The Most High · al-A'la · سورة الأعلى · 19 ayahs

١سَبِّحِ اسْمَ رَبِّكَ الْأَعْلَى

1Ninahaza izina ry’Imana yawe Rurema Allah, Nyenicubahiro-ntangere (uvuge uti: “Sub-haana Rabbiya l-A’laa”).

٢الَّذِي خَلَقَ فَسَوَّىٰ

2Yararemye ibiremwa, maze Iraringaniza indemo yavyo n’ibihimba; kimwe cose aho kigenewe, kibereye;

٣وَالَّذِي قَدَّرَ فَهَدَىٰ

3Iraheza Irategekanya ivya nkenerwa vyose ku biremwa, Iranigisha kimwe cose ukuntu kivyikorako;

٤وَالَّذِي أَخْرَجَ الْمَرْعَىٰ

4Iranagisha n’uburagiro (ubwatsi);

٥فَجَعَلَهُ غُثَاءً أَحْوَىٰ

5Hanyuma Irabukavya, busa n’urwatsi rutoto ruja kwirabura.

٦سَنُقْرِئُكَ فَلَا تَنْسَىٰ

6Ntumwa y’Imana! Twebwe Allah, Tuzokwigisha Qor’ani, ntuzoyibagira namba;

٧إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

7Kiretse ico Imana Allah Ishatse ko wibagira ku neza y’ibiremwa. Mu vy’ukuri, ni Yo Izi ibigaragara mu bikorwa no mu majambo n’ibinyegeje muri vyo.

٨وَنُيَسِّرُكَ لِلْيُسْرَىٰ

8Tuzokworohereza gukora ivyoroshe; nko kwihanganira ishikirizabutumwa no kworoherezwa amabwirizwa y’idini.

٩فَذَكِّرْ إِنْ نَفَعَتِ الذِّكْرَىٰ

9Kubera ivyo rero, ibutsa abantu bawe warungitsweko gutumbera inzira igororotse, na canecane kwibutsa uwitezwe ko yibuka, nya kwibuka kukamugirira akamaro;

١٠سَيَذَّكَّرُ مَنْ يَخْشَىٰ

10Hazokwibuka uwutinya ibihano vy'Imana Allah.

١١وَيَتَجَنَّبُهَا الْأَشْقَى

11Uwaseserejwe n’ivyaha na we, azoheza yigire kure y’urwo rwibutso;

١٢الَّذِي يَصْلَى النَّارَ الْكُبْرَىٰ

12Ari na we azokwinjira mu muriro udahera ukaze bihambaye;

١٣ثُمَّ لَا يَمُوتُ فِيهَا وَلَا يَحْيَىٰ

13Hanyuma ntazopfa muri wo ngo awuruhuke, eka ntazonawugiriramwo ubuzima buhimbaye.

١٤قَدْ أَفْلَحَ مَنْ تَزَكَّىٰ

14Mu vy’ukuri yaramaze gutsinda, umuntu yiyejeje amabi;

١٥وَذَكَرَ اسْمَ رَبِّهِ فَصَلَّىٰ

15Akaninahaza n’izina ry’Imana yiwe Rurema Allah, maze agasenga amasengesho-bwirizwa ku mwanya, arondera gushimwa na Yo.

١٦بَلْ تُؤْثِرُونَ الْحَيَاةَ الدُّنْيَا

16Bantu! Ahubwo rero, mushira imbere kurusha ubuzima bw’ibihendamaso vyo kw’isi;

١٧وَالْآخِرَةُ خَيْرٌ وَأَبْقَىٰ

17Kandi ubuzima bw’inyuma yo gupfa, ari bwo bwiza gusumba, kandi bwamaho.

١٨إِنَّ هَٰذَا لَفِي الصُّحُفِ الْأُولَىٰ

18Mu vy’ukuri, ivyo vyose mwadondaguriwe muri iki gisomwa, biri no mu Bitabu vy’aho hambere ya Qor’ani;

١٩صُحُفِ إِبْرَاهِيمَ وَمُوسَىٰ

19Mu Mizingo y’Intumwa z’Imana Ibrahimu na Musa (za nyakugira amahoro y’Imana Allah).