اقْرَأْ بِاسْمِ رَبِّكَ الَّذِي خَلَقَ
വായിക്കുക, സൃഷ്ടിച്ച നിന്റെ നാഥന്റെ നാമത്തില്‍.
Clot · al-'Alaq · سورة العلق · 19 ayahs
بِسْمِ اللَّهِ الرَّحْمَٰنِ الرَّحِيمِ
പരമകാരുണികനും ദയാപരനുമായ അല്ലാഹുവിന്റെ നാമത്തില്‍.
خَلَقَ الْإِنْسَانَ مِنْ عَلَقٍ
ഒട്ടിപ്പിടിക്കുന്നതില്‍നിന്ന് അവന് മനുഷ്യനെ സൃഷ്ടിച്ചു.
اقْرَأْ وَرَبُّكَ الْأَكْرَمُ
വായിക്കുക! നിന്റെ നാഥന്‍ അത്യുദാരനാണ്.
الَّذِي عَلَّمَ بِالْقَلَمِ
പേനകൊണ്ടു പഠിപ്പിച്ചവന്‍.
عَلَّمَ الْإِنْسَانَ مَا لَمْ يَعْلَمْ
മനുഷ്യനെ അവനറിയാത്തത് അവന് പഠിപ്പിച്ചു.
كَلَّا إِنَّ الْإِنْسَانَ لَيَطْغَىٰ
സംശയമില്ല; മനുഷ്യന്‍ അതിക്രമിയായിരിക്കുന്നു.
أَنْ رَآهُ اسْتَغْنَىٰ
തനിക്കുതാന്‍പോന്നവനായി കണ്ടതിനാല്‍.
إِنَّ إِلَىٰ رَبِّكَ الرُّجْعَىٰ
നിശ്ചയം, മടക്കം നിന്റെ നാഥങ്കലേക്കാണ്.
أَرَأَيْتَ الَّذِي يَنْهَىٰ
തടയുന്നവനെ നീ കണ്ടോ?
عَبْدًا إِذَا صَلَّىٰ
നമ്മുടെ ദാസനെ, അവന് നമസ്കരിക്കുമ്പോള്‍
أَرَأَيْتَ إِنْ كَانَ عَلَى الْهُدَىٰ
നീ കണ്ടോ? ആ അടിമ നേര്‍വഴിയില്‍ തന്നെയാണ്;
أَوْ أَمَرَ بِالتَّقْوَىٰ
അഥവാ, ഭക്തി ഉപദേശിക്കുന്നവനാണ്!
أَرَأَيْتَ إِنْ كَذَّبَ وَتَوَلَّىٰ
നീ കണ്ടോ? ഈ തടയുന്നവന്‍ സത്യത്തെ തള്ളിക്കളയുകയും പുറംതിരിഞ്ഞു നില്‍ക്കുകയും ചെയ്തവനാണ്!
أَلَمْ يَعْلَمْ بِأَنَّ اللَّهَ يَرَىٰ
അല്ലാഹു എല്ലാം കാണുന്നുവെന്ന് അവന് അറിയുന്നില്ലേ.
كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ
സംശയം വേണ്ട; അവനിത് അവസാനിപ്പിക്കുന്നില്ലെങ്കില്‍; അവന്റെ കുടുമ നാം പിടിച്ചു വലിക്കുക തന്നെ ചെയ്യും.
نَاصِيَةٍ كَاذِبَةٍ خَاطِئَةٍ
കള്ളം പറയുകയും; പാപം പ്രവര്‍ത്തിക്കുകയും ചെയ്യുന്ന കുടുമ!
فَلْيَدْعُ نَادِيَهُ
അപ്പോഴവന്‍ തന്റെ ആളുകളെ വിളിക്കട്ടെ.
سَنَدْعُ الزَّبَانِيَةَ
നാം നമ്മുടെ ശിക്ഷാകാര്യങ്ങളുടെ ചുമതലക്കാരെയും വിളിക്കാം.
كَلَّا لَا تُطِعْهُ وَاسْجُدْ وَاقْتَرِبْ ۩
അരുത്! നീ അവന് വഴങ്ങരുത്. നീ സാഷ്ടാംഗം പ്രണമിക്കുക! നമ്മുടെ സാമീപ്യം നേടുക