الر ۚ تِلْكَ آيَاتُ الْكِتَابِ الْحَكِيمِ
Alif-Laam-Ra (su Allah i mataw kanu ma'ana nin), nya ba i ayatan nu kitab a na-atul sa mapya.
القرآن الكريمRowwad Translation Center
بِسْمِ اللَّهِ الرَّحْمَٰنِ الرَّحِيمِ
Ebpunan ku matya su ingalan nu Allahu Taala a malimu (sa dunya) a sangat i kalimu nin (sa gay a mawli).
الر ۚ تِلْكَ آيَاتُ الْكِتَابِ الْحَكِيمِ
Alif-Laam-Ra (su Allah i mataw kanu ma'ana nin), nya ba i ayatan nu kitab a na-atul sa mapya.
أَكَانَ لِلنَّاسِ عَجَبًا أَنْ أَوْحَيْنَا إِلَىٰ رَجُلٍ مِنْهُمْ أَنْ أَنْذِرِ النَّاسَ وَبَشِّرِ الَّذِينَ آمَنُوا أَنَّ لَهُمْ قَدَمَ صِدْقٍ عِنْدَ رَبِّهِمْ ۗ قَالَ الْكَافِرُونَ إِنَّ هَٰذَا لَسَاحِرٌ مُبِينٌ
Ngintu ka magayp su manga taw sa ini-wahi nami kanu mama (Muhammad) ebpun bun kanilan sa panginggilek ka su manga taw sa naraka, endu pakalilini ka su manga mu'min sa aden kanilan i balas a mapya lu sa kadenan nilan, pidtalu nu manga kafir: dala san i benal kani (Muhammad) ugayd na sih'r a mapayag.
إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۖ يُدَبِّرُ الْأَمْرَ ۖ مَا مِنْ شَفِيعٍ إِلَّا مِنْ بَعْدِ إِذْنِهِ ۚ ذَٰلِكُمُ اللَّهُ رَبُّكُمْ فَاعْبُدُوهُ ۚ أَفَلَا تَذَكَّرُونَ
Saben-sabenal a Kadenan nu su Allah a sekanin i minaluy kanu manga langit endu lupa sa naka-nem gay bu, mawli na lu migkahanda kanu Arsh, sekanin i pedtuldu kanu pakaragyan, dala makasafaat ya tabiya na ulyan na kasugut nin, entuba su Allah a Kadenan nu, na simba nu, ngintu ka di kanu ma-indaw.
إِلَيْهِ مَرْجِعُكُمْ جَمِيعًا ۖ وَعْدَ اللَّهِ حَقًّا ۚ إِنَّهُ يَبْدَأُ الْخَلْقَ ثُمَّ يُعِيدُهُ لِيَجْزِيَ الَّذِينَ آمَنُوا وَعَمِلُوا الصَّالِحَاتِ بِالْقِسْطِ ۚ وَالَّذِينَ كَفَرُوا لَهُمْ شَرَابٌ مِنْ حَمِيمٍ وَعَذَابٌ أَلِيمٌ بِمَا كَانُوا يَكْفُرُونَ
Lu sa lekanin (Allah) i kaulyan nu tanan, pasad nu ku Allah na benal, ka sekanin i mimatay kanu binaluy nin, mawli na pauliten nin, ka endu nin kabalasan su manga mu'min a minggalebek sa manga mapya sa bantang, endu su manga kafir na kanilan i baginumen a sangat i kayaw nin endu siksa a sangat i kasakit nin sabap kanu kinag-kafir nilan.
هُوَ الَّذِي جَعَلَ الشَّمْسَ ضِيَاءً وَالْقَمَرَ نُورًا وَقَدَّرَهُ مَنَازِلَ لِتَعْلَمُوا عَدَدَ السِّنِينَ وَالْحِسَابَ ۚ مَا خَلَقَ اللَّهُ ذَٰلِكَ إِلَّا بِالْحَقِّ ۚ يُفَصِّلُ الْآيَاتِ لِقَوْمٍ يَعْلَمُونَ
Su (Allah) i minaluy kanu maliwanag u senang, endu su sigay nu ulan-ulan, endu inukul nin i al-qamara, bagukitan ka endu nu katawan su manga lagun endu su gay a kagkwinta, da kinabaluy kanu entuba, ya tabya na haqq, pedtinadtad nu Allah su manga ayatan nin kanu manga taw, ka endu nilan katawan (sabap kanu senang i katawan i gay, su ulan-ulan i katanud kanu lagun).
إِنَّ فِي اخْتِلَافِ اللَّيْلِ وَالنَّهَارِ وَمَا خَلَقَ اللَّهُ فِي السَّمَاوَاتِ وَالْأَرْضِ لَآيَاتٍ لِقَوْمٍ يَتَّقُونَ
Su kapedsukeliya nu magabi endu malamag, endu su binaluy nu Allah kanu manga langit endu su lupa na manga tanda a kapeg-kagaga nu Allah kanu manga taw, ka endu silan kagilekan.
إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا وَالَّذِينَ هُمْ عَنْ آيَاتِنَا غَافِلُونَ
Su manga taw a dala sa ginawa nilan i mabaratemu kami nin (Allah) endu nasuwat sa kauyag sa dunya endu midtakena i ginawa nilan sa dunya, endu silan na diniyang-diyang nilan su ayatan nami.
أُولَٰئِكَ مَأْوَاهُمُ النَّارُ بِمَا كَانُوا يَكْسِبُونَ
Entuba a manga taw na ya nilan kadtakenan na su apuy, sabap kanu manga penggalebeken nilan siya sa dunya (a ka-kafir).
إِنَّ الَّذِينَ آمَنُوا وَعَمِلُوا الصَّالِحَاتِ يَهْدِيهِمْ رَبُّهُمْ بِإِيمَانِهِمْ ۖ تَجْرِي مِنْ تَحْتِهِمُ الْأَنْهَارُ فِي جَنَّاتِ النَّعِيمِ
Saben-sabenal su manga mu'min endu su minggalebek sa manga mapya na tutulun nu Kadenan nilan silan sabap kanu iman kanu atay nilan, (aden surga nilan) a belagilay sa kababan nilan i manga pulangi lu sa surga a na’eem.
دَعْوَاهُمْ فِيهَا سُبْحَانَكَ اللَّهُمَّ وَتَحِيَّتُهُمْ فِيهَا سَلَامٌ ۚ وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ
Ya nilan edtalun u aden kyugan nilan na subhaanaka Allahumma, endu pedsasalamay silan endu ya mawli a kadtalu nilan na alhamdulillahi rabbil alameen.
وَلَوْ يُعَجِّلُ اللَّهُ لِلنَّاسِ الشَّرَّ اسْتِعْجَالَهُمْ بِالْخَيْرِ لَقُضِيَ إِلَيْهِمْ أَجَلُهُمْ ۖ فَنَذَرُ الَّذِينَ لَا يَرْجُونَ لِقَاءَنَا فِي طُغْيَانِهِمْ يَعْمَهُونَ
U mana bu ka idtagad (pamagayasan) nu Allah kanu manusya su mawag sa mana su kadtagad nilan sa mapya na mawma nilan i ajal nilan, na pasagadan tanu su manga taw a dala kanilan i ka-adap nilan sa laki, (sabap) kanu pakasagad a galebek nilan na anteng-anteng silan.
