The Rolling · at-Takwir · سورة التكوير · 29 ayahs

القرآن الكريمAbdurrahim ibn Muhammad

بِسْمِ اللَّهِ الرَّحْمَٰنِ الرَّحِيمِ

అనంత కరుణామయుడు అపార కరుణా ప్రదాత అయిన అల్లాహ్ పేరుతో

إِذَا الشَّمْسُ كُوِّرَتْ

సూర్యుడు (అంధకారంలో) చుట్టి పోయబడి కాంతిహీనుడైనప్పుడు!

وَإِذَا النُّجُومُ انْكَدَرَتْ

మరియు నక్షత్రాలు (కాంతిని కోల్పోయి) రాలిపోవునప్పుడు!

وَإِذَا الْجِبَالُ سُيِّرَتْ

మరియు పర్వతాలు కదిలించబడినప్పుడు!

وَإِذَا الْعِشَارُ عُطِّلَتْ

మరియు నిండు సూడి ఒంటెలు, నిరపేక్షంగా వదిలివేయబడినప్పుడు!

وَإِذَا الْوُحُوشُ حُشِرَتْ

మరియు క్రూరమృగాలన్నీ ఒకచేట సమకూర్చబడినప్పుడు!

وَإِذَا الْبِحَارُ سُجِّرَتْ

మరియు సముద్రాలు ఉప్పొంగిపోయి నప్పుడు!

وَإِذَا النُّفُوسُ زُوِّجَتْ

మరియు ఆత్మలు (శరీరాలతో) తిరిగి కలుపబడి నప్పుడు!

وَإِذَا الْمَوْءُودَةُ سُئِلَتْ

మరియు సజీవంగా పాతి పెట్టబడిన బాలిక ప్రశ్నించబడినప్పుడు:

بِأَيِّ ذَنْبٍ قُتِلَتْ

ఏ అపరాధానికి తాను హత్య చేయబడిందని?

وَإِذَا الصُّحُفُ نُشِرَتْ

మరియు కర్మపత్రాలు తెరువబడినప్పుడు!

وَإِذَا السَّمَاءُ كُشِطَتْ

మరియు ఆకాశం ఒలిచి వేయబడినప్పుడు!

وَإِذَا الْجَحِيمُ سُعِّرَتْ

మరియు నరకాగ్ని మండించబడినప్పుడు!

وَإِذَا الْجَنَّةُ أُزْلِفَتْ

మరియు స్వర్గం దగ్గరకు తీసుకురాబడినప్పుడు!

عَلِمَتْ نَفْسٌ مَا أَحْضَرَتْ

ప్రతి ఆత్మ తాను చేసి తెచ్చిన కర్మలను తెలుసుకుంటుంది.

فَلَا أُقْسِمُ بِالْخُنَّسِ

అలా కాదు! నేను తొలగిపోయే నక్షత్రాల సాక్షిగా చెబుతున్నాను;

الْجَوَارِ الْكُنَّسِ

(ఏవైతే) వేగంగా తిరుగుతూ కనుమరుగవుతున్నాయో!

وَاللَّيْلِ إِذَا عَسْعَسَ

మరియు గడచి పోయే రాత్రి సాక్షిగా!

وَالصُّبْحِ إِذَا تَنَفَّسَ

మరియు ప్రకాశించే ఉదయం సాక్షిగా!

إِنَّهُ لَقَوْلُ رَسُولٍ كَرِيمٍ

నిశ్చయంగా, ఇది (ఈ ఖుర్ఆన్) గౌరవనీయుడైన సందేశహరుడు తెచ్చిన వాక్కు!

ذِي قُوَّةٍ عِنْدَ ذِي الْعَرْشِ مَكِينٍ

అతను (జిబ్రీల్) మహా బలశాలి, సింహాసన (అర్ష్) అధిపతి సన్నిధిలో ఉన్నత స్థానం గలవాడు!

مُطَاعٍ ثَمَّ أَمِينٍ

అతని ఆజ్ఞలు పాటింపబడతాయి మరియు (అతను) విశ్వసనీయుడు!

وَمَا صَاحِبُكُمْ بِمَجْنُونٍ

మరియు (ఓ ప్రజలారా!) మీ సహచరుడు పిచ్చివాడు కాడు!

وَلَقَدْ رَآهُ بِالْأُفُقِ الْمُبِينِ

మరియు వాస్తవంగా, అతను ఆ సందేశహరుణ్ణి (జిబ్రీల్ ను) ప్రకాశవంతమైన దిఙ్మండలంలో చూశాడు.

وَمَا هُوَ عَلَى الْغَيْبِ بِضَنِينٍ

మరియు అతను (ముహమ్మద్) అగోచర జ్ఞానాన్ని ప్రజల నుండి దాచేవాడు కాడు.

وَمَا هُوَ بِقَوْلِ شَيْطَانٍ رَجِيمٍ

మరియు ఇది (ఈ ఖుర్ఆన్) శపించ (బహిష్కరించ) బడిన షైతాన్ వాక్కు కాదు.

فَأَيْنَ تَذْهَبُونَ

మరి మీరు ఎటు పోతున్నారు?

إِنْ هُوَ إِلَّا ذِكْرٌ لِلْعَالَمِينَ

ఇది (ఈ ఖుర్ఆన్) సర్వలోకాలకు ఒక హితోపదేశం.

لِمَنْ شَاءَ مِنْكُمْ أَنْ يَسْتَقِيمَ

మీలో, ఋజుమార్గంలో నడవ దలచుకున్న ప్రతివాని కొరకు.

وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ

మరియు సర్వలోకాల ప్రభువైన అల్లాహ్ తలచనంత వరకు, మీరు తలచినంత మాత్రాన ఏమీ కాదు.