إِذَا وَقَعَتِ الْوَاقِعَةُ
នៅពេលដែលថ្ងៃបរលោកកើតឡើង
The Inevitable · al-Waqi'ah · سورة الواقعة · 96 ayahs
بِسْمِ اللَّهِ الرَّحْمَٰنِ الرَّحِيمِ
ក្នុងព្រះនាមអល់ឡោះ មហាសប្បុរស មហាអាណិតស្រលាញ់។
لَيْسَ لِوَقْعَتِهَا كَاذِبَةٌ
ចំពោះការកើតឡើងរបស់វា គឺគ្មានអ្នកដែលបដិសេធទៀតឡើយ។
خَافِضَةٌ رَافِعَةٌ
គេទម្លាក់(ពួកគ្មានជំនឿទៅក្នុងឋាននរក) និងលើកឋានៈ(បណ្តាអ្នកដែលមានជំនឿក្នុងឋានសួគ៌)។
إِذَا رُجَّتِ الْأَرْضُ رَجًّا
នៅពេលដែលផែនដីត្រូវបានគេធ្វើឱ្យរង្គើយ៉ាងខ្លាំងបំផុត
وَبُسَّتِ الْجِبَالُ بَسًّا
ហើយភ្នំទាំងឡាយត្រូវបានគេបំបែកឱ្យបែកខ្ទេចខ្ទី
فَكَانَتْ هَبَاءً مُنْبَثًّا
ពេលនោះ វាក៏ក្លាយជាធូលីដែលរសាត់តាមខ្យល់។
وَكُنْتُمْ أَزْوَاجًا ثَلَاثَةً
(នៅថ្ងៃនោះ) ពួកអ្នកត្រូវបានបែងចែកជាបីក្រុម ៖
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ
ក្រុមខាងស្តាំ។ ខ្ពង់ខ្ពស់យ៉ាងណាទៅក្រុមខាងស្តាំនោះ!
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ
និងក្រុមខាងឆ្វេង។ អាក្រក់យ៉ាងណាទៅក្រុមខាងឆ្វេងនោះ!
وَالسَّابِقُونَ السَّابِقُونَ
ហើយនិងក្រុមដែលរួសរាន់ក្នុងការសាងអំពើល្អ។
أُولَٰئِكَ الْمُقَرَّبُونَ
អ្នកទាំងនោះ គឺជាអ្នកដែល(មានឋានៈ)ជិតនឹងអល់ឡោះជាម្ចាស់
فِي جَنَّاتِ النَّعِيمِ
ដោយស្ថិតនៅក្នុងឋានសួគ៌ណាអ៊ីម។
ثُلَّةٌ مِنَ الْأَوَّلِينَ
មួយក្រុមធំ គឺមកពីប្រជាជាតិនេះ និងប្រជាជាតិជំនាន់មុនៗ។
وَقَلِيلٌ مِنَ الْآخِرِينَ
ហើយភាគតិច គឺជាមនុស្សសម័យកាលចុងក្រោយ។
عَلَىٰ سُرُرٍ مَوْضُونَةٍ
(ពួកគេ)នៅលើគ្រែធ្វើអំពីមាស
مُتَّكِئِينَ عَلَيْهَا مُتَقَابِلِينَ
ដោយទម្រេតខ្លួននៅលើគ្រែទល់មុខគ្នា។
يَطُوفُ عَلَيْهِمْ وِلْدَانٌ مُخَلَّدُونَ
ហើយមានក្មេងៗដែលមានវ័យក្មេងជានិច្ចដើរជុំវិញ(ចាំបម្រើ)ពួកគេ
بِأَكْوَابٍ وَأَبَارِيقَ وَكَأْسٍ مِنْ مَعِينٍ
ដោយមានពែង កំសៀវ ហើយនិងកែវស្រាមកពីទន្លេដែលហូរ(ក្នុងឋានសួគ៌)។
لَا يُصَدَّعُونَ عَنْهَا وَلَا يُنْزِفُونَ
វាមិនធ្វើឲ្យពួកគេឈឺក្បាល និងបាត់បង់សតិដោយសារវានោះឡើយ។
وَفَاكِهَةٍ مِمَّا يَتَخَيَّرُونَ
ហើយមានផ្លែឈើជាច្រើនដែលពួកគេអាចជ្រើសរើសបាន
وَلَحْمِ طَيْرٍ مِمَّا يَشْتَهُونَ
និងសាច់បក្សីជាច្រើនតាមដែលពួកគេត្រូវការ
وَحُورٌ عِينٌ
ព្រមទាំងស្រ្តីសួគ៌
كَأَمْثَالِ اللُّؤْلُؤِ الْمَكْنُونِ
ដែលប្រៀបដូចជាគជ់ខ្យងដែលត្រូវបានថែរក្សា(ទុកយ៉ាងល្អ)
جَزَاءً بِمَا كَانُوا يَعْمَلُونَ
ជាការតបស្នងចំពោះអ្វីដែលពួកគេធ្លាប់បានប្រព្រឹត្ត។
لَا يَسْمَعُونَ فِيهَا لَغْوًا وَلَا تَأْثِيمًا
ពួកគេមិនឮនូវពាក្យសម្តីដែលអាក្រក់ និងពាក្យសម្តីដែលនាំឱ្យមានបាបកម្មនៅក្នុងវានោះឡើយ។
إِلَّا قِيلًا سَلَامًا سَلَامًا
មានតែពាក្យឲ្យសាឡាមគ្នាប៉ុណ្ណោះ។
وَأَصْحَابُ الْيَمِينِ مَا أَصْحَابُ الْيَمِينِ
ហើយក្រុមខាងស្តាំ។ ខ្ពង់ខ្ពស់យ៉ាងណាទៅក្រុមខាងស្តាំនោះ!