وَإِذَا مَسَّ الْإِنْسَانَ الضُّرُّ دَعَانَا لِجَنْبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَنْ لَمْ يَدْعُنَا إِلَىٰ ضُرٍّ مَسَّهُ ۚ كَذَٰلِكَ زُيِّنَ لِلْمُسْرِفِينَ مَا كَانُوا يَعْمَلُونَ
Amayka nauma na makagkayd su manusya na nangeni sa lekami sa pedtakilid atawa bagayan atawa pedtindeg, na guna iyawa sa lekanin su mawag (penggedamen) na mana bun dala pangeni sa lekami kanu nagedam nin a mapasang (sinemupak bun), mamba i kinabpalas kanu manga darwaka kanu penggalebeken nilan.
وَلَقَدْ أَهْلَكْنَا الْقُرُونَ مِنْ قَبْلِكُمْ لَمَّا ظَلَمُوا ۙ وَجَاءَتْهُمْ رُسُلُهُمْ بِالْبَيِّنَاتِ وَمَا كَانُوا لِيُؤْمِنُوا ۚ كَذَٰلِكَ نَجْزِي الْقَوْمَ الْمُجْرِمِينَ
Endu saben-sabenal a bininasa nami su manga taw a nangawna sa lekanu, guna silan peg-kafir, endu nakawma kanilan su manga sinugu sa manga mapayag, endu dala kanilan i mangimbenal silan, mamba i kabalas nami kanu manga taw a manga baradusa.
ثُمَّ جَعَلْنَاكُمْ خَلَائِفَ فِي الْأَرْضِ مِنْ بَعْدِهِمْ لِنَنْظُرَ كَيْفَ تَعْمَلُونَ
Mawli na binaluy nami sekanu a namakasukeli kanu siya sa lupa sa ulyan nilan, ka endu nami kailay u panun i manga galebek nu.
وَإِذَا تُتْلَىٰ عَلَيْهِمْ آيَاتُنَا بَيِّنَاتٍ ۙ قَالَ الَّذِينَ لَا يَرْجُونَ لِقَاءَنَا ائْتِ بِقُرْآنٍ غَيْرِ هَٰذَا أَوْ بَدِّلْهُ ۚ قُلْ مَا يَكُونُ لِي أَنْ أُبَدِّلَهُ مِنْ تِلْقَاءِ نَفْسِي ۖ إِنْ أَتَّبِعُ إِلَّا مَا يُوحَىٰ إِلَيَّ ۖ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ
Endu amayka batyan kanilan su manga ayatan nami a manga mapayag na ya pidtalu nu manga taw a di gatagu sa ginawa nilan i gay a mawli: na enggay ka sa Qur’an sa namba atawa ka sambi ka, edtalu ka (Muhammad): da sa laki i kasambi ku lun sa kyug ku ka da bagunutan ku ya tabiya na ibpe-wahi sa laki, kagilekan aku, amayka supaken ku su Kadenan ku, sa siksa kanu gay a masla.
قُلْ لَوْ شَاءَ اللَّهُ مَا تَلَوْتُهُ عَلَيْكُمْ وَلَا أَدْرَاكُمْ بِهِ ۖ فَقَدْ لَبِثْتُ فِيكُمْ عُمُرًا مِنْ قَبْلِهِ ۚ أَفَلَا تَعْقِلُونَ
Edtalu ka (Muhammad): u kena bu kahanda nu Allah na di ku mabatya sa lekanu endu di ku katawan, ka nawget aku sa lekanu sa da pan makatulun sa laki, na ngintu ka di nu gapamikir?
فَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا أَوْ كَذَّبَ بِآيَاتِهِ ۚ إِنَّهُ لَا يُفْلِحُ الْمُجْرِمُونَ
Da nakasagad i kadupangin kanu edtetebu sa Allah sa kalbut, atawa pinandalbut nin su manga ayatan nin, na di a benal makauntung su baradusa.
وَيَعْبُدُونَ مِنْ دُونِ اللَّهِ مَا لَا يَضُرُّهُمْ وَلَا يَنْفَعُهُمْ وَيَقُولُونَ هَٰؤُلَاءِ شُفَعَاؤُنَا عِنْدَ اللَّهِ ۚ قُلْ أَتُنَبِّئُونَ اللَّهَ بِمَا لَا يَعْلَمُ فِي السَّمَاوَاتِ وَلَا فِي الْأَرْضِ ۚ سُبْحَانَهُ وَتَعَالَىٰ عَمَّا يُشْرِكُونَ
Endu pedsimban nilan i salakaw sa Allah a di makambarapantag kanilan a di bun makagkayd, endu pedtalun nilan intuba i suma-faat kanilan (makad-tabang) lu sa Allah, edtalu ka (Muhammad): ngintu ka panudtulen nu sa Allah i di nin katawan kanu dalem na manga langit endu lupa? Mahasuti sekanin a Allah kanu langun nu ipedsakutu nilan.
وَمَا كَانَ النَّاسُ إِلَّا أُمَّةً وَاحِدَةً فَاخْتَلَفُوا ۚ وَلَوْلَا كَلِمَةٌ سَبَقَتْ مِنْ رَبِّكَ لَقُضِيَ بَيْنَهُمْ فِيمَا فِيهِ يَخْتَلِفُونَ
Dala kanu manga taw (a nangauna) ya tabiya na isa bu i agama nilan (Islam) na mimbida-bida silan (sya kanu ulyan a gay) na u di kena bu napasad nu (Allah) i kukuman nin (sa di pan silan binasan) na napasad den silan sa mabinasa kanu di nilan bamagayunan.
وَيَقُولُونَ لَوْلَا أُنْزِلَ عَلَيْهِ آيَةٌ مِنْ رَبِّهِ ۖ فَقُلْ إِنَّمَا الْغَيْبُ لِلَّهِ فَانْتَظِرُوا إِنِّي مَعَكُمْ مِنَ الْمُنْتَظِرِينَ
Endu pedtalun nilan: namba ka nakatulun i ayat (sa mailay nami) ebpun sa Kadenan nin, na edtalu ka (Muhammad): kanu Allah su gayb, na angapa kanu den mun, ka saki na kuyug kanu bagangapa (kanu kakukum nu Allah).
وَإِذَا أَذَقْنَا النَّاسَ رَحْمَةً مِنْ بَعْدِ ضَرَّاءَ مَسَّتْهُمْ إِذَا لَهُمْ مَكْرٌ فِي آيَاتِنَا ۚ قُلِ اللَّهُ أَسْرَعُ مَكْرًا ۚ إِنَّ رُسُلَنَا يَكْتُبُونَ مَا تَمْكُرُونَ
Endu amayka pinananam su manusya sa limu sa ulyan a mapasang a natala nilan na aden menem ipamakayd nilan kanu manga ayatan nami, edtalu ka (Muhammad): su Allah na mangagan i kapakaydin, na su manga sinugu nami (a malaikat) i pedsulat kanu kapagakal nu manusya.
هُوَ الَّذِي يُسَيِّرُكُمْ فِي الْبَرِّ وَالْبَحْرِ ۖ حَتَّىٰ إِذَا كُنْتُمْ فِي الْفُلْكِ وَجَرَيْنَ بِهِمْ بِرِيحٍ طَيِّبَةٍ وَفَرِحُوا بِهَا جَاءَتْهَا رِيحٌ عَاصِفٌ وَجَاءَهُمُ الْمَوْجُ مِنْ كُلِّ مَكَانٍ وَظَنُّوا أَنَّهُمْ أُحِيطَ بِهِمْ ۙ دَعَوُا اللَّهَ مُخْلِصِينَ لَهُ الدِّينَ لَئِنْ أَنْجَيْتَنَا مِنْ هَٰذِهِ لَنَكُونَنَّ مِنَ الشَّاكِرِينَ
Sekanin i pabpagiseg sa lekanu siya sa kapuluwan endu lagat, taman sa amayka siya kanu sa bagedan sa lagat, na inipalalaguy kanu nin sa sambel a mapya, endu nalilini silan, (amayka) nasugat menem silan a sambel a mapasang endu bagel a nakabalibet kanilan endu na-antap nilan i langkap den su bagel, na mangeni silan sa Allah sa ikhlas: amayka linepas kami nengka sya ba Kadenan nami na edsukur kami a benal.
