Smoke · ad-Dukhan · سورة الدخان · 59 ayahs

١ حم

1 Haa Miim.1

٢ وَالْكِتَابِ الْمُبِينِ

2 Kitaaba addeessaa ta’eenin (qur'aanaan) (kakadha).

٣ إِنَّا أَنْزَلْنَاهُ فِي لَيْلَةٍ مُبَارَكَةٍ ۚ إِنَّا كُنَّا مُنْذِرِينَ

3 Nuti halkan barakeeffamtuu keessa isa buufne. Nuti dinniinoo taaneerra.2

٤ فِيهَا يُفْرَقُ كُلُّ أَمْرٍ حَكِيمٍ

4 Ishee (halkanittii) keessa dhimmi murteeffame hundi adda baafama.

٥ أَمْرًا مِنْ عِنْدِنَا ۚ إِنَّا كُنَّا مُرْسِلِينَ

5 Ajaja nu biraa ta’e (adda baafna) Nuti ergitoota taaneerra.

٦ رَحْمَةً مِنْ رَبِّكَ ۚ إِنَّهُ هُوَ السَّمِيعُ الْعَلِيمُ

6 Rahmata Gooftaa kee irraa ta’eef (buufne). Inni Isumatu dhaga’aa, beekaadha.

٧ رَبِّ السَّمَاوَاتِ وَالْأَرْضِ وَمَا بَيْنَهُمَا ۖ إِنْ كُنْتُمْ مُوقِنِينَ

7 (Rahmata) Gooftaa samiilee, dachiifi waan gidduu isaan lamaanii irraa ta’eeti. Yoo kan dhugoomsitan taataniif (kana hubadhaa, itti amanaa).

٨ لَا إِلَٰهَ إِلَّا هُوَ يُحْيِي وَيُمِيتُ ۖ رَبُّكُمْ وَرَبُّ آبَائِكُمُ الْأَوَّلِينَ

8 Isa malee dhugaan gabbaramaan hin jiru. Ni jiraachisa; ni ajjeessas. (Inni) Gooftaa keessaniifi Gooftaa abbootii keessan kanneen duraati.

٩ بَلْ هُمْ فِي شَكٍّ يَلْعَبُونَ

9 Dhugumatti isaan shakkii keessa taphatu.

١٠ فَارْتَقِبْ يَوْمَ تَأْتِي السَّمَاءُ بِدُخَانٍ مُبِينٍ

10 Guyyaa samiin aara mul'ataan dhuftu (waan isaan mudatu) eegi.

١١ يَغْشَى النَّاسَ ۖ هَٰذَا عَذَابٌ أَلِيمٌ

11 (Aarri kun) namoota haguuga. Kun adabbii laalessaadha.

١٢ رَبَّنَا اكْشِفْ عَنَّا الْعَذَابَ إِنَّا مُؤْمِنُونَ

12 (Kaafiroonni yeroo adabicha argan) “Gooftaa keenya! Adabicha nurraa kaasi nuti ni amannaa” (jedhu).

١٣ أَنَّىٰ لَهُمُ الذِّكْرَىٰ وَقَدْ جَاءَهُمْ رَسُولٌ مُبِينٌ

13 (erga adabaatii) gorfamuun akkamitti isaaniif jiraata, Odoo ergamaan ifa baasaan isaanitti dhufee jiruu?

١٤ ثُمَّ تَوَلَّوْا عَنْهُ وَقَالُوا مُعَلَّمٌ مَجْنُونٌ

14 Ergasii isa irraa gara galanii “(Inni) barsiifamaa maraataadha” jedhan.

١٥ إِنَّا كَاشِفُو الْعَذَابِ قَلِيلًا ۚ إِنَّكُمْ عَائِدُونَ

15 Nuti yeroo gabaabaaf adabbii saaqoodha; Isin (kufriitti) deebi’oodha.

١٦ يَوْمَ نَبْطِشُ الْبَطْشَةَ الْكُبْرَىٰ إِنَّا مُنْتَقِمُونَ

16 Guyyaa qabaa guddaa qabnu Nuti haaloo bahatoodha.

١٧ وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَاءَهُمْ رَسُولٌ كَرِيمٌ

17 Dhugumatti, Nuti isaan dura ummata Fir’awni mokkorree jirra. Ergamaan kabajamaanis isaanitti dhufe.3

١٨ أَنْ أَدُّوا إِلَيَّ عِبَادَ اللَّهِ ۖ إِنِّي لَكُمْ رَسُولٌ أَمِينٌ

18 “gabroota Rabbii gara kiyya kennaa! Ani isiniif ergamaa amanamaadhaa,” jechuun (isaanitti dhufe).

