سَبِّحِ اسْمَ رَبِّكَ الْأَعْلَى
Litakase jina la Mola wako Mlezi aliye juu kabisa.
The Most High · al-A'la · سورة الأعلى · 19 ayahs
بِسْمِ اللَّهِ الرَّحْمَٰنِ الرَّحِيمِ
Kwa jina la Mwenyezi Mungu, Mwingi wa rehema, Mwenye kurehemu.
الَّذِي خَلَقَ فَسَوَّىٰ
Aliyeumba, na akaweka sawa.
وَالَّذِي قَدَّرَ فَهَدَىٰ
Na ambaye amekadiria na akaongoa.
وَالَّذِي أَخْرَجَ الْمَرْعَىٰ
Na aliyeotesha malisho.
فَجَعَلَهُ غُثَاءً أَحْوَىٰ
Kisha akayafanya makavu, meusi.
سَنُقْرِئُكَ فَلَا تَنْسَىٰ
Tutakusomesha wala hutasahau.
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
Ila akipenda Mwenyezi Mungu. Hakika Yeye anayajua yaliyo dhahiri na yaliyofichikana.
وَنُيَسِّرُكَ لِلْيُسْرَىٰ
Na tutakusahilishia yawe mepesi.
فَذَكِّرْ إِنْ نَفَعَتِ الذِّكْرَىٰ
Basi kumbusha, kama makumbusho yanafaa.
سَيَذَّكَّرُ مَنْ يَخْشَىٰ
Atakumbuka mwenye kuogopa.
وَيَتَجَنَّبُهَا الْأَشْقَى
Na atajitenga mbali nayo mpotovu.
الَّذِي يَصْلَى النَّارَ الْكُبْرَىٰ
Ambaye atauingia Moto mkubwa.
ثُمَّ لَا يَمُوتُ فِيهَا وَلَا يَحْيَىٰ
Tena humo hatakufa wala hawi hai.
قَدْ أَفْلَحَ مَنْ تَزَكَّىٰ
Hakika amekwisha fanikiwa aliyejitakasa.
وَذَكَرَ اسْمَ رَبِّهِ فَصَلَّىٰ
Na akakumbuka jina la Mola wake Mlezi, na akasali.
بَلْ تُؤْثِرُونَ الْحَيَاةَ الدُّنْيَا
Lakini nyinyi mnapendelea maisha ya dunia!
وَالْآخِرَةُ خَيْرٌ وَأَبْقَىٰ
Na Akhera ni bora na yenye kudumu zaidi.
إِنَّ هَٰذَا لَفِي الصُّحُفِ الْأُولَىٰ
Hakika haya yamo katika Vitabu vya mwanzo.
صُحُفِ إِبْرَاهِيمَ وَمُوسَىٰ
Vitabu vya Ibrahimu na Musa.