وَالشَّمْسِ وَضُحَاهَا
Күн жана анын жарыгына ант!
The Sun · ash-Shams · سورة الشمس · 15 ayahs
بِسْمِ اللَّهِ الرَّحْمَٰنِ الرَّحِيمِ
Ырайымдуу, Мээримдүү Аллахтын аты менен (баштаймын).
وَالْقَمَرِ إِذَا تَلَاهَا
Анын (Күндүн) артынан келген Айга ант!
وَالنَّهَارِ إِذَا جَلَّاهَا
Жана караңгыны жарык кылган күндүзгө ант!
وَاللَّيْلِ إِذَا يَغْشَاهَا
Жана аны ороп кала турган түнгө ант!
وَالسَّمَاءِ وَمَا بَنَاهَا
Асманга жана аны (бекем) курганга ант!
وَالْأَرْضِ وَمَا طَحَاهَا
Жерге жана аны жайганга ант!
وَنَفْسٍ وَمَا سَوَّاهَا
Напсиге жана аны (түз жол үстүндө) жаратканга ант!
فَأَلْهَمَهَا فُجُورَهَا وَتَقْوَاهَا
Ал (Аллах) анын (напсинин) бузукулугуна да, такыбалыгына да илхам берип койду.
قَدْ أَفْلَحَ مَنْ زَكَّاهَا
Эми, кимде-ким аны (бузук кулк-мүнөздөн) тазалаган болсо жеңишке (бейишке) жетет.
وَقَدْ خَابَ مَنْ دَسَّاهَا
Кимде-ким аны (напсини күнөө менен) тебелеп-кордогон болсо, (бейиштен) үмүтсүз калат.
كَذَّبَتْ ثَمُودُ بِطَغْوَاهَا
Самуд (коому) өзүнүн чектен чыгуусу менен (пайгамбары Салихти) жалганчыга чыгарды.
إِذِ انْبَعَثَ أَشْقَاهَا
Бир кезде анын эң бактысыз адамы (пайгамбарга берилген моожиза-төөнү союш үчүн) козголду.
فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا
Аларга Аллахтын элчиси “Аллахтын төөсүнө (жамандык кылуудан) жана анын суу ичүүсүнө (тоскоол болуудан абайлагыла. Эгер баш ийбесеңер, силерге Аллахтын азабы келет!”) деди.
فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا
Аны “жалганчы” дешти жана (төөнү) союп салышты. Натыйжада (ушул) күнөөлөрү себептүү Раббиси аларды ойрон кылды жана аны (азапты бардыгына) тең кылды!
وَلَا يَخَافُ عُقْبَاهَا
Ал (Аллах таала) бул иштин акыбетинен коркпойт.