kəsə) heç bir fayda verməz.

٢٧إِنَّ الَّذِينَ لَا يُؤْمِنُونَ بِالْآخِرَةِ لَيُسَمُّونَ الْمَلَائِكَةَ تَسْمِيَةَ الْأُنْثَىٰ

27Axirətə inanmayanlar mələkləri (onların Allahın qızları olduğunu etiqad edərək) qadın adları ilə adlandırırlar.

٢٨وَمَا لَهُمْ بِهِ مِنْ عِلْمٍ ۖ إِنْ يَتَّبِعُونَ إِلَّا الظَّنَّ ۖ وَإِنَّ الظَّنَّ لَا يُغْنِي مِنَ الْحَقِّ شَيْئًا

28Onların buna dair heç bir elmi yoxdur. Onlar yalnız zənnə qapılırlar. Zənn isə əsla həqiqət ola bilməz.

٢٩فَأَعْرِضْ عَنْ مَنْ تَوَلَّىٰ عَنْ ذِكْرِنَا وَلَمْ يُرِدْ إِلَّا الْحَيَاةَ الدُّنْيَا

29(Ey Peyğəmbər!) Zikrimizdən (Qurandan) üz çevirib dünya həyatından başqa bir şey istəməyənlərdən üz döndər!

٣٠ذَٰلِكَ مَبْلَغُهُمْ مِنَ الْعِلْمِ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِمَنِ اهْتَدَىٰ

30Onların elmdən payı elə o qədərdir. Şübhəsiz ki, Rəbbin Onun yolundan azanı da, doğru yolda olanıda yaxşı bilir.

٣١وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى

31Göylərdə və yerdə nə varsa, (hamısı) Allaha məxsusdur. (Bu, Allahın) pislik edənlərə əməllərinin cəzasını verməsi, yaxşılıq edənləri isə ən gözəli ilə (Cənnətlə) mükafatlandırması üçündür.

٣٢الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ ۚ إِنَّ رَبَّكَ وَاسِعُ الْمَغْفِرَةِ ۚ هُوَ أَعْلَمُ بِكُمْ إِذْ أَنْشَأَكُمْ مِنَ الْأَرْضِ وَإِذْ أَنْتُمْ أَجِنَّةٌ فِي بُطُونِ أُمَّهَاتِكُمْ ۖ فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ

32Onlar kiçik günahlar müstəsna olmaqla, böyük günahlardan və çirkin əməllərdən (şirkdən və zinadan) çəkinirlər. Həqiqətən, sənin Rəbbin geniş məğfirət sahibidir. O, sizi torpaqdan yaradanda da, siz analarınızın bətnində ruşeym halında olanda da sizi yaxşı tanıyırdı. Özünüzü təmizə çıxartmayın! O, kimin (Allahdan) qorxduğunu yaxşı bilir.

٣٣أَفَرَأَيْتَ الَّذِي تَوَلَّىٰ

33(Ey Peyğəmbər!) Üz çevirəni (Valid bin Muğiranı) gördünmü,

٣٤وَأَعْطَىٰ قَلِيلًا وَأَكْدَىٰ

34(malından) azacıq verib (sonra) paxıllıq edəni?

٣٥أَعِنْدَهُ عِلْمُ الْغَيْبِ فَهُوَ يَرَىٰ

35Məgər qeyb elmi onun yanındadır, o da (bunu) görür?

٣٦أَمْ لَمْ يُنَبَّأْ بِمَا فِي صُحُفِ مُوسَىٰ

36Yoxsa Musanın səhifələrindəkilər ona xəbər verilmədi?

٣٧وَإِبْرَاهِيمَ الَّذِي وَفَّىٰ

37Vəfalı olan İbrahimin (səhifələrindəkilər ona xəbər verilmədi?)

٣٨أَلَّا تَزِرُ وَازِرَةٌ وِزْرَ أُخْرَىٰ

38(O səhifələrində deyilənlərdən bəziləri bunlardır:) “Heç bir günahkar başqasının günahını daşımaz.

٣٩وَأَنْ لَيْسَ لِلْإِنْسَانِ إِلَّا مَا سَعَىٰ

39İnsan üçün yalnız öz əməlinin əvəzi vardır.

