The Shattering · al-Infitar · سورة الانفطار · 19 ayahs

القرآن الكريمRowwad Translation Center

بِسْمِ اللَّهِ الرَّحْمَٰنِ الرَّحِيمِ

Меҳрибон ва Раҳмли Аллоҳ номи билан (бошлайман).

إِذَا السَّمَاءُ انْفَطَرَتْ

Осмон ёрилганида.

وَإِذَا الْكَوَاكِبُ انْتَثَرَتْ

Юлдузлар сочилиб кетганида.

وَإِذَا الْبِحَارُ فُجِّرَتْ

Денгизлар очилганида.

وَإِذَا الْقُبُورُ بُعْثِرَتْ

Қабрлар тўнкариб қўйилганида.

عَلِمَتْ نَفْسٌ مَا قَدَّمَتْ وَأَخَّرَتْ

Ҳар бир жон қилган ишини ҳам, кечиктириб қилолмай қолган ишини ҳам билади.

يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ

Эй инсон, улуғ Парвардигоринг борасида сени нима алдаб қўйди?!

الَّذِي خَلَقَكَ فَسَوَّاكَ فَعَدَلَكَ

(Парвардигорингки), сени яратди, тиклади, расо қилди.

فِي أَيِّ صُورَةٍ مَا شَاءَ رَكَّبَكَ

Ўзи хоҳлаган сувратда сени таркиб топтирди.

كَلَّا بَلْ تُكَذِّبُونَ بِالدِّينِ

Асло! Балки, сиз жазони ёлғонга чиқармоқдасиз!

وَإِنَّ عَلَيْكُمْ لَحَافِظِينَ

Ҳолбуки, сизнинг устингиздан кузатиб турувчилар бордир.

كِرَامًا كَاتِبِينَ

Улуғ котиблар.

يَعْلَمُونَ مَا تَفْعَلُونَ

Нима қилаётганингизни биладилар.

إِنَّ الْأَبْرَارَ لَفِي نَعِيمٍ

Албатта, яхшилар неъмат ичрадирлар.

وَإِنَّ الْفُجَّارَ لَفِي جَحِيمٍ

Фожирлар эса жаҳаннам ичрадирлар.

يَصْلَوْنَهَا يَوْمَ الدِّينِ

У ерга Қиёмат куни кирадилар.

وَمَا هُمْ عَنْهَا بِغَائِبِينَ

Ва ундан ғойиб бўла олмаслар.

وَمَا أَدْرَاكَ مَا يَوْمُ الدِّينِ

Сиз жазо куни нима эканини қаердан ҳам билардингиз?!

ثُمَّ مَا أَدْرَاكَ مَا يَوْمُ الدِّينِ

Кейин (такрор айтаман) сиз жазо куни нима эканини қаердан ҳам билардингиз?!

يَوْمَ لَا تَمْلِكُ نَفْسٌ لِنَفْسٍ شَيْئًا ۖ وَالْأَمْرُ يَوْمَئِذٍ لِلَّهِ

У кунда ҳеч ким ҳеч кимга ҳеч нарса қилиб бера олмас. У кунда ҳамма иш ёлғиз Аллоҳнинг Қўлидадир.