Clot · al-'Alaq · سورة العلق · 19 ayahs

١اقْرَأْ بِاسْمِ رَبِّكَ الَّذِي خَلَقَ

1Muvugishwamana! Soma ivyo wahishuriwe muri Qor’ani, maze utangure kw’izina ry’Imana yawe Allah Yaremye;

٢خَلَقَ الْإِنْسَانَ مِنْ عَلَقٍ

2Yaremye zina kiremwa-muntu mu maraso avuze.

٣اقْرَأْ وَرَبُّكَ الْأَكْرَمُ

3Muvugishwamana! Soma ivyo wahishuriwe muri Qor’ani, wizeye ko Imana yawe Rurema Allah ari Yo Mugiraneza-ntangere;

٤الَّذِي عَلَّمَ بِالْقَلَمِ

4Yigishije ibiremwa kwandika n’ikaramu;

٥عَلَّمَ الْإِنْسَانَ مَا لَمْ يَعْلَمْ

5Yigishije kiremwa-muntu ivyo kitari kizi, Iraheza Igikura mu muzimagiza w’ubujuju Igishira mu muco w’ubumenyi.

٦كَلَّا إِنَّ الْإِنْسَانَ لَيَطْغَىٰ

6Si ivy’imbeshere ko umuntu yama yarenze ku mabwirizwa y’Imana Allah ku bwishime;

٧أَنْ رَآهُ اسْتَغْنَىٰ

7Abitewe n'uko abonye yamaze kwikenura agatunga;

٨إِنَّ إِلَىٰ رَبِّكَ الرُّجْعَىٰ

8Mu vy’ukuri uburuhukiro bwiwe, ni ku Mana yawe Rurema Allah, Izomuhembera ivyo yakoze.

٩أَرَأَيْتَ الَّذِي يَنْهَىٰ

9Mbega, warabonye igitangaje kurusha umuntu1 aburabuza;

١٠عَبْدًا إِذَا صَلَّىٰ

10Umuja2 w’Imana Allah mu gihe ariko arasenga!

١١أَرَأَيْتَ إِنْ كَانَ عَلَى الْهُدَىٰ

11Mbega, ubona gute mu gihe uyo aburabuzwa ugusenga, yoba ari mu nzira igororotse!

١٢أَوْ أَمَرَ بِالتَّقْوَىٰ

12Canke akaba ariko arabwiriza gukora iciza c'igamburukiramana!

١٣أَرَأَيْتَ إِنْ كَذَّبَ وَتَوَلَّىٰ

13Mbega, ubona gute mu gihe uyo aburabuza ugusenga, yoba ahakana ubutumwa, akagenza umugongo yirengagiza ukwemera Allah!

١٤أَلَمْ يَعْلَمْ بِأَنَّ اللَّهَ يَرَىٰ

14Mbega, ntazi neza ko Imana Allah Ibona ivyo akora!

١٥كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ

15Nateshwe ate, arahumba! Ni ukuri, ataretse kurwanya Intumwa, Tuzomufatira mu ruhanga, maze Tumujungunyire mu muriro;

١٦نَاصِيَةٍ كَاذِبَةٍ خَاطِئَةٍ

16Uruhanga rw’umubeshi, umunyavyaha;

١٧فَلْيَدْعُ نَادِيَهُ

17Arahamagara rero abateramyi biwe baze bamutabare;

١٨سَنَدْعُ الزَّبَانِيَةَ

18Na Twe Allah, Tuzoheza Duhamagare abamalayika b’ibihangange “Al-Zabaaniya”;

١٩كَلَّا لَا تُطِعْهُ وَاسْجُدْ وَاقْتَرِبْ ۩

19Ntumwa y’Imana! Nateshwe ate, arahumba mu kwibaza ko azoguturatuza. Ntukamwumvire ngo ureke gusenga, tsimbatara ku kwubamira Imana Allah, uheze ubandanye uyiyegereze unikundwakaze kuri Yo.