The Fig · at-Tin · سورة التين · 8 ayahs

بِسْمِ اللَّهِ الرَّحْمَٰنِ الرَّحِيمِ

Ní orúkọ Allāhu, Àjọkẹ́-ayé, Àṣàkẹ́-ọ̀run.

وَالتِّينِ وَالزَّيْتُونِ

Allāhu fi èso tīn àti èso zaetūn búra.

وَطُورِ سِينِينَ

Ó tún fi àpáta Sīnīn búra.

وَهَٰذَا الْبَلَدِ الْأَمِينِ

Ó tún fi ìlú ìfàyàbalẹ̀ yìí búra.

لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ

Dájúdájú A ṣẹ̀dá ènìyàn pẹ̀lú ìrísí tó dára jùlọ.

ثُمَّ رَدَدْنَاهُ أَسْفَلَ سَافِلِينَ

Lẹ́yìn náà, A máa dá a padà sí ìsàlẹ̀ pátápátá (nínú Iná).

إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ

Àyàfi àwọn tó gbàgbọ́ ní òdodo, tí wọ́n sì ṣe àwọn iṣẹ́ rere. Nítorí náà, ẹ̀san tí kò níí pin (tí kò níí pẹ̀dín) ń bẹ fún wọn.

فَمَا يُكَذِّبُكَ بَعْدُ بِالدِّينِ

Ta l’ó tún ń pè ọ́ ní òpùrọ́ nípa Ọjọ́ ẹ̀san lẹ́yìn (ọ̀rọ̀ yìí)?

أَلَيْسَ اللَّهُ بِأَحْكَمِ الْحَاكِمِينَ

Ṣé Allāhu kọ́ ni Ẹni t’Ó mọ ẹ̀jọ́ dá jùlọ nínú àwọn adájọ́ ni?