فِي سِدْرٍ مَخْضُودٍ
(ពួកគេ)នៅក្រោមដើមពុទ្រាដែលពុំមានបន្លា
وَطَلْحٍ مَنْضُودٍ
ក្រោមដើមចេកដែលមានផ្លែត្រួតលើគ្នា
وَظِلٍّ مَمْدُودٍ
នៅក្រោមម្លប់ជាប់ជានិច្ច
وَمَاءٍ مَسْكُوبٍ
ហើយមានទឹកហូរជាប់រហូត
وَفَاكِهَةٍ كَثِيرَةٍ
និងមានផ្លែឈើជាច្រើន
لَا مَقْطُوعَةٍ وَلَا مَمْنُوعَةٍ
ដែលមិនចេះអស់ និងមិនអាចរារាំង(ពីពួកគេ)នោះដែរ
وَفُرُشٍ مَرْفُوعَةٍ
ហើយនិងពូកដែលត្រូវបានគេលើក(ដាក់លើគ្រែ)។
إِنَّا أَنْشَأْنَاهُنَّ إِنْشَاءً
ពិតប្រាកដណាស់ យើងបានបង្កើតពួកនាង(ស្រ្តីសួគ៌)នូវការបង្កើតមួយ(ខុសពីការបង្កើតធម្មតា)
فَجَعَلْنَاهُنَّ أَبْكَارًا
ដោយយើងបានឱ្យពួកនាងនៅក្រមុំព្រហ្មចារីយ៍ជានិច្ច
عُرُبًا أَتْرَابًا
ដែលស្រលាញ់តែស្វាមីរបស់ខ្លួនប៉ុណ្ណោះ និងមានអាយុស្មើៗគ្នា
لِأَصْحَابِ الْيَمِينِ
សម្រាប់ក្រុមខាងស្តាំ។
ثُلَّةٌ مِنَ الْأَوَّلِينَ
ពួកគេជាក្រុមជាច្រើននៃប្រជាជាតិជំនាន់មុនៗ។
وَثُلَّةٌ مِنَ الْآخِرِينَ
និងក្រុមជាច្រើននៃប្រជាជាតិជំនាន់ក្រោយផងដែរ។
وَأَصْحَابُ الشِّمَالِ مَا أَصْحَابُ الشِّمَالِ
រីឯក្រុមខាងឆ្វេង។ អាក្រក់យ៉ាងណាទៅក្រុមខាងឆ្វេងនោះ!
فِي سَمُومٍ وَحَمِيمٍ
(ពួកគេ)ស្ថិតនៅក្រោមខ្យល់ដ៏សែនក្តៅបំផុត និងក្រោមទឹកដ៏សែនក្តៅបំផុត។
وَظِلٍّ مِنْ يَحْمُومٍ
និងនៅក្រោមម្លប់នៃផ្សែងដ៏ខ្មៅងងឹត
لَا بَارِدٍ وَلَا كَرِيمٍ
ដែលវាមិនត្រជាក់ ហើយក៏មិនសុខស្រួលនោះដែរ។
إِنَّهُمْ كَانُوا قَبْلَ ذَٰلِكَ مُتْرَفِينَ
ប្រាកដណាស់ កាលពីមុននេះ ពួកគេធ្លាប់ជាពួកដែលសោយសុខ(ក្នុងលោកិយ)។
وَكَانُوا يُصِرُّونَ عَلَى الْحِنْثِ الْعَظِيمِ
ហើយពួកគេធ្លាប់ស្ថិតនៅលើការប្រព្រឹត្តអំពើបាបដ៏ធំធេង។
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ
ហើយពួកគេធ្លាប់បាននិយាយថា៖ នៅពេលដែលពួកយើងស្លាប់ ហើយបានក្លាយជាដី និងឆ្អឹងហើយនោះ ពួកយើងនឹងត្រូវបានគេបង្កើតឱ្យរស់ឡើងវិញឬ?
