The Defrauders · al-Mutaffifin · سورة المطففين · 36 ayahs

١ وَيْلٌ لِلْمُطَفِّفِينَ

1 Salaabiiwwaniif (warra safara hir’isuuf) badiin haa ta’u!1

٢ الَّذِينَ إِذَا اكْتَالُوا عَلَى النَّاسِ يَسْتَوْفُونَ

2 Isaan yeroo namoota irraa safaratan guuchisiifatan,

٣ وَإِذَا كَالُوهُمْ أَوْ وَزَنُوهُمْ يُخْسِرُونَ

3 Kan Yeroo namootaaf safaran yookiin miizaanan immoo ir’isan.

٤ أَلَا يَظُنُّ أُولَٰئِكَ أَنَّهُمْ مَبْعُوثُونَ

4 Sila isaan sun kaafamuu isaanii hin yaadanii?2

٥ لِيَوْمٍ عَظِيمٍ

5 (Qorannoo) Guyyaa guddaadhaaf.

٦ يَوْمَ يَقُومُ النَّاسُ لِرَبِّ الْعَالَمِينَ

6 Guyyaa namni Gooftaa aalamaatiif dhaabbatu.

٧ كَلَّا إِنَّ كِتَابَ الْفُجَّارِ لَفِي سِجِّينٍ

7 Miti, galmeen badii hojjattootaa Sijjiin keessa taha.

٨ وَمَا أَدْرَاكَ مَا سِجِّينٌ

8 "Sijjiin" maal akka ta'e maaltu si beeksise?

٩ كِتَابٌ مَرْقُومٌ

9 Kitaaba barreeffamaadha (dalagaa yakkamtootaatu irratti barreeffama).

١٠ وَيْلٌ يَوْمَئِذٍ لِلْمُكَذِّبِينَ

10 Kijibsiiftotaaf Guyyaa san badiin mirkanaa’e.

١١ الَّذِينَ يُكَذِّبُونَ بِيَوْمِ الدِّينِ

11 Isaan guyyaa murtii kijibsiisaniif.

١٢ وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ

12 Daangaa dabritoota dilaawoo cufa ta’e malee namni isa kijibsiisu hin jiru.

١٣ إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ

13 Yeroo keeyyattoonni Keenya isaan irratti qara'amte "ogbarruu warra duriiti" jedha.

١٤ كَلَّا ۖ بَلْ ۜ رَانَ عَلَىٰ قُلُوبِهِمْ مَا كَانُوا يَكْسِبُونَ

14 Haa dhorgamanu! Dhugumatti wanti isaan hojjataa turan onnee isaanii haguuge.

١٥ كَلَّا إِنَّهُمْ عَنْ رَبِّهِمْ يَوْمَئِذٍ لَمَحْجُوبُونَ

15 Haadhoorgamanii! Isaan guyyaa san Gooftaa isaanii irraa haguugamoodha.

١٦ ثُمَّ إِنَّهُمْ لَصَالُو الْجَحِيمِ

16 Ergasii isaan ibidda seenoodha.

١٧ ثُمَّ يُقَالُ هَٰذَا الَّذِي كُنْتُمْ بِهِ تُكَذِّبُونَ

17 Ergasii "inni kun (azaabni) isa isin sobsiisaa turtan" isaaniin jedhama.

١٨ كَلَّا إِنَّ كِتَابَ الْأَبْرَارِ لَفِي عِلِّيِّينَ

18 Miti, galmeen toltuu hojjattootaa Illiyyiin keessatti ta'aadha.

١٩ وَمَا أَدْرَاكَ مَا عِلِّيُّونَ

19 "Illiyyiin" maal akka ta'e maaltu si beeksise?

٢٠ كِتَابٌ مَرْقُومٌ

20 Kitaaba barreeffamaadha (hojii warra Rabbitti amaneetu irratti barreeffame).

٢١ يَشْهَدُهُ الْمُقَرَّبُونَ

21 Warra Rabbitti dhiheeffamantu isa arga.

٢٢ إِنَّ الْأَبْرَارَ لَفِي نَعِيمٍ

22 Dhugumatti, toltuu hojjattoonni qananiilee keessa jiraatu.

٢٣ عَلَى الْأَرَائِكِ يَنْظُرُونَ

23 Sireewwan irra (taa'anii) ilaalu.

٢٤ تَعْرِفُ فِي وُجُوهِهِمْ نَضْرَةَ النَّعِيمِ

24 Fuulleen isaanii keessatti ifina qananii ni beekta.

٢٥ يُسْقَوْنَ مِنْ رَحِيقٍ مَخْتُومٍ

25 Dhugaatii qadaadamaa irraa obaafamu.

٢٦ خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ

26 Dhumti isaa miskiidha; sana keessatti warri wal dorgoman wal haa dorgomanii.3

٢٧ وَمِزَاجُهُ مِنْ تَسْنِيمٍ

27 Makaan isaa ‘Tasniim’ irraayi.

٢٨ عَيْنًا يَشْرَبُ بِهَا الْمُقَرَّبُونَ

28 (Tasniim) madda warri Rabbitti dhiheeffaman irraa dhuganiidha.4

٢٩ إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ

29 isaan dilaawan(kaafiroonni) (qoosaaf) isaan amananitti kolfaa turan.

٣٠ وَإِذَا مَرُّوا بِهِمْ يَتَغَامَزُونَ

30 Yeroo isaan bira dabran wal akeeku.

٣١ وَإِذَا انْقَلَبُوا إِلَىٰ أَهْلِهِمُ انْقَلَبُوا فَكِهِينَ

31 Yeroo gara maatii isaanii deebi'an gammadaa deebi’u.

٣٢ وَإِذَا رَأَوْهُمْ قَالُوا إِنَّ هَٰؤُلَاءِ لَضَالُّونَ

32 Yeroo isaan argan " isaan kun jallattoota" jedhan.

٣٣ وَمَا أُرْسِلُوا عَلَيْهِمْ حَافِظِينَ

33 Haala to'attoota ta'anii isaan irratti hin ergaminiin.

٣٤ فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ

34 ar’a (guyyaa kaafamiinsaa) isaan amanantu kaafirootatti kolfa.

٣٥ عَلَى الْأَرَائِكِ يَنْظُرُونَ

35 Sireewwan irra (ta'anii) ilaalu.

٣٦ هَلْ ثُوِّبَ الْكُفَّارُ مَا كَانُوا يَفْعَلُونَ

36 "Sila kaafiroonni waan dalagaa turan mindeffamaniiruu?”.