The Aligners · as-Saffat · سورة الصافات · 182 ayahs

القرآن الكريمRowwad Translation Center

بِسْمِ اللَّهِ الرَّحْمَٰنِ الرَّحِيمِ

وَالصَّافَّاتِ صَفًّا

M wẽen ne Mɑlεgs tedgdbã, rulg-rulgã.

فَالزَّاجِرَاتِ زَجْرًا

La sẽn tãsd-b Sɑwɑtã tãsg tεkẽ n peegd-b n teesd Wẽnd sẽn tʋllẽ.

فَالتَّالِيَاتِ ذِكْرًا

La sẽn karemd-b Tẽegrã sẽn yɑɑ Wẽnd goɑmã.

إِنَّ إِلَٰهَكُمْ لَوَاحِدٌ

Ad yãmb Soabã, a yaa A Yembre.

رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ

Saas la Tẽng la bũmb ning sẽn be b yiibã sʋk Soaba, la wĩntoog pukr zĩis Naaba.

إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ

Ad Tond nagsa Dũni saagã ne faas-teed sẽn yaa ãdse.

وَحِفْظًا مِنْ كُلِّ شَيْطَانٍ مَارِدٍ

La D leb n gũus-a n yi Sʋɩtãan fãa sẽn yaa tõta.

لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ

B pa tõe n kelg yĩngr rãmbã ye, b lobd-b-la wεεng fãa gilli.

دُحُورًا ۖ وَلَهُمْ عَذَابٌ وَاصِبٌ

Tɩ yaa rigb ne sʋɩtãambã, la b le tar nang sẽn ruumdi.

إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ

Rẽnda ned ning sẽn zaeeg-a zaeegr tɩ vɩleng sẽn wit pʋgl-a.

فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ

Bɩ f sok-b n gese, bãmb naanegã toolem n yɩɩd bɩ yaa bũmb ning Tõnd sẽn naanã? Ad Tõnd naan-b lame ne tãnd sẽn yaa tabende.

بَلْ عَجِبْتَ وَيَسْخَرُونَ

Pa woto ye, fo maanda yel-solemd tɩ bãmb yaandẽ.

وَإِذَا ذُكِّرُوا لَا يَذْكُرُونَ

La b sã n tẽeg-ba, b pa tẽegd ye.

وَإِذَا رَأَوْا آيَةً يَسْتَسْخِرُونَ

La b sã n yã yel-solemde, la b sẽn boond taab n yaandẽ.

وَقَالُوا إِنْ هَٰذَا إِلَّا سِحْرٌ مُبِينٌ

La b yeel yã: "yãoã pa yɩ rẽnda tɩɩm sẽn vẽnege".

أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ

B yeelame: "rẽ yĩnga tõnd sã n ki n lebg tom la kõaba, b na leb n vʋʋg tõndo tɩ d yɩ nɑɑn-pɑɑlle?

أَوَآبَاؤُنَا الْأَوَّلُونَ

La tõnd saam-rẽemsã fãa?"

قُلْ نَعَمْ وَأَنْتُمْ دَاخِرُونَ

Yeele: "n-ye". Tɩ yãmb yaa b sẽn faag-b rãmba.

فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ

Ad a yaa tãs-vuk bal tɩ bãmb yaa sẽn gete.

وَقَالُوا يَا وَيْلَنَا هَٰذَا يَوْمُ الدِّينِ

Tɩ b yeele: "yaa tõnd wɩɩbdo! Yãwã yaa rolbã raare.

هَٰذَا يَوْمُ الْفَصْلِ الَّذِي كُنْتُمْ بِهِ تُكَذِّبُونَ

Yãoã yaa welgr raar ning yãmb sẽn da yɩ n yagsdẽ wã".

احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ

Tigim-y b rãmb nins sẽn wẽgbã la b wõnes-n-taasã la bũmb nins b sẽn da yɩ n tũudẽ wã.

مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ

Zẽng tɩ pa Wẽndã, bɩ y kãag-y-b n tʋg Bugmã sorẽ.

وَقِفُوهُمْ ۖ إِنَّهُمْ مَسْئُولُونَ

La y yals-y-ba, tɩ b na n sok-b lame.