فَلَمَّا أَنْجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ ۗ يَا أَيُّهَا النَّاسُ إِنَّمَا بَغْيُكُمْ عَلَىٰ أَنْفُسِكُمْ ۖ مَتَاعَ الْحَيَاةِ الدُّنْيَا ۖ ثُمَّ إِلَيْنَا مَرْجِعُكُمْ فَنُنَبِّئُكُمْ بِمَا كُنْتُمْ تَعْمَلُونَ
Guna nin pinalepas silan, kena ka mindupang silan siya sa lupa, sekanu a manga taw a pendupang na su kadupang nu na baguli sa ginawa nu, na kabpaguyag na paydu siya sa dunya, mawli na siya kanu bun tanan makambalingan sa lekami, na inggay nami sa lekanu su lalaw nu galebek nu.
إِنَّمَا مَثَلُ الْحَيَاةِ الدُّنْيَا كَمَاءٍ أَنْزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ مِمَّا يَأْكُلُ النَّاسُ وَالْأَنْعَامُ حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَنْ لَمْ تَغْنَ بِالْأَمْسِ ۚ كَذَٰلِكَ نُفَصِّلُ الْآيَاتِ لِقَوْمٍ يَتَفَكَّرُونَ
Ya upaman a kauyag sa dunya na mana bun su ulan, initulun nami ebpun sa langit a midsimbul kanu bamangetu siya sa lupa, ebpun kanu pegken nu manga manusya endu binatang, taman sa midsubing kanu liyawaw nu lupa su embalangan (a manga mapya) endu migkapiya i palasin, endu natagu sa ginawa nu namula i maganden bagaganin, ngimpan ka binaluy nami a nakuku-nalupet sa magabi atawa malamag, sa mana bun su dala bun makam-buat kagay, mamba i kapedtinatad nami kanu manga tanda nami kanu manga taw, ka endu silan makapamikir.
وَاللَّهُ يَدْعُو إِلَىٰ دَارِ السَّلَامِ وَيَهْدِي مَنْ يَشَاءُ إِلَىٰ صِرَاطٍ مُسْتَقِيمٍ
Su Allah i bagenggat lu sa dalpa a suti (surga) pedtutulunin su kahanda nin sa lalan a matidtu.
لِلَّذِينَ أَحْسَنُوا الْحُسْنَىٰ وَزِيَادَةٌ ۖ وَلَا يَرْهَقُ وُجُوهَهُمْ قَتَرٌ وَلَا ذِلَّةٌ ۚ أُولَٰئِكَ أَصْحَابُ الْجَنَّةِ ۖ هُمْ فِيهَا خَالِدُونَ
Aden kanu manga taw a mapya i surga endu umanan pamun silan sa (mapya) endu dala kanu biyas nilan i kagkaytem endu kalusak, silan i manga taw sa surga a dala den kalyu nilan.
وَالَّذِينَ كَسَبُوا السَّيِّئَاتِ جَزَاءُ سَيِّئَةٍ بِمِثْلِهَا وَتَرْهَقُهُمْ ذِلَّةٌ ۖ مَا لَهُمْ مِنَ اللَّهِ مِنْ عَاصِمٍ ۖ كَأَنَّمَا أُغْشِيَتْ وُجُوهُهُمْ قِطَعًا مِنَ اللَّيْلِ مُظْلِمًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ
Su manga taw menem a minggalebek sa mawag na ya balas a mawag a satiman na satiman bun, endu maitem i beneng nilan a nakalusak, endu dala kanilan i parihala a makebpun sa Allah, su manga beneng nilan na sangat i kaytem nin kalibuteng nin, silan i manga taw sa naraka a dala kalyu nilan sa apuy a siksa.
وَيَوْمَ نَحْشُرُهُمْ جَمِيعًا ثُمَّ نَقُولُ لِلَّذِينَ أَشْرَكُوا مَكَانَكُمْ أَنْتُمْ وَشُرَكَاؤُكُمْ ۚ فَزَيَّلْنَا بَيْنَهُمْ ۖ وَقَالَ شُرَكَاؤُهُمْ مَا كُنْتُمْ إِيَّانَا تَعْبُدُونَ
Endu su gay a buligen nami silan tanan na entu pan ka edtalun nami kanu manga mushrik: san kanu den mun pamba endu su manga barahala nu, na pabpayagan nami su barahala endu su sinumimba lun, edtalu nu manga barahala: di kena sekami i pedsimban nu!
فَكَفَىٰ بِاللَّهِ شَهِيدًا بَيْنَنَا وَبَيْنَكُمْ إِنْ كُنَّا عَنْ عِبَادَتِكُمْ لَغَافِلِينَ
Su Allah i saksi tanu sa pageletan nami endu pageletan nu, ka dala sabut nami sa kinasimba nu sa lekami.
هُنَالِكَ تَبْلُو كُلُّ نَفْسٍ مَا أَسْلَفَتْ ۚ وَرُدُّوا إِلَى اللَّهِ مَوْلَاهُمُ الْحَقِّ ۖ وَضَلَّ عَنْهُمْ مَا كَانُوا يَفْتَرُونَ
Luba a gay na batalun su uman isa kanu nauna den a galebek nin, endu lu den silan sa Allah a tumuganul kanilan a haqq, endu natadingan nilan su ipedtebu nilan a manga barahala.
قُلْ مَنْ يَرْزُقُكُمْ مِنَ السَّمَاءِ وَالْأَرْضِ أَمَّنْ يَمْلِكُ السَّمْعَ وَالْأَبْصَارَ وَمَنْ يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَمَنْ يُدَبِّرُ الْأَمْرَ ۚ فَسَيَقُولُونَ اللَّهُ ۚ فَقُلْ أَفَلَا تَتَّقُونَ
Idsan nengka u entayn i pe-rizki sa lekanu ebpun sa langit endu lupa atawa entayn i pakamilik sa kakineg endu kailay, endu entayn i pabpelyu sa bibiyag ebpun sa minatay endu pabpelyu sa minatay ebpun sa bibyag, endu entayn i pedtanding sa kanu manggula? Na ya nilan madtalu: su Allah, na edtalu ka kanilan: ngintu ka di nu ipegkagilek?
فَذَٰلِكُمُ اللَّهُ رَبُّكُمُ الْحَقُّ ۖ فَمَاذَا بَعْدَ الْحَقِّ إِلَّا الضَّلَالُ ۖ فَأَنَّىٰ تُصْرَفُونَ
Entuba su Allah a Kadenan a haqq, na da mawli sa haqq a di kena katadingan. Na ngintu ka salakaw pan i pedsimban nu?
كَذَٰلِكَ حَقَّتْ كَلِمَتُ رَبِّكَ عَلَى الَّذِينَ فَسَقُوا أَنَّهُمْ لَا يُؤْمِنُونَ
Mamba i sabapin i nawagib su siksa kanu manga taw a linumyu kanu agama, silan a di bangimbenal.
قُلْ هَلْ مِنْ شُرَكَائِكُمْ مَنْ يَبْدَأُ الْخَلْقَ ثُمَّ يُعِيدُهُ ۚ قُلِ اللَّهُ يَبْدَأُ الْخَلْقَ ثُمَّ يُعِيدُهُ ۖ فَأَنَّىٰ تُؤْفَكُونَ
Idsan engka (Muhammad): ngintu aden kanu barahala nu i madala nin su binaluy mawli na imbalingan nin? Edtalu ka: su Allah i pendala kanu binaluy mawli na pauliten nin, na ngintu ka edtetebu kanu?