٤٠وَأَنَّ سَعْيَهُ سَوْفَ يُرَىٰ

40Şübhəsiz ki, onun əməli (Qiyamət günü) görünəcəkdir.

٤١ثُمَّ يُجْزَاهُ الْجَزَاءَ الْأَوْفَىٰ

41Sonra da ona (əməlinin) əvəzi tam veriləcəkdir!”

٤٢وَأَنَّ إِلَىٰ رَبِّكَ الْمُنْتَهَىٰ

42Son dönüş Rəbbinədir.

٤٣وَأَنَّهُ هُوَ أَضْحَكَ وَأَبْكَىٰ

43Güldürən də, ağladan da Odur!

٤٤وَأَنَّهُ هُوَ أَمَاتَ وَأَحْيَا

44Öldürən də, dirildən də Odur!

٤٥وَأَنَّهُ خَلَقَ الزَّوْجَيْنِ الذَّكَرَ وَالْأُنْثَىٰ

45O, (insanlardan və heyvanlardan) biri erkək və biri dişi olmaqla iki cüt yaratdı.

٤٦مِنْ نُطْفَةٍ إِذَا تُمْنَىٰ

46Axıdılan bir (damla) nütfədən.

٤٧وَأَنَّ عَلَيْهِ النَّشْأَةَ الْأُخْرَىٰ

47Təkrar diriltmək də Ona aiddir.

٤٨وَأَنَّهُ هُوَ أَغْنَىٰ وَأَقْنَىٰ

48Zəngin edən də, kasıb edən də Odur.

٤٩وَأَنَّهُ هُوَ رَبُّ الشِّعْرَىٰ

49Şiranın (müşriklərin ibadət etdiyi şira ulduzunun) da Rəbbi Odur.

٥٠وَأَنَّهُ أَهْلَكَ عَادًا الْأُولَىٰ

50O, əvvəlki Adı (Ad qövmünü) məhv etdi.

٥١وَثَمُودَ فَمَا أَبْقَىٰ

51Səmudu da (məhv edib onlardan heç kəsi sağ) buraxmadı.

٥٢وَقَوْمَ نُوحٍ مِنْ قَبْلُ ۖ إِنَّهُمْ كَانُوا هُمْ أَظْلَمَ وَأَطْغَىٰ

52Daha öncə Nuh qövmünü də (məhv etdi), çünki onlar daha zalım və daha azğın kimsələr idi.

٥٣وَالْمُؤْتَفِكَةَ أَهْوَىٰ

53Mötəfikənin də (Lut qövmünün yurdu da) altını üstünə O çevirdi.

٥٤فَغَشَّاهَا مَا غَشَّىٰ

54Onların başına gətirdiyini gətirdi.

٥٥فَبِأَيِّ آلَاءِ رَبِّكَ تَتَمَارَىٰ

55(Ey insan!) Rəbbinin hansı nemətlərinə şübhə edirsən?

٥٦هَٰذَا نَذِيرٌ مِنَ النُّذُرِ الْأُولَىٰ

56Bu (Muhamməd) də öncəki peyğəmbərlər kimi (Allahın əzabı ilə) qorxudan bir peyğəmbərdir.

٥٧أَزِفَتِ الْآزِفَةُ

57Yaxınlaşan (Qiyamət günü) yaxınlaşdı.

٥٨لَيْسَ لَهَا مِنْ دُونِ اللَّهِ كَاشِفَةٌ

58Allahdan başqa heç kəs onun qarşısını ala bilməz! (Və ya: Allahdan başqa heç kəs onun vaqe olacaq vaxtı bilməz!)

٥٩أَفَمِنْ هَٰذَا الْحَدِيثِ تَعْجَبُونَ

59Yoxsa siz bu sözə (Qurana) təəccübmü edirsiniz?!

٦٠وَتَضْحَكُونَ وَلَا تَبْكُونَ

60(Ona istehza edərək) gülürsünüz, (oradakı öyüd-nəsihəti eşitdikdə) ağlamırsınız!

٦١وَأَنْتُمْ سَامِدُونَ

61Və qəflət içində oynayıb əylənirsiniz (ona diqqət yetirmirsiniz)!

٦٢فَاسْجُدُوا لِلَّهِ وَاعْبُدُوا ۩

62Allah üçün səcdəyə qapanın və (Ona) ibadət edin!