The Star · an-Najm · سورة النجم · 62 ayahs

بِسْمِ اللَّهِ الرَّحْمَٰنِ الرَّحِيمِ

Ní orúkọ Allāhu, Àjọkẹ́-ayé, Àṣàkẹ́-ọ̀run.

وَالنَّجْمِ إِذَا هَوَىٰ

Allāhu fi gbólóhùn kọ̀ọ̀kan nínú al-Ƙur’ān alápọ̀n-ọ́nlé nígbà tí ó bá sọ̀kalẹ̀ láti ojú sánmọ̀ búra.

مَا ضَلَّ صَاحِبُكُمْ وَمَا غَوَىٰ

Ẹni yín kò ṣìnà, kò sì sọnù.

وَمَا يَنْطِقُ عَنِ الْهَوَىٰ

Àti pé kò níí sọ̀rọ̀ ìfẹ́-inú.

إِنْ هُوَ إِلَّا وَحْيٌ يُوحَىٰ

Kò níí sọ ohun kan tayọ ìmísí tí A fi ránṣẹ́ sí i.

عَلَّمَهُ شَدِيدُ الْقُوَىٰ

Alágbára (ìyẹn, mọlāika Jibrīl) l’ó kọ́ ọ ní ìmọ̀ (al-Ƙur’ān).

ذُو مِرَّةٍ فَاسْتَوَىٰ

Ó ní àlàáfíà tó péye, ó sì dúró wámúwámú,

وَهُوَ بِالْأُفُقِ الْأَعْلَىٰ

nígbà tí ó wà nínú òfurufú lókè pátápátá.

ثُمَّ دَنَا فَتَدَلَّىٰ

Lẹ́yìn náà, ó sún mọ́ (Ànábì - kí ìkẹ́ àti ọlà Allāhu máa bá a -). Ó sì sọ̀kalẹ̀ (tọ̀ ọ́ wá).

فَكَانَ قَابَ قَوْسَيْنِ أَوْ أَدْنَىٰ

(Àlàfo ààrin àwọn méjèèjì) sì tó ìwọ̀n ọrún ọfà méjì, tàbí kí ó kéré (sí ìyẹn).

فَأَوْحَىٰ إِلَىٰ عَبْدِهِ مَا أَوْحَىٰ

Allāhu sì fún ẹrúsìn Rẹ̀ ní ìmísí tó fún un.

مَا كَذَبَ الْفُؤَادُ مَا رَأَىٰ

Ọkàn (Ànábì - kí ìkẹ́ àti ọlà Allāhu máa bá a -) kò parọ́ ohun tó rí.

أَفَتُمَارُونَهُ عَلَىٰ مَا يَرَىٰ

Ṣé ẹ óò jà á níyàn nípa ohun tó rí ni?

وَلَقَدْ رَآهُ نَزْلَةً أُخْرَىٰ

Àti pé dájúdájú ó tún rí i nígbà kejì

عِنْدَ سِدْرَةِ الْمُنْتَهَىٰ

níbi igi sidirah al-Muntahā,

عِنْدَهَا جَنَّةُ الْمَأْوَىٰ

nítòsí rẹ̀ ni Ọgbà Ibùgbé (gbére) wà.

إِذْ يَغْشَى السِّدْرَةَ مَا يَغْشَىٰ

(Rántí) nígbà tí ohun tó bo igi Sidirah bò ó mọ́lẹ̀.

مَا زَاغَ الْبَصَرُ وَمَا طَغَىٰ

Ojú (Ànábì) kò yẹ̀, kò sì tayọ ẹnu-ààlà.

لَقَدْ رَأَىٰ مِنْ آيَاتِ رَبِّهِ الْكُبْرَىٰ

Dájúdájú ó rí nínú àwọn àmì Olúwa rẹ̀, tó tóbi.

أَفَرَأَيْتُمُ اللَّاتَ وَالْعُزَّىٰ

Ẹ sọ fún mi nípa òrìṣà Lāt àti òrìṣà ‘Uzzā,

وَمَنَاةَ الثَّالِثَةَ الْأُخْرَىٰ

àti Mọnāh, òrìṣà kẹta mìíràn.