مَا لَكُمْ لَا تَنَاصَرُونَ

Yaa bõe n tar yãmb tɩ y pa sõngd taaba?.

بَلْ هُمُ الْيَوْمَ مُسْتَسْلِمُونَ

Pa woto ye, bãmbã rũnda, b yaa sak-n-tũ rãmba.

وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ

Tɩ b sãnda togl sãnda n sogsd taaba.

قَالُوا إِنَّكُمْ كُنْتُمْ تَأْتُونَنَا عَنِ الْيَمِينِ

N yetẽ: "ad yãmb ra yɩɩme n wat tõnd nengẽ ne pãnga".

قَالُوا بَلْ لَمْ تَكُونُوا مُؤْمِنِينَ

Tɩ b yeele: "yãmb pʋs n ra pa yɩ n yaa sɩd-kõtb ye".

وَمَا كَانَ لَنَا عَلَيْكُمْ مِنْ سُلْطَانٍ ۖ بَلْ كُنْتُمْ قَوْمًا طَاغِينَ

La tõnd ra pa tar pãng yãmb zug ye, yãmb pʋs n ra yɩɩ neb sẽn yaa kεdgdba.

فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ

Tõnd Soabã gomd sɩdga tõnd zugu, ad tõnd yaa (naongã) lεmbdba.

فَأَغْوَيْنَاكُمْ إِنَّا كُنَّا غَاوِينَ

Tɩ tõnd kedg yãmba, ad tõnd yɩɩme n yaa kεdgdba.

فَإِنَّهُمْ يَوْمَئِذٍ فِي الْعَذَابِ مُشْتَرِكُونَ

La raar-kãngã, b fãa yaa lagem-n-taas naongã pʋga.

إِنَّا كَذَٰلِكَ نَفْعَلُ بِالْمُجْرِمِينَ

Ad tõnd yaa woto bal la D tʋm ne nin-wẽnsã.

إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ

Ad bãmb ra yɩɩme tɩ b sã n yeel-ba: "soab kae sã n pa Wẽnde". La b sẽn maand waoog-m-menga.

وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ

La b yetẽ: "rẽ yĩnga tõnd yaa d soben-dãmbã basdba, yɩɩn-yɩɩnd sẽn yaa gãeeng yĩnga?".

بَلْ جَاءَ بِالْحَقِّ وَصَدَّقَ الْمُرْسَلِينَ

Pa woto dɛ! A waa ne sɩd la a sɩdg tẽn-tʋʋmbã.

إِنَّكُمْ لَذَائِقُو الْعَذَابِ الْأَلِيمِ

Ad yãmb yaa naon-zabdgã lεmbdba.

وَمَا تُجْزَوْنَ إِلَّا مَا كُنْتُمْ تَعْمَلُونَ

La b pa rond yãmb rẽnda yãmb sẽn ra yɩ n tʋmdẽ wã.

إِلَّا عِبَادَ اللَّهِ الْمُخْلَصِينَ

Rẽnda Wẽnd yembs nins b sẽn tɩlgã.

أُولَٰئِكَ لَهُمْ رِزْقٌ مَعْلُومٌ

Bãmb n tar rɩtl b sẽn mi.

فَوَاكِهُ ۖ وَهُمْ مُكْرَمُونَ

Sẽn yaa tɩ-biisi, tɩ bãmb yaa b sẽn waoog-b rãmba.

فِي جَنَّاتِ النَّعِيمِ

Tɩ b be Neema arzãn-rãmbã pʋsẽ.

عَلَىٰ سُرُرٍ مُتَقَابِلِينَ

N be gãt zutu, n togl taaba.

يُطَافُ عَلَيْهِمْ بِكَأْسٍ مِنْ مَعِينٍ

Tɩ b gilgd b zut ne ko-tees sẽn yɑɑ yolgemd wɑlɑ ko-nifri.

بَيْضَاءَ لَذَّةٍ لِلشَّارِبِينَ

Pεεlg faddd n yaa noog ne a yũudba.

