Kneeling · al-Jathiyah · سورة الجاثية · 37 ayahs

القرآن الكريمRowwad Translation Center

بِسْمِ اللَّهِ الرَّحْمَٰنِ الرَّحِيمِ

Ebpunan ku matya su ingalan nu Allahu Taala a malimu (sa dunya) a sangat i kalimu nin (sa gay a mawli).

حم

Ha-Meem (su Allah i mataw kanu ma’na nin).

تَنْزِيلُ الْكِتَابِ مِنَ اللَّهِ الْعَزِيزِ الْحَكِيمِ

Nakatulun su kitab (Qur’an) ebpun sa Allah a mapulu a mataw sa kapandadayta.

إِنَّ فِي السَّمَاوَاتِ وَالْأَرْضِ لَآيَاتٍ لِلْمُؤْمِنِينَ

Saben-sabenal kanu manga langit endu su lupa na manga tanda (nu kaisa-isa nu Allah) kanu manga taw a manga bamaginugut.

وَفِي خَلْقِكُمْ وَمَا يَبُثُّ مِنْ دَابَّةٍ آيَاتٌ لِقَوْمٍ يُوقِنُونَ

Endu kinabaluy sa lekanu (manusya) endu su pembuwat a manga pauled-uled na manga tanda ebpun kanu manga taw a gatagu sa ginawa nilan.

وَاخْتِلَافِ اللَّيْلِ وَالنَّهَارِ وَمَا أَنْزَلَ اللَّهُ مِنَ السَّمَاءِ مِنْ رِزْقٍ فَأَحْيَا بِهِ الْأَرْضَ بَعْدَ مَوْتِهَا وَتَصْرِيفِ الرِّيَاحِ آيَاتٌ لِقَوْمٍ يَعْقِلُونَ

Endu su kapedsukelya nu magabi-malmag, endu pinatulun nu Allah ebpun sa langit a pakawyag kanu lupa sa ulyan na kinapatay nin, endu su sambel a pebpayapat na manga tanda lu kanu manga taw a aden akal nin.

تِلْكَ آيَاتُ اللَّهِ نَتْلُوهَا عَلَيْكَ بِالْحَقِّ ۖ فَبِأَيِّ حَدِيثٍ بَعْدَ اللَّهِ وَآيَاتِهِ يُؤْمِنُونَ

Su langun nu manga tanda nu Allah na pembatiyan nami sa leka (Muhammad) sa bantang, na ngin pan i kadtalu a salakaw kanu kadtalu nu Allah endu su manga ayatan nin i pangimbenalen nilan.

وَيْلٌ لِكُلِّ أَفَّاكٍ أَثِيمٍ

Su bawgan sa naraka i kadtakenan nu malbut a baradusa.

يَسْمَعُ آيَاتِ اللَّهِ تُتْلَىٰ عَلَيْهِ ثُمَّ يُصِرُّ مُسْتَكْبِرًا كَأَنْ لَمْ يَسْمَعْهَا ۖ فَبَشِّرْهُ بِعَذَابٍ أَلِيمٍ

Gakineg nin su manga ayatan nu Allah sa pembatiyan sa lekanin, mawli na mananalusan bun su kapemamasla nin sa mana bun dala nin makineg, panudtul ka sa lekanin su siksa a masakit.

وَإِذَا عَلِمَ مِنْ آيَاتِنَا شَيْئًا اتَّخَذَهَا هُزُوًا ۚ أُولَٰئِكَ لَهُمْ عَذَابٌ مُهِينٌ

Amayka aden natawan nin a paydu a ayat na pinagungat nin bu, silan su manga taw a kanilan su siksa a di nilan ganga ganan.

مِنْ وَرَائِهِمْ جَهَنَّمُ ۖ وَلَا يُغْنِي عَنْهُمْ مَا كَسَبُوا شَيْئًا وَلَا مَا اتَّخَذُوا مِنْ دُونِ اللَّهِ أَوْلِيَاءَ ۖ وَلَهُمْ عَذَابٌ عَظِيمٌ

Taligkudan nilan su naraka, endu da katagan nin sa kanilan su pantiyalyan nilan, endu su sinimba nilan a salakaw sa Allah, endu sa kanilan su siksa a masla.

