وَالصَّافَّاتِ صَفًّا
Betohem në ata (melekë) që rreshtohen në radhë,
The Aligners · as-Saffat · سورة الصافات · 182 ayahs
بِسْمِ اللَّهِ الرَّحْمَٰنِ الرَّحِيمِ
Me emrin e Allahut, të Gjithëmëshirshmit, Mëshirëplotit.
فَالزَّاجِرَاتِ زَجْرًا
dhe në ata që shtyjnë (retë),
فَالتَّالِيَاتِ ذِكْرًا
si dhe në ata që lexojnë (Fjalën e Allahut),
إِنَّ إِلَٰهَكُمْ لَوَاحِدٌ
se, vërtet, Zoti juaj është Një,
رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ
Zoti i qiejve e i Tokës dhe i gjithçkaje që gjendet ndërmjet tyre dhe Zoti i lindjeve!
إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ
Ne e kemi stolisur qiellin më të ulët me bukurinë e yjeve,
وَحِفْظًا مِنْ كُلِّ شَيْطَانٍ مَارِدٍ
si mbrojtje prej çdo shejtani të pabindur.
لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ
Prandaj, ata s'mund të përgjojnë Parinë më të lartë (të melekëve) dhe qëllohen nga çdo anë,
دُحُورًا ۖ وَلَهُمْ عَذَابٌ وَاصِبٌ
duke u dëbuar - e për ta do të ketë dënim të përhershëm, -
إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ
me përjashtim të atij që rrëmben vjedhurazi ndonjë fjalë, të cilin e ndjek një shigjetë flakëruese që shpon.
فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ
Pra, pyeti ata: "A është më i vështirë krijimi i tyre apo gjërat e tjera që i krijuam?" Ne i krijuam ata prej baltës ngjitëse.
بَلْ عَجِبْتَ وَيَسْخَرُونَ
Në të vërtetë, ti habitesh, ndërsa ata tallen
وَإِذَا ذُكِّرُوا لَا يَذْكُرُونَ
dhe, kur këshillohen, nuk marrin mësim.
وَإِذَا رَأَوْا آيَةً يَسْتَسْخِرُونَ
Madje, kur shohin ndonjë shenjë, tallen me të
وَقَالُوا إِنْ هَٰذَا إِلَّا سِحْرٌ مُبِينٌ
dhe thonë: "Kjo s'është gjë tjetër, veçse magji e kulluar.
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ
A mos, vallë, kur të vdesim e të bëhemi pluhur e kocka, do të ringjallemi?!
أَوَآبَاؤُنَا الْأَوَّلُونَ
A edhe të parët tanë të lashtë?!"
قُلْ نَعَمْ وَأَنْتُمْ دَاخِرُونَ
Thuaju: "Po, madje të poshtëruar."
فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ
Do të jetë një buçimë e vetme, pas së cilës do të ngrihen duke shikuar
وَقَالُوا يَا وَيْلَنَا هَٰذَا يَوْمُ الدِّينِ
e do të thonë: "Ah! Të mjerët ne! Kjo është Dita e Llogarisë!"
هَٰذَا يَوْمُ الْفَصْلِ الَّذِي كُنْتُمْ بِهِ تُكَذِّبُونَ
(Atyre do t'u thuhet): "Kjo është pra Dita e Gjykimit, të cilën e përgënjeshtronit!"
احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ
(E do t'u thuhet melekëve): "Tuboni të gjithë ata që bënë keq, sojin e tyre dhe ata që i adhuronin
مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ
në vend të Allahut e tregojuani rrugën e Zjarrit flakërues!
وَقِفُوهُمْ ۖ إِنَّهُمْ مَسْئُولُونَ
Ndalini ata, se do të merren në pyetje!"
مَا لَكُمْ لَا تَنَاصَرُونَ
"Ç'keni që nuk ndihmoni njëri-tjetrin?"
بَلْ هُمُ الْيَوْمَ مُسْتَسْلِمُونَ
Në të vërtetë, atë Ditë ata do të dorëzohen plotësisht.
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ
Ata do të kthehen nga njëri-tjetri, duke u grindur.