أَوَآبَاؤُنَا الْأَوَّلُونَ
ចុះជីដូនជីតារបស់ពួកយើងជំនាន់មុនៗនោះ?
قُلْ إِنَّ الْأَوَّلِينَ وَالْآخِرِينَ
ចូរអ្នក(ឱអ្នកនាំសារមូហាំម៉ាត់)ពោលថា៖ ពិតប្រាកដណាស់ ទាំងអ្នកជំនាន់មុន និងអ្នកជំនាន់ក្រោយ
لَمَجْمُوعُونَ إِلَىٰ مِيقَاتِ يَوْمٍ مَعْلُومٍ
ពិតជានឹងត្រូវបានគេប្រមូលផ្តុំទៅកាន់ទីណាត់មួយនាថ្ងៃដែលត្រូវបានកំណត់។
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ
បន្ទាប់មក ប្រាកដណាស់ពួកអ្នក ឱពួកវង្វេងដែលបដិសេធ
لَآكِلُونَ مِنْ شَجَرٍ مِنْ زَقُّومٍ
ប្រាកដជានឹងបានទទួលទានអំពីដើមហ្ស៊ឹកគូម
فَمَالِئُونَ مِنْهَا الْبُطُونَ
ហើយពួកអ្នកនឹងបំពេញពោះ(របស់ពួកអ្នក)នឹងផ្លែនោះ។
فَشَارِبُونَ عَلَيْهِ مِنَ الْحَمِيمِ
រួចមក ពួកអ្នកនឹងផឹកទឹកដ៏សែនក្តៅបំផុត
فَشَارِبُونَ شُرْبَ الْهِيمِ
ដោយពួកអ្នកផឹក(យ៉ាងច្រើន)ដូចសត្វអូដ្ឋដែលស្រេកទឹក។
هَٰذَا نُزُلُهُمْ يَوْمَ الدِّينِ
នេះហើយជាអ្វីដែលគេត្រៀមទទួលពួកគេនៅថ្ងៃបរលោក។
نَحْنُ خَلَقْنَاكُمْ فَلَوْلَا تُصَدِّقُونَ
យើងបានបង្កើតពួកអ្នក។ ដូចនេះ ហេតុអ្វីបានជាពួកអ្នកមិនជឿជាក់?
أَفَرَأَيْتُمْ مَا تُمْنُونَ
តើពួកអ្នកឃើញដែរឬទេនូវទឹកកាមដែលពួកអ្នកបញ្ចូលទៅក្នុងស្បូនស្ត្រី
أَأَنْتُمْ تَخْلُقُونَهُ أَمْ نَحْنُ الْخَالِقُونَ
តើពួកអ្នកជាអ្នកដែលបានបង្កើតវា ឬមួយយើងជាអ្នកបង្កើតវា?
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ
យើងបានកំណត់សេចក្តីស្លាប់រវាងពួកអ្នក។ ហើយយើងមិនមែនជាអ្នកដែលអសមត្ថភាពនោះទេ
عَلَىٰ أَنْ نُبَدِّلَ أَمْثَالَكُمْ وَنُنْشِئَكُمْ فِي مَا لَا تَعْلَمُونَ
លើការផ្លាស់ប្តូរក្រុមមួយផ្សេងទៀតដែលដូចពួកអ្នក ហើយបង្កើតពួកអ្នកក្នុងលក្ខណៈមួយដែលពួកអ្នកមិនបានដឹងនោះ។
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ
ហើយពិតប្រាកដណាស់ ពួកអ្នកបានដឹងពីការបង្កើត(ពួកអ្នក)លើកដំបូងហើយ។ ដូច្នេះ ហេតុអ្វីបានជាពួកអ្នកមិនយកជាមេរៀន?
