إِذَا السَّمَاءُ انْفَطَرَتْ
Igihe ijuru ryasadaguritse;
The Shattering · al-Infitar · سورة الانفطار · 19 ayahs
بِسْمِ اللَّهِ الرَّحْمَٰنِ الرَّحِيمِ
Kw’izina ry’Imana Allah, Nyenimpuhwe ku biremwa, Nyenimbabazi ku batoni bayo.
وَإِذَا الْكَوَاكِبُ انْتَثَرَتْ
Igihe n’inyenyeri zahungurutse;
وَإِذَا الْبِحَارُ فُجِّرَتْ
Igihe n’ibiyaga vyagomorowe bigacika kimwe;
وَإِذَا الْقُبُورُ بُعْثِرَتْ
Igihe n’imva zazuwe;
عَلِمَتْ نَفْسٌ مَا قَدَّمَتْ وَأَخَّرَتْ
Ivyo vyose nivyashika, umuntu wese azomenya ico yakoze n’ico yirengagije, aheze agihemberwe.
يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ
Ewe muntu uhakana izurwa ry’ibiremwa! Wahenzwe n’igiki kigutuma ugarariza Imana yawe Rurema Allah, Nyenubugiraneza?
الَّذِي خَلَقَكَ فَسَوَّاكَ فَعَدَلَكَ
Ni Yo Yakuremye, Iragutunganya, Iranakuringaniza neza;
فِي أَيِّ صُورَةٍ مَا شَاءَ رَكَّبَكَ
Yakuremye uko Ishaka mw’ishusho rihambaye.
كَلَّا بَلْ تُكَذِّبُونَ بِالدِّينِ
Bantu ! Nimuteshwe mute murahumba! Murihenda mu gusenga ibigirwamana. Ahubwo mwebwe muhakana mwivuye inyuma umusi w’impera n’iharurirwa.
وَإِنَّ عَلَيْكُمْ لَحَافِظِينَ
Mu vy’ukuri, mufise abamalayika bajejwe kubabungabungira ivyo mukora mu kuvyandika;
كِرَامًا كَاتِبِينَ
Batewe iteka n’Imana Allah, bandika vyose ata kibacika;
يَعْلَمُونَ مَا تَفْعَلُونَ
Barazi ivyo mukora vyose, vyaba ivyiza canke ibibi.
إِنَّ الْأَبْرَارَ لَفِي نَعِيمٍ
Mu vy’ukuri aberanda bubahiriza agateka k’Imana Allah n’agateka k’ibiremwa, ni ukuri bazoba bari mu nema z’Ubwami bw’ijuru.
وَإِنَّ الْفُجَّارَ لَفِي جَحِيمٍ
Mu vy’ukuri, n’inkozi z’ikibi zitigera zubahiriza agateka k’Imana Allah n’ak’ibiremwa, na zo zizoba ziri mu muriro ururumba;
يَصْلَوْنَهَا يَوْمَ الدِّينِ
Zizowinjira, ziwote ku musi w’impera;
وَمَا هُمْ عَنْهَا بِغَائِبِينَ
Ntizizowukira ngo ziwuvemwo canke ngo zipfe.
وَمَا أَدْرَاكَ مَا يَوْمُ الدِّينِ
Mbega, ni igiki cokumenyesha uwo musi w’impera ico ari co!
ثُمَّ مَا أَدْرَاكَ مَا يَوْمُ الدِّينِ
Hanyuma, ni igiki cokumenyesha uwo musi w’impera ico ari co!
يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ
Ni umusi umuntu ata co azomarira mugenziwe. Itegeko kuri uwo musi, ni iry’Imana Allah Yonyene.