هَٰذَا هُدًى ۖ وَالَّذِينَ كَفَرُوا بِآيَاتِ رَبِّهِمْ لَهُمْ عَذَابٌ مِنْ رِجْزٍ أَلِيمٌ

Namba na tutulu, su manga kafir kanu ayatan nu Allah (pedsupaken nilan) na kanilan su siksa a kayaya a masakit.

اللَّهُ الَّذِي سَخَّرَ لَكُمُ الْبَحْرَ لِتَجْرِيَ الْفُلْكُ فِيهِ بِأَمْرِهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ

Su Allah na pinandaya nin sa lekanu su lagat ka endu makapalalaguy su bagedan nu sa kahanda nu Allah ka endu nu mapangilay su limu nu Allah endu kanu makadsukur.

وَسَخَّرَ لَكُمْ مَا فِي السَّمَاوَاتِ وَمَا فِي الْأَرْضِ جَمِيعًا مِنْهُ ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ

Endu pinandaya nin sa lekanu su dalem nu langit endu su lupa sa langun nin, langun entu ba na manga tanda nu Allah kanu manga taw, ka endu silan makapamikir.

قُلْ لِلَّذِينَ آمَنُوا يَغْفِرُوا لِلَّذِينَ لَا يَرْجُونَ أَيَّامَ اللَّهِ لِيَجْزِيَ قَوْمًا بِمَا كَانُوا يَكْسِبُونَ

Edtalu ka (Muhammad) kanu manga bamaginugut i ampunen nilan su manga taw a dala kanilan su manga gay (gay a siksa) nu Allah endu kabalasan su manga taw sa lalaw nu galebek nilan.

مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۖ ثُمَّ إِلَىٰ رَبِّكُمْ تُرْجَعُونَ

Su taw a enggalebek sa mapya na lekanin bun, su mawag menem na maytu bun ba, mawli na lu kanu bun makambalingan sa Allah.

وَلَقَدْ آتَيْنَا بَنِي إِسْرَائِيلَ الْكِتَابَ وَالْحُكْمَ وَالنُّبُوَّةَ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَى الْعَالَمِينَ

Endu saben-sabenal a inenggan nami su tupu nu Israel sa kitab endu kapangukum endu su kanabi, endu rinizkiyan nami silan kanu manga mapya, endu su timpu nilan na inilabi nami silan kanu salakaw sa kanilan sya sa dunya.

وَآتَيْنَاهُمْ بَيِّنَاتٍ مِنَ الْأَمْرِ ۖ فَمَا اخْتَلَفُوا إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ ۚ إِنَّ رَبَّكَ يَقْضِي بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ

Endu inenggay nami su manga mapayag a kasuguwan na da silan embida-bida ya tabya na nakawma sa kanilan su kataw, sabap sa dengki nilan, su Allah bu i kumukum sa kanilan sa gay a mawli kanu langun nu di nilan bamagayunan.

ثُمَّ جَعَلْنَاكَ عَلَىٰ شَرِيعَةٍ مِنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ

Mawli na binaluy nami (seka Muhammad) kanu lalan nu agama na namba i unuti ka, di ka munuti su kyug nu manga taw a di mataw.

إِنَّهُمْ لَنْ يُغْنُوا عَنْكَ مِنَ اللَّهِ شَيْئًا ۚ وَإِنَّ الظَّالِمِينَ بَعْضُهُمْ أَوْلِيَاءُ بَعْضٍ ۖ وَاللَّهُ وَلِيُّ الْمُتَّقِينَ

Silan a manga taw na dala guna nilan sa leka apya paydu, endu su manga dupang menem na silan-silan sa gay a mawli, su Allah menem i pedtuldu kanu magilek sa Allah.

هَٰذَا بَصَائِرُ لِلنَّاسِ وَهُدًى وَرَحْمَةٌ لِقَوْمٍ يُوقِنُونَ

Namba (su Qur’an) i palitan nu manga taw, endu tutulu, endu limu kanu manga taw a natagu sa ginawa nin su gay a mawli.

أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجْعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ ۚ سَاءَ مَا يَحْكُمُونَ

Ga-antap nu manga kafir a manga maledsik i galebekan nin i baluyn nami silan sa mana su manga nangimbenal endu minggalebek sa manga mapya sa magidsan silan sa kawyag endu kapatay, mawag a benal intu a hukuman.

وَخَلَقَ اللَّهُ السَّمَاوَاتِ وَالْأَرْضَ بِالْحَقِّ وَلِتُجْزَىٰ كُلُّ نَفْسٍ بِمَا كَسَبَتْ وَهُمْ لَا يُظْلَمُونَ

Endu binaluy nu Allah su manga langit endu su lupa sa bantang ka endu kabalasan i uman isa kanu galebek nin, endu silan na dili silan madtalimbul.

أَفَرَأَيْتَ مَنِ اتَّخَذَ إِلَٰهَهُ هَوَاهُ وَأَضَلَّهُ اللَّهُ عَلَىٰ عِلْمٍ وَخَتَمَ عَلَىٰ سَمْعِهِ وَقَلْبِهِ وَجَعَلَ عَلَىٰ بَصَرِهِ غِشَاوَةً فَمَنْ يَهْدِيهِ مِنْ بَعْدِ اللَّهِ ۚ أَفَلَا تَذَكَّرُونَ

Nailay nengka su taw a ya nin pigkadenanen su kyug na ginawa nin, endu tinutupan su tangila nin endu su pusung nin endu su kailay nin sa isa a tutup, na entayn i makatutulu sa lekanin a salakaw sa Allah, na ngintu ka di kanu ma-indaw?

وَقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ ۚ وَمَا لَهُمْ بِذَٰلِكَ مِنْ عِلْمٍ ۖ إِنْ هُمْ إِلَّا يَظُنُّونَ

Endu ya nilan kadtalu na da inan (gay a mawli) ya tabya na mawyag tanu sa dunya, matay tanu endu mawyag tanu, endu da makapatay sa lekitanu ya tabya na (makawma) su timpu, na da sabut nilan sa tindeg nilan ya tabya na kapangantap.

وَإِذَا تُتْلَىٰ عَلَيْهِمْ آيَاتُنَا بَيِّنَاتٍ مَا كَانَ حُجَّتَهُمْ إِلَّا أَنْ قَالُوا ائْتُوا بِآبَائِنَا إِنْ كُنْتُمْ صَادِقِينَ

Endu amayka batyan sa kanilan su manga ayatan nami a mapayag na dala edsalinan nilan ya tabya nadtalu nilan: pambuwat nu su manga lukes nami amayka benal kanu.

قُلِ اللَّهُ يُحْيِيكُمْ ثُمَّ يُمِيتُكُمْ ثُمَّ يَجْمَعُكُمْ إِلَىٰ يَوْمِ الْقِيَامَةِ لَا رَيْبَ فِيهِ وَلَٰكِنَّ أَكْثَرَ النَّاسِ لَا يَعْلَمُونَ

Edtalu ka (Muhammad) sa kanilan: su Allah i baguyag sa lekanu, mawli na imatayan kanu nin, mawli na limuden kanu nin sa dala kabplis nin sa gay a mawli, ugayd na madakel kanu taw i di nilan katawan.

وَلِلَّهِ مُلْكُ السَّمَاوَاتِ وَالْأَرْضِ ۚ وَيَوْمَ تَقُومُ السَّاعَةُ يَوْمَئِذٍ يَخْسَرُ الْمُبْطِلُونَ

Lekanin a Allah i kamilik sa manga langit endu su lupa endu su gay a mawma su gay a mawli na malugi den su manga batil i galebek nin.

وَتَرَىٰ كُلَّ أُمَّةٍ جَاثِيَةً ۚ كُلُّ أُمَّةٍ تُدْعَىٰ إِلَىٰ كِتَابِهَا الْيَوْمَ تُجْزَوْنَ مَا كُنْتُمْ تَعْمَلُونَ

Endu mailay nengka su ummat a mayan sa balitekenan, uman isa na tawagen su kitab nin, saguna na pembalasan kanu den kanu balas nu manga galebek nu.