قَالُوا إِنَّكُمْ كُنْتُمْ تَأْتُونَنَا عَنِ الْيَمِينِ
Do të thonë (pasuesit): "Ishit ju që na vinit nga e djathta (duke na mashtruar)."
قَالُوا بَلْ لَمْ تَكُونُوا مُؤْمِنِينَ
Ata (të pasuarit) do të thonë: "Jo, por ju vetë nuk ishit besimtarë.
وَمَا كَانَ لَنَا عَلَيْكُمْ مِنْ سُلْطَانٍ ۖ بَلْ كُنْتُمْ قَوْمًا طَاغِينَ
Ne nuk patëm kurrfarë pushteti mbi ju. Përkundrazi, ju vetë ishit njerëz që kalonit kufijtë.
فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ
Prandaj u përmbush kundër nesh fjala e Zotit Tonë, kështu që patjetër do ta shijojmë (dënimin).
فَأَغْوَيْنَاكُمْ إِنَّا كُنَّا غَاوِينَ
Ne ju çuam në humbje, meqë vetë ishim të humbur."
فَإِنَّهُمْ يَوْمَئِذٍ فِي الْعَذَابِ مُشْتَرِكُونَ
Atë Ditë, ata do të jenë në dënim të gjithë së bashku.
إِنَّا كَذَٰلِكَ نَفْعَلُ بِالْمُجْرِمِينَ
Kështu veprojmë Ne me keqbërësit,
إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ
sepse, sa herë që u thuhej atyre: "Askush përveç Allahut nuk ka të drejtë të adhurohet", ata tregoheshin mendjemëdhenj
وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ
dhe thoshin: "Vallë, a t'i braktisim zotat tanë për një poet të çmendur?!"
بَلْ جَاءَ بِالْحَقِّ وَصَدَّقَ الْمُرْسَلِينَ
Përkundrazi, ai e solli të vërtetën dhe vërtetoi të dërguarit (e mëparshëm).
إِنَّكُمْ لَذَائِقُو الْعَذَابِ الْأَلِيمِ
Gjithsesi, ju do ta shijoni dënimin e dhembshëm
وَمَا تُجْزَوْنَ إِلَّا مَا كُنْتُمْ تَعْمَلُونَ
dhe do të ndëshkoheni vetëm për atë që keni bërë,
إِلَّا عِبَادَ اللَّهِ الْمُخْلَصِينَ
me përjashtim të robërve të përkushtuar të Allahut.
أُولَٰئِكَ لَهُمْ رِزْقٌ مَعْلُومٌ
Për ta do të ketë mirësi të njohura:
فَوَاكِهُ ۖ وَهُمْ مُكْرَمُونَ
fruta të llojllojshme dhe do të jenë të nderuar,
فِي جَنَّاتِ النَّعِيمِ
në Kopshtet e Lumturisë,
عَلَىٰ سُرُرٍ مُتَقَابِلِينَ
në divane, përballë njëri-tjetrit.
يُطَافُ عَلَيْهِمْ بِكَأْسٍ مِنْ مَعِينٍ
Atyre do t'u shërbehet një gotë verë e mbushur nga një burim:
بَيْضَاءَ لَذَّةٍ لِلشَّارِبِينَ
e bardhë dhe e shijshme për ata që e pinë.
لَا فِيهَا غَوْلٌ وَلَا هُمْ عَنْهَا يُنْزَفُونَ
Ajo nuk do t'u bëjë dëm e as do të dehen prej saj.
وَعِنْدَهُمْ قَاصِرَاتُ الطَّرْفِ عِينٌ
Pranë tyre do të jenë vashat e dëlira e symëdha,
كَأَنَّهُنَّ بَيْضٌ مَكْنُونٌ
sikur të ishin perla të ruajtura mirë.
فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ
Pastaj ata do të kthehen nga njëri-tjetri duke biseduar.
قَالَ قَائِلٌ مِنْهُمْ إِنِّي كَانَ لِي قَرِينٌ
Dikush prej tyre do të thotë: "Unë kisha një shok,
يَقُولُ أَإِنَّكَ لَمِنَ الْمُصَدِّقِينَ
i cili më thoshte: "Njëmend je nga ata që besojnë
أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ
se, kur të vdesim e të bëhemi pluhur e kocka, do të merremi në llogari?!"
