Morning Light · adh-Duha · سورة الضحى · 11 ayahs

القرآن الكريمRowwad Translation Center

بِسْمِ اللَّهِ الرَّحْمَٰنِ الرَّحِيمِ

අපරිමිත දයාන්විත අසමසම කරුණාන්විත වූ අල්ලාහ්ගේ නාමයෙනි.

وَالضُّحَىٰ

පෙරවරු ව මත දිවුරමින්,

وَاللَّيْلِ إِذَا سَجَىٰ

තවද රාත්‍රිය (දහවල) ආවරණය කරන විට, ඒ මත දිවුරමින්,

مَا وَدَّعَكَ رَبُّكَ وَمَا قَلَىٰ

නුඹගේ පරමාධිපති නුඹව අතහැර දැමුවේ නැත. එමෙන් ම ඔහු අමනාප වූයේ ද නැත.

وَلَلْآخِرَةُ خَيْرٌ لَكَ مِنَ الْأُولَىٰ

සැබැවින්ම, ආරම්භයට වඩා අවසානය නුඹට වඩාත් යහපත් ය.

وَلَسَوْفَ يُعْطِيكَ رَبُّكَ فَتَرْضَىٰ

තවද නුඹගේ පරමාධිපති නුඹට මතුවට පිරිනමනු ඇත. එවිට නුඹ තෘප්තියට පත් වනු ඇත.

أَلَمْ يَجِدْكَ يَتِيمًا فَآوَىٰ

ඔහු නුඹව අනාථයෙකු ලෙස දැක නුඹට රැකවරණය නො දුන්නේ ද?

وَوَجَدَكَ ضَالًّا فَهَدَىٰ

තවද නුඹව අතරමං වූවෙකු ලෙස දැක පසුව ඔහු මඟ පෙන්වූයේ ය.

وَوَجَدَكَ عَائِلًا فَأَغْنَىٰ

තවද ඔහු නුඹව අවශ්‍යතාව ඇත්තෙකු ලෙස දැක පසුව ඔහු ස්වයංපෝෂිත කළේ ය.

فَأَمَّا الْيَتِيمَ فَلَا تَقْهَرْ

එහෙයින් අනාථයාට කටුක ලෙස නො සළකනු.

وَأَمَّا السَّائِلَ فَلَا تَنْهَرْ

තවද අයදින්නා ව පලවා නො හරිනු.

وَأَمَّا بِنِعْمَةِ رَبِّكَ فَحَدِّثْ

තවද නුඹගේ පරමාධිපතිගේ ආශිර්වාදයන් ගැන නුඹ ප්‍රකාශ කරනු.