أَفَرَأَيْتُمْ مَا تَحْرُثُونَ
តើពួកអ្នកបានឃើញដែរឬទេនូវអ្វីដែលពួកអ្នកបានសាបព្រួសនោះ?
أَأَنْتُمْ تَزْرَعُونَهُ أَمْ نَحْنُ الزَّارِعُونَ
តើពួកអ្នកជាអ្នកបណ្តុះវា ឬមួយយើងជាអ្នកដែលបណ្តុះវា(ឱ្យដុះឡើង)?
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ
ប្រសិនបើយើងមានចេតនា យើងពិតជានឹងធ្វើឱ្យវាក្រៀមស្វិត ហើយពួកអ្នកនឹងមានការភ្ញាក់ផ្អើល(ចំពោះអ្វីដែលបានកើតឡើង)ជាមិនខាន។
إِنَّا لَمُغْرَمُونَ
(ពួកអ្នកនឹងនិយាយថា៖) ប្រាកដណាស់ ពួកយើងត្រូវបានគេដាក់ទណ្ឌកម្ម។
بَلْ نَحْنُ مَحْرُومُونَ
ផ្ទុយទៅវិញ ពួកយើងត្រូវបានគេរារាំង(ពីលាភសក្ការៈ)។
أَفَرَأَيْتُمُ الْمَاءَ الَّذِي تَشْرَبُونَ
តើពួកអ្នកបានឃើញដែរឬទេចំពោះទឹកដែលពួកអ្នកផឹកនោះ
أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَ
តើពួកអ្នកជាអ្នកបញ្ចុះវា(ទឹកភ្លៀង)ពីដុំពពក ឬមួយក៏យើងជាអ្នកដែលបញ្ចុះវា?
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ
ប្រសិនបើយើងមានចេតនា យើងប្រាកដជានឹងធ្វើឱ្យវាមានរសជាតិប្រៃខ្លាំងជាមិនខាន។ ដូច្នេះ ហេតុអ្វីបានជាពួកអ្នកមិនដឹងគុណ?
أَفَرَأَيْتُمُ النَّارَ الَّتِي تُورُونَ
តើពួកអ្នកឃើញដែរឬទេចំពោះភ្លើងដែលពួកអ្នកបង្កាត់នោះ
أَأَنْتُمْ أَنْشَأْتُمْ شَجَرَتَهَا أَمْ نَحْنُ الْمُنْشِئُونَ
តើពួកអ្នកជាអ្នកបង្កើតដើមឈើ(ដែលអាចយកមកបង្កាត់)វាបាន ឬមួយក៏យើងជាអ្នកដែលបង្កើតវា?
نَحْنُ جَعَلْنَاهَا تَذْكِرَةً وَمَتَاعًا لِلْمُقْوِينَ
យើងបានបង្កើតវា(ភ្លើង)ជាការដាស់រំឭក និងជាប្រយោជន៍ដល់អ្នកដំណើរទាំងឡាយ។
فَسَبِّحْ بِاسْمِ رَبِّكَ الْعَظِيمِ
ដូច្នេះ ចូរអ្នក(ឱអ្នកនាំសារមូហាំម៉ាត់)លើកតម្កើងនូវព្រះនាមនៃព្រះជាម្ចាស់របស់អ្នកដ៏មហាធំធេងចុះ។
فَلَا أُقْسِمُ بِمَوَاقِعِ النُّجُومِ
(អល់ឡោះទ្រង់)ស្បថនឹងទីគោចររបស់ហ្វូងតារាទាំងឡាយ។
وَإِنَّهُ لَقَسَمٌ لَوْ تَعْلَمُونَ عَظِيمٌ
ហើយពិតប្រាកដណាស់ វាជាការស្បថដ៏ធំធេងមួយ ប្រសិនបើពួកអ្នកបានដឹង។
إِنَّهُ لَقُرْآنٌ كَرِيمٌ
ពិតប្រាកដណាស់ វាជាគម្ពីរគួរអានដ៏ឧត្តុង្គឧត្តម
فِي كِتَابٍ مَكْنُونٍ
ដែលត្រូវបានរក្សាទុកនៅក្នុងគម្ពីរកំណត់ត្រា(ឡាវហ៊ុលម៉ះហ៊្វូស)។
لَا يَمَسُّهُ إِلَّا الْمُطَهَّرُونَ
គ្មានអ្នកណាអាចប៉ះពាល់វាបានឡើយ លើកលែងតែអ្នកដែលស្អាតស្អំប៉ុណ្ណោះ។
تَنْزِيلٌ مِنْ رَبِّ الْعَالَمِينَ
ជាការបញ្ចុះមកពីព្រះជាម្ចាស់នៃពិភពទាំងឡាយ ។
أَفَبِهَٰذَا الْحَدِيثِ أَنْتُمْ مُدْهِنُونَ
តើពួកអ្នក(ឱពួកមុស្ហរីគីន)បដិសេធនឹងគម្ពីរគួរអាននេះ
وَتَجْعَلُونَ رِزْقَكُمْ أَنَّكُمْ تُكَذِّبُونَ
ហើយពួកអ្នកចាត់ទុក(ការដឹងគុណ)លាភសក្ការៈរបស់ពួកអ្នកដោយពួកអ្នកប្រឆាំងបែបនេះឬ?
