The Land · al-Balad · سورة البلد · 20 ayahs

القرآن الكريمRafiqul Islam Habibur-Rahman

بِسْمِ اللَّهِ الرَّحْمَٰنِ الرَّحِيمِ

(আৰম্ভ কৰিছোঁ) পৰম কৰুণাময় পৰম দয়ালু আল্লাহৰ নামত।

لَا أُقْسِمُ بِهَٰذَا الْبَلَدِ

মই শপত কৰিছোঁ এই (মক্কা) নগৰৰ,

وَأَنْتَ حِلٌّ بِهَٰذَا الْبَلَدِ

আৰু তুমি এই নগৰৰ অধিবাসী,

وَوَالِدٍ وَمَا وَلَدَ

শপত জন্মদাতাৰ আৰু যিটো সি জন্ম দিছে তাৰো (শপত)।

لَقَدْ خَلَقْنَا الْإِنْسَانَ فِي كَبَدٍ

নিঃসন্দেহে আমি মানুহক সৃষ্টি কৰিছোঁ কঠোৰ দুখ-কষ্টৰ মাজত।

أَيَحْسَبُ أَنْ لَنْ يَقْدِرَ عَلَيْهِ أَحَدٌ

সি ভাবে নেকি যে, কেতিয়াও তাৰ ওপৰত কোনোৱেই ক্ষমতাৱান নহ’ব?

يَقُولُ أَهْلَكْتُ مَالًا لُبَدًا

সি কয়, 'মই প্ৰচুৰ ধন-সম্পদ নাশ কৰিছোঁ'।

أَيَحْسَبُ أَنْ لَمْ يَرَهُ أَحَدٌ

সি ভাবে নেকি যে, কোনেও তাক দেখা নাই?

أَلَمْ نَجْعَلْ لَهُ عَيْنَيْنِ

তাৰ বাবে আমি দুটা চকু সৃষ্টি কৰা নাইনে?

وَلِسَانًا وَشَفَتَيْنِ

এখন জিভা আৰু দুখন ওঁঠ?

وَهَدَيْنَاهُ النَّجْدَيْنِ

আৰু আমি তাক দেখুৱাইছোঁ দুটা পথ।

فَلَا اقْتَحَمَ الْعَقَبَةَ

কিন্তু সি দুৰ্গম গিৰিপথত প্ৰৱেশ কৰা নাই।

وَمَا أَدْرَاكَ مَا الْعَقَبَةُ

আৰু তোমাক কিহে জনাব যে, দুৰ্গম গিৰিপথ কি?

فَكُّ رَقَبَةٍ

সেইটো হৈছে, দাসমুক্তি।

أَوْ إِطْعَامٌ فِي يَوْمٍ ذِي مَسْغَبَةٍ

অথবা দুৰ্ভিক্ষৰ দিনত খাদ্যদান কৰা,

يَتِيمًا ذَا مَقْرَبَةٍ

নিকটাত্মীয় এতীমক,

أَوْ مِسْكِينًا ذَا مَتْرَبَةٍ

অথবা দৰিদ্ৰ-নিষ্পেষিত অভাৱগ্ৰস্তক,

ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ

লগতে এনেকুৱা লোকৰ অন্তৰ্ভুক্ত হোৱা যিসকলে ঈমান আনিছে আৰু পৰস্পৰক ধৈৰ্য্য ধাৰণ কৰিবলৈ উপদেশ দিয়ে, লগতে উপদেশ দিয়ে পৰস্পৰক দয়া-অনুগ্ৰহ কৰিবলৈ;

أُولَٰئِكَ أَصْحَابُ الْمَيْمَنَةِ

এওঁলোকেই হৈছে সৌভাগ্যশালী।

وَالَّذِينَ كَفَرُوا بِآيَاتِنَا هُمْ أَصْحَابُ الْمَشْأَمَةِ

আৰু যিসকলে আমাৰ আয়াতসমূহক অস্বীকাৰ কৰিছে, সিহঁতেই হৈছে দুৰ্ভগীয়া।

عَلَيْهِمْ نَارٌ مُؤْصَدَةٌ

সিহঁতেই অবৰুদ্ধ জুইত পৰিবেষ্টিত থাকিব।