قُلْ هَلْ مِنْ شُرَكَائِكُمْ مَنْ يَهْدِي إِلَى الْحَقِّ ۚ قُلِ اللَّهُ يَهْدِي لِلْحَقِّ ۗ أَفَمَنْ يَهْدِي إِلَى الْحَقِّ أَحَقُّ أَنْ يُتَّبَعَ أَمَّنْ لَا يَهِدِّي إِلَّا أَنْ يُهْدَىٰ ۖ فَمَا لَكُمْ كَيْفَ تَحْكُمُونَ
Edtalu ka (Muhammad): ngintu aden kanu barahala nu i makatutulu sa haqq? Edtalu ka: su Allah i pedtutulu kanu haqq, na ngintu su pedtutulu sa haqq i wagib a unutan atawa ka su di pakatutulu ya tabiya na tutulun pan, ngin i bedtuwan sa lekanu? (panun antu) i kapangukum nu?
وَمَا يَتَّبِعُ أَكْثَرُهُمْ إِلَّا ظَنًّا ۚ إِنَّ الظَّنَّ لَا يُغْنِي مِنَ الْحَقِّ شَيْئًا ۚ إِنَّ اللَّهَ عَلِيمٌ بِمَا يَفْعَلُونَ
Endu da bagunutan nu kadakelan kanilan a (manga mushrik) ya tabiya na antapan, na su antapan na di makangguna sa haqq (bantang) sa apiya paydu, ka su Allah na katawan nin i langun na penggalebeken nilan.
وَمَا كَانَ هَٰذَا الْقُرْآنُ أَنْ يُفْتَرَىٰ مِنْ دُونِ اللَّهِ وَلَٰكِنْ تَصْدِيقَ الَّذِي بَيْنَ يَدَيْهِ وَتَفْصِيلَ الْكِتَابِ لَا رَيْبَ فِيهِ مِنْ رَبِّ الْعَالَمِينَ
Endu dala sa nan a Qur’an a mapulu i edtetebu sa salakaw ebpun sa Allah, ugayd na inibagel endu inipayagin su nanggula nu manga kitab a nawna, endu ipebpayagin su nan a kitab na dala kanduwa-duwa nin ebpun sa kadenan nu dunya.
أَمْ يَقُولُونَ افْتَرَاهُ ۖ قُلْ فَأْتُوا بِسُورَةٍ مِثْلِهِ وَادْعُوا مَنِ اسْتَطَعْتُمْ مِنْ دُونِ اللَّهِ إِنْ كُنْتُمْ صَادِقِينَ
Endu pedtalun nilan: inidtebu (ni Muhammad su Qur’an)? Edtalu ka kanilan: pambuwaten nilan i satiman a surah a pagidsan nin, endu tawag nu u magaga nu salakaw sa Allah a manga barahala nu amayka benal i pedtalun nu anan.
بَلْ كَذَّبُوا بِمَا لَمْ يُحِيطُوا بِعِلْمِهِ وَلَمَّا يَأْتِهِمْ تَأْوِيلُهُ ۚ كَذَٰلِكَ كَذَّبَ الَّذِينَ مِنْ قَبْلِهِمْ ۖ فَانْظُرْ كَيْفَ كَانَ عَاقِبَةُ الظَّالِمِينَ
Kena ka papendalbuten nilan su langun nu di nilan katawan, endu dala makawma i tutulu kanilan, na mamba i kinapandalbut nu manga taw a nangawna kanilan, ilay ka (Muhammad) u panun i ulyan a manggula nu manga dhaalimeen (nangatading).
وَمِنْهُمْ مَنْ يُؤْمِنُ بِهِ وَمِنْهُمْ مَنْ لَا يُؤْمِنُ بِهِ ۚ وَرَبُّكَ أَعْلَمُ بِالْمُفْسِدِينَ
Endu kaped kanilan i mangimbenal, endu su kaped menem kanilan i di mangimbenal, endu su Kadenan nengka bu i labi a mataw kanu pamakabinasa.
وَإِنْ كَذَّبُوكَ فَقُلْ لِي عَمَلِي وَلَكُمْ عَمَلُكُمْ ۖ أَنْتُمْ بَرِيئُونَ مِمَّا أَعْمَلُ وَأَنَا بَرِيءٌ مِمَّا تَعْمَلُونَ
Endu amayka pinandalbut ka nilan (Muhammad) na edtalu ka: laki i galebek ku na lekanu den i galebek nu, sekanu na lepas kanu sa kanu penggalebeken ku na saki na lepas aku bun kanu penggulan nu.
وَمِنْهُمْ مَنْ يَسْتَمِعُونَ إِلَيْكَ ۚ أَفَأَنْتَ تُسْمِعُ الصُّمَّ وَلَوْ كَانُوا لَا يَعْقِلُونَ
Endu aden bun kanilan i makakineg sa leka, na ngintu makapapakikineg nengka i bisu? Di nengka matutulu silan ka silan na dala ungangen nin.
وَمِنْهُمْ مَنْ يَنْظُرُ إِلَيْكَ ۚ أَفَأَنْتَ تَهْدِي الْعُمْيَ وَلَوْ كَانُوا لَا يُبْصِرُونَ
Su kaped kanilan i edtulik sa leka sa ungat bu na dala bun sa lekami matutulu nengka i pisek, kagina silan na di makailay silan sa masulen.
إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنْفُسَهُمْ يَظْلِمُونَ
Saben-sabenal su Allah na di nin dupangen su manga taw sa apiya paydu, ugayd na su manga taw bun i pendupang sa ginawa nilan.
وَيَوْمَ يَحْشُرُهُمْ كَأَنْ لَمْ يَلْبَثُوا إِلَّا سَاعَةً مِنَ النَّهَارِ يَتَعَارَفُونَ بَيْنَهُمْ ۚ قَدْ خَسِرَ الَّذِينَ كَذَّبُوا بِلِقَاءِ اللَّهِ وَمَا كَانُوا مُهْتَدِينَ
Endu su gay a limuden silan u Allah (lu sa gay a mawli) na mana bun saka waktu sa malamag (saka oras bu ikinagedam nilan) i kinatangen nilan sa kubur, sa makagkikilalaya silan, endu saben-sabenal a nalugi su napandalbut sa kabpagadap sa Allah (dala palityala sa aden gay a mawli) endu dala den silan matutulu.
وَإِمَّا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ فَإِلَيْنَا مَرْجِعُهُمْ ثُمَّ اللَّهُ شَهِيدٌ عَلَىٰ مَا يَفْعَلُونَ
Aden antu na ipailay nami sa leka (Muhammad) su kaped a siksa a ipedtatalanga kanilan, atawa imatayan nami bu seka, na siya bun sa lekami i kambalinganan nilan, mawli na su Allah i saksi kanu langun nu penggalebeken nilan.
وَلِكُلِّ أُمَّةٍ رَسُولٌ ۖ فَإِذَا جَاءَ رَسُولُهُمْ قُضِيَ بَيْنَهُمْ بِالْقِسْطِ وَهُمْ لَا يُظْلَمُونَ
Uman isa a ummat na aden rasul nin, na amayka nakawma su sinugu kanilan na kukumen silan sa bantang endu di silan madsalimbut.
وَيَقُولُونَ مَتَىٰ هَٰذَا الْوَعْدُ إِنْ كُنْتُمْ صَادِقِينَ
Endu pedtalun nilan: kanu i namba (gay a mawli) amayka benal i pedtalun nu banan?
