Al-A'raf 7:187

ከሰዓቲቱ መቼ እንደምትረጋ (እንደምትመጣ) ይጠይቁሃል፡፡ «ዕውቀቷ በጌታዬ ዘንድ ነው፡፡ በጊዜዋ እርሱ እንጂ ሌላ አይገልጣትም፡፡ በሰማያትና በምድርም ከበደች፡፡ በድንገት ቢኾን እንጂ አትመጣችሁም» በላቸው፡፡ ከእርሷ አጥብቀህ እንደ ተረዳህ አድርገው ይጠይቁሃል፡፡ «ዕውቀቷ አላህ ዘንድ ብቻ ነው፡፡ ግን አብዛኛዎቹ ሰዎች አያውቁም» በላቸው፡፡

(መልዕክተኛችን ሙሐመድ ሆይ!) ትንሳኤ መቼ እንደምትመጣ ይጠይቁሃል። «እውቀቷ በጌታዬ ዘንድ ብቻ ነው። በመከሰቻዋ ጊዜም እርሱ እንጂ ሌላ አይገልጽላችሁም። በሰማያትና በምድርም ከበደች። በድንገት ቢሆን እንጂ አትመጣባችሁም።» በላቸው። ስለ እርሷ በደንብ እንደተረዳህ አድርገው ይጠይቁሃል። «እውቀቷ ግን አላህ ዘንድ ብቻ ነው። ግን አብዛኞቹ ሰዎች ይህን ነገር ጠንቅቀው አያውቁም።» በላቸው።