لَا فِيهَا غَوْلٌ وَلَا هُمْ عَنْهَا يُنْزَفُونَ

Suub kɑ ɑ pʋgẽ ye, ɑ pa zɑbd b zutu.

وَعِنْدَهُمْ قَاصِرَاتُ الطَّرْفِ عِينٌ

La b tara pagb sẽn yaa ges-koees rãmba, n yaa pʋg-neeb nin sẽn yalme.

كَأَنَّهُنَّ بَيْضٌ مَكْنُونٌ

B yaa wala gεl b sẽn gũusi.

فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ

Tɩ b sãnda togl sãnda n sogsd taaba.

قَالَ قَائِلٌ مِنْهُمْ إِنِّي كَانَ لِي قَرِينٌ

Yεt n yeel b pʋgẽ wã : "ad mam ra tara zaoa.

يَقُولُ أَإِنَّكَ لَمِنَ الْمُصَدِّقِينَ

T'a ra yetẽ: "rẽ yĩnga fo lagma sɩd-kõtbã bɩ?''.

أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ

Tõnd sã n ki n lebg tom la kõaba rẽ yĩnga tõnd yaa b sẽn na n rol-b rãmb bɩ?"

قَالَ هَلْ أَنْتُمْ مُطَّلِعُونَ

Tɩ sɩd-kõtã yeel tũud-n-tɑɑsã sẽn be ɑrzãnɑ: "rẽ yĩnga yãmb pɑ na n wa tɩ d lik n ges ɑ sẽn mɑɑnegɑ?"

فَاطَّلَعَ فَرَآهُ فِي سَوَاءِ الْجَحِيمِ

T'a lɩk n yã-a Bugmã sʋka.

قَالَ تَاللَّهِ إِنْ كِدْتَ لَتُرْدِينِ

T'a yeele: "m wẽen ne Wẽnde, fo ra na n halka maam,

وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ

La sã n ka mam Soabã neema wã yĩngã, m ra na n zĩnda b sẽn wa ne-b rãmb Bugmẽ wã.

أَفَمَا نَحْنُ بِمَيِّتِينَ

M mi tɩ tõnd ɑ ɑrzãn koɑmb pa kiidb lɑ?.

إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ

Rẽnda d kũ-rãeengã? Tõnd pa b sẽn na n nams-b rãmb me ye?.

إِنَّ هَٰذَا لَهُوَ الْفَوْزُ الْعَظِيمُ

Ad woto la pʋɩ-bedre.

لِمِثْلِ هَٰذَا فَلْيَعْمَلِ الْعَامِلُونَ

Bɩ tʋmdbã tʋme, woto bilgr paoong yĩnga.

أَذَٰلِكَ خَيْرٌ نُزُلًا أَمْ شَجَرَةُ الزَّقُّومِ

Señ togs tɩ loogã, yẽ la sigb zĩig sõama sẽn yɩɩd bɩ yaa zakʋʋm tɩɩgã (tʋk sẽnego) ?.

إِنَّا جَعَلْنَاهَا فِتْنَةً لِلظَّالِمِينَ

Tõnd naan-a lame t'a yaa zarbg-n-gεsg ne wẽgdbã.

إِنَّهَا شَجَرَةٌ تَخْرُجُ فِي أَصْلِ الْجَحِيمِ

Ad a yaa tɩɩg sẽn yit Bugmã yẽgrẽ.

طَلْعُهَا كَأَنَّهُ رُءُوسُ الشَّيَاطِينِ

A bĩisã yaa wala Sʋɩtãams zutu.

فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ

La bãmb na n rɩ-a lame n pids-a b pʋsã.

ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ

Rẽ poorẽ b tara bõn-yũudi sẽn gẽdg ne ko-tʋʋlg n na n paas a zugu.

ثُمَّ إِنَّ مَرْجِعَهُمْ لَإِلَى الْجَحِيمِ

Rẽ poorẽ ad b lɛbeng zĩig yaa Bugmẽ wã.

إِنَّهُمْ أَلْفَوْا آبَاءَهُمْ ضَالِّينَ

Ad bãmb mika b saam-dãmbã tɩ b yaa menemdba.

