Column · as-Saff · سورة الصف · 14 ayahs

١سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ

1Timasbih sa Allah su dalem nu manga langit endu su lupa, endu sekanin (Allah) i mapulu a mataw sa endadayta.

٢يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ

2Hay sekanu anan a bamaginugut! Ngintu ka pedtalun nu na di nu penggalebeken.

٣كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ

3Masla gayd a kadusan lu sa Allah i pedtalun nu na di nu penggalebeken.

٤إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ

4Saben-sabenal su Allah na balasan nin su pembunuwa sa lalan sa Allah a midsap a mana den pimbalay a pamakadsulaya.

٥وَإِذْ قَالَ مُوسَىٰ لِقَوْمِهِ يَا قَوْمِ لِمَ تُؤْذُونَنِي وَقَدْ تَعْلَمُونَ أَنِّي رَسُولُ اللَّهِ إِلَيْكُمْ ۖ فَلَمَّا زَاغُوا أَزَاغَ اللَّهُ قُلُوبَهُمْ ۚ وَاللَّهُ لَا يَهْدِي الْقَوْمَ الْفَاسِقِينَ

5Endu pidtalu nu Musa kanu manga taw nin: Hay sekanu a manga taw ku! Nginan ka belingasan aku nu? Na saben-sabenal a katawan nu i saki na sinugu aku nu Allah sa lekanu, guna silan pedsibay kanu bantang na pinasibay nu Allah su pusung nilan, endu su Allah na di nin tutulun su manga taw a faasiq.

٦وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ مُصَدِّقًا لِمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِنْ بَعْدِي اسْمُهُ أَحْمَدُ ۖ فَلَمَّا جَاءَهُمْ بِالْبَيِّنَاتِ قَالُوا هَٰذَا سِحْرٌ مُبِينٌ

6Endu pidtalu nu Eisa a wata ni Maryam: Hay sekanu a tupu nu Israel: saben-sabenal a saki na sinugu aku nu Allah sa lekanu sa nagayun bun su napananggit ku kanu nawman ku a Taurat endu pedtalun ku sa lekanu i rasul a makawma a mawli sa laki a ya nin ngala na si Ahmad, guna makawma sa kanilan su mapayag na ya nilan pidtalu: sih’r a mapayag.

٧وَمَنْ أَظْلَمُ مِمَّنِ افْتَرَىٰ عَلَى اللَّهِ الْكَذِبَ وَهُوَ يُدْعَىٰ إِلَى الْإِسْلَامِ ۚ وَاللَّهُ لَا يَهْدِي الْقَوْمَ الظَّالِمِينَ

7Endu da makalawan i kadupang nin kanu taw a edtebwan nin su Allah sa kalbut, inunta na bagenggaten sa Islam, endu su Allah na di nin tutulun su manga taw a manga dupang.

٨يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

8Kyugan nilan na mapandeng (matay) su sigay nu Allah sa ngali nilan, na su Allah na sampulnan nin su sigay nin apya pan kabensyan nu manga kafir.

٩هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ

9Sekanin (Allah) na sinugu nin su nabi sa tutulu endu agama a benal ka endu nin makapayag kanu langun nu manga agama, sa apya pan kabensyan nu manga mushrik.

١٠يَا أَيُّهَا الَّذِينَ آمَنُوا هَلْ أَدُلُّكُمْ عَلَىٰ تِجَارَةٍ تُنْجِيكُمْ مِنْ عَذَابٍ أَلِيمٍ

10Hay sekanu a bamaginugut, ngintu tutulun ku sekanu sa dagangan a malepas kanu nin kanu siksa a masakit?

١١تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنْفُسِكُمْ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ

11Pangimbenal nu su Allah endu su sinugu nin endu en-jihad kanu sa lalan sa Allah kanu manga tamuk nu endu su ginawa nu, ka entu ba i mapya sa lekanu amayka katawan nu.

١٢يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِنْ تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ۚ ذَٰلِكَ الْفَوْزُ الْعَظِيمُ

12Ampunen su dusa nu endu paludepen kanu sa surga a pelagilay kanu kababan na ig, endu manga kabetadan a mapya (lu sa surga) aden entuba i badtugan a masla.

١٣وَأُخْرَىٰ تُحِبُّونَهَا ۖ نَصْرٌ مِنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ

13Endu aden pan salakaw a kasuwatan nu a limu tabang ebpun sa Allah endu makwa nu su kataban sa magagan, pamanudtul ka (Muhammad) kanu manga taw a bamaginugut.

١٤يَا أَيُّهَا الَّذِينَ آمَنُوا كُونُوا أَنْصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنْصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنْصَارُ اللَّهِ ۖ فَآمَنَتْ طَائِفَةٌ مِنْ بَنِي إِسْرَائِيلَ وَكَفَرَتْ طَائِفَةٌ ۖ فَأَيَّدْنَا الَّذِينَ آمَنُوا عَلَىٰ عَدُوِّهِمْ فَأَصْبَحُوا ظَاهِرِينَ

14Hay sekanu anan a bamaginugut! Enggula nu i tabang kanu agama nu Allah sa mana kinadtalu nu Eisa kanu manga mapya a manga taw nin: entayn i tabang nu agama nu Allah? Ya nilan pidatalu: sekami i tabang nu agama nu Allah, nangimbenal su kaped kanu tupu nu Israel na migkafir su kaped, (tig nu Allah): binagel nami su manga bamaginugut kanu satru (kuntra) nilan, na nabaluy silan (a manga bamaginugut) sa timalaw kanu satru nilan.