قَالَ هَلْ أَنْتُمْ مُطَّلِعُونَ
Ai do të thotë: "A dëshironi ta shihni?"
فَاطَّلَعَ فَرَآهُ فِي سَوَاءِ الْجَحِيمِ
Atëherë, ai do të shikojë poshtë e do ta shohë atë në mes të Zjarrit flakërues.
قَالَ تَاللَّهِ إِنْ كِدْتَ لَتُرْدِينِ
Ai do të thotë: "Për Allahun, për pak sa nuk më shkatërrove edhe mua!
وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ
Po të mos ishte mirësia e Zotit tim, do të isha prej të dënuarve."
أَفَمَا نَحْنُ بِمَيِّتِينَ
(Atëherë do t'u thotë bashkëbesimtarëve të vet): "Pra, ne nuk do të vdesim më,
إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ
përveç vdekjes sonë të parë, e as do të ndëshkohemi."
إِنَّ هَٰذَا لَهُوَ الْفَوْزُ الْعَظِيمُ
Pa dyshim, kjo është fitorja e madhe!
لِمِثْلِ هَٰذَا فَلْيَعْمَلِ الْعَامِلُونَ
Për diçka të këtillë le të përpiqen punëtorët!
أَذَٰلِكَ خَيْرٌ نُزُلًا أَمْ شَجَرَةُ الزَّقُّومِ
A është më e mirë kjo gjendje apo pema e zekumit?
إِنَّا جَعَلْنَاهَا فِتْنَةً لِلظَّالِمِينَ
Ne e kemi bërë atë sprovë për zullumqarët.
إِنَّهَا شَجَرَةٌ تَخْرُجُ فِي أَصْلِ الْجَحِيمِ
Ajo është një pemë që del nga fundi i Zjarrit flakërues,
طَلْعُهَا كَأَنَّهُ رُءُوسُ الشَّيَاطِينِ
frutat e së cilës janë si kokat e djajve.
فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ
Ata, me siguri, do të hanë prej saj dhe do t'i mbushin barqet me të.
ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ
Pastaj do t'u jepet një përzierje me ujë të vluar
ثُمَّ إِنَّ مَرْجِعَهُمْ لَإِلَى الْجَحِيمِ
e mandej do të kthehen në Zjarrin flakërues.
إِنَّهُمْ أَلْفَوْا آبَاءَهُمْ ضَالِّينَ
Ata i gjetën baballarët e tyre të humbur
فَهُمْ عَلَىٰ آثَارِهِمْ يُهْرَعُونَ
dhe nxituan të ndjekin gjurmët e tyre.
وَلَقَدْ ضَلَّ قَبْلَهُمْ أَكْثَرُ الْأَوَّلِينَ
Në të vërtetë, edhe para tyre patën humbur shumica e të mëparshmëve,
وَلَقَدْ أَرْسَلْنَا فِيهِمْ مُنْذِرِينَ
edhe pse në mesin e tyre dërguam paralajmërues.
فَانْظُرْ كَيْفَ كَانَ عَاقِبَةُ الْمُنْذَرِينَ
Shih pra si ishte fundi i atyre që qenë paralajmëruar!
إِلَّا عِبَادَ اللَّهِ الْمُخْلَصِينَ
Përjashtim bëjnë vetëm robërit e përkushtuar të Allahut.
وَلَقَدْ نَادَانَا نُوحٌ فَلَنِعْمَ الْمُجِيبُونَ
Me të vërtetë, Ne na pati bërë lutje Nuhu, e sa të shkëlqyer jemi në përgjigje.
وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ
Ne e shpëtuam atë dhe familjen e tij nga fatkeqësia e madhe
وَجَعَلْنَا ذُرِّيَّتَهُ هُمُ الْبَاقِينَ
dhe pasardhësit e tij i bëmë të mbijetuarit e vetëm.
وَتَرَكْنَا عَلَيْهِ فِي الْآخِرِينَ
Ne i lamë atij një përmendje të mirë te brezat e mëvonshëm.