فَهُمْ عَلَىٰ آثَارِهِمْ يُهْرَعُونَ

Tɩ bãmb yaa sẽn zoet n wurd b vũunã tũub zugu.

وَلَقَدْ ضَلَّ قَبْلَهُمْ أَكْثَرُ الْأَوَّلِينَ

La sɩd la hakɩɩka rãeenem rãmbã wʋsg sẽn reng bãamb taoor menmame.

وَلَقَدْ أَرْسَلْنَا فِيهِمْ مُنْذِرِينَ

La sɩd la hakɩɩka Tõnd tʋmsa bugsdb b pʋgẽ.

فَانْظُرْ كَيْفَ كَانَ عَاقِبَةُ الْمُنْذَرِينَ

Bɩ f ges b sẽn bugs-b rãmbã baasg yɩɩ wãn-wãna?

إِلَّا عِبَادَ اللَّهِ الْمُخْلَصِينَ

Rẽnda Wẽnd yembs nins b sẽn tɩlgã, (bãmb nɑ n põsɑ nɑngã).

وَلَقَدْ نَادَانَا نُوحٌ فَلَنِعْمَ الْمُجِيبُونَ

La sɩd la hakɩɩka a Nuuh boola Tõndo, la sakdb sɑkr sẽn be neer n yɩɩd yaa Tõndo.

وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ

La D tɩlg-a-la ne a zakã rãmb n yi nan-bedrã.

وَجَعَلْنَا ذُرِّيَّتَهُ هُمُ الْبَاقِينَ

La D maan a koambã tɩ bãmb la kεlldba.

وَتَرَكْنَا عَلَيْهِ فِي الْآخِرِينَ

La D bas tɩ b na n wa gomd a yell yaoolem rãmbẽ wã.

سَلَامٌ عَلَىٰ نُوحٍ فِي الْعَالَمِينَ

Tɩlgr be ne a Nuuh bõn-naandsã pʋga.

إِنَّا كَذَٰلِكَ نَجْزِي الْمُحْسِنِينَ

Ad yaa woto bal la Tõnd rond manegdbã.

إِنَّهُ مِنْ عِبَادِنَا الْمُؤْمِنِينَ

Ad a yaa Tõnd yembs nins sẽn yaa sɩd-kõtbã a yembre.

ثُمَّ أَغْرَقْنَا الْآخَرِينَ

Rẽ loogr poorẽ tɩ Tõnd na n bõr neb a taabã.

وَإِنَّ مِنْ شِيعَتِهِ لَإِبْرَاهِيمَ

La sẽn be a sõngdbã pʋgẽ, yaa a ɭbraahɩɩm.

إِذْ جَاءَ رَبَّهُ بِقَلْبٍ سَلِيمٍ

Wakat ning a sẽn wa a Soabã nengẽ ne sũur sẽn yɩlge.

إِذْ قَالَ لِأَبِيهِ وَقَوْمِهِ مَاذَا تَعْبُدُونَ

Wakat ning a sẽn wa n yeel a saambã la a zãma wã: "yaa bõe la yãmb sẽn tũudã?"

أَئِفْكًا آلِهَةً دُونَ اللَّهِ تُرِيدُونَ

Zĩri soben-dãmb zẽng sẽn pa Wẽnd la yãmb rata?

فَمَا ظَنُّكُمْ بِرَبِّ الْعَالَمِينَ

La yãmb tẽeda wãn-wãn ne bõn-nãandsã Soabã, tɩ sã n sεgɑ ne lɑgm-n-tɑɑre?

فَنَظَرَ نَظْرَةً فِي النُّجُومِ

T'a nak n ges ãdsẽ wã.

فَقَالَ إِنِّي سَقِيمٌ

N yeel-bɑ: "ad mam yaa bãada".

فَتَوَلَّوْا عَنْهُ مُدْبِرِينَ

Tɩ b ball n yi-a n gũd b kuidsi n looge.

فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ

T'a zãoos n kẽng b soben-dãmbẽ wã, n yeel: "yãmb pa rɩt laa?''.

مَا لَكُمْ لَا تَنْطِقُونَ

Bõe n tar yãmb tɩ y pa gomda?"

