The Rolling · at-Takwir · سورة التكوير · 29 ayahs

القرآن الكريمRowwad Translation Center

بِسْمِ اللَّهِ الرَّحْمَٰنِ الرَّحِيمِ

(Nin jalqaba) Maqaa Rabbii Akkaan Mararfataa Akkaan Rahmata Godhaa Taheetiin.

إِذَا الشَّمْسُ كُوِّرَتْ

Yeroo aduun maramte,

وَإِذَا النُّجُومُ انْكَدَرَتْ

Yeroo urjiin harcaate,

وَإِذَا الْجِبَالُ سُيِّرَتْ

Yeroo gaarreen bakkaa oofamte,

وَإِذَا الْعِشَارُ عُطِّلَتْ

Yeroo gaalli rimaan baatii kudhanii dhiifamte (tiksitee malee hafte),

وَإِذَا الْوُحُوشُ حُشِرَتْ

Yeroo bineensonni bosonaa walitti qabamte,

وَإِذَا الْبِحَارُ سُجِّرَتْ

Yeroo galaanni qabsiifamte (akka ibiddaatti bobeette),

وَإِذَا النُّفُوسُ زُوِّجَتْ

Yeroo lubbuuleen hundi (tan isii fakkaattuun walitti) qindeeffamte.

وَإِذَا الْمَوْءُودَةُ سُئِلَتْ

Yeroo durbi jirtuun awwaalamte gaafatamte,

بِأَيِّ ذَنْبٍ قُتِلَتْ

Balleessa kamiif akka ajjeefamte;

وَإِذَا الصُّحُفُ نُشِرَتْ

Yeroo galmeen (hojii) raabsamte,

وَإِذَا السَّمَاءُ كُشِطَتْ

Yeroo samiin buqqifamtee maramte,

وَإِذَا الْجَحِيمُ سُعِّرَتْ

Yeroo ibiddi qabsiifamte,

وَإِذَا الْجَنَّةُ أُزْلِفَتْ

Yeroo jannanni (mu'imintootaaf) dhiheeffamte,

عَلِمَتْ نَفْسٌ مَا أَحْضَرَتْ

Lubbuun waan dalagatte beektee jirtti.

فَلَا أُقْسِمُ بِالْخُنَّسِ

(Urjiiwwan) guyyaa badanii halkan mul'ataniinin kakadha.

الْجَوَارِ الْكُنَّسِ

(Urjiiwwan) yaa’aa seenaa ta’aniinin (kakadha).

وَاللَّيْلِ إِذَا عَسْعَسَ

Halkaniinis yeroo inni dukkanaa’en (kakadha),

وَالصُّبْحِ إِذَا تَنَفَّسَ

Bariittillee (ninkakadha) yeroo inni hafuura baafate (ife),

إِنَّهُ لَقَوْلُ رَسُولٍ كَرِيمٍ

Inni (Qur'aanni) kun jecha Ergamaa kabajamaati

ذِي قُوَّةٍ عِنْدَ ذِي الْعَرْشِ مَكِينٍ

(Ergamaa) abbaa humnaa ta'e, kan Gooftaa Arshii biratti bakka jabaa qabu.

مُطَاعٍ ثَمَّ أَمِينٍ

Bakka sanatti ajajni isaa fudhatamaafi amanamaa kan ta'e.

وَمَا صَاحِبُكُمْ بِمَجْنُونٍ

Saahibni keessan (Muhammad SAW!) maraataa miti.

وَلَقَدْ رَآهُ بِالْأُفُقِ الْمُبِينِ

Dhugumatti, inni moggaa ol aanaa (samii) mul'ataa keessatti isa argee jira.

وَمَا هُوَ عَلَى الْغَيْبِ بِضَنِينٍ

Inni (Nabiyyiin) beekumsa fagoo irratti dony'aa miti (hin dhoksu).

وَمَا هُوَ بِقَوْلِ شَيْطَانٍ رَجِيمٍ

Inni (Qur'aanni) jecha sheeyxaana darbamaatii miti.

فَأَيْنَ تَذْهَبُونَ

Mee eessuma deemtu?

إِنْ هُوَ إِلَّا ذِكْرٌ لِلْعَالَمِينَ

Inni (Qur'aanni) aalama hundaaf gorsa malee hintaane.

لِمَنْ شَاءَ مِنْكُمْ أَنْ يَسْتَقِيمَ

Nama isin irraa qajeeluma fedheef (gorsa ta'a).

وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ

Yoo Rabbiin aalamaa fedhe malee isin homaa hin feetanu.