سَبِّحِ اسْمَ رَبِّكَ الْأَعْلَى
(اے نبی(ص)) اپنے بلند و برتر پروردگار کے نام کی تسبیح کیجئے۔
القرآن الكريمMuhammad Hussain Najafi
بِسْمِ اللَّهِ الرَّحْمَٰنِ الرَّحِيمِ
(شروع کرتا ہوں) اللہ کے نام سے جو بڑا مہربان نہایت رحم والا ہے۔
سَبِّحِ اسْمَ رَبِّكَ الْأَعْلَى
(اے نبی(ص)) اپنے بلند و برتر پروردگار کے نام کی تسبیح کیجئے۔
الَّذِي خَلَقَ فَسَوَّىٰ
جس نے (ہر چیزکو) پیدا کیا پھر درست کیا (تناسب قائم کیا)۔
وَالَّذِي قَدَّرَ فَهَدَىٰ
جس نے تقدیر مقرر کی (ہر چیز کا اندازہ مقرر کیا) اور (سیدھی) راہ دکھائی۔
وَالَّذِي أَخْرَجَ الْمَرْعَىٰ
اس نے (جانوروں کیلئے) زمین سے چارہ نکالا۔
فَجَعَلَهُ غُثَاءً أَحْوَىٰ
پھر اسے (خشک کرکے) سیاہی مائل کوڑا بنا دیا۔
سَنُقْرِئُكَ فَلَا تَنْسَىٰ
ہم آپ(ص) کو (ایسا) پڑھائیں گے کہ پھر آپ(ص) نہیں بھولیں گے۔
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
مگر جو اللہ چاہے (بھلا دے) بےشک وہ ظاہر کو بھی جانتا ہے اور اس کو بھی جو چھپا ہوا ہے۔
وَنُيَسِّرُكَ لِلْيُسْرَىٰ
اور ہم آپ(ص) کو آسان (شریعت) کی سہولت دیں گے۔
فَذَكِّرْ إِنْ نَفَعَتِ الذِّكْرَىٰ
پس آپ(ص) نصیحت کیجئے اگر نصیحت کچھ فائدہ پہنچائے۔
سَيَذَّكَّرُ مَنْ يَخْشَىٰ
وہ شخص نصیحت قبول کرے گا جو (خدا و آخرت سے) ڈرتا ہوگا۔
وَيَتَجَنَّبُهَا الْأَشْقَى
اور جو بدبخت ہے وہ اس سے گریز کرے گا۔
الَّذِي يَصْلَى النَّارَ الْكُبْرَىٰ
جو بڑی آگ میں داخل ہوگا۔
ثُمَّ لَا يَمُوتُ فِيهَا وَلَا يَحْيَىٰ
پھر وہ اس میں نہ مرے گا نہ جئے گا۔
قَدْ أَفْلَحَ مَنْ تَزَكَّىٰ
وہ شخص فائز المرام ہوا جس نے اپنے آپ کو (بداعتقادی و بدعملی سے) پاک کیا۔
وَذَكَرَ اسْمَ رَبِّهِ فَصَلَّىٰ
اور اپنے پروردگار کا نام یاد کیا اور نماز پڑھی۔
بَلْ تُؤْثِرُونَ الْحَيَاةَ الدُّنْيَا
مگر تم لوگ دنیا کی زندگی کو (آخرت پر) ترجیح دیتے ہو۔
وَالْآخِرَةُ خَيْرٌ وَأَبْقَىٰ
حالانکہ آخرت بہتر ہے اور پائیدار ہے۔
إِنَّ هَٰذَا لَفِي الصُّحُفِ الْأُولَىٰ
یقیناً یہ بات پہلے صحیفوں میں بھی ہے۔
صُحُفِ إِبْرَاهِيمَ وَمُوسَىٰ
یعنی ابراہیم(ع) اور موسیٰ(ع) کے صحیفوں میں۔