فَرَاغَ عَلَيْهِمْ ضَرْبًا بِالْيَمِينِ

T'a loog n ta n pãbd-b ne rɩtgo.

فَأَقْبَلُوا إِلَيْهِ يَزِفُّونَ

Tɩ b togl n wat a nengẽ ne yãgbo.

قَالَ أَتَعْبُدُونَ مَا تَنْحِتُونَ

T'a yeele: "yãmb tũuda bũmb ning yãmb sẽn peesdã''

وَاللَّهُ خَلَقَكُمْ وَمَا تَعْمَلُونَ

Tɩ Wẽnd n yaool n naan yãmb ne bũmb ning yãmb sẽn tʋmdã?

قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ

Lɑ b yeel yã: "me-y wulg a yĩngɑ, n lobg-a bugmã pʋga".

فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ

Tɩ b tʋls-a ne wẽnga tɩ Tõnd maan tɩ bãmb lɑ bõnɑ rãmba.

وَقَالَ إِنِّي ذَاهِبٌ إِلَىٰ رَبِّي سَيَهْدِينِ

T'a yeele: "ad mam yaa loogda n tʋg m Soabẽ nengẽ, A na n kãndga maam''.

رَبِّ هَبْ لِي مِنَ الصَّالِحِينَ

Foom m Soabã! Kõ maam bi-sõngo.

فَبَشَّرْنَاهُ بِغُلَامٍ حَلِيمٍ

Tɩ Tõnd noog a sũuri ne bi-ribl (ɭsmaa-ɩɩl) sẽn yaa sugr soaba.

فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ

Lɑ ɑ sẽn wa n bɩ, n ta sõng ɑ sãɑmbã n tʋm wakatã, a (ɭbraahɩɩm) yeelame: "m biig sõngo, ad mam yãta gõeem pʋgẽ n kodgd foom, bɩ f gese fo tagsg yaa wãn-wãna?" T'a yeele: yaa m baaba sõngo, maan b sẽn sagend foomã tɩ Wẽnd sã n sake, f na n mika maam tɩ m lagma sugr rãmbẽ".

فَلَمَّا أَسْلَمَا وَتَلَّهُ لِلْجَبِينِ

B yiibã fãa sẽn wa n sak n reeg b zugẽ, t'a gãneg-a a yεgdgẽ wã.

وَنَادَيْنَاهُ أَنْ يَا إِبْرَاهِيمُ

Tɩ Tõnd boaal-a: "yaa foom ɭbrahɩɩma!''

قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ

Sɩd la hakɩɩka fo sɩdga zãmsdã", yaa woto bal la Tõnd rond manegdbã.

إِنَّ هَٰذَا لَهُوَ الْبَلَاءُ الْمُبِينُ

Ad wãnda la zarb-n-gɛsg sẽn vẽnege.

وَفَدَيْنَاهُ بِذِبْحٍ عَظِيمٍ

La Tõnd tεdg-a lame ne bõn-koadgdg sẽn bedme.

وَتَرَكْنَا عَلَيْهِ فِي الْآخِرِينَ

La D bas tɩ b na n gomd a yʋ-noogo yaoolem rãmbẽ wã.

سَلَامٌ عَلَىٰ إِبْرَاهِيمَ

Tɩlgr be a ɭbraahɩɩm yĩnga.

كَذَٰلِكَ نَجْزِي الْمُحْسِنِينَ

Yaa woto bal la tõnd rond manegdbã.

إِنَّهُ مِنْ عِبَادِنَا الْمُؤْمِنِينَ

Ad a yaa Tõnd yembs nins sẽn yaa sɩd-kõtbã a yembre.

وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ

La D noog a sũur ne a ɭshaaka t'a yaa nabiyaam n yi nin-sõmsẽ wã.

وَبَارَكْنَا عَلَيْهِ وَعَلَىٰ إِسْحَاقَ ۚ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ

La D bark-a (ɭsmaa-ɩɩl) la a ɭshaaka. Be b yiibã koamb pʋsẽ, manegd la wẽg-m-meng soab sẽn vẽnege.