قُلْ لَا أَمْلِكُ لِنَفْسِي ضَرًّا وَلَا نَفْعًا إِلَّا مَا شَاءَ اللَّهُ ۗ لِكُلِّ أُمَّةٍ أَجَلٌ ۚ إِذَا جَاءَ أَجَلُهُمْ فَلَا يَسْتَأْخِرُونَ سَاعَةً ۖ وَلَا يَسْتَقْدِمُونَ
Edtalu ka: di ku kamilikan i ginawa ku sa makagkayd endu makagkapiya ya tabya na kahanda nu Allah, uman isa na aden ajalin, amayka nawma silan u ajal nilan na di makasundul endu di maketeng.
قُلْ أَرَأَيْتُمْ إِنْ أَتَاكُمْ عَذَابُهُ بَيَاتًا أَوْ نَهَارًا مَاذَا يَسْتَعْجِلُ مِنْهُ الْمُجْرِمُونَ
Edtalu ka kanilan: u mawma kanu na siksa nu Allah sa magabi atawa malmag, na ngin pan i pedtagadan nu (pamagayasan nu) manga taw a baradusa?
أَثُمَّ إِذَا مَا وَقَعَ آمَنْتُمْ بِهِ ۚ آلْآنَ وَقَدْ كُنْتُمْ بِهِ تَسْتَعْجِلُونَ
Na ngintu upama ka nakabetad su siksa na mangimbenal kanu saguna? Inunta na pedtagadanu gayd.
ثُمَّ قِيلَ لِلَّذِينَ ظَلَمُوا ذُوقُوا عَذَابَ الْخُلْدِ هَلْ تُجْزَوْنَ إِلَّا بِمَا كُنْتُمْ تَكْسِبُونَ
Mawli na edtalun kanu manga kafir i nanami nu su siksa a dayun sa dayun ka dala ibalas sa lekanu ya tabiya na lalaw nu penggalebeken nu.
وَيَسْتَنْبِئُونَكَ أَحَقٌّ هُوَ ۖ قُلْ إِي وَرَبِّي إِنَّهُ لَحَقٌّ ۖ وَمَا أَنْتُمْ بِمُعْجِزِينَ
Endu bagidsan kanilan a benal u makambuwat su taw (lu sagay a mawli endu siksa) edtalu ka: benal, idsapa ku kanu Kadenan ku na benal a makambuwat sa ulyan a kapatay, endu di kanu makalipus.
وَلَوْ أَنَّ لِكُلِّ نَفْسٍ ظَلَمَتْ مَا فِي الْأَرْضِ لَافْتَدَتْ بِهِ ۗ وَأَسَرُّوا النَّدَامَةَ لَمَّا رَأَوُا الْعَذَابَ ۖ وَقُضِيَ بَيْنَهُمْ بِالْقِسْطِ ۚ وَهُمْ لَا يُظْلَمُونَ
U mana bu ka su kafir ka lekanin bu su lupa sa ipangawnin sa ginawa nin, endu inisulen nilan su kinadsendit, guna nilan mailay su siksa a mapasang endu kinukum silan sa bantang, endu silan na di silan madsalimbut.
أَلَا إِنَّ لِلَّهِ مَا فِي السَّمَاوَاتِ وَالْأَرْضِ ۗ أَلَا إِنَّ وَعْدَ اللَّهِ حَقٌّ وَلَٰكِنَّ أَكْثَرَهُمْ لَا يَعْلَمُونَ
Saben-sabenal a kanu Allah su pitu lapis a langit endu su lupa, saben-sabenal kanu pasad nu Allah na haqq, ugayd na ya madakel kanilan i di nilan katawan.
هُوَ يُحْيِي وَيُمِيتُ وَإِلَيْهِ تُرْجَعُونَ
Sekanin i banguyag-bangimatay, endu sekanin i gauliyan.
يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ
Sekanu a manga taw nakawma sa lekanu su indawan ebpun sa kanu Kadenan nu, endu gamut kanu dalem nu manga laleb nu, endu tutulu endu limu kanu manga mu'min.
قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِمَّا يَجْمَعُونَ
Edtalu ka i sabap kanu kalbihan nu Allah endu su limu nin na egkakalilini silan (sya sa islam endu kanu Qur’an) ka ya mapya kanu belimuden nilan (kakawasan) sya sa dunya.
قُلْ أَرَأَيْتُمْ مَا أَنْزَلَ اللَّهُ لَكُمْ مِنْ رِزْقٍ فَجَعَلْتُمْ مِنْهُ حَرَامًا وَحَلَالًا قُلْ آللَّهُ أَذِنَ لَكُمْ ۖ أَمْ عَلَى اللَّهِ تَفْتَرُونَ
Edtalu ka (Muhammad): su initulun nu Allah sa lekanu a rizki a binaluy nu su kaped na haram su kaped na halal, edtalu ka: ngintu inisugut nu Kadenan nu atawa ka pedtetebuwan nu sa namba a kukuman nu?
وَمَا ظَنُّ الَّذِينَ يَفْتَرُونَ عَلَى اللَّهِ الْكَذِبَ يَوْمَ الْقِيَامَةِ ۗ إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَهُمْ لَا يَشْكُرُونَ
Dala kanu antapan nu a ipedtebu sa Allah a kalebut (di ebplis na masiksa silan) sa gay a mawli ka su Allah i kigkuwan sa kalbihan kanu manga taw, ugayd na ya madakel kanilan na di masukur.
وَمَا تَكُونُ فِي شَأْنٍ وَمَا تَتْلُو مِنْهُ مِنْ قُرْآنٍ وَلَا تَعْمَلُونَ مِنْ عَمَلٍ إِلَّا كُنَّا عَلَيْكُمْ شُهُودًا إِذْ تُفِيضُونَ فِيهِ ۚ وَمَا يَعْزُبُ عَنْ رَبِّكَ مِنْ مِثْقَالِ ذَرَّةٍ فِي الْأَرْضِ وَلَا فِي السَّمَاءِ وَلَا أَصْغَرَ مِنْ ذَٰلِكَ وَلَا أَكْبَرَ إِلَّا فِي كِتَابٍ مُبِينٍ
Endu dala ula-ula a manawt-matiwalu endu dala pembatyan nengka sa Qur’an endu dala penggalebeken nu a galebek, a di kena nami pedsaksiyan sekanu, kanu kapegkuwa nu lun endu dala makapagena ebpun kanu Kadenan nengka a unga a manot den sa saka-manot siya sa lupa endu langit, endu dala manot pan sa entuba atawa masla pan, ya tabiya na lu sa kitab a mapayag (Lawh Al-Mahfudh).
أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ
Saben-sabenal kanu manga taw a masupeg sa Allah na dala gilek nilan, endu di malidu i ginawa nilan (sa batalu a pamakawma kanilan).
الَّذِينَ آمَنُوا وَكَانُوا يَتَّقُونَ
Silan su nangimbenal a nagilekan sa Allah a mapulu.
لَهُمُ الْبُشْرَىٰ فِي الْحَيَاةِ الدُّنْيَا وَفِي الْآخِرَةِ ۚ لَا تَبْدِيلَ لِكَلِمَاتِ اللَّهِ ۚ ذَٰلِكَ هُوَ الْفَوْزُ الْعَظِيمُ
Kanilan su lilini siya sa kabpaguyag sa dunya endu lu sa gay a mawli, di kasambiyan su kadtalu nu Allah, entuba i badtugan a masla.
وَلَا يَحْزُنْكَ قَوْلُهُمْ ۘ إِنَّ الْعِزَّةَ لِلَّهِ جَمِيعًا ۚ هُوَ السَّمِيعُ الْعَلِيمُ
Endu di ka lumidu i ginawa nengka sa kadtalu nilan ka su kapulu na kanu Allah langun, Sekanin i pakakineg a mataw.
