طسم
Ṭaa, Sɩɩn, Mɩɩm.
القرآن الكريمRowwad Translation Center
بِسْمِ اللَّهِ الرَّحْمَٰنِ الرَّحِيمِ
طسم
Ṭaa, Sɩɩn, Mɩɩm.
تِلْكَ آيَاتُ الْكِتَابِ الْمُبِينِ
Ad woto yaa Gafã Aaya-rãmba sẽn vẽnegdã.
لَعَلَّكَ بَاخِعٌ نَفْسَكَ أَلَّا يَكُونُوا مُؤْمِنِينَ
Tõe tɩ fo weoogda f sũurã, b sẽn ka kõt sɩd yĩnga.
إِنْ نَشَأْ نُنَزِّلْ عَلَيْهِمْ مِنَ السَّمَاءِ آيَةً فَظَلَّتْ أَعْنَاقُهُمْ لَهَا خَاضِعِينَ
Tõnd sã n tʋlla, D sikda saagẽ wã yel-soalem tɩ b yubli wã kell n sulg ne-a n gεt-ɑ tɩ yɑɑ vẽenegɑ.
وَمَا يَأْتِيهِمْ مِنْ ذِكْرٍ مِنَ الرَّحْمَٰنِ مُحْدَثٍ إِلَّا كَانُوا عَنْهُ مُعْرِضِينَ
Tẽeg-paall ka wat bãmbã n yi Yolsg Naab nengẽ, rẽndame tɩ b gũda b zãn-kuidsi.
فَقَدْ كَذَّبُوا فَسَيَأْتِيهِمْ أَنْبَاءُ مَا كَانُوا بِهِ يَسْتَهْزِئُونَ
Ad bãmbã yagsame, la b sẽn da sãbsdã kibay na n wa-b lame.
أَوَلَمْ يَرَوْا إِلَى الْأَرْضِ كَمْ أَنْبَتْنَا فِيهَا مِنْ كُلِّ زَوْجٍ كَرِيمٍ
Rẽ yĩngã bãmb pa yã tẽn-gãngã, sõor waoog Tõnd sẽn buls ɑ zugu bõn-bundɩ toor-toore sẽn yaa wagle.
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Ad tagmas be woto pʋga, la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa Yolsg Naaba.
وَإِذْ نَادَىٰ رَبُّكَ مُوسَىٰ أَنِ ائْتِ الْقَوْمَ الظَّالِمِينَ
La (tẽeg) wakat ning fo Soabã sẽn wa n bool a Musa n yeel-ɑ: "kẽng neb nins sẽn wẽg b mensã nengẽ".
قَوْمَ فِرْعَوْنَ ۚ أَلَا يَتَّقُونَ
A Fɩr-ʿaoon nebã nengẽ, n tɩ yeel-ba: " rẽ yĩnga y pa nɑ n zoe Wẽnde?"
قَالَ رَبِّ إِنِّي أَخَافُ أَنْ يُكَذِّبُونِ
A Musɑ yeelɑme m Soaba! Ad mam yεεsdame tɩ b na n wa yags maam.
وَيَضِيقُ صَدْرِي وَلَا يَنْطَلِقُ لِسَانِي فَأَرْسِلْ إِلَىٰ هَارُونَ
Tɩ mam yãoogã wa weooge, tɩ mam zɩlemd pa tõe gom ye, bɩ F tʋms a Haarʋʋn n lagem maam.
وَلَهُمْ عَلَيَّ ذَنْبٌ فَأَخَافُ أَنْ يَقْتُلُونِ
La mam rag n beeg-b lame, tɩ m yaεεsd tɩ b na n wa kʋ maam.
قَالَ كَلَّا ۖ فَاذْهَبَا بِآيَاتِنَا ۖ إِنَّا مَعَكُمْ مُسْتَمِعُونَ
Tɩ [Wẽnd] yeele: " rẽ kõ n yɩ ye! Kẽng-y yãmb y yiibã, ad Tõnd bee ne yãmb n kelgdẽ.
فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ
Kẽng-y yãmb y yiibã a Fɩr-ʿaoon nengẽ n tɩ yeel-a: "ad tõnd yaa bõn-naandsã Gʋʋndã Tẽn-tʋʋmba''.
أَنْ أَرْسِلْ مَعَنَا بَنِي إِسْرَائِيلَ
Tɩ fo bas ɭsraεεl koambã tɩ tũ tõndo".
قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ
La a Fɩr-ʿaoon yeel yã: ''rẽ yĩnga tõnd pa wub foom tõnd nengẽ tɩ fo yaa bi-kɩdga? Tɩ fo zĩnd tõnd nengẽ yʋʋma?''
وَفَعَلْتَ فَعْلَتَكَ الَّتِي فَعَلْتَ وَأَنْتَ مِنَ الْكَافِرِينَ
Tɩ fo tʋm tʋʋm ning fo sẽn tʋmã, tɩ fo yaa sõm-zɩta".
قَالَ فَعَلْتُهَا إِذًا وَأَنَا مِنَ الضَّالِّينَ
La a Musa yeel yã: "mam tʋm-a-la wakat-kãngã tɩ mam yaa menemda.''
فَفَرَرْتُ مِنْكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ
Mam zoeeme n yi yãmba, mam sẽn wa n yaeesdã: rẽ poorẽ tɩ mam Soabã kõ maam Bʋʋd minim la A maan tɩ mam naag Tẽn-tʋʋmbã pʋgẽ.
وَتِلْكَ نِعْمَةٌ تَمُنُّهَا عَلَيَّ أَنْ عَبَّدْتَ بَنِي إِسْرَائِيلَ
Lɑ fo sẽn gʋʋl mɑɑmɑ yaa neema fo sẽn tɑr-ɑ n tãɑsd maam, tɩ fo yaool n kɩtame t'a ɭsraεεl koambã yaa fo yembse lɑ f bɑs mɑɑm. (lɑ rẽ pɑ gɩdgd mɑɑm tɩ m dɑ bool foo ye).