سَلَامٌ عَلَىٰ نُوحٍ فِي الْعَالَمِينَ
"Paqja qoftë mbi Nuhun në mbarë botën!"
إِنَّا كَذَٰلِكَ نَجْزِي الْمُحْسِنِينَ
Kështu i shpërblejmë Ne punëmbarët.
إِنَّهُ مِنْ عِبَادِنَا الْمُؤْمِنِينَ
Ai ishte prej robërve Tanë besimtarë.
ثُمَّ أَغْرَقْنَا الْآخَرِينَ
Pastaj i fundosëm të tjerët.
وَإِنَّ مِنْ شِيعَتِهِ لَإِبْرَاهِيمَ
Pa dyshim, prej ndjekësve të rrugës së tij ishte Ibrahimi.
إِذْ جَاءَ رَبَّهُ بِقَلْبٍ سَلِيمٍ
Kujto kur erdhi te Zoti i tij me zemër të shëndoshë
إِذْ قَالَ لِأَبِيهِ وَقَوْمِهِ مَاذَا تَعْبُدُونَ
dhe i tha babait e popullit të vet: "Çfarë po adhuroni?
أَئِفْكًا آلِهَةً دُونَ اللَّهِ تُرِيدُونَ
Vallë, zota të rremë dëshironi në vend të Allahut?
فَمَا ظَنُّكُمْ بِرَبِّ الْعَالَمِينَ
Atëherë, çfarë mendoni ju për Zotin e botëve?"
فَنَظَرَ نَظْرَةً فِي النُّجُومِ
Më pas, ai u hodhi një shikim yjeve
فَقَالَ إِنِّي سَقِيمٌ
dhe tha: "Unë jam i sëmurë."
فَتَوَلَّوْا عَنْهُ مُدْبِرِينَ
Kështu, ata kthyen shpinën e u larguan prej tij.
فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ
Atëherë, ai u përvodh te zotat e tyre dhe u tha: "A nuk po hani?
مَا لَكُمْ لَا تَنْطِقُونَ
Ç'keni që nuk flisni?"
فَرَاغَ عَلَيْهِمْ ضَرْبًا بِالْيَمِينِ
Pastaj, iu kthye atyre, duke i goditur me dorën e djathtë.
فَأَقْبَلُوا إِلَيْهِ يَزِفُّونَ
Atëherë, njerëzit erdhën me nxitim drejt tij.
قَالَ أَتَعْبُدُونَ مَا تَنْحِتُونَ
Ai tha: "Si adhuroni diçka që vetë e keni gdhendur,
وَاللَّهُ خَلَقَكُمْ وَمَا تَعْمَلُونَ
ndërkohë që Allahu ju krijoi ju dhe atë që punoni?!"
قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ
Ata thanë: "Ndërtoni për të një furrë dhe hidheni në zjarrin flakërues!"
فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ
Ata deshën t'i ngrinin një kurth, por Ne bëmë që ata të jenë të poshtëruarit.
وَقَالَ إِنِّي ذَاهِبٌ إِلَىٰ رَبِّي سَيَهْدِينِ
Ai tha: "Unë po shkoj te Zoti im. Ai do të më udhëzojë.
رَبِّ هَبْ لِي مِنَ الصَّالِحِينَ
Zoti im, më dhuro fëmijë të mirë!"
فَبَشَّرْنَاهُ بِغُلَامٍ حَلِيمٍ
Atëherë, Ne i dhamë myzhde për një djalë të butë (Ismailin).
فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ
E, kur ai u rrit sa të mund të punonte me të, Ibrahimi i tha: "O biri im, kam parë në ëndërr se duhet të të flijoj. Më trego çfarë po mendon?" Ai i tha: "O babushi im, vepro ashtu siç urdhërohesh! Në dashtë Allahu, unë do të jem i durueshëm."
فَلَمَّا أَسْلَمَا وَتَلَّهُ لِلْجَبِينِ
Kur ata të dy u nënshtruan dhe Ibrahimi e vuri me fytyrë përtokë,
وَنَادَيْنَاهُ أَنْ يَا إِبْرَاهِيمُ
Ne e thirrëm: "O Ibrahim!
قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ
E përmbushe ëndrrën." Kështu i shpërblejmë Ne punëmbarët.
إِنَّ هَٰذَا لَهُوَ الْبَلَاءُ الْمُبِينُ
Kjo ishte njëmend një sprovë e qartë.
وَفَدَيْنَاهُ بِذِبْحٍ عَظِيمٍ
Ne e zëvendësuam atë me një kurban të madh
وَتَرَكْنَا عَلَيْهِ فِي الْآخِرِينَ
dhe i lamë atij një përmendje të mirë te brezat e mëvonshëm.
سَلَامٌ عَلَىٰ إِبْرَاهِيمَ
"Paqja qoftë mbi Ibrahimin!"
كَذَٰلِكَ نَجْزِي الْمُحْسِنِينَ
Kështu i shpërblejmë Ne punëmbarët.
إِنَّهُ مِنْ عِبَادِنَا الْمُؤْمِنِينَ
Ai ishte prej robërve tanë besimtarë.
وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ
Ne i dhamë myzhde për Ishakun, një pejgamber nga të mirët.
وَبَارَكْنَا عَلَيْهِ وَعَلَىٰ إِسْحَاقَ ۚ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ
Ne e bekuam atë dhe Ishakun, por në mesin e pasardhësve të tyre kishte punëmbarë, por edhe të atillë që dukshëm i bënë padrejtësi vetvetes me gjynahe.
وَلَقَدْ مَنَنَّا عَلَىٰ مُوسَىٰ وَهَارُونَ
Vërtet, Ne u dhuruam mirësi Musait dhe Harunit,
وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ
i shpëtuam ata të dy dhe popullin e tyre nga brenga e madhe
وَنَصَرْنَاهُمْ فَكَانُوا هُمُ الْغَالِبِينَ
dhe i ndihmuam, kështu që dolën ngadhënjyes.
وَآتَيْنَاهُمَا الْكِتَابَ الْمُسْتَبِينَ
Ne u dhamë atyre të dyve Librin e qartë,
وَهَدَيْنَاهُمَا الصِّرَاطَ الْمُسْتَقِيمَ
i udhëzuam në rrugën e drejtë
وَتَرَكْنَا عَلَيْهِمَا فِي الْآخِرِينَ
dhe u lamë një përmendje të mirë te brezat e mëvonshëm.
سَلَامٌ عَلَىٰ مُوسَىٰ وَهَارُونَ
Paqja qoftë mbi Musain e Harunin!
إِنَّا كَذَٰلِكَ نَجْزِي الْمُحْسِنِينَ
Kështu i shpërblejmë Ne punëmbarët.
إِنَّهُمَا مِنْ عِبَادِنَا الْمُؤْمِنِينَ
Ata ishin vërtet nga robërit Tanë besimtarë.
وَإِنَّ إِلْيَاسَ لَمِنَ الْمُرْسَلِينَ
Edhe Iljasi ishte vërtet një nga të dërguarit.
إِذْ قَالَ لِقَوْمِهِ أَلَا تَتَّقُونَ
Ai i tha popullit të vet: "A nuk i frikësoheni Allahut?
أَتَدْعُونَ بَعْلًا وَتَذَرُونَ أَحْسَنَ الْخَالِقِينَ
Vallë, si mund ta lutni Ba'lin e po e lini Krijuesin më të mirë,
اللَّهَ رَبَّكُمْ وَرَبَّ آبَائِكُمُ الْأَوَّلِينَ
Allahun, Zotin tuaj dhe Zotin e të parëve tuaj të lashtë?!"
فَكَذَّبُوهُ فَإِنَّهُمْ لَمُحْضَرُونَ
Por, ata e përgënjeshtruan atë, prandaj do të ndëshkohen patjetër,
إِلَّا عِبَادَ اللَّهِ الْمُخْلَصِينَ
me përjashtim të robërve të përkushtuar të Allahut.
وَتَرَكْنَا عَلَيْهِ فِي الْآخِرِينَ
Ne i lamë atij një përmendje të mirë te brezat e mëvonshëm.
سَلَامٌ عَلَىٰ إِلْ يَاسِينَ
Paqja qoftë mbi Iliasin.
