The Chambers · al-Hujurat · سورة الحجرات · 18 ayahs

القرآن الكريمRowwad Translation Center

بِسْمِ اللَّهِ الرَّحْمَٰنِ الرَّحِيمِ

Ebpunan ku matya su ingalan nu Allahu Taala a malimu (sa dunya) a sangat i kalimu nin (sa gay a mawli).

يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّهِ وَرَسُولِهِ ۖ وَاتَّقُوا اللَّهَ ۚ إِنَّ اللَّهَ سَمِيعٌ عَلِيمٌ

Hay sekanu anan a bamaginugut! Da kanu manguna-kuna sa Allah endu su sinugu nin, ikagilek nu su Allah, su Allah na gakineg nin i kadtalu nu, katawan nin i galebekan nu.

يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لَا تَشْعُرُونَ

Hay sekanu anan a bamaginugut! Di nu belawani su sinugu sa katanug na suwara, endu di nu pebpakatanugi sa mana su kapapegkatanug nu isa sa kanu ped nin, ka magugul (mabinasa) su galebek nu sa di nu magedam.

إِنَّ الَّذِينَ يَغُضُّونَ أَصْوَاتَهُمْ عِنْدَ رَسُولِ اللَّهِ أُولَٰئِكَ الَّذِينَ امْتَحَنَ اللَّهُ قُلُوبَهُمْ لِلتَّقْوَىٰ ۚ لَهُمْ مَغْفِرَةٌ وَأَجْرٌ عَظِيمٌ

Saben-sabenal su manga taw a ipembaba nilan i suwara nilan kanu rasul, na silan i binatalu nu Allah su atay nilan sa gilek, na kanilan su ampun endu balas a masla.

إِنَّ الَّذِينَ يُنَادُونَكَ مِنْ وَرَاءِ الْحُجُرَاتِ أَكْثَرُهُمْ لَا يَعْقِلُونَ

Saben-sabenal su manga taw a pedtawagen nilan (su Muhammad) sya kanu lyu nu lending (bilik) nengka, na ya madakel sa kanilan na dala akal nin (dala ungangen nin).

وَلَوْ أَنَّهُمْ صَبَرُوا حَتَّىٰ تَخْرُجَ إِلَيْهِمْ لَكَانَ خَيْرًا لَهُمْ ۚ وَاللَّهُ غَفُورٌ رَحِيمٌ

Endu entu ba ka midsabar silan taman sa kalyuwan nengka silan na mapya gayd, su Allah na bangampun a malimu.

يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

Hay sekanu anan a bamaginugut! Amayka pinanudtulan kanu na taw a faasiq na pagamada kanu ka basi makapanggula nu i taw sa di nu katawan, mawli na makadsendit kanu sa kanu galebek nu.

وَاعْلَمُوا أَنَّ فِيكُمْ رَسُولَ اللَّهِ ۚ لَوْ يُطِيعُكُمْ فِي كَثِيرٍ مِنَ الْأَمْرِ لَعَنِتُّمْ وَلَٰكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ ۚ أُولَٰئِكَ هُمُ الرَّاشِدُونَ

Endu tuntayi nu i nambun sa lekanu su rasul, umana bu ka paginugunutan kanu nin kanu madakel a ula-ula na mindusa kanu, ugayd na su Allah na pinakalilinyan nin sa lekanu su iman, endu pibpalasan nin san sa pusung nu, pinaka bensyan nin sa lekanu su ka-kafir endu faasiq, endu su ka ma’siyah, silan i manga taw a nangatutulu.

فَضْلًا مِنَ اللَّهِ وَنِعْمَةً ۚ وَاللَّهُ عَلِيمٌ حَكِيمٌ

Kalbihan ebpun sa Allah endu limu, su Allah i mataw a mapandadayta.

وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِنْ بَغَتْ إِحْدَاهُمَا عَلَى الْأُخْرَىٰ فَقَاتِلُوا الَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ

Endu amayka aden di bagayun a manga bamaginugut taman sa pembunuwa den silan na papagayun nu silan, amayka endupang i isa sa kanilan kanu kaped nin na liputi nu su mindupang, taman sa makawnut kanu kumpasan nu Allah, amayka munut den na pagkapya nu silan sa bantang, su Allah na balasan nin sa mapya su kabantang.