وَلَقَدْ مَنَنَّا عَلَىٰ مُوسَىٰ وَهَارُونَ

La sɩd la hakɩɩka Tõnd maana neema a Musa ne a Harʋʋn zugu.

وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ

La D tɩlg b yiibã la b yiibã neb n yi nan-bedrã.

وَنَصَرْنَاهُمْ فَكَانُوا هُمُ الْغَالِبِينَ

La D sõng-b tɩ b yɩ n yaa bãmb la windba.

وَآتَيْنَاهُمَا الْكِتَابَ الْمُسْتَبِينَ

La D kõ b yiibã gaf-vẽenega.

وَهَدَيْنَاهُمَا الصِّرَاطَ الْمُسْتَقِيمَ

La D kãndg b yiibã n tʋg so-tɩrga.

وَتَرَكْنَا عَلَيْهِمَا فِي الْآخِرِينَ

La D bas tɩ b na wa gomd b yiibã yʋ-noogo yaoolem rãmbẽ wã.

سَلَامٌ عَلَىٰ مُوسَىٰ وَهَارُونَ

Tɩlgr be a Musa ne a Harʋʋn yĩnga.

إِنَّا كَذَٰلِكَ نَجْزِي الْمُحْسِنِينَ

Ad yaa woto bal la Tõnd rond manegdbã.

إِنَّهُمَا مِنْ عِبَادِنَا الْمُؤْمِنِينَ

Ad b yiibã bee Tõnd yembs nins sẽn yaa sɩd-kõtbã pʋgẽ.

وَإِنَّ إِلْيَاسَ لَمِنَ الْمُرْسَلِينَ

La sɩd la hakɩɩka a ɭlyaas bee tẽn-tʋʋmbã pʋgẽ.

إِذْ قَالَ لِقَوْمِهِ أَلَا تَتَّقُونَ

Wakat ning a sẽn wa n yeel a nebã: "yãmb pa zoet Wẽnde?.

أَتَدْعُونَ بَعْلًا وَتَذَرُونَ أَحْسَنَ الْخَالِقِينَ

Yãmb tũuda a Baal (rʋbga) la y basd Naand sẽn yɩɩd a ne sõmblem,

اللَّهَ رَبَّكُمْ وَرَبَّ آبَائِكُمُ الْأَوَّلِينَ

Sẽn yaa Wẽndã, yãmb Soabã la yãmb baab-rãeemsã Soabã?

فَكَذَّبُوهُ فَإِنَّهُمْ لَمُحْضَرُونَ

Tɩ b yags-a. Ad bãmba yaa b sẽn na n wa ne b rãmba ( bugmẽ wã).

إِلَّا عِبَادَ اللَّهِ الْمُخْلَصِينَ

Rẽnda Wẽnd yembs nins b sẽn tɩlgã.

وَتَرَكْنَا عَلَيْهِ فِي الْآخِرِينَ

La D bas tɩ b na n wa gomd a yʋ-noogo yaoolem rãmbẽ wã.

سَلَامٌ عَلَىٰ إِلْ يَاسِينَ

Tɩlgr be ne a ɭlyaasɩɩn yĩnga.

إِنَّا كَذَٰلِكَ نَجْزِي الْمُحْسِنِينَ

Ad yaa woto bal la Tõnd rond manegdbã.

إِنَّهُ مِنْ عِبَادِنَا الْمُؤْمِنِينَ

Ad a yaa Tõnd yembs nins sẽn yaa sɩd-kõtbã a yembre.

وَإِنَّ لُوطًا لَمِنَ الْمُرْسَلِينَ

La sɩd la hakɩɩka a Lʋʋt bee tẽn-tʋʋmbã pʋga.

إِذْ نَجَّيْنَاهُ وَأَهْلَهُ أَجْمَعِينَ

Wakat ning Tõnd sẽn wa n tɩlg-a ne a zakã rãmb gilli.

إِلَّا عَجُوزًا فِي الْغَابِرِينَ

Rẽnda pʋg-yãang n pa halkrã pʋgẽ.

ثُمَّ دَمَّرْنَا الْآخَرِينَ

Rẽ loogr poorẽ tɩ Tõnd na n halk sẽn ketbã.