١٩ وَأَنْ لَا تَعْلُوا عَلَى اللَّهِ ۖ إِنِّي آتِيكُمْ بِسُلْطَانٍ مُبِينٍ

19 “Rabbi irratti hin booninaa; ani ragaa ifa ta’een isinitti dhufaadha” (jedheen.)

٢٠ وَإِنِّي عُذْتُ بِرَبِّي وَرَبِّكُمْ أَنْ تَرْجُمُونِ

20 “Ani Gooftaa kiyyaafi Gooftaa keessanittin maganfadhe akka (dhagaan tumtanii nan) ajjeefne.

٢١ وَإِنْ لَمْ تُؤْمِنُوا لِي فَاعْتَزِلُونِ

21 Yoo naaf hin amanne narraa fagaadhaa.”

٢٢ فَدَعَا رَبَّهُ أَنَّ هَٰؤُلَاءِ قَوْمٌ مُجْرِمُونَ

22 Gooftaa isaa ni kadhate: “Isaan kun ummata yakkamtoota” (azaaba itti buusi) (jedhe).

٢٣ فَأَسْرِ بِعِبَادِي لَيْلًا إِنَّكُمْ مُتَّبَعُونَ

23 (Rabbiin ni jedhe): “Gabroota kiyyaan halkaniin deemi. isin hordofamtoota.

٢٤ وَاتْرُكِ الْبَحْرَ رَهْوًا ۖ إِنَّهُمْ جُنْدٌ مُغْرَقُونَ

24 Galaana akkuma banametti dhiisi. isaan waraana bishaaniin dhidhimfamoodha.”

٢٥ كَمْ تَرَكُوا مِنْ جَنَّاتٍ وَعُيُونٍ

25 Ashaakiltiifi burqituuwwan meeqaatama dhiisan.

٢٦ وَزُرُوعٍ وَمَقَامٍ كَرِيمٍ

26 Oyruufi iddoo jireenyaa gaggaariis.

٢٧ وَنَعْمَةٍ كَانُوا فِيهَا فَاكِهِينَ

27 Qananii ishee keessatti gammadaa turanis.

٢٨ كَذَٰلِكَ ۖ وَأَوْرَثْنَاهَا قَوْمًا آخَرِينَ

28 Akka kanatti ummata biraa ishee dhaalchifne.

٢٩ فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنْظَرِينَ

29 Samiifi dachiin isaan irratti hin boonye; kan tursiifanis hin turre.

٣٠ وَلَقَدْ نَجَّيْنَا بَنِي إِسْرَائِيلَ مِنَ الْعَذَابِ الْمُهِينِ

30 Dhugumatti, Ilmaan Israa’iil adabbii salphisaa irraa nagaya baafne.

٣١ مِنْ فِرْعَوْنَ ۚ إِنَّهُ كَانَ عَالِيًا مِنَ الْمُسْرِفِينَ

31 Fir’awni irraa (ni baraarsine). Inni boonaa, daangaa dabritoota irraa ta’eera.

٣٢ وَلَقَدِ اخْتَرْنَاهُمْ عَلَىٰ عِلْمٍ عَلَى الْعَالَمِينَ

32 Nuti beekumsaan aalama (yeroo isaanii) hunda irra isaan filanne.

٣٣ وَآتَيْنَاهُمْ مِنَ الْآيَاتِ مَا فِيهِ بَلَاءٌ مُبِينٌ

33 Raajiiwwan irraas waan mokkorriin ifa ta’e isa keessa jiru isaaniif kennine.

٣٤ إِنَّ هَٰؤُلَاءِ لَيَقُولُونَ

34 Dhugumatti, isaan (mushrikoonni) kun ni jedhu:

٣٥ إِنْ هِيَ إِلَّا مَوْتَتُنَا الْأُولَىٰ وَمَا نَحْنُ بِمُنْشَرِينَ

35 “isheen tun hintaane Du’a teenya tan jalqabaa malee. Nuti (kana booda) kaafamoo miti.

٣٦ فَأْتُوا بِآبَائِنَا إِنْ كُنْتُمْ صَادِقِينَ

36 Yoo warra dhugaa dubbatu taataniif, abbootii keenya fidaa.”

٣٧ أَهُمْ خَيْرٌ أَمْ قَوْمُ تُبَّعٍ وَالَّذِينَ مِنْ قَبْلِهِمْ ۚ أَهْلَكْنَاهُمْ ۖ إِنَّهُمْ كَانُوا مُجْرِمِينَ