قَالَ فِرْعَوْنُ وَمَا رَبُّ الْعَالَمِينَ
La a Fɩr-ʿaoon yeel yã: " yaa bõe la bõn-naandsã Soaba?"
قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ إِنْ كُنْتُمْ مُوقِنِينَ
La a Musa yeele: " yɑɑ saas la tẽng la bũmb nins sẽn be b yiibã sʋk Soabã, tɩ yãmb sã n yɩɩme n yaa bãng-n-wãag-rãmba".
قَالَ لِمَنْ حَوْلَهُ أَلَا تَسْتَمِعُونَ
La a Fɩr-ʿaoon yeel neb nins sẽn be yẽ kɩrenga: "y wʋmdame bɩ?"
قَالَ رَبُّكُمْ وَرَبُّ آبَائِكُمُ الْأَوَّلِينَ
"Ta a Musɑ yeele: "A yaa yãmb Soabã la yãmb bɑ-rãmb sẽn deng tɑoorã Soabɑ".
قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ
Ta a Fɩr-ʿaoon yeele: "ad y Tẽn-tʋʋm ning b sẽn tʋms tɩ wa yãmb nengẽ wã yaa gãeenga".
قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ إِنْ كُنْتُمْ تَعْقِلُونَ
T'a a Musa yeele: "A yaa wĩntoog sẽn pukdẽ la a sẽn lʋɩtẽ lɑ bũmb ning sẽn be b yiibã sʋkã Soaba, tɩ yãmb sã n tara yam n tagsd n getẽ".
قَالَ لَئِنِ اتَّخَذْتَ إِلَٰهًا غَيْرِي لَأَجْعَلَنَّكَ مِنَ الْمَسْجُونِينَ
La a Fɩr-ʿaoon yeel yã: "la tɩ fo sã n tũ soab zẽng sẽn ka maam, m na pag-f bãense".
قَالَ أَوَلَوْ جِئْتُكَ بِشَيْءٍ مُبِينٍ
T'a a Musa yeele:"bɑɑ tɩ mam sã n wa ne bũmb sẽn sɩdgd-m tɩ yɑɑ vẽenegɑ?"
قَالَ فَأْتِ بِهِ إِنْ كُنْتَ مِنَ الصَّادِقِينَ
Ta a [Fɩr-ʿaoon] yeele: " bɩ f wa ne-a tɩ sã n mikame tɩ fo yaa sɩd-soaba".
فَأَلْقَىٰ عَصَاهُ فَإِذَا هِيَ ثُعْبَانٌ مُبِينٌ
T'a [Musa] lobg a rasaarã t'a lebg waaf tɩ yɑɑ vẽenega.
وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ
La a rɩk a nugã n tʋm a bãokẽ (loorẽ) wã, tɩ nugã lebg pεεlg tɩ b neẽ.
قَالَ لِلْمَلَإِ حَوْلَهُ إِنَّ هَٰذَا لَسَاحِرٌ عَلِيمٌ
La a [Fɩr-ʿaoon] yeel kug-zĩidb nins sẽn be yẽ kɩrengã: "ad yãoã yaa tɩ-mita,
يُرِيدُ أَنْ يُخْرِجَكُمْ مِنْ أَرْضِكُمْ بِسِحْرِهِ فَمَاذَا تَأْمُرُونَ
n rat n yiis yãmb y tẽngẽ wã ne a tɩɩmã, la yãmb sagenda maam ne bõe?"
قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ
La b yeele: "kɩt tɩ yẽ la a ma-biigã lebg n kuli, la f tʋms tẽngã pʋgẽ tɩ b tigim,
يَأْتُوكَ بِكُلِّ سَحَّارٍ عَلِيمٍ
n wa ne tɩ-mit fãa fo nengẽ".
فَجُمِعَ السَّحَرَةُ لِمِيقَاتِ يَوْمٍ مَعْلُومٍ
Tɩ tɩtã-rãmb na n tigim taab raar ning b sẽn yãkã.
وَقِيلَ لِلنَّاسِ هَلْ أَنْتُمْ مُجْتَمِعُونَ
La b na n yeel nebã: "rẽ yĩngã yãmb tigim n sεεme?,
لَعَلَّنَا نَتَّبِعُ السَّحَرَةَ إِنْ كَانُوا هُمُ الْغَالِبِينَ
Tõe tɩ tõnd tũ tɩtã-rãmbã tɩ b sã n wili"
فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِنْ كُنَّا نَحْنُ الْغَالِبِينَ
La tɩtã-rãmb sẽn wa n wa wã, b yeela a Fɩr-ʿaoona: "rẽ yĩngã tõnd tara keoor tɩ tõnd sã n wili?"
قَالَ نَعَمْ وَإِنَّكُمْ إِذًا لَمِنَ الْمُقَرَّبِينَ
La a yeel yã: "n-yẽe, yãmb na n lebga mam pẽnegdba!
قَالَ لَهُمْ مُوسَىٰ أَلْقُوا مَا أَنْتُمْ مُلْقُونَ
La a Musa yeel-ba: "lob-y bũmb nins yãmb sẽn na n lobã".
فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ
La b lob b wĩyã la rasapã n yeele: "ne a Fɩr-ʿaoon zɩslemã, yaa tõnd n na n wili".
فَأَلْقَىٰ مُوسَىٰ عَصَاهُ فَإِذَا هِيَ تَلْقَفُ مَا يَأْفِكُونَ
La a Musa lobg a rasaarã t'a na n vel bãmb sẽn maanã.
فَأُلْقِيَ السَّحَرَةُ سَاجِدِينَ
Tɩ tɩtã-rãmb lʋɩ n maan suguudu.
