سَبِّحِ اسْمَ رَبِّكَ الْأَعْلَى
Энг олий зот бўлмиш Парвардигорингизнинг номини покланг!
القرآن الكريمRowwad Translation Center
بِسْمِ اللَّهِ الرَّحْمَٰنِ الرَّحِيمِ
Меҳрибон ва Раҳмли Аллоҳ номи билан (бошлайман).
سَبِّحِ اسْمَ رَبِّكَ الْأَعْلَى
Энг олий зот бўлмиш Парвардигорингизнинг номини покланг!
الَّذِي خَلَقَ فَسَوَّىٰ
У яратган ва расо қилиб қўйган Зотдир.
وَالَّذِي قَدَّرَ فَهَدَىٰ
У белгилаб, ҳидоят қилиб қўйган Зотдир.
وَالَّذِي أَخْرَجَ الْمَرْعَىٰ
У ўт-ўланни ундириб чиқариб,
فَجَعَلَهُ غُثَاءً أَحْوَىٰ
Сўнг уни қорамтир хас-хашак қилиб қўйган Зотдир.
سَنُقْرِئُكَ فَلَا تَنْسَىٰ
Биз сизни қироат қилдирурмиз. Бас, сиз унутмассиз.
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
Аллоҳ хоҳлагани бундан мустасно. Албатта, У Зот ошкора ишларни ҳам, хуфёналарини ҳам билур.
وَنُيَسِّرُكَ لِلْيُسْرَىٰ
Биз сизни осонликка муваффақ қилурмиз.
فَذَكِّرْ إِنْ نَفَعَتِ الذِّكْرَىٰ
Эслатиш фойда берса, эслатинг!
سَيَذَّكَّرُ مَنْ يَخْشَىٰ
(Аллоҳдан) қўрқадиган киши эслатмага қулоқ солади.
وَيَتَجَنَّبُهَا الْأَشْقَى
Бадбахт кимса эса ўзини ундан четга олур.
الَّذِي يَصْلَى النَّارَ الْكُبْرَىٰ
Катта оловга кирадиган (бадбахт).
ثُمَّ لَا يَمُوتُ فِيهَا وَلَا يَحْيَىٰ
Сўнгра у жойда на ўла олур ва на яшай олур!
قَدْ أَفْلَحَ مَنْ تَزَكَّىٰ
Дарҳақиқат, пок бўлган киши нажот топгай.
وَذَكَرَ اسْمَ رَبِّهِ فَصَلَّىٰ
Парвардигорининг номини ёд этиб намоз ўқиган (киши).
بَلْ تُؤْثِرُونَ الْحَيَاةَ الدُّنْيَا
Йўқ! Сизлар шу дунё ҳаётини устун қўйяпсизлар!
وَالْآخِرَةُ خَيْرٌ وَأَبْقَىٰ
Ҳолбуки, охират яхшироқ ва боқийроқдир.
إِنَّ هَٰذَا لَفِي الصُّحُفِ الْأُولَىٰ
Албатта, (Сизга эслатилган) бу (нарсалар) аввалги саҳифаларда бордир.
صُحُفِ إِبْرَاهِيمَ وَمُوسَىٰ
Иброҳим ва Мусо саҳифаларида.