فَلَوْلَا إِذَا بَلَغَتِ الْحُلْقُومَ
ដូច្នេះ ហេតុអ្វីបានជានៅពេលដែល(ព្រលឹង)បានទៅដល់បំពង់ក
وَأَنْتُمْ حِينَئِذٍ تَنْظُرُونَ
ខណៈដែលពេលនោះ ពួកអ្នកកំពុងតែសម្លឹងមើល(អ្នកជិតស្លាប់)
وَنَحْنُ أَقْرَبُ إِلَيْهِ مِنْكُمْ وَلَٰكِنْ لَا تُبْصِرُونَ
ហើយយើង គឺនៅជិតរូបគេជាងពួកអ្នកទៅទៀត ប៉ុន្តែពួកអ្នកមិនបានឃើញនោះឡើយ
فَلَوْلَا إِنْ كُنْتُمْ غَيْرَ مَدِينِينَ
ដូច្នេះ តើពួកអ្នកមានសមត្ថភាពដែរឬទេ ប្រសិនបើពួកអ្នកមិនត្រូវបានគេជំនុំជម្រះទេនោះ
تَرْجِعُونَهَا إِنْ كُنْتُمْ صَادِقِينَ
ចូរពួកអ្នកឱ្យព្រលឹងនោះត្រលប់មកវិញមក ប្រសិនបើពួកអ្នកជាអ្នកទៀងត្រង់មែននោះ។
فَأَمَّا إِنْ كَانَ مِنَ الْمُقَرَّبِينَ
រីឯប្រសិនបើរូបគេស្ថិតក្នុងចំណោមអ្នកដែលមានឋានៈជិត(ចំពោះអល់ឡោះ)
فَرَوْحٌ وَرَيْحَانٌ وَجَنَّتُ نَعِيمٍ
គេនឹងទទួលបានក្តីមេត្តាករុណា និងភាពរីករាយ ហើយនិងឋានសួគ៌ណាអ៊ីម។
وَأَمَّا إِنْ كَانَ مِنْ أَصْحَابِ الْيَمِينِ
រីឯប្រសិនបើរូបគេស្ថិតក្នុងចំណោមក្រុមខាងស្តាំវិញ
فَسَلَامٌ لَكَ مِنْ أَصْحَابِ الْيَمِينِ
(មានគេនិយាយទៅកាន់រូបគេថា៖) សូមសន្តិភាពកើតមានដល់អ្នកដោយបានស្ថិតក្នុងចំណោមក្រុមខាងស្តាំ។
وَأَمَّا إِنْ كَانَ مِنَ الْمُكَذِّبِينَ الضَّالِّينَ
ចំណែកឯប្រសិនបើរូបគេស្ថិតក្នុងចំណោមពួកបដិសេធដែលវង្វេងវិញនោះ
فَنُزُلٌ مِنْ حَمِيمٍ
ពិតណាស់ គេត្រៀមទទួលរូបគេដោយទឹកដ៏សែនក្តៅបំផុត
وَتَصْلِيَةُ جَحِيمٍ
ហើយនិងត្រូវបានគេដុតដោយភ្លើងនរកជើហ៊ីម។
إِنَّ هَٰذَا لَهُوَ حَقُّ الْيَقِينِ
ពិតប្រាកដណាស់ នេះគឺជាការពិតយ៉ាងជាក់ច្បាស់។
فَسَبِّحْ بِاسْمِ رَبِّكَ الْعَظِيمِ
ដូច្នេះ ចូរអ្នក(ឱអ្នកនាំសារមូហាំម៉ាត់)លើកតម្កើងនូវព្រះនាមនៃព្រះជាម្ចាស់របស់អ្នកដ៏មហាធំធេងចុះ។