قَالُوا آمَنَّا بِرَبِّ الْعَالَمِينَ
N yeele: " D kõo sɩd ne bõn-naands Soabã,
رَبِّ مُوسَىٰ وَهَارُونَ
a Musa la a Harʋʋn Soabã".
قَالَ آمَنْتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ أَجْمَعِينَ
La a [Fɩr-ʿaoon] yeele: "yãmb kõ-a-la sɩda taoor tɩ mam ka kõ yãmb sore? Ad yaa yẽnda la yãmb kãsmã, sẽn wĩnig yãmb tɩɩmã, yɩ bilfu y na bãnge, m na n (kɩtame tɩ b) kʋʋs y nusã la y naoã n tul taaba, n lulg-y fãa gilli".
قَالُوا لَا ضَيْرَ ۖ إِنَّا إِلَىٰ رَبِّنَا مُنْقَلِبُونَ
La b yeele: "yell ( nɑng) ka be ye! Ad yaa tõnd Soabã nengẽ la tõnd lebgda''.
إِنَّا نَطْمَعُ أَنْ يَغْفِرَ لَنَا رَبُّنَا خَطَايَانَا أَنْ كُنَّا أَوَّلَ الْمُؤْمِنِينَ
Ad tõnd tara tʋlsem ne tõnd Soabã t'A yaaf tõnd tʋʋm-tuutsã, tõnd sẽn yaa rãeenem sɩd-kõtbã.
وَأَوْحَيْنَا إِلَىٰ مُوسَىٰ أَنْ أَسْرِ بِعِبَادِي إِنَّكُمْ مُتَّبَعُونَ
La Tõnd toola wahɩ tɩ kẽng a Musa nengẽ [n yeel-a] : "loog ne f nebã, ad b na n pʋga yãmba".
فَأَرْسَلَ فِرْعَوْنُ فِي الْمَدَائِنِ حَاشِرِينَ
T'a Fɩr-ʿaoon na n tʋms tɩ b bool tẽmsã pʋgẽ tɩ b yek taaba.
إِنَّ هَٰؤُلَاءِ لَشِرْذِمَةٌ قَلِيلُونَ
"Bãmbã yaa neb kɩdg bala,
وَإِنَّهُمْ لَنَا لَغَائِظُونَ
La ad b puuga tõnd sũyã
وَإِنَّا لَجَمِيعٌ حَاذِرُونَ
tɩ tõnd fãa gill yaool n yaa gũus-m-mens-rãmba".
فَأَخْرَجْنَاهُمْ مِنْ جَنَّاتٍ وَعُيُونٍ
Tɩ Tõnd na n yiis-b pʋtã pʋsẽ la ko-ninã pʋsẽ.
وَكُنُوزٍ وَمَقَامٍ كَرِيمٍ
La arzεgsẽ la waoogr zĩisẽ.
كَذَٰلِكَ وَأَوْرَثْنَاهَا بَنِي إِسْرَائِيلَ
Yaa woto tɩ Tõnd rɩk a faadã n kõ a ɭsraεεl koambã.
فَأَتْبَعُوهُمْ مُشْرِقِينَ
Tɩ bãmb na n pʋg-b wĩntoog yiib wakato.
فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ
Wakat ning zãma a yiibã sẽn wa n yãnd taaba, a Musa nebã yeelame: "ad b na n paama tõndo".
قَالَ كَلَّا ۖ إِنَّ مَعِيَ رَبِّي سَيَهْدِينِ
La a yeele: "tek-y woto, ad mam Soabã bee ne maam, A na n kãnda maam".
فَأَوْحَيْنَا إِلَىٰ مُوسَىٰ أَنِ اضْرِبْ بِعَصَاكَ الْبَحْرَ ۖ فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيمِ
Tɩ Tõnd na n tʋms wahɩ tɩ kẽng a Musa nengẽ: "rɩk f rasaarã n wẽ mogrã". T'a pãrg n maan tɩ yembr fãa lebg wala tãm-bedre.
وَأَزْلَفْنَا ثَمَّ الْآخَرِينَ
Tɩ Tõnd kɩt tɩ neb a taabã [a Fɩr-ʿaoon ne a nebã] pẽnege.
وَأَنْجَيْنَا مُوسَىٰ وَمَنْ مَعَهُ أَجْمَعِينَ
La Tõnd tɩlg a Musa la neb nins sẽn naag yẽnda wã fãa.
ثُمَّ أَغْرَقْنَا الْآخَرِينَ
Rẽ loogr poorẽ tɩ Tõnd na n bõr neb a taaba.
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Ad tagmas be woto pʋga la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa yolsg Naaba.
وَاتْلُ عَلَيْهِمْ نَبَأَ إِبْرَاهِيمَ
La karem n togs-b a ɭbraahɩɩm kibarã:
إِذْ قَالَ لِأَبِيهِ وَقَوْمِهِ مَا تَعْبُدُونَ
Wakat ning a sẽn wa n yeel a saamb la a zãmã wã: "yaa bõe la yãmb tũudã?"
قَالُوا نَعْبُدُ أَصْنَامًا فَنَظَلُّ لَهَا عَاكِفِينَ
La b yeele: "tõnd tũuda rʋbse n yãs ne b tũudmã lug-lugi''.
قَالَ هَلْ يَسْمَعُونَكُمْ إِذْ تَدْعُونَ
La a yeele: "rẽ yĩnga b wʋmda yãmba, y sẽn wat n kot-ba?''
أَوْ يَنْفَعُونَكُمْ أَوْ يَضُرُّونَ
Maa (yãmb sẽn tũud-bã) b nafda yãmbã, maa (y sã n bas n ka tũ-ba) b namsda yãmbã?
قَالُوا بَلْ وَجَدْنَا آبَاءَنَا كَذَٰلِكَ يَفْعَلُونَ
La b yeele: "ka woto ye! Tõnd mika d saam-rãmbã tɩ b maand woto".
