وَالضُّحَىٰ
Шашке маалына ант!
Morning Light · adh-Duha · سورة الضحى · 11 ayahs
بِسْمِ اللَّهِ الرَّحْمَٰنِ الرَّحِيمِ
Ырайымдуу, Мээримдүү Аллахтын аты менен (баштаймын).
وَاللَّيْلِ إِذَا سَجَىٰ
Тынч – караңгы түнгө ант!
مَا وَدَّعَكَ رَبُّكَ وَمَا قَلَىٰ
(Оо, Мухаммад!) Раббиң сени таштаган жок жана (сага) ачууланган жок.
وَلَلْآخِرَةُ خَيْرٌ لَكَ مِنَ الْأُولَىٰ
Сен үчүн Акырет (жашоосу) абалкысынан (дүйнө жашоосунан) жакшыраак.
وَلَسَوْفَ يُعْطِيكَ رَبُّكَ فَتَرْضَىٰ
Раббиң сага жакында (сыйлыктарын) берет. Анан сен ыраазы болосуң.
أَلَمْ يَجِدْكَ يَتِيمًا فَآوَىٰ
Ал (Аллах) сени жетим абалда таап, андан кийин башпаанек бербеди беле?
وَوَجَدَكَ ضَالًّا فَهَدَىٰ
Жана (Аллах) сени адашкан абалда таап, андан кийин Туура Жол көргөздү го!
وَوَجَدَكَ عَائِلًا فَأَغْنَىٰ
Жана (Раббиң) сени кембагал абалда таап, андан кийин бай кылды.
فَأَمَّا الْيَتِيمَ فَلَا تَقْهَرْ
Эми, сен жетимге каарыңды төкпө.
وَأَمَّا السَّائِلَ فَلَا تَنْهَرْ
Жана сураган адамга орой мамиле кылба.
وَأَمَّا بِنِعْمَةِ رَبِّكَ فَحَدِّثْ
Эми, сен Раббиңдин нээматтары жөнүндө сүйлө.