وَإِنَّكُمْ لَتَمُرُّونَ عَلَيْهِمْ مُصْبِحِينَ

La sɩd la hakɩɩka yãmb pɩʋʋgd-b-la yibeoogo.

وَبِاللَّيْلِ ۗ أَفَلَا تَعْقِلُونَ

La yʋngo, yãmb pa tar yam la?

وَإِنَّ يُونُسَ لَمِنَ الْمُرْسَلِينَ

Sɩd la hakɩɩka a Yuunus bee tẽn-tʋʋmbã pʋga.

إِذْ أَبَقَ إِلَى الْفُلْكِ الْمَشْحُونِ

Wakat ning a sẽn wa n zoe n kẽng kogl pitgã pʋga.

فَسَاهَمَ فَكَانَ مِنَ الْمُدْحَضِينَ

Tɩ b maan poeere, t'a zĩnd b sẽn wil-b rãmbã pʋgẽ, (tɩ b lo-bɑ mogrẽ wã).

فَالْتَقَمَهُ الْحُوتُ وَهُوَ مُلِيمٌ

Tɩ zĩifã vel-a, tɩ yẽ yaa b sẽn sãbs a soaba.

فَلَوْلَا أَنَّهُ كَانَ مِنَ الْمُسَبِّحِينَ

La tɩ sã n pa a sẽn yɩ n lagem sẽn yɩlgd-b Wẽnd yʋʋrã.

لَلَبِثَ فِي بَطْنِهِ إِلَىٰ يَوْمِ يُبْعَثُونَ

A naan n zĩndẽ a pʋgẽ wã n tãag b sẽn na n yik-b raarã.

فَنَبَذْنَاهُ بِالْعَرَاءِ وَهُوَ سَقِيمٌ

Tɩ Tõnd lob-a weo-raoogẽ wã t'a yaa bãada.

وَأَنْبَتْنَا عَلَيْهِ شَجَرَةً مِنْ يَقْطِينٍ

La Tõnd buls tɩɩg a yĩnga, tɩɩg sẽn tão Tẽnga.

وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ

La D tʋms-a neb tus-koabg nengẽ pʋs n yɩɩdɑ rẽ.

فَآمَنُوا فَمَتَّعْنَاهُمْ إِلَىٰ حِينٍ

Tɩ b kõ sɩda, tɩ Tõnd wʋms-b noog n tʋg wakato.

فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ

Bɩ f sok-b n gese, fo Soabã n so kom-pugli wã tɩ bãmb n so kom-ribli wã?

أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ

Bɩ Tõnd naana Malεgsã tɩ yaa pagba, tɩ bãmb yɩ kaset rãmbã?

أَلَا إِنَّهُمْ مِنْ إِفْكِهِمْ لَيَقُولُونَ

Yaa sɩda, ad bãmbã, b zĩri wã yĩnga b yetame:

وَلَدَ اللَّهُ وَإِنَّهُمْ لَكَاذِبُونَ

"Wẽnd rogame". La sɩd la hakɩɩka ad b yaa pʋ-yagdba.

أَصْطَفَى الْبَنَاتِ عَلَى الْبَنِينَ

Rẽ yĩnga kom-pigli la A tũus n bas kom-ribli?

مَا لَكُمْ كَيْفَ تَحْكُمُونَ

Yaa bõe n tar yãmb tɩ y bʋʋd woto?

أَفَلَا تَذَكَّرُونَ

Yãmb pa tagsd la?

أَمْ لَكُمْ سُلْطَانٌ مُبِينٌ

Bɩ yãmb tara daliil sẽn yɑɑ vẽenega?.

فَأْتُوا بِكِتَابِكُمْ إِنْ كُنْتُمْ صَادِقِينَ

Bɩ y wa ne y gafã, tɩ y sã n da n yɩɩme n yaa sɩd rãmba.

وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ

La b maan rogem n ning Yẽnda ne Malεgsã sʋka. La sɩd la hakɩɩka malεgsã bãngame tɩ ad Wẽnd nɑ n wɑɑ ne lɑgm-n-tɑɑrɑ rãmba n geel-bɑ.