قَالَ أَفَرَأَيْتُمْ مَا كُنْتُمْ تَعْبُدُونَ
La a yeele: "yãmb yãame, y sẽn tũud bũmb ningã wã…?
أَنْتُمْ وَآبَاؤُكُمُ الْأَقْدَمُونَ
Yãmb la y saam-dãmb nins sẽn reng taoorã?
فَإِنَّهُمْ عَدُوٌّ لِي إِلَّا رَبَّ الْعَالَمِينَ
Ad b yaa mam bεεba, rẽnda bõn-naandsã Soabã (Wubdã).
الَّذِي خَلَقَنِي فَهُوَ يَهْدِينِ
Soab ning sẽn naan maamã la A kãndg maamã;
وَالَّذِي هُوَ يُطْعِمُنِي وَيَسْقِينِ
Naab ning sẽn rɩlgd maam la A yũnugd maamã.
وَإِذَا مَرِضْتُ فَهُوَ يَشْفِينِ
Naab ninga, tɩ mam sã n wa ka keeme, A kõta maam laafɩ,
وَالَّذِي يُمِيتُنِي ثُمَّ يُحْيِينِ
Naab ning sẽn reegda mam yõorã la A leb n vʋʋg maamã,
وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ
Naab ning mam sẽn tar tʋlsem t'a yaaf mam tʋʋm-tuutsã, dĩinã (yaoodã) raare.
رَبِّ هَبْ لِي حُكْمًا وَأَلْحِقْنِي بِالصَّالِحِينَ
M Soabã Wẽnde, kõ maam bʋʋd minim la lagem maam ne nin-sõmã wã;
وَاجْعَلْ لِي لِسَانَ صِدْقٍ فِي الْآخِرِينَ
La maan maam tɩ m tɑl yʋ-noogo yaoolem zãmaan rãmbẽ,
وَاجْعَلْنِي مِنْ وَرَثَةِ جَنَّةِ النَّعِيمِ
La maan maam tɩ m yɩ neemã arzãnã fa-rɩkda,
وَاغْفِرْ لِأَبِي إِنَّهُ كَانَ مِنَ الضَّالِّينَ
La yaaf mam saambã, ad a yɩɩme n yaa menemda.
وَلَا تُخْزِنِي يَوْمَ يُبْعَثُونَ
La ra wa ning-m yãnd Yikr raarã ye.
يَوْمَ لَا يَنْفَعُ مَالٌ وَلَا بَنُونَ
Raar ning arzεk la koamb sẽn pa nafde.
إِلَّا مَنْ أَتَى اللَّهَ بِقَلْبٍ سَلِيمٍ
Rẽnda ned ning sẽn wa Wẽnd nengẽ ne sũur sẽn yɩlge".
وَأُزْلِفَتِ الْجَنَّةُ لِلْمُتَّقِينَ
Tɩ b na n kolg arzãnã n kõ Wẽnd-zoεtbã.
وَبُرِّزَتِ الْجَحِيمُ لِلْغَاوِينَ
La Gεhɩɩm Bugum na n vẽneg a meng n wuk ne sẽn belg b mensã,
وَقِيلَ لَهُمْ أَيْنَ مَا كُنْتُمْ تَعْبُدُونَ
Tɩ b nɑ n yeel-bɑ: "yãmb sẽn da yɩ n tũud bũmb ningã wã bεε,
مِنْ دُونِ اللَّهِ هَلْ يَنْصُرُونَكُمْ أَوْ يَنْتَصِرُونَ
zẽng sẽn pa Wẽndã? Rẽ yĩnga b tõe n sõnga yãmbã? Bɩ b tõe n sõnga b mense?"
فَكُبْكِبُوا فِيهَا هُمْ وَالْغَاوُونَ
B na n lob-b lame n kalem taaba, bãmb ne sẽn belg b bãmbã,
وَجُنُودُ إِبْلِيسَ أَجْمَعُونَ
La a ɭblɩɩs poorẽ rãmbã fãa gilli.
قَالُوا وَهُمْ فِيهَا يَخْتَصِمُونَ
La b na n yeele, tɩ bãmb be Bugmã pʋgẽ n takd taaba:
تَاللَّهِ إِنْ كُنَّا لَفِي ضَلَالٍ مُبِينٍ
"Ne Wẽnde! Ad tõnd rag n bee meneng sẽn vẽneg pʋgẽ,
إِذْ نُسَوِّيكُمْ بِرَبِّ الْعَالَمِينَ
tõnd sẽn wa n rɩkd yãmb n zemsd ne bõn-naandsã Soabã.
وَمَا أَضَلَّنَا إِلَّا الْمُجْرِمُونَ
Bũmb pa menes tõnd n zʋʋg nin-wẽnsã ye.
فَمَا لَنَا مِنْ شَافِعِينَ
La tõnd pa tar sugsd ye.
وَلَا صَدِيقٍ حَمِيمٍ
Zao tɩrg ka be me ye.
فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ
La tɩ lebgr sã n da beeme tɩ d paam n yɩ sɩd-kõtba.
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Ad tagmas be woto (ɑ ɭbrɑɑhɩɩm kibɑrã lɑ yɑgsdbã bɑɑsgã) pʋga la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naaba n yaa Yolsg Naaba.
كَذَّبَتْ قَوْمُ نُوحٍ الْمُرْسَلِينَ
A Nuuh nebã yagsa Tẽn-tʋʋmbã,
إِذْ قَالَ لَهُمْ أَخُوهُمْ نُوحٌ أَلَا تَتَّقُونَ
Wakat ning b saam-biig a Nuuh sẽn wa n yeel-ba: "rẽ yĩnga yãmb ka zoet [Wẽnde]?''