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

Saben-sabenal su manga bamaginugut na ebpagalya, na pagkapya nu su pagali nu, endu ikagilek nu su Allah ka malemu sa lekanu su limu sa lekanu.

يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَىٰ أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَىٰ أَنْ يَكُنَّ خَيْرًا مِنْهُنَّ ۖ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَنْ لَمْ يَتُبْ فَأُولَٰئِكَ هُمُ الظَّالِمُونَ

Hay sekanu anan a bamaginut! Da kanu edsesemputa, ka basi ya pan mapya su pedsemputen, maytu bun ba su manga babay ka basi ya pan mapya su pedsemputen, endu da kanu edtitilaya, endu da kanu edtatawagay sa dili kalilinyan nu isa ka mawag a benal i ngala a faasiq ulyan na iman, su taw a di mangumbaya na entu ba su manga taw a manga dupang.

يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ

Hay sekanu anan a bamaginugut! Edsanggilay nu su kapangantap ka ya bun tatap sa antapan na kadusan, endu di nu enggula i kadtulik sa kayayan endu da kanu indidilibakay ka dinu bun matika kuman su sapu nu suled nu a minatay, na ikagilek nu su Allah, su Allah na banawbat a malimu sa midtawbat.

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

Hay sekanu anan a bamaginugut! Binaluy nami sekanu sa babay-mama endu binaluy nami sekanu a manga taw endu manga tupu ka endu kanu mamakag-kataway, saben-sabenal a ya bu mapulu sa lekanu lu sa Allah na su magilek, su Allah na mataw sa mapayag endu masulen.

قَالَتِ الْأَعْرَابُ آمَنَّا ۖ قُلْ لَمْ تُؤْمِنُوا وَلَٰكِنْ قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِنْ تُطِيعُوا اللَّهَ وَرَسُولَهُ لَا يَلِتْكُمْ مِنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَحِيمٌ

Ya pidtalu nu manga Arab: nangimbenal kami, edtalu ka (Muhammad): da kanu bangimbenal ugayd na ya nu edtalu na nag-Islam kami, kagina dala makaludep kanu pusung nu su iman, amayka paginugutan nu su Allah endu su sinugu nin na di kanu nin kulangan sa balas nu manga galebek nu sa apya paydu, su Allah na bangampun sa midtawbat, malimu sa minatay a nakadtawbat.

إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ

Ya tidtu a nangimbenal na silan a pinangimbenal nilan su Allah endu su sinugu nin, mawli na da enduwa-duwa endu inin-jihad nin su manga tamuk nin endu su badan nin sa lalan sa Allah, na entuba i benal (nangimbenal).

قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ ۚ وَاللَّهُ بِكُلِّ شَيْءٍ عَلِيمٌ

Edtalu ka (Muhammad): ngintu ka papegkatawan nu pan sa Allah i kabpapagama nu? Su Allah na katawan nin i dalem na manga langit endu lupa, endu su Allah na katawan nin i langun na anggaga-isa.

يَمُنُّونَ عَلَيْكَ أَنْ أَسْلَمُوا ۖ قُلْ لَا تَمُنُّوا عَلَيَّ إِسْلَامَكُمْ ۖ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِنْ كُنْتُمْ صَادِقِينَ

Ibangaluy (ibamanula) nilan sa leka (Muhammad) i kinapag-Islam nilan, edtalu ka sa kanilan: di nu bangaluya sa laki i kinapag-Islam nu, su Allah i dayt a mangaluy sa lekanu sa kinatutulu nin sa lekanu sa iman amayka benal kanu.

إِنَّ اللَّهَ يَعْلَمُ غَيْبَ السَّمَاوَاتِ وَالْأَرْضِ ۚ وَاللَّهُ بَصِيرٌ بِمَا تَعْمَلُونَ

Saben-sabenal su Allah na katawan nin i gayb kanu langun nu langit endu su lupa, endu su Allah na gailay nin i langun na penggalebeken nu.