37 Sila isaantu caala moo ummata Tubba’iifi warra isaan duraati? isaan balleessine, Isaan ummata yakkamtoota turan.

٣٨ وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا لَاعِبِينَ

38 Samiilee, dachiifi waan isaan lamaan gidduu jirus taphatoo taanee hin uumne.

٣٩ مَا خَلَقْنَاهُمَا إِلَّا بِالْحَقِّ وَلَٰكِنَّ أَكْثَرَهُمْ لَا يَعْلَمُونَ

39 Dhugaan malee isaan lachan hin uumne. Garuu irra hedduun isaanii hin beekanu.

٤٠ إِنَّ يَوْمَ الْفَصْلِ مِيقَاتُهُمْ أَجْمَعِينَ

40 Guyyaan murtii beellama isaan hundaati.

٤١ يَوْمَ لَا يُغْنِي مَوْلًى عَنْ مَوْلًى شَيْئًا وَلَا هُمْ يُنْصَرُونَ

41 Guyyaa jaalalleen jaalallee irraa homaa hin deebifne, kan isaanis (kaafiroonnis) hin tumsamneedha.

٤٢ إِلَّا مَنْ رَحِمَ اللَّهُ ۚ إِنَّهُ هُوَ الْعَزِيزُ الرَّحِيمُ

42 Nama Rabbiin rahmata godheef malee. Inni Isumatu injifataa, rahmata godhaadha.

٤٣ إِنَّ شَجَرَتَ الزَّقُّومِ

43 Mukni ‘Zaqquum’

٤٤ طَعَامُ الْأَثِيمِ

44 Nyaata dilaawaati (kaafiraati).

٤٥ كَالْمُهْلِ يَغْلِي فِي الْبُطُونِ

45 Akka cumaa (siicoo)(rajaa) zaytiitti garaalee keessatti danfa.

٤٦ كَغَلْيِ الْحَمِيمِ

46 Akka danfuu bishaan (haalaan) ho’aatti.

٤٧ خُذُوهُ فَاعْتِلُوهُ إِلَىٰ سَوَاءِ الْجَحِيمِ

47 (wardiyyaa ibiddaatiin Ni jedhama): “Isa qabaatii gara walakkaa ibidda boba’aa harkisaa.

٤٨ ثُمَّ صُبُّوا فَوْقَ رَأْسِهِ مِنْ عَذَابِ الْحَمِيمِ

48 Ergasii mataa isaa gubbaatti azaaba bishaan danfaa irraa ta’e dhangalaasaa.

٤٩ ذُقْ إِنَّكَ أَنْتَ الْعَزِيزُ الْكَرِيمُ

49 Dhandhami; ati simatu cimaa, arjaa (of fakkeessuu) turtee! (isa cabsuudhaaf jedhamaan).

٥٠ إِنَّ هَٰذَا مَا كُنْتُمْ بِهِ تَمْتَرُونَ

50 Inni kun waan isa mamaa turtan sani” (isaaniin jedhama).

٥١ إِنَّ الْمُتَّقِينَ فِي مَقَامٍ أَمِينٍ

51 Warri Rabbiin sodaatan iddoo nagayaa keessatti tahu.

٥٢ فِي جَنَّاتٍ وَعُيُونٍ

52 Ashaakiltiifi burqituuwwan keessa.

٥٣ يَلْبَسُونَ مِنْ سُنْدُسٍ وَإِسْتَبْرَقٍ مُتَقَابِلِينَ

53 (uffata) hariira haphiifi hariira furdaa irraa ta’e uffatu Walitti gara galoo ta’anii.

٥٤ كَذَٰلِكَ وَزَوَّجْنَاهُمْ بِحُورٍ عِينٍ

54 Akkuma kana dubra babbareedoo ija babala’aa isaan fuusifne.

٥٥ يَدْعُونَ فِيهَا بِكُلِّ فَاكِهَةٍ آمِنِينَ

55 Isii keessatti fuduraalee hunda waammatu, nagaa tahoodha.

٥٦ لَا يَذُوقُونَ فِيهَا الْمَوْتَ إِلَّا الْمَوْتَةَ الْأُولَىٰ ۖ وَوَقَاهُمْ عَذَابَ الْجَحِيمِ

56 Ishee keessatti du’a jalqabaa malee du’a hin dhandhaman. Rabbiin azaaba ibidda boba’aa irraa isaan tikse.

٥٧ فَضْلًا مِنْ رَبِّكَ ۚ ذَٰلِكَ هُوَ الْفَوْزُ الْعَظِيمُ

57 Tola Gooftaa kee irraa ta’eef, Sun isumatu milkii guddaadha.

٥٨ فَإِنَّمَا يَسَّرْنَاهُ بِلِسَانِكَ لَعَلَّهُمْ يَتَذَكَّرُونَ

58 isa (Qur’aana) afaan keetiin (arabiffaan) laaffifne Akka gorfamaniif jacha.

٥٩ فَارْتَقِبْ إِنَّهُمْ مُرْتَقِبُونَ

59 (Waan isaan mudatu) eegi; isaanis eegoodha.