أَلَا إِنَّ لِلَّهِ مَنْ فِي السَّمَاوَاتِ وَمَنْ فِي الْأَرْضِ ۗ وَمَا يَتَّبِعُ الَّذِينَ يَدْعُونَ مِنْ دُونِ اللَّهِ شُرَكَاءَ ۚ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ
Saben-sabenal a kanu Allah su dalem nu manga langit endu su lupa, endu dala bagunutan u (manga taw) a pedsimba sa salakaw sa Allah manga barahala, ya nilan bagunutan na antap, endu dala kanilan ya tabiya kabagumbal sa kalbut.
هُوَ الَّذِي جَعَلَ لَكُمُ اللَّيْلَ لِتَسْكُنُوا فِيهِ وَالنَّهَارَ مُبْصِرًا ۚ إِنَّ فِي ذَٰلِكَ لَآيَاتٍ لِقَوْمٍ يَسْمَعُونَ
Sekanin a (Allah) na binaluy nin sa lekanu su magabi a ipangintelen nu endu su malamag a ibpagilay nu, lu ba su manga tanda a Qudratu Allah kanu manga taw a pakakineg.
قَالُوا اتَّخَذَ اللَّهُ وَلَدًا ۗ سُبْحَانَهُ ۖ هُوَ الْغَنِيُّ ۖ لَهُ مَا فِي السَّمَاوَاتِ وَمَا فِي الْأَرْضِ ۚ إِنْ عِنْدَكُمْ مِنْ سُلْطَانٍ بِهَٰذَا ۚ أَتَقُولُونَ عَلَى اللَّهِ مَا لَا تَعْلَمُونَ
Pidtalu nilan (Nasrani): namaluy su Allah sa wata (aden kun wata nu Allah a mama) mahasuti Sekanin! Sekanin i kawasa, Lekanin i dalem nu manga langit endu lupa, dala tindeg nu sa namba a kadtalu nu, pedtalun nu sa Allah i di nu katawan.
قُلْ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ
Edtalu ka (Muhammad): su manga taw a pedtetebuan nilan su Allah sa kalbutan na di silan maka-untung.
مَتَاعٌ فِي الدُّنْيَا ثُمَّ إِلَيْنَا مَرْجِعُهُمْ ثُمَّ نُذِيقُهُمُ الْعَذَابَ الشَّدِيدَ بِمَا كَانُوا يَكْفُرُونَ
Kalangkapan bu (kagkakalilini nilan bu) siya sa dunya, mawli na siya sa Lekami bun silan makam-balingan, mawli na pananaman Nami kanilan i siksa a mapasang sabap kanu kapeg-kafir nilan.
وَاتْلُ عَلَيْهِمْ نَبَأَ نُوحٍ إِذْ قَالَ لِقَوْمِهِ يَا قَوْمِ إِنْ كَانَ كَبُرَ عَلَيْكُمْ مَقَامِي وَتَذْكِيرِي بِآيَاتِ اللَّهِ فَعَلَى اللَّهِ تَوَكَّلْتُ فَأَجْمِعُوا أَمْرَكُمْ وَشُرَكَاءَكُمْ ثُمَّ لَا يَكُنْ أَمْرُكُمْ عَلَيْكُمْ غُمَّةً ثُمَّ اقْضُوا إِلَيَّ وَلَا تُنْظِرُونِ
Endu gugud ka (Muhammad) su bandingan kani Nuh a pidtalu nin ku manga kawm nin: O kawm ku! U nabaluy a masala sa lekanu i gelal ku anya endu su kapamelabit ku kanu manga gugudan nu Allah, na kanu Allah bu i pedsalakanan ku, na pamelimud-limud nu den i penggulan nu endu su manga katumpu (su manga pamedsakutu), uliyan nin na di mabaluy su penggulan nu sa lapengin, entu pan ka pamedsangul aku nu sa dili aku nu pagenggay sa lugal.
فَإِنْ تَوَلَّيْتُمْ فَمَا سَأَلْتُكُمْ مِنْ أَجْرٍ ۖ إِنْ أَجْرِيَ إِلَّا عَلَى اللَّهِ ۖ وَأُمِرْتُ أَنْ أَكُونَ مِنَ الْمُسْلِمِينَ
Amayka di kanu tumalima (sa Islam) na di kena aku pegkuwa sa lekanu sa sukay ka dala sukay ku ya tabiya na lu sa Allah, endu sinugu aku sa makuyug aku kanu manga Muslim (sinumangkup sa Allah).
فَكَذَّبُوهُ فَنَجَّيْنَاهُ وَمَنْ مَعَهُ فِي الْفُلْكِ وَجَعَلْنَاهُمْ خَلَائِفَ وَأَغْرَقْنَا الَّذِينَ كَذَّبُوا بِآيَاتِنَا ۖ فَانْظُرْ كَيْفَ كَانَ عَاقِبَةُ الْمُنْذَرِينَ
Pinandalbut nilan (Nuh) na linepas nami sekanin endu su manga kapedin kanu bagedan (awang), endu binaluy nami i silan i mamakasambi, endu pinageled nami su napandalbut kanu manga ayatan nami, na edsuliman kanu panun i natamanan u manga kafir endu su manga mu'min.
ثُمَّ بَعَثْنَا مِنْ بَعْدِهِ رُسُلًا إِلَىٰ قَوْمِهِمْ فَجَاءُوهُمْ بِالْبَيِّنَاتِ فَمَا كَانُوا لِيُؤْمِنُوا بِمَا كَذَّبُوا بِهِ مِنْ قَبْلُ ۚ كَذَٰلِكَ نَطْبَعُ عَلَىٰ قُلُوبِ الْمُعْتَدِينَ
Mawli kani (Nuh) na pinambwat nami sa ulyan nilan i manga sinugu lu kanu manga taw nilan, nakawma silan sa manga mapayag a tanda, na dala bun kanilan i mangimbenal ka mana bun su kina-pandalbut u nangawna, mamba i katutup nami kanu manga atay nu manga taw a di mangimbenal.
ثُمَّ بَعَثْنَا مِنْ بَعْدِهِمْ مُوسَىٰ وَهَارُونَ إِلَىٰ فِرْعَوْنَ وَمَلَئِهِ بِآيَاتِنَا فَاسْتَكْبَرُوا وَكَانُوا قَوْمًا مُجْرِمِينَ
Mawli na pinambwat nami sa ulyan nilan si Musa endu si Harun lu kani Fir’awn endu su kangasaligan nin (nu Fir’awn), sa (aden) manga ayatan nami, na mimamasla silan, nabaluy silan a manga kawm a baladusa.
فَلَمَّا جَاءَهُمُ الْحَقُّ مِنْ عِنْدِنَا قَالُوا إِنَّ هَٰذَا لَسِحْرٌ مُبِينٌ
Guna silan mawma nu haqq ebpun sa lekami (Allah), na ya nilan pidtalu: nan su (Musa) na sih'r a mapayag (manga pakayd).
قَالَ مُوسَىٰ أَتَقُولُونَ لِلْحَقِّ لَمَّا جَاءَكُمْ ۖ أَسِحْرٌ هَٰذَا وَلَا يُفْلِحُ السَّاحِرُونَ
Tig nu Musa: enduken ka pedtalun kanu haqq, sa kinawma nin (haqq) sa lekanu, i sih'r inan? Endu di a benal makauntung su manga mategel sa sih'r.
قَالُوا أَجِئْتَنَا لِتَلْفِتَنَا عَمَّا وَجَدْنَا عَلَيْهِ آبَاءَنَا وَتَكُونَ لَكُمَا الْكِبْرِيَاءُ فِي الْأَرْضِ وَمَا نَحْنُ لَكُمَا بِمُؤْمِنِينَ
Tig nilan: kinawma nengka sa lekami na pabpagendan nengka su naparuli nami sa manga kalukesan nami ka endu nu makwa su kamamasla sya sa lupa? Endu dala sa lekami i pangimbenalen nami sekanu.
وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ
Tig nu Fir’awn pasya nu sa laki i langun a mategel sa sih'r.
فَلَمَّا جَاءَ السَّحَرَةُ قَالَ لَهُمْ مُوسَىٰ أَلْقُوا مَا أَنْتُمْ مُلْقُونَ
Guna makawma su manga mategel sa sih'r na pidtalu nu Musa kanilan: butawani nu i pembutawanan nu.
فَلَمَّا أَلْقَوْا قَالَ مُوسَىٰ مَا جِئْتُمْ بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ
Guna nilan pembutawani, tig nu Musa: langun a napananggit nu banan a manga sih'r na su Allah na batalen nin (binasan nin) ka su Allah na di nin tabangan i galebek nu a pakabinasa.
وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ
Endu tabang nu Allah su haqq kanu manga kadtalu nin, apiya di den kasuwatan u manga baradusa.
فَمَا آمَنَ لِمُوسَىٰ إِلَّا ذُرِّيَّةٌ مِنْ قَوْمِهِ عَلَىٰ خَوْفٍ مِنْ فِرْعَوْنَ وَمَلَئِهِمْ أَنْ يَفْتِنَهُمْ ۚ وَإِنَّ فِرْعَوْنَ لَعَالٍ فِي الْأَرْضِ وَإِنَّهُ لَمِنَ الْمُسْرِفِينَ
Na dala nangimbenal kanu Musa ya tabiya na manga mawli a taw nu kawm nin, sa gilek nilan kani Fir’awn endu su kangasaligan nin ka ma-fitnah silan (pakapasangan silan), saben-sabenal kani Fir’awn na mibpapulu sya kanu dalpa, endu sekanin i kyug kanu naminasa.
وَقَالَ مُوسَىٰ يَا قَوْمِ إِنْ كُنْتُمْ آمَنْتُمْ بِاللَّهِ فَعَلَيْهِ تَوَكَّلُوا إِنْ كُنْتُمْ مُسْلِمِينَ
Pidtalu nu Musa: hay sekanu a manga taw ku! Amayka nangimbenal kanu sa Allah na salig kanu sa lekanin amayka Muslim kanu.
فَقَالُوا عَلَى اللَّهِ تَوَكَّلْنَا رَبَّنَا لَا تَجْعَلْنَا فِتْنَةً لِلْقَوْمِ الظَّالِمِينَ
Tig nilan: sinumalig kami sa Allah, huu Kadenan nami! Di kami maluy a fitnah kanu manga dupang.
وَنَجِّنَا بِرَحْمَتِكَ مِنَ الْقَوْمِ الْكَافِرِينَ
Endu lepas kami, sabap kanu limu nengka, kanu manga taw a manga kafir.
وَأَوْحَيْنَا إِلَىٰ مُوسَىٰ وَأَخِيهِ أَنْ تَبَوَّآ لِقَوْمِكُمَا بِمِصْرَ بُيُوتًا وَاجْعَلُوا بُيُوتَكُمْ قِبْلَةً وَأَقِيمُوا الصَّلَاةَ ۗ وَبَشِّرِ الْمُؤْمِنِينَ
Endu ini-wahi nami kani Musa endu su suled nin sa umbali nu su manga kawm nu (manga sakup nu) lu sa Mis'r sa walay, a walay a sambayangan endu itindeg nu su sambayang, endu panudtul ka kanu manga Mu'min su makapya sa ginawa nilan.
وَقَالَ مُوسَىٰ رَبَّنَا إِنَّكَ آتَيْتَ فِرْعَوْنَ وَمَلَأَهُ زِينَةً وَأَمْوَالًا فِي الْحَيَاةِ الدُّنْيَا رَبَّنَا لِيُضِلُّوا عَنْ سَبِيلِكَ ۖ رَبَّنَا اطْمِسْ عَلَىٰ أَمْوَالِهِمْ وَاشْدُدْ عَلَىٰ قُلُوبِهِمْ فَلَا يُؤْمِنُوا حَتَّىٰ يَرَوُا الْعَذَابَ الْأَلِيمَ
Tig nu Musa: Kadenan nami inenggan nengka si Fir’awn endu su kangasaliganin sa manga kapalasan endu manga tamuk sya sa dunya, Kadenan nami ipedtading nilan sa kanu mga taw kanu agama nengka, huu Kadenan nami, punas ka i manga tamuk nilan, endu tutupi ka su manga atay nilan na di silan mangimbenal taman a di nilan mailay i siksa a sangat a mapasang.
قَالَ قَدْ أُجِيبَتْ دَعْوَتُكُمَا فَاسْتَقِيمَا وَلَا تَتَّبِعَانِّ سَبِيلَ الَّذِينَ لَا يَعْلَمُونَ
Tig nu Allah: saben-sabenal tinalima den i pangeni nu duwa, na edtidtu kanu endu da kanu munut sa lalan nu manga taw a di manga mataw.
وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا ۖ حَتَّىٰ إِذَا أَدْرَكَهُ الْغَرَقُ قَالَ آمَنْتُ أَنَّهُ لَا إِلَٰهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ
Pinabedtas nami su tupu nu Israel kanu lagat, na sineled silan nu Fir’awn endu su kadakel nin sa kadupangan endu kapedtibaba, taman sa nagaws na kinageled, pidtalu nin (Fir’aun): nangimbenal aku sa da kadenan ya tabiya na su kadenan a pinangimbenal u tupu nu Israel endu saki na kuyug aku den kanu manga Muslim.
آلْآنَ وَقَدْ عَصَيْتَ قَبْلُ وَكُنْتَ مِنَ الْمُفْسِدِينَ
Tig nu Allah: saguna na nangimbenal ka, na sinumangka ka paganay endu kuyug ka kanu manga taw a baminasa.
فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً ۚ وَإِنَّ كَثِيرًا مِنَ النَّاسِ عَنْ آيَاتِنَا لَغَافِلُونَ
Na saguna na lepasen nami i badan nengka sa kagampung, ka endu ka ma-aden kanu mawli sa leka a tanda ibaratan endu madakel kanu manga taw kanu manga ayatan nami i di manuliman.
وَلَقَدْ بَوَّأْنَا بَنِي إِسْرَائِيلَ مُبَوَّأَ صِدْقٍ وَرَزَقْنَاهُمْ مِنَ الطَّيِّبَاتِ فَمَا اخْتَلَفُوا حَتَّىٰ جَاءَهُمُ الْعِلْمُ ۚ إِنَّ رَبَّكَ يَقْضِي بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ
Endu saben-sabenal a pinadtakena nami su tupu nu Israel sa pedtakena na benal endu rinizkiyan nami silan sa manga mapya, na dala menem ka embida-bida silan taman sa nakawma kanilan i ilmu (kataw) su Kadenan nengka na kukumen nin silan sa gay a mawli kanu langun nu di nilan bamagayunan.
فَإِنْ كُنْتَ فِي شَكٍّ مِمَّا أَنْزَلْنَا إِلَيْكَ فَاسْأَلِ الَّذِينَ يَقْرَءُونَ الْكِتَابَ مِنْ قَبْلِكَ ۚ لَقَدْ جَاءَكَ الْحَقُّ مِنْ رَبِّكَ فَلَا تَكُونَنَّ مِنَ الْمُمْتَرِينَ
Amayka penduwa-duwa ka (Muhammad) kanu initulun nami sa leka na idsay ka su pembatya sa kanu kitab (Taurat-Injil) a nawna pan sa leka, saben-sabenal a nakawma sa leka su haqq ebpun sa Kadenan nengka, na da ka mamung kanu bagalang-alang.