سُبْحَانَ اللَّهِ عَمَّا يَصِفُونَ

Yɩlgemd be ne Wẽnde n yi bũmb ning b sẽn bilgdã.

إِلَّا عِبَادَ اللَّهِ الْمُخْلَصِينَ

Rẽnda Wẽnd yembs nins b sẽn tɩlgã.

فَإِنَّكُمْ وَمَا تَعْبُدُونَ

Ad yãmba, la bũmb ning yãmb sẽn tũudã.

مَا أَنْتُمْ عَلَيْهِ بِفَاتِنِينَ

Yãmb pa yɩ n tõe menemes ned n yi sɩdɑ sor ye,

إِلَّا مَنْ هُوَ صَالِ الْجَحِيمِ

Rẽnda ned ning sẽn yaa Bugmã kẽeda.

وَمَا مِنَّا إِلَّا لَهُ مَقَامٌ مَعْلُومٌ

La malεk baa a ye pa be tõnd sʋka rẽndame t'a tara yalsg zĩig b sẽn mi.

وَإِنَّا لَنَحْنُ الصَّافُّونَ

La sɩd la haɩɩka Tõnd la tεdgdba, (Wẽnd tũubɑ pʋgẽ).

وَإِنَّا لَنَحْنُ الْمُسَبِّحُونَ

La sɩd la hakɩɩka Tõnd la yɩlgdba.

وَإِنْ كَانُوا لَيَقُولُونَ

La b ra yɩɩme n yetẽ:

لَوْ أَنَّ عِنْدَنَا ذِكْرًا مِنَ الْأَوَّلِينَ

"Tõnd sã n da tarẽ tẽegr sẽn yi rẽenem rãmbẽ wã.

لَكُنَّا عِبَادَ اللَّهِ الْمُخْلَصِينَ

D rag n na yɩ Wẽnd yembs nins b sẽn tɩlgã".

فَكَفَرُوا بِهِ ۖ فَسَوْفَ يَعْلَمُونَ

Tɩ b kɩfl ne-a, la b na wa n bãnge.

وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ

La sɩd la hakɩɩka Tõnd gomd rag n reng a taoore, Tõnd yembs nins sẽn yaa tẽn-tʋʋmbã yĩnga.

إِنَّهُمْ لَهُمُ الْمَنْصُورُونَ

Tɩ ad yaa bãmb n na n paam sõngrã.

وَإِنَّ جُنْدَنَا لَهُمُ الْغَالِبُونَ

La ad Tõnd tãp-biisã (sodaasã) bãmb la windbã.

فَتَوَلَّ عَنْهُمْ حَتَّىٰ حِينٍ

Bɩ f ball n yi-ba n tʋg n tãag wakato.

وَأَبْصِرْهُمْ فَسَوْفَ يُبْصِرُونَ

La f koll-b tɩ b na wa n yã.

أَفَبِعَذَابِنَا يَسْتَعْجِلُونَ

Paa Tõnd naongã la b yãgd n baoodẽ lɑ?

فَإِذَا نَزَلَ بِسَاحَتِهِمْ فَسَاءَ صَبَاحُ الْمُنْذَرِينَ

La a sã n wa sig b samandẽ wã, b sẽn bugs-b rãmb yibeoog yɩ wẽnga.

وَتَوَلَّ عَنْهُمْ حَتَّىٰ حِينٍ

Bɩ f ball n yi-b n tʋg n tãag wakato.

وَأَبْصِرْ فَسَوْفَ يُبْصِرُونَ

La f koall-b tɩ b na wa n yã.

سُبْحَانَ رَبِّكَ رَبِّ الْعِزَّةِ عَمَّا يَصِفُونَ

Fo Soabã yɩlgame, sẽn yaa zɩslem Soabã n yi bũmb ninga b sẽn bilgdã.

وَسَلَامٌ عَلَى الْمُرْسَلِينَ

La tɩlgr be ne tẽn-tʋʋmbã.

وَالْحَمْدُ لِلَّهِ رَبِّ الْعَالَمِينَ

La pẽgr be ne Wẽnd sẽn yaa bõn-naandsã Soabã.