إِنِّي لَكُمْ رَسُولٌ أَمِينٌ
Ad mam yaa Tẽn-tʋʋm ne yãmba n yaa bas-m-yam soɑbɑ.
فَاتَّقُوا اللَّهَ وَأَطِيعُونِ
Bɩ y zoe Wẽnd la y pʋg maam.
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ
Mam pa kot yãmb keoor a zug ye, ad mam keoorã bee bõn-naandɩ wã Soabã nengẽ.
فَاتَّقُوا اللَّهَ وَأَطِيعُونِ
Bɩ y zoe Wẽnd la y pʋg maam
قَالُوا أَنُؤْمِنُ لَكَ وَاتَّبَعَكَ الْأَرْذَلُونَ
La b yeele: "rẽ yĩngã tõnd na sak n kõ foom sɩda, tɩ yaool n yaa nin-yaalsã la sẽn pʋgd foomã?"
قَالَ وَمَا عِلْمِي بِمَا كَانُوا يَعْمَلُونَ
La a yeele: "mam ka tar bãngr ne b sẽn da tʋmd ye.
إِنْ حِسَابُهُمْ إِلَّا عَلَىٰ رَبِّي ۖ لَوْ تَشْعُرُونَ
Ad b geelgã roga ne mam Soabã zug tɩ y sã n miẽ.
وَمَا أَنَا بِطَارِدِ الْمُؤْمِنِينَ
Mam ka na n rig sɩd-kɩtbã ye.
إِنْ أَنَا إِلَّا نَذِيرٌ مُبِينٌ
Mam ka zẽngã rẽnda bugsd sẽn vẽnege".
قَالُوا لَئِنْ لَمْ تَنْتَهِ يَا نُوحُ لَتَكُونَنَّ مِنَ الْمَرْجُومِينَ
La b yeele: "yaa a Nuuhu, la tɩ fo sã n ka maan gũusgu, ad b na n loba foom [ne kuga]!"
قَالَ رَبِّ إِنَّ قَوْمِي كَذَّبُونِ
La a yeele: "yaa m Soaba, ad mam nebã yagsa maam.
فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَنْ مَعِيَ مِنَ الْمُؤْمِنِينَ
Bɩ F bʋ maam ne b sʋka, bʋʋd sẽn sãɑmd-b tɩ yaa vẽenega , la F tɩlg-ma la neb nins sẽn kõ sɩd n lagem maamã".
فَأَنْجَيْنَاهُ وَمَنْ مَعَهُ فِي الْفُلْكِ الْمَشْحُونِ
Tɩ Tõnd na n tɩlg-a la neb nins sẽn kẽ n naag-a wã kogl pitgã pʋgẽ.
ثُمَّ أَغْرَقْنَا بَعْدُ الْبَاقِينَ
Rẽ poorẽ tɩ Tõnd bõr neb a taabã (kɩfr-rãmbã).
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Ad tagmas be woto pʋga la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa Yolsg Naaba.
كَذَّبَتْ عَادٌ الْمُرْسَلِينَ
Ad a ʿAad-rãmb yagsa Tẽn-tʋʋmbã,
إِذْ قَالَ لَهُمْ أَخُوهُمْ هُودٌ أَلَا تَتَّقُونَ
Wakat ning b saam-biig a Huud sẽn wa n yeel-ba: "rẽ yĩnga yãmb ka zoet [Wẽnde]?
إِنِّي لَكُمْ رَسُولٌ أَمِينٌ
Ad mam yaa Tẽn-tʋʋm n yaa bas-m-yam ne yãmba.
فَاتَّقُوا اللَّهَ وَأَطِيعُونِ
Bɩ y zoe Wẽnd la y pʋg maam.
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ
Mam pa kot yãmb keoor a zug ye, ad mam keoorã bee bõn-naandɩ wã Soabã nengẽ.
أَتَبْنُونَ بِكُلِّ رِيعٍ آيَةً تَعْبَثُونَ
Rẽ yĩngã yãmb na n meta kunkubr zug fãa me-zãntg n reemdẽ bala?
وَتَتَّخِذُونَ مَصَانِعَ لَعَلَّكُمْ تَخْلُدُونَ
La y met ro-bεda (gãsdo) tɩ yaa wala yãmb na n duumame?
وَإِذَا بَطَشْتُمْ بَطَشْتُمْ جَبَّارِينَ
La yãmb sã n na n maan n role, y maandame tɩ y yaa maan-n-zʋʋg rãmbã, tɩ ninbãan-zoεεg ka be ye.
فَاتَّقُوا اللَّهَ وَأَطِيعُونِ
Bɩ y zoe Wẽnd la y pʋg maam.
وَاتَّقُوا الَّذِي أَمَدَّكُمْ بِمَا تَعْلَمُونَ
Yaees-y Naab ning sẽn kõ yãmb bõn-sõmã wɑlɑ y sẽn mi wã.
أَمَدَّكُمْ بِأَنْعَامٍ وَبَنِينَ
Sẽn kõ yãmb neema rũms (neemɑ-rãmbɑ) la koamba.
وَجَنَّاتٍ وَعُيُونٍ
La pʋt la ko-soaya.
إِنِّي أَخَافُ عَلَيْكُمْ عَذَابَ يَوْمٍ عَظِيمٍ
Ad mam yaeesda yãmb zugu, ra-kãseng raarã naongã.
قَالُوا سَوَاءٌ عَلَيْنَا أَوَعَظْتَ أَمْ لَمْ تَكُنْ مِنَ الْوَاعِظِينَ
La b yeele: "zem tɩ fo maana tõnd waazʋ maa fo ka maane, fãa yaa a yembr tõnd nengẽ''.
إِنْ هَٰذَا إِلَّا خُلُقُ الْأَوَّلِينَ
Ad wãnde yaa rãeenem rãmb zʋgdo lɑ b rog-n-miki.