هَٰذَا كِتَابُنَا يَنْطِقُ عَلَيْكُمْ بِالْحَقِّ ۚ إِنَّا كُنَّا نَسْتَنْسِخُ مَا كُنْتُمْ تَعْمَلُونَ

Nan su kitab nami, edtalu sa lekanu sa benal, ka pedtuldun nami su langun nu pinggalebek nu.

فَأَمَّا الَّذِينَ آمَنُوا وَعَمِلُوا الصَّالِحَاتِ فَيُدْخِلُهُمْ رَبُّهُمْ فِي رَحْمَتِهِ ۚ ذَٰلِكَ هُوَ الْفَوْزُ الْمُبِينُ

Su manga bamaginugut endu minggalebek sa manga mapya na paludepen silan nu Kadenan nilan kanu limu nin, entu den ba su badtugan a mapayag.

وَأَمَّا الَّذِينَ كَفَرُوا أَفَلَمْ تَكُنْ آيَاتِي تُتْلَىٰ عَلَيْكُمْ فَاسْتَكْبَرْتُمْ وَكُنْتُمْ قَوْمًا مُجْرِمِينَ

Endu su manga kafir menem na idsan silan: di kena ba pembatyan sa lekanu su ayatan ku na mimamasela kanu, na sekanu banan i manga taw a manga darwaka.

وَإِذَا قِيلَ إِنَّ وَعْدَ اللَّهِ حَقٌّ وَالسَّاعَةُ لَا رَيْبَ فِيهَا قُلْتُمْ مَا نَدْرِي مَا السَّاعَةُ إِنْ نَظُنُّ إِلَّا ظَنًّا وَمَا نَحْنُ بِمُسْتَيْقِنِينَ

Endu amayka pidtalu sa kanilan su pasad nu Allah na benal a matuman endu su gay a mawli na da kebplis nin, na ya nu kadtalu: di nami katawan i gay a mawli, bangantap kami bu sa di kena bun gatagu sa ginawa nami.

وَبَدَا لَهُمْ سَيِّئَاتُ مَا عَمِلُوا وَحَاقَ بِهِمْ مَا كَانُوا بِهِ يَسْتَهْزِئُونَ

Endu napayag sa kanilan su kawag nu galebek nilan, endu nakatumpalak den sa kanilan su kabagungat nilan.

وَقِيلَ الْيَوْمَ نَنْسَاكُمْ كَمَا نَسِيتُمْ لِقَاءَ يَوْمِكُمْ هَٰذَا وَمَأْوَاكُمُ النَّارُ وَمَا لَكُمْ مِنْ نَاصِرِينَ

Endu edtalun sa kanilan: saguna na itagak kanu sya sa naraka, ka mana bun su kinatagak nu sa nya ba a gay nu, endu ya nu kadtakenan su naraka a dala makadtabang sa lekanu.

ذَٰلِكُمْ بِأَنَّكُمُ اتَّخَذْتُمْ آيَاتِ اللَّهِ هُزُوًا وَغَرَّتْكُمُ الْحَيَاةُ الدُّنْيَا ۚ فَالْيَوْمَ لَا يُخْرَجُونَ مِنْهَا وَلَا هُمْ يُسْتَعْتَبُونَ

Kagina sekanu na ya nu pinakaydan kanu manga ayatan nu Allah na bagungaten bu, nasimpang kanu na kapaguyag sa dunya, na saguna a gay na di silan makalyu sa naraka endu dala makapangeni sa kagkapya nilan.

فَلِلَّهِ الْحَمْدُ رَبِّ السَّمَاوَاتِ وَرَبِّ الْأَرْضِ رَبِّ الْعَالَمِينَ

Pugin su Allah kigkuwan sa manga langit endu su lupa, endu kigkuwan pan kanu dunya.

وَلَهُ الْكِبْرِيَاءُ فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ

Lekanin su kasla kanu pitu lapis a langit endu lupa, endu sekanin i mapulu a mataw sa kapandadayta.