أَلَكُمُ الذَّكَرُ وَلَهُ الْأُنْثَىٰ

Ṣé ọmọkùnrin ni tiyín, ọmọbìnrin sì ni tiRẹ̀?

تِلْكَ إِذًا قِسْمَةٌ ضِيزَىٰ

Ìpín àbòsí nìyẹn nígbà náà.

إِنْ هِيَ إِلَّا أَسْمَاءٌ سَمَّيْتُمُوهَا أَنْتُمْ وَآبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ ۚ إِنْ يَتَّبِعُونَ إِلَّا الظَّنَّ وَمَا تَهْوَى الْأَنْفُسُ ۖ وَلَقَدْ جَاءَهُمْ مِنْ رَبِّهِمُ الْهُدَىٰ

(Àwọn orúkọ òrìṣà wọ̀nyẹn) kò sì jẹ́ kiní kan bí kò ṣe àwọn orúkọ kan tí ẹ̀yin àti àwọn bàbá yín sọ (àwọn òrìṣà yín fúnra yín). Allāhu kò sọ ẹ̀rí ọ̀rọ̀ kan kalẹ̀ nípa rẹ̀. Wọn kò sì tẹ̀lé kiní kan bí kò ṣe àbá dídá àti ohun tí ẹ̀mí (wọn) ń fẹ́ (ìfẹ́-inú). Ìmọ̀nà kúkú ti dé bá wọn láti ọ̀dọ̀ Olúwa wọn.

أَمْ لِلْإِنْسَانِ مَا تَمَنَّىٰ

Tàbí ti ènìyàn ni n̄ǹkan tó bá ń fẹ́!

فَلِلَّهِ الْآخِرَةُ وَالْأُولَىٰ

Ti Allāhu sì ni ọ̀run àti ayé.

وَكَمْ مِنْ مَلَكٍ فِي السَّمَاوَاتِ لَا تُغْنِي شَفَاعَتُهُمْ شَيْئًا إِلَّا مِنْ بَعْدِ أَنْ يَأْذَنَ اللَّهُ لِمَنْ يَشَاءُ وَيَرْضَىٰ

Àti pé mélòó mélòó nínú àwọn mọlāika tó wà nínú àwọn sánmọ̀, tí ìṣìpẹ̀ wọn kò níí rọ̀ wọ́n lọ́rọ̀ kiní kan àyàfi lẹ́yìn ìgbà tí Allāhu bá yọ̀ǹda fún ẹni tí Ó bá fẹ́, tí Ó sì yọ́nú sí.

إِنَّ الَّذِينَ لَا يُؤْمِنُونَ بِالْآخِرَةِ لَيُسَمُّونَ الْمَلَائِكَةَ تَسْمِيَةَ الْأُنْثَىٰ

Dájúdájú àwọn tí kò ní ìgbàgbọ́ òdodo nínú Ọjọ́ Ìkẹ́yìn, àwọn ni wọ́n ń fún àwọn mọlāika ní orúkọ obìnrin.

وَمَا لَهُمْ بِهِ مِنْ عِلْمٍ ۖ إِنْ يَتَّبِعُونَ إِلَّا الظَّنَّ ۖ وَإِنَّ الظَّنَّ لَا يُغْنِي مِنَ الْحَقِّ شَيْئًا

Kò sí ìmọ̀ kan fún wọn nípa rẹ̀. Wọn kò sì tẹ̀lé kiní kan bí kò ṣe àbá dídá. Dájúdájú àbá dídá kò sì níí rọrọ̀ kiní kan lára òdodo.

فَأَعْرِضْ عَنْ مَنْ تَوَلَّىٰ عَنْ ذِكْرِنَا وَلَمْ يُرِدْ إِلَّا الْحَيَاةَ الدُّنْيَا

Nítorí náà, ṣẹ́rí kúrò ní ọ̀dọ̀ ẹni tó kẹ̀yìn sí ìrántí Wa, tí kò sì gbèrò kiní kan àfi ìṣẹ̀mí ayé.

ذَٰلِكَ مَبْلَغُهُمْ مِنَ الْعِلْمِ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِمَنِ اهْتَدَىٰ

Ìyẹn ni ohun tí wọ́n wọ̀n nínú ìmọ̀. Dájúdájú Olúwa rẹ lÓ nímọ̀ jùlọ nípa ẹni tó ṣìnà kúrò lójú ọ̀nà Rẹ̀. Ó sì nímọ̀ jùlọ nípa ẹni tó mọ̀nà.

وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى

Ti Allāhu ni ohunkóhun tó wà nínú àwọn sánmọ̀ àti ohunkóhun tó wà nínú ilẹ̀ nítorí kí Ó lè san àwọn tó ṣe iṣẹ́ aburú ní ẹ̀san ohun tí wọ́n ṣe níṣẹ́ àti nítorí kí Ó lè san àwọn tó ṣe iṣẹ́ rere ni ẹ̀san rere.

الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ ۚ إِنَّ رَبَّكَ وَاسِعُ الْمَغْفِرَةِ ۚ هُوَ أَعْلَمُ بِكُمْ إِذْ أَنْشَأَكُمْ مِنَ الْأَرْضِ وَإِذْ أَنْتُمْ أَجِنَّةٌ فِي بُطُونِ أُمَّهَاتِكُمْ ۖ فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ

Àwọn tó ń jìnnà sí ẹ̀ṣẹ̀ ńlá ńlá àti ìwà ìbàjẹ́ àyàfi àwọn ẹ̀ṣẹ̀ wẹẹrẹ, dájúdájú Olúwa rẹ gbòòrò ní àforíjìn. Ó nímọ̀ jùlọ nípa yín nígbà tí Ó ṣẹ̀dá yín láti inú ilẹ̀ àti nígbà tí ẹ wà ní ọlẹ̀ nínú àwọn ikùn ìyá yín. Nítorí náà, ẹ má ṣe fọra yín mọ́. Òun l’Ó nímọ̀ jùlọ nípa ẹni tó bẹ̀rù (Rẹ̀).

أَفَرَأَيْتَ الَّذِي تَوَلَّىٰ

Sọ fún mi nípa ẹni tó gbúnrí (kúrò níbi òdodo),

وَأَعْطَىٰ قَلِيلًا وَأَكْدَىٰ

tí ó fi díẹ̀ tọrẹ, tí ó sì di ìyókù mọ́wọ́!

أَعِنْدَهُ عِلْمُ الْغَيْبِ فَهُوَ يَرَىٰ

Ṣé ìmọ̀ ìkọ̀kọ̀ wà ní ọ̀dọ̀ rẹ, tí ó sì ń rí i (pé ẹlòmíìràn l’ó ma bá òun jìyà lọ́run)?

أَمْ لَمْ يُنَبَّأْ بِمَا فِي صُحُفِ مُوسَىٰ

Tàbí wọn kò fún un ní ìró ohun tó wà nínú tírà (Ànábì) Mūsā ni,

وَإِبْرَاهِيمَ الَّذِي وَفَّىٰ

àti (tírà Ànábì) ’Ibrọ̄hīm, ẹni tó mú (òfin Allāhu) ṣẹ,

أَلَّا تَزِرُ وَازِرَةٌ وِزْرَ أُخْرَىٰ

pé dájúdájú ẹlẹ́rù-ẹ̀ṣẹ̀ kan kò níí ru ẹrù-ẹ̀ṣẹ̀ ẹlòmíìràn.

وَأَنْ لَيْسَ لِلْإِنْسَانِ إِلَّا مَا سَعَىٰ

Àti pé kò sí kiní kan fún ènìyàn àfi ohun tó ṣe níṣẹ́.

وَأَنَّ سَعْيَهُ سَوْفَ يُرَىٰ

Àti pé dájúdájú iṣẹ́ rẹ̀, láìpẹ́ wọ́n máa fi hàn án.

ثُمَّ يُجْزَاهُ الْجَزَاءَ الْأَوْفَىٰ

Lẹ́yìn náà, wọ́n máa san án ní ẹ̀san rẹ̀, ní ẹ̀san tó kún jùlọ.

وَأَنَّ إِلَىٰ رَبِّكَ الْمُنْتَهَىٰ

Àti pé dájúdájú ọ̀dọ̀ Olúwa rẹ ni òpin (ìrìn-àjò ẹ̀dá).

