The Sun · ash-Shams · سورة الشمس · 15 ayahs

١وَالشَّمْسِ وَضُحَاهَا

۱قسم دی پر لمر او د هغه پر غرمو.

٢وَالْقَمَرِ إِذَا تَلَاهَا

۲او پر سپوږمۍ قسم چې ور پسې راشي.

٣وَالنَّهَارِ إِذَا جَلَّاهَا

۳او په ورځ قسم چې هغه (لمر) څرګند کړي.

٤وَاللَّيْلِ إِذَا يَغْشَاهَا

۴او په شپه قسم چې کله هغه وپوښي.

٥وَالسَّمَاءِ وَمَا بَنَاهَا

۵او په اسمان قسم او په هغه ذات قسم چې جوړ کړی یې دی.

٦وَالْأَرْضِ وَمَا طَحَاهَا

۶او په ځمكه او په هغه ذات چې غوړولې يې ده.

٧وَنَفْسٍ وَمَا سَوَّاهَا

۷او پر (انساني) نفس او هغه ذات قسم چې برابر کړی يې دی.

٨فَأَلْهَمَهَا فُجُورَهَا وَتَقْوَاهَا

۸نو ښودلې یې ده هغه ته لار د بدۍ او د تقوا.

٩قَدْ أَفْلَحَ مَنْ زَكَّاهَا

۹په رېښتيا هغه څوک بریالی شو چې پاک يې کړ(خپل ځان).

١٠وَقَدْ خَابَ مَنْ دَسَّاهَا

۱۰او په تحقيق سره نامراد زيانمن شو هغه څوك چې پټ يې كړ دغه (نفس په ګناهونو کې).

١١كَذَّبَتْ ثَمُودُ بِطَغْوَاهَا

۱۱ثموديانو په خپله سرکښۍ هغه درواغ وباله.

١٢إِذِ انْبَعَثَ أَشْقَاهَا

۱۲کله چې تر ټولو بدمرغه سړي يې ترپ کړل.

١٣فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا

۱۳نو د الله رسول ورته وويل پرېږدئ د الله اوښه او د هغې د څښاک نوبت.

١٤فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُمْ بِذَنْبِهِمْ فَسَوَّاهَا

۱۴خو هغوی درواغجن وګڼلو او اوښه يې ووژله، بيا نو د هغوی پالونکي سخت عذاب پرې راکوز کړ د هغوی د ګناه له امله يې ټول سره يو برابر کړل.

١٥وَلَا يَخَافُ عُقْبَاهَا

۱۵او هغه يې له پايلې څخه نه وېريږي.