وَمَا نَحْنُ بِمُعَذَّبِينَ
La b pa na n sɩbg tõnd ye.
فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Tɩ b yags-a, tɩ Tõnd halk-ba, ad tagmas be woto pʋga la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa Yolsg Naaba.
كَذَّبَتْ ثَمُودُ الْمُرْسَلِينَ
Ad a Ṯamuud rãmb yagsa Tẽn-tʋʋmbã.
إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ
Wakat ning b saam-biig a Ṣaalɩḥ sẽn wa n yeel-ba: "rẽ yĩnga yãmb ka zoet [Wẽnde]?''
إِنِّي لَكُمْ رَسُولٌ أَمِينٌ
Ad mam yaa Tẽn-tʋʋm n yaa bas-m-yam ne yãmba.''
فَاتَّقُوا اللَّهَ وَأَطِيعُونِ
Bɩ y zoe Wẽnd la y pʋg maam.
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ
Mam pa kot yãmb keoor a zug ye, ad mam keoorã bee bõn-naandɩ wã Soabã nengẽ.
أَتُتْرَكُونَ فِي مَا هَاهُنَا آمِنِينَ
Rẽ yĩnga, yãmb tẽedɑme tɩ b na basɑ yãmb kaanẽ tɩ yãmb be bas-m-yam pʋg bɑla?
فِي جَنَّاتٍ وَعُيُونٍ
Tɩ y be pʋt pʋg la ko-sood pʋga
وَزُرُوعٍ وَنَخْلٍ طَلْعُهَا هَضِيمٌ
La koodo la tamar tɩɩs biis sẽn yaa lom-lome (n sakd rɩɩbo)?
وَتَنْحِتُونَ مِنَ الْجِبَالِ بُيُوتًا فَارِهِينَ
La y peesd tãmsã n met rot tɩ yãmb yɑɑ sẽn tõe tʋʋmdã tɩ looge (pʋtẽer rãmbɑ)?
فَاتَّقُوا اللَّهَ وَأَطِيعُونِ
Bɩ y zoe Wẽnde la y pʋg maam.
وَلَا تُطِيعُوا أَمْرَ الْمُسْرِفِينَ
La y ra wa tũ zʋʋg-toadg rãmbã sagell ye.
الَّذِينَ يُفْسِدُونَ فِي الْأَرْضِ وَلَا يُصْلِحُونَ
Neb nins sẽn kẽnd tẽngã zug ne sãoongã la b pa manegdã.
قَالُوا إِنَّمَا أَنْتَ مِنَ الْمُسَحَّرِينَ
La b yeele: "ad b maana foom tɩɩm,
مَا أَنْتَ إِلَّا بَشَرٌ مِثْلُنَا فَأْتِ بِآيَةٍ إِنْ كُنْتَ مِنَ الصَّادِقِينَ
Fo ka baa fʋɩ n zʋʋg ned wala tõnd ye, bɩ f wa ne tagmas tɩ sã n mikame tɩ f naaga nin-sõma wã".
قَالَ هَٰذِهِ نَاقَةٌ لَهَا شِرْبٌ وَلَكُمْ شِرْبُ يَوْمٍ مَعْلُومٍ
La a yeele: "woto yaa yʋgemde: a tara yũub raare, tɩ yãmb me tar yũub raar ( pʋɩre) sẽn yãk n miẽ''.
وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ
Ra sɩɩs-y-yã-a ne wẽng ye, tɩ ra-wagell raarã sɩbgr wa yõk yãmb ye".
فَعَقَرُوهَا فَأَصْبَحُوا نَادِمِينَ
La b kõs-a [n kʋ] tɩ b vẽeg beoog ne nimsa!
فَأَخَذَهُمُ الْعَذَابُ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Tɩ naongã yõk-ba, ad tagmas be woto pʋga la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa Yolsg Naaba.
كَذَّبَتْ قَوْمُ لُوطٍ الْمُرْسَلِينَ
Ad a Lʋʋṭ nebã yagsa Tẽn-tʋʋmbã.
إِذْ قَالَ لَهُمْ أَخُوهُمْ لُوطٌ أَلَا تَتَّقُونَ
Wakat ning b saam-biig a Lʋʋṭ sẽn wa n yeel-ba: "rẽ yĩnga yãmb ka nɑ n zoe [Wẽnde]?
إِنِّي لَكُمْ رَسُولٌ أَمِينٌ
Ad mam yaa Tẽn-tʋʋm n yaa bas-m-yam ne yãmba.
فَاتَّقُوا اللَّهَ وَأَطِيعُونِ
Bɩ y zoe Wẽnde la y pʋg maam.
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ
Mam pa kot yãmb keoor a zug ye, ad mam keoorã bee bõn-naandɩ wã Soabã nengẽ.
أَتَأْتُونَ الذُّكْرَانَ مِنَ الْعَالَمِينَ
Yãmb nɑ n baooda raop bõn-nɑɑndi wã sʋkɑ?"
وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ ۚ بَلْ أَنْتُمْ قَوْمٌ عَادُونَ
N yaool n basd pagbã yãmb Soabã sẽn naan n kõ yãmb tɩ yaa halaalã? Ad yãmb yaa zʋʋg-toadg rãmbã".
قَالُوا لَئِنْ لَمْ تَنْتَهِ يَا لُوطُ لَتَكُونَنَّ مِنَ الْمُخْرَجِينَ
La b yeele: "yaa foo Lʋʋṭe! Ad fo sã n ka tek n base, b na n rig-f lame n yi tẽngã".
قَالَ إِنِّي لِعَمَلِكُمْ مِنَ الْقَالِينَ
La a yeele: "ad mam kisga yãmb tʋʋmdã,
رَبِّ نَجِّنِي وَأَهْلِي مِمَّا يَعْمَلُونَ
M Soaba, tɩlg maam la m zakã rãmbã n yi bãmbã sẽn tʋmdã".