وَأَنَّهُ هُوَ أَضْحَكَ وَأَبْكَىٰ

Dájúdájú Òun l’Ó ń pa (ẹ̀dá) ní ẹ̀rín. Ó sì ń pa (ẹ̀dá) ní ẹkún.

وَأَنَّهُ هُوَ أَمَاتَ وَأَحْيَا

Dájúdájú Òun l’Ó ń sọ (ẹ̀dá) di òkú. Ó sì ń sọ (ẹ̀dá) di alààyè.

وَأَنَّهُ خَلَقَ الزَّوْجَيْنِ الذَّكَرَ وَالْأُنْثَىٰ

Dájúdájú Òun l’Ó dá ẹ̀dá ní oríṣi méjì, ọkùnrin àti obìnrin,

مِنْ نُطْفَةٍ إِذَا تُمْنَىٰ

láti ara àtọ̀ nígbà tí wọ́n bá dà á sínú àpòlùkẹ́.

وَأَنَّ عَلَيْهِ النَّشْأَةَ الْأُخْرَىٰ

Dájúdájú Òun l’Ó máa ṣe ìṣẹ̀dá ìkẹ́yìn fún àjíǹde,

وَأَنَّهُ هُوَ أَغْنَىٰ وَأَقْنَىٰ

Dájúdájú Òun l’Ó ń fún ẹ̀dá ní ọrọ̀ dúkìá, Ó sì ń ta ẹ̀dá ní òṣì.

وَأَنَّهُ هُوَ رَبُّ الشِّعْرَىٰ

Dájúdájú Òun sì ni Olúwa ìràwọ̀ Ṣi‘rọ̄ (tí wọ́n sọ di òrìṣà).

وَأَنَّهُ أَهْلَكَ عَادًا الْأُولَىٰ

Dájúdájú Òun l’Ó pa ìran ‘Ād rẹ́, àwọn ẹni àkọ́kọ́;

وَثَمُودَ فَمَا أَبْقَىٰ

àti ìran Thamūd, kò sì ṣẹ́ wọn kù;

وَقَوْمَ نُوحٍ مِنْ قَبْلُ ۖ إِنَّهُمْ كَانُوا هُمْ أَظْلَمَ وَأَطْغَىٰ

àti ìjọ Nūh tó ṣíwájú (wọn), dájúdájú wọ́n jẹ́ alábòsí jùlọ, wọ́n sì tayọ ẹnu-ààlà jùlọ;

وَالْمُؤْتَفِكَةَ أَهْوَىٰ

àti ìlú tó dojú bolẹ̀ (ìlú Ànábì Lūt), Allāhu ló yẹ̀ ẹ́ lulẹ̀ (láti òkè).

فَغَشَّاهَا مَا غَشَّىٰ

Ohun tó bò wọ́n mọ́lẹ̀ bò wọ́n mọ́lẹ̀.

فَبِأَيِّ آلَاءِ رَبِّكَ تَتَمَارَىٰ

Nítorí náà, èwo nínú ìdẹ̀ra Olúwa rẹ ni ìwọ (ènìyàn) ń jà níyàn?

هَٰذَا نَذِيرٌ مِنَ النُّذُرِ الْأُولَىٰ

Èyí ni ìkìlọ̀ kan nínú àwọn ìkìlọ̀ àkọ́kọ́.

أَزِفَتِ الْآزِفَةُ

Ohun tó súnmọ́ súnmọ́.

لَيْسَ لَهَا مِنْ دُونِ اللَّهِ كَاشِفَةٌ

Lẹ́yìn Allāhu, kò sí ẹni tó lè tú gbèdéke Àkókò náà jáde.

أَفَمِنْ هَٰذَا الْحَدِيثِ تَعْجَبُونَ

Ṣé ọ̀rọ̀ yìí l’ó ń ṣe yín ní kàyéfì?

وَتَضْحَكُونَ وَلَا تَبْكُونَ

Ẹ̀ ń rẹ́rìn-ín, ẹ kò sì sunkún!

وَأَنْتُمْ سَامِدُونَ

Afọ́nú-fọ́ra ni yín.

فَاسْجُدُوا لِلَّهِ وَاعْبُدُوا ۩

Nítorí náà, ẹ forí kanlẹ̀ fún Allāhu, kí ẹ jọ́sìn (fún Un).