وَلَا تَكُونَنَّ مِنَ الَّذِينَ كَذَّبُوا بِآيَاتِ اللَّهِ فَتَكُونَ مِنَ الْخَاسِرِينَ
Da ka pegkuyug kanu manga taw a napandalbut kanu manga ayatan u Allah, ka makuyug ka kanu manga taw a nangalapis.
إِنَّ الَّذِينَ حَقَّتْ عَلَيْهِمْ كَلِمَتُ رَبِّكَ لَا يُؤْمِنُونَ
Su manga taw a na-wagib kanilan su siksa nu Kadenan nengka na di silan mangimbenal.
وَلَوْ جَاءَتْهُمْ كُلُّ آيَةٍ حَتَّىٰ يَرَوُا الْعَذَابَ الْأَلِيمَ
Saben-sabenal a nakawma kanilan i langun nu manga ayat, taman sa mailay nilan i siksa a masakit a malipedes.
فَلَوْلَا كَانَتْ قَرْيَةٌ آمَنَتْ فَنَفَعَهَا إِيمَانُهَا إِلَّا قَوْمَ يُونُسَ لَمَّا آمَنُوا كَشَفْنَا عَنْهُمْ عَذَابَ الْخِزْيِ فِي الْحَيَاةِ الدُّنْيَا وَمَتَّعْنَاهُمْ إِلَىٰ حِينٍ
Dala dalpa a darwaka i taw nin a mangimbenal (guna nin mailay i siksa) (na dili) makambarapantag sa lekanin su pangimbenal nin, ya tabya na su taw nu Yunus a guna silan pangimbenal na inawa nu Allah kanilan su siksa a kayayan siya sa kabpaguyag sa dunya, endu inikalimu nami silan taman sa ajal nilan.
وَلَوْ شَاءَ رَبُّكَ لَآمَنَ مَنْ فِي الْأَرْضِ كُلُّهُمْ جَمِيعًا ۚ أَفَأَنْتَ تُكْرِهُ النَّاسَ حَتَّىٰ يَكُونُوا مُؤْمِنِينَ
U mana bu ka pigkahanda nu Kadenan nengka, na nangimbenal su taw nu lupa sa langun nilan, na ngintu seka pan (Muhammad) i meges kanu manga taw ka endu mabaluy silan a mu'min tanan?
وَمَا كَانَ لِنَفْسٍ أَنْ تُؤْمِنَ إِلَّا بِإِذْنِ اللَّهِ ۚ وَيَجْعَلُ الرِّجْسَ عَلَى الَّذِينَ لَا يَعْقِلُونَ
Dala isa a taw a mangimbenal ya tabya na kahanda nu Allah, na endu baluyn nin (Allah) i maledsik kanu manga taw a di magungangen.
قُلِ انْظُرُوا مَاذَا فِي السَّمَاوَاتِ وَالْأَرْضِ ۚ وَمَا تُغْنِي الْآيَاتُ وَالنُّذُرُ عَنْ قَوْمٍ لَا يُؤْمِنُونَ
Edtalu ka (Muhammad): ilay nu u ngin i dalem nu manga langit endu su lupa, endu di bun pakangguna su manga ayat endu su pakagilek kanu manga taw a di bangimbenal.
فَهَلْ يَنْتَظِرُونَ إِلَّا مِثْلَ أَيَّامِ الَّذِينَ خَلَوْا مِنْ قَبْلِهِمْ ۚ قُلْ فَانْتَظِرُوا إِنِّي مَعَكُمْ مِنَ الْمُنْتَظِرِينَ
Na dala kapagangapan nilan ya tabiya na mana su manga gay a naypus kanu manga taw a nawna kanilan (a manga tyuba), edtalu ka magangapa silan, ka saki na salta aku sa lekanu a manga taw a bagangapa.
ثُمَّ نُنَجِّي رُسُلَنَا وَالَّذِينَ آمَنُوا ۚ كَذَٰلِكَ حَقًّا عَلَيْنَا نُنْجِ الْمُؤْمِنِينَ
Mawli na lepasen nami su manga sinugu nami endu su manga mu'min, mamba i bantang (wagib) sa lekami- kalepas nami kanu manga mu'min.
قُلْ يَا أَيُّهَا النَّاسُ إِنْ كُنْتُمْ فِي شَكٍّ مِنْ دِينِي فَلَا أَعْبُدُ الَّذِينَ تَعْبُدُونَ مِنْ دُونِ اللَّهِ وَلَٰكِنْ أَعْبُدُ اللَّهَ الَّذِي يَتَوَفَّاكُمْ ۖ وَأُمِرْتُ أَنْ أَكُونَ مِنَ الْمُؤْمِنِينَ
Edtalu ka (Muhammad): sekanu a manga taw amayka penduwa-duwa kanu sa kanu agama ku na di ku simban su pedsimban nu a salakaw sa Allah, ugayd na ya ku simban na su Allah a sekanin i mimatay sa lekanu, endu inisugu sa laki i makuyug aku kanu manga mu'min.
وَأَنْ أَقِمْ وَجْهَكَ لِلدِّينِ حَنِيفًا وَلَا تَكُونَنَّ مِنَ الْمُشْرِكِينَ
Endu patidtu ka i beneng nengka sa agama a matidtu, endu da ka kemuyug kanu manga mushrik.
وَلَا تَدْعُ مِنْ دُونِ اللَّهِ مَا لَا يَنْفَعُكَ وَلَا يَضُرُّكَ ۖ فَإِنْ فَعَلْتَ فَإِنَّكَ إِذًا مِنَ الظَّالِمِينَ
Endu da ka sumimba sa salakaw sa Allah a di makambarapantag salka, endu di makagked sa leka, na amayka enggulan nengka na seka den i kuyug kanu manga kafir.
وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِنْ يُرِدْكَ بِخَيْرٍ فَلَا رَادَّ لِفَضْلِهِ ۚ يُصِيبُ بِهِ مَنْ يَشَاءُ مِنْ عِبَادِهِ ۚ وَهُوَ الْغَفُورُ الرَّحِيمُ
Amayka aden ipagedam nu Allah sa leka a dalu, na dala makawa lun ya tabiya na sekanin a Allah, endu amayka ya nin kahanda sa leka i mapya na dala makasumag kanu limu nin, inggay nin kanu magkahanda nin kanu manga ulipen nin, endu sekanin i bangampun a malimu.
قُلْ يَا أَيُّهَا النَّاسُ قَدْ جَاءَكُمُ الْحَقُّ مِنْ رَبِّكُمْ ۖ فَمَنِ اهْتَدَىٰ فَإِنَّمَا يَهْتَدِي لِنَفْسِهِ ۖ وَمَنْ ضَلَّ فَإِنَّمَا يَضِلُّ عَلَيْهَا ۖ وَمَا أَنَا عَلَيْكُمْ بِوَكِيلٍ
Edtalu ka (Muhammad): sekanu a manga taw na nakawma sa lekanu su haqq ebpun kanu Kadenan nu, na su tumuntul sa haqq na ya nin bun tinutulu i ginawa nin, endu su midtadingan na ya nin bun egkatading i ginawa nin, endu dala sa laki i katuldu ku sa lekanu.
وَاتَّبِعْ مَا يُوحَىٰ إِلَيْكَ وَاصْبِرْ حَتَّىٰ يَحْكُمَ اللَّهُ ۚ وَهُوَ خَيْرُ الْحَاكِمِينَ
Ya ka unuti na su ini-wahi sa leka endu edsabar ka, taman sa kumukum bun su Allah endu sekanin i mapya sa langun a bangukum.