فَنَجَّيْنَاهُ وَأَهْلَهُ أَجْمَعِينَ
Tɩ Tõnd na n tɩlg-a la a zakã rãmb fãa gilli.
إِلَّا عَجُوزًا فِي الْغَابِرِينَ
Rẽnda pʋg-yãanga, n naag halkdbã pʋgẽ.
ثُمَّ دَمَّرْنَا الْآخَرِينَ
Rẽ loogr poorẽ tɩ Tõnd na n halk sẽn ketbã.
وَأَمْطَرْنَا عَلَيْهِمْ مَطَرًا ۖ فَسَاءَ مَطَرُ الْمُنْذَرِينَ
La Tõnd na n sik sa-koom b zugu, ɑd bugs-n-kong rãmb saag yɩ wẽnga.
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Ad tagmas be woto pʋga la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa Yolsg Naaba.
كَذَّبَ أَصْحَابُ الْأَيْكَةِ الْمُرْسَلِينَ
Ad a Ayka nebã (kãgrẽ (kãɑngẽ) rãmbã) yagsa Tẽn-tʋʋmbã.
إِذْ قَالَ لَهُمْ شُعَيْبٌ أَلَا تَتَّقُونَ
Wakat ning a Sʋ'ʿayb sẽn wa n yeel-ba: "rẽ yĩnga yãmb ka nɑ n zoe [Wẽnde]?''
إِنِّي لَكُمْ رَسُولٌ أَمِينٌ
Ad mam yaa Tẽn-tʋʋm n yaa bas-m-yam ne yãmba.
فَاتَّقُوا اللَّهَ وَأَطِيعُونِ
Bɩ y zoe Wẽnde la y pʋg maam.
وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ
Mam pa kot yãmb keoor a zug ye, ad mam keoorã bee bõn-naandɩ wã Soabã nengẽ.
أَوْفُوا الْكَيْلَ وَلَا تَكُونُوا مِنَ الْمُخْسِرِينَ
Pids-y vugbã la y ra yɩ neb nins sẽn boogd vugb ye.
وَزِنُوا بِالْقِسْطَاسِ الْمُسْتَقِيمِ
La y pees ne pεεsdg sẽn tẽeg tɩrga.
وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ
Ra wa boog-y nebã teedã vugbã pʋgẽ ye, la y ra kẽn tẽn-gãngã zug ne sãang ye.
وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ
Zoe-y Naab ning sẽn naana yãmb la zãma-rãmb nins sẽn reng yãmb taoorã.
قَالُوا إِنَّمَا أَنْتَ مِنَ الْمُسَحَّرِينَ
La b yeele: "ad b maana foom tɩɩm,
وَمَا أَنْتَ إِلَّا بَشَرٌ مِثْلُنَا وَإِنْ نَظُنُّكَ لَمِنَ الْكَاذِبِينَ
Fo ka baa fʋɩ n zʋʋg ned wala tõnd ye, la ad tõnd tẽedame tɩ fo yaa zĩri-be-neda.
فَأَسْقِطْ عَلَيْنَا كِسَفًا مِنَ السَّمَاءِ إِنْ كُنْتَ مِنَ الصَّادِقِينَ
Bɩ f kɩt tɩ bõn-gɩrgɑ yi saagẽ wã n lʋɩ tõnd zugu, tɩ sã n mikame tɩ fo yaa sɩd-soaba!"
قَالَ رَبِّي أَعْلَمُ بِمَا تَعْمَلُونَ
La a yeele: "mam Soabã n mi bũmb ning yãmb sẽn maandã".
فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ
Tɩ b na n yags-a, tɩ sawadg (maasem) raar sɩbgr na n gãd-ba, la ad raarã yɩɩ ra-kãseng raar naongo.
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ
Ad tagmas be woto pʋga, la ad bãmbã sẽn waoog fãa pa sɩd-kõtb ye.
وَإِنَّ رَبَّكَ لَهُوَ الْعَزِيزُ الرَّحِيمُ
La ad fo Soabã yaa wilb Naab n yaa Yolsg Naaba.
وَإِنَّهُ لَتَنْزِيلُ رَبِّ الْعَالَمِينَ
Ad a sigame n yi bõn-naandsã Soab nengẽ.
نَزَلَ بِهِ الرُّوحُ الْأَمِينُ
Bas-m-yam yõ-yɩlemdã (Gibriil) n sik-a.
عَلَىٰ قَلْبِكَ لِتَكُونَ مِنَ الْمُنْذِرِينَ
Fo sũurẽ wã, sẽn na yɩl tɩ fo yɩ bugsda.
بِلِسَانٍ عَرَبِيٍّ مُبِينٍ
Ne Laarab-rãmb zɩlemd sẽn vẽnege.
وَإِنَّهُ لَفِي زُبُرِ الْأَوَّلِينَ
Ad a bee rãeenem (Tẽn-tʋʋmbã) gaf-rãmb pʋgẽ.
أَوَلَمْ يَكُنْ لَهُمْ آيَةً أَنْ يَعْلَمَهُ عُلَمَاءُ بَنِي إِسْرَائِيلَ
Rẽ yĩnga a ka yɩ yel-solemd ne bãmbã t'a ɭsraεεl bãngdbã wa tar a kibare?
وَلَوْ نَزَّلْنَاهُ عَلَىٰ بَعْضِ الْأَعْجَمِينَ
La tɩ b sã n da sik-a n kõ bu-zẽmsã sẽn pa Laarab-rãmba.
فَقَرَأَهُ عَلَيْهِمْ مَا كَانُوا بِهِ مُؤْمِنِينَ
Tɩ b wa karem-a n wĩnig-ba, b ra ka na n kõ sɩdɑ tɩ bɑla b pɑ fɑsmd-ɑ ye.