إِنَّا كَذَٰلِكَ نَجْزِي الْمُحْسِنِينَ
Kështu i shpërblejmë Ne punëmbarët.
إِنَّهُ مِنْ عِبَادِنَا الْمُؤْمِنِينَ
Ai ishte prej robërve Tanë besimtarë.
وَإِنَّ لُوطًا لَمِنَ الْمُرْسَلِينَ
Me të vërtetë, edhe Luti ishte njëri nga të dërguarit.
إِذْ نَجَّيْنَاهُ وَأَهْلَهُ أَجْمَعِينَ
Kujto kur e shpëtuam atë dhe gjithë familjen e tij,
إِلَّا عَجُوزًا فِي الْغَابِرِينَ
përveç një plake që ishte në mesin e atyre që mbetën pas.
ثُمَّ دَمَّرْنَا الْآخَرِينَ
Pastaj, i shkatërruam të tjerët.
وَإِنَّكُمْ لَتَمُرُّونَ عَلَيْهِمْ مُصْبِحِينَ
Ju kaloni pranë (rrënojave të) tyre në mëngjes
وَبِاللَّيْلِ ۗ أَفَلَا تَعْقِلُونَ
dhe gjatë natës. A nuk po mblidhni mend?!
وَإِنَّ يُونُسَ لَمِنَ الْمُرْسَلِينَ
Pa dyshim, edhe Junusi ishte njëri nga të dërguarit.
إِذْ أَبَقَ إِلَى الْفُلْكِ الْمَشْحُونِ
Kujto kur iku në anijen e mbushur plot e përplot,
فَسَاهَمَ فَكَانَ مِنَ الْمُدْحَضِينَ
pastaj hodhi short dhe humbi.
فَالْتَقَمَهُ الْحُوتُ وَهُوَ مُلِيمٌ
Pastaj e gëlltiti balena, duke qenë fajtor.
فَلَوْلَا أَنَّهُ كَانَ مِنَ الْمُسَبِّحِينَ
Por, sikur të mos ishte prej atyre që e madhëronin Allahun,
لَلَبِثَ فِي بَطْنِهِ إِلَىٰ يَوْمِ يُبْعَثُونَ
do të mbetej në barkun e saj deri në Ditën kur do të ringjallen (njerëzit).
فَنَبَذْنَاهُ بِالْعَرَاءِ وَهُوَ سَقِيمٌ
Por, Ne e hodhëm në një tokë të shkretë, duke qenë i sëmurë,
وَأَنْبَتْنَا عَلَيْهِ شَجَرَةً مِنْ يَقْطِينٍ
dhe bëmë që sipër tij të mbinte një bimë kungulli.
وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ
Ne e dërguam atë te njëqind mijë njerëz ose më tepër
فَآمَنُوا فَمَتَّعْنَاهُمْ إِلَىٰ حِينٍ
dhe ata i besuan, andaj i lamë të jetonin për një kohë.
فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ
Pra, pyeti ata: "Vallë, të Zotit tënd qenkan vajzat e të tyrët djemtë?!"
أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ
A mos i krijuam melekët si femra e ata ishin të pranishëm?!
أَلَا إِنَّهُمْ مِنْ إِفْكِهِمْ لَيَقُولُونَ
Vini re! Pa dyshim, ata shpifin kur thonë:
وَلَدَ اللَّهُ وَإِنَّهُمْ لَكَاذِبُونَ
"Allahu ka lindur fëmijë", ndërkohë që janë gënjeshtarë.
أَصْطَفَى الْبَنَاتِ عَلَى الْبَنِينَ
Vallë, a i zgjodhi Ai vajzat kundrejt djemve?!
مَا لَكُمْ كَيْفَ تَحْكُمُونَ
Ç'keni që gjykoni kështu?!
أَفَلَا تَذَكَّرُونَ
A nuk po mendoni?!
أَمْ لَكُمْ سُلْطَانٌ مُبِينٌ
Apo keni ndonjë provë të qartë?!
فَأْتُوا بِكِتَابِكُمْ إِنْ كُنْتُمْ صَادِقِينَ
Pra, sillni librin tuaj, nëse po e thoni të vërtetën!
وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ
Ata sajuan farefisni ndërmjet Tij dhe xhinëve, ndërkohë që vetë xhinët e dinë se ata do të sillen patjetër (për të dhënë llogari).
سُبْحَانَ اللَّهِ عَمَّا يَصِفُونَ
I Lartësuar është Allahu nga ajo që i veshin ata.
إِلَّا عِبَادَ اللَّهِ الْمُخْلَصِينَ
Përjashtim bëjnë robërit e përkushtuar të Allahut.
فَإِنَّكُمْ وَمَا تَعْبُدُونَ
Pra, as ju e as ata që i adhuroni,
مَا أَنْتُمْ عَلَيْهِ بِفَاتِنِينَ
nuk mund të mashtroni askënd kundër Tij,
إِلَّا مَنْ هُوَ صَالِ الْجَحِيمِ
përveç atyre që do të digjen në Zjarrin flakërues.
وَمَا مِنَّا إِلَّا لَهُ مَقَامٌ مَعْلُومٌ
(Melekët thonë:) "Gjithsecili nga ne e ka vendin të caktuar.
وَإِنَّا لَنَحْنُ الصَّافُّونَ
Njëmend, ne jemi ata që qëndrojnë të rreshtuar në radhë,
وَإِنَّا لَنَحْنُ الْمُسَبِّحُونَ
dhe me të vërtetë ne jemi ata që e madhërojnë Allahun."
وَإِنْ كَانُوا لَيَقُولُونَ
Edhe pse ata (idhujtarët e Mekës) thoshin:
لَوْ أَنَّ عِنْدَنَا ذِكْرًا مِنَ الْأَوَّلِينَ
"Sikur të kishim një Libër nga të mëparshmit,
لَكُنَّا عِبَادَ اللَّهِ الْمُخْلَصِينَ
sigurisht që do të kishim qenë robër të përkushtuar të Allahut."
فَكَفَرُوا بِهِ ۖ فَسَوْفَ يَعْلَمُونَ
Ndërkohë që ata e mohuan atë (Kuranin), por së shpejti do ta marrin vesh!
وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ
Fjala Jonë u është dhënë qysh më parë robërve Tanë të dërguar
إِنَّهُمْ لَهُمُ الْمَنْصُورُونَ
se, me të vërtetë, ata do të ndihmohen
وَإِنَّ جُنْدَنَا لَهُمُ الْغَالِبُونَ
dhe se ushtria Jonë, me siguri, do të jetë ngadhënjyese.
فَتَوَلَّ عَنْهُمْ حَتَّىٰ حِينٍ
Prandaj, shmangiu atyre për njëfarë kohe!
وَأَبْصِرْهُمْ فَسَوْفَ يُبْصِرُونَ
Vështroji ata, se edhe ata së shpejti do ta shohin!
أَفَبِعَذَابِنَا يَسْتَعْجِلُونَ
Vallë, a mos po kërkojnë ata përshpejtimin e dënimit Tonë?
فَإِذَا نَزَلَ بِسَاحَتِهِمْ فَسَاءَ صَبَاحُ الْمُنْذَرِينَ
Kur ai të zbresë në mesin e tyre, i tmerrshëm do të jetë mëngjesi i atyre që u paralajmëruan!
وَتَوَلَّ عَنْهُمْ حَتَّىٰ حِينٍ
Pra, shmangiu atyre për njëfarë kohe!
وَأَبْصِرْ فَسَوْفَ يُبْصِرُونَ
Vështroji ata, se edhe ata së shpejti do ta shohin!
سُبْحَانَ رَبِّكَ رَبِّ الْعِزَّةِ عَمَّا يَصِفُونَ
I patëmeta është Zoti yt, Zoti i Gjithëfuqisë, mbi gjithçka që i veshin Atij!
وَسَلَامٌ عَلَى الْمُرْسَلِينَ
Paqja qoftë mbi të dërguarit
وَالْحَمْدُ لِلَّهِ رَبِّ الْعَالَمِينَ
dhe lavdërimi i takon Allahut, Zotit të botëve!