كَذَٰلِكَ سَلَكْنَاهُ فِي قُلُوبِ الْمُجْرِمِينَ
Yaa woto la Tõnd kẽes (Tẽn-tʋʋmbã yagsgo) nin-wẽnsã sũyẽ,
لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ
B pa na n kõ (Alkʋrãanã) sɩda, hal tɩ b wa tʋg n yã naon-zabdgã,
فَيَأْتِيَهُمْ بَغْتَةً وَهُمْ لَا يَشْعُرُونَ
Naongã na n waa b nengẽ ne lingri, tɩ b pa tẽed ye.
فَيَقُولُوا هَلْ نَحْنُ مُنْظَرُونَ
La b yetẽ: "rẽ yĩnga, b na n kolla tõnd (tɩ d tuub bɩ)?"
أَفَبِعَذَابِنَا يَسْتَعْجِلُونَ
Rẽ yĩnga yaa Tõnd nongã la b yãgd n baoodẽ?
أَفَرَأَيْتَ إِنْ مَتَّعْنَاهُمْ سِنِينَ
Fo yãame tɩ Tõnd sã n wʋms-b noog yʋʋm saare,
ثُمَّ جَاءَهُمْ مَا كَانُوا يُوعَدُونَ
Rẽ poorẽ tɩ (nong) ning b sẽn da pʋlem-bã yaool n wa,
مَا أَغْنَىٰ عَنْهُمْ مَا كَانُوا يُمَتَّعُونَ
Bõe lɑ bũmb ning b sẽn da wʋmd noogã na n tõog n nɑf-bɑ?.
وَمَا أَهْلَكْنَا مِنْ قَرْيَةٍ إِلَّا لَهَا مُنْذِرُونَ
Lɑ Tõnd pa halkd tẽnga, rẽndame tɩ D reng n tʋms Tẽn-tʋʋm tɩ tʋg n bugs-ba.
ذِكْرَىٰ وَمَا كُنَّا ظَالِمِينَ
Tɩ yaa tẽegre, la Tõnd pa yɩ n yaa wẽgdb ye.
وَمَا تَنَزَّلَتْ بِهِ الشَّيَاطِينُ
Ad pa Sʋɩtãamb n sig ne Alkʋrãɑnɑ ye.
وَمَا يَنْبَغِي لَهُمْ وَمَا يَسْتَطِيعُونَ
A ra pa sõmb ne-ba, b pʋs n pa tõe.
إِنَّهُمْ عَنِ السَّمْعِ لَمَعْزُولُونَ
Ad b lill-b lame tɩ b pa tõe n paam n kelg (Wẽnd goamã) ye.
فَلَا تَدْعُ مَعَ اللَّهِ إِلَٰهًا آخَرَ فَتَكُونَ مِنَ الْمُعَذَّبِينَ
Bɩ f ra wa bool soab zẽng sẽn pa Wẽnde, tɩ fo wa yɩ neb nins b sẽn na n namsã pʋgẽ ye.
وَأَنْذِرْ عَشِيرَتَكَ الْأَقْرَبِينَ
La bugs fo rog-pẽtbã.
وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ
La gãneg mengɑ ne neb nins sẽn pʋgd foomã sẽn yaa sɩd-kõatbã.
فَإِنْ عَصَوْكَ فَقُلْ إِنِّي بَرِيءٌ مِمَّا تَعْمَلُونَ
La b sã n kɩɩs foom, bɩ f yeele: "mam pigd n yii bũmb ning yãmb sẽn tʋmdã''.
وَتَوَكَّلْ عَلَى الْعَزِيزِ الرَّحِيمِ
La bobl f meng ne wilb Naabã la Yolsg Naabã.
الَّذِي يَرَاكَ حِينَ تَقُومُ
Naab ning sẽn ne foomã, wakat ning fo sẽn wat n yik n deed pʋʋgã.
وَتَقَلُّبَكَ فِي السَّاجِدِينَ
La fo sẽn wat n leebd suguud maandbã sʋka.
إِنَّهُ هُوَ السَّمِيعُ الْعَلِيمُ
Ad A yaa Wʋmd n yaa Mita.
هَلْ أُنَبِّئُكُمْ عَلَىٰ مَنْ تَنَزَّلُ الشَّيَاطِينُ
Rẽ yĩnga, m pɑ na n kõ-y kibar ne Sʋɩtãambã sẽn sigd neb nins nengẽ wã?
تَنَزَّلُ عَلَىٰ كُلِّ أَفَّاكٍ أَثِيمٍ
B sigda zĩri-beed soab sẽn yaa zũunuub-bεd soab nengẽ.
يُلْقُونَ السَّمْعَ وَأَكْثَرُهُمْ كَاذِبُونَ
B modgdame n na n pɑɑm n kelg sɑɑsẽ wã…la b wʋsg fãa yaa zĩri-be-neba.
وَالشُّعَرَاءُ يَتَّبِعُهُمُ الْغَاوُونَ
La yɩɩn-yɩɩndbã, yaa kεdgdbã n pʋgd-ba.
أَلَمْ تَرَ أَنَّهُمْ فِي كُلِّ وَادٍ يَهِيمُونَ
Rẽ yĩnga fo pa yãnd tɩ ko-soog (wεεng fãɑ) fãa pʋgẽ, bãmb n be beenẽ n faooda.
وَأَنَّهُمْ يَقُولُونَ مَا لَا يَفْعَلُونَ
La b yet bũmb ning b sẽn pa tʋmde?
إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا ۗ وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ
Rẽndɑ yɩɩn-yɩɩdb nins sẽn kõ sɩdã la b maan tʋʋm-sõmã la b tẽegd Wẽnd yʋʋrã wʋsgã, la b wili, b sẽn wẽg-b loogr poorẽ. La wẽgdbã na wa n bãng lebgr zĩig ninga b sẽn na n wa lebã.