لَا أُقْسِمُ بِيَوْمِ الْقِيَامَةِ
હું કયામતના દિવસની કસમ ખાઉં છું
Resurrection · al-Qiyamah · سورة القيامة · 40 ayahs
بِسْمِ اللَّهِ الرَّحْمَٰنِ الرَّحِيمِ
અલ્લાહના નામથી, (શરૂ કરું છું), જે અત્યંત કૃપાળુ અને દયાળુ છે.
وَلَا أُقْسِمُ بِالنَّفْسِ اللَّوَّامَةِ
અને ઠપકો આપનાર નફસની કસમ ખાઉં છું .
أَيَحْسَبُ الْإِنْسَانُ أَلَّنْ نَجْمَعَ عِظَامَهُ
શું માનવી એમ સમજે છે કે અમે તેના હાડકા ભેગા નહી કરી શકીએ?
بَلَىٰ قَادِرِينَ عَلَىٰ أَنْ نُسَوِّيَ بَنَانَهُ
કેમ નહીં અમે આ વાત પર કુદરત ધરાવીએ છીએ કે તેના ટેરવા સુધ્ધા ઠીક કરી દઈશુ.
بَلْ يُرِيدُ الْإِنْسَانُ لِيَفْجُرَ أَمَامَهُ
પરંતુ માનવી ઇચ્છે છે કે આગળ આગળ અવજ્ઞા કરતો રહે.
يَسْأَلُ أَيَّانَ يَوْمُ الْقِيَامَةِ
સવાલ કરે છે કે કયામતનો દિવસ કયારે આવશે.
فَإِذَا بَرِقَ الْبَصَرُ
તો (તેનો જવાબ એ છે કે)જ્યારે નજર પથરાઇ જશે.
وَخَسَفَ الْقَمَرُ
અને ચંદ્ર પ્રકાશહીન થઇ જશે.
وَجُمِعَ الشَّمْسُ وَالْقَمَرُ
સૂર્ય અને ચંદ્ર ભેગા કરી દેવામાં આવશે.
يَقُولُ الْإِنْسَانُ يَوْمَئِذٍ أَيْنَ الْمَفَرُّ
તે દિવસે માનવી કહેશે કે ક્યા ભાગીને જાવું?
كَلَّا لَا وَزَرَ
ના ના તેને કોઇ પનાહની જગ્યા નહીં મળે.
إِلَىٰ رَبِّكَ يَوْمَئِذٍ الْمُسْتَقَرُّ
આજે તો તારા પાલનહાર તરફ જ રુકવાનું છે.
يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ
તે દિવસે માનવીને જણાવવામાં આવશે કે તેણે આગળ શું મોકલ્યું છે અને પાછળ શું છોડ્યું છે?
بَلِ الْإِنْسَانُ عَلَىٰ نَفْسِهِ بَصِيرَةٌ
પરંતુ માનવી સ્વયં પોતે પોતાને જોવાવાળો છે.
وَلَوْ أَلْقَىٰ مَعَاذِيرَهُ
ભલેને તે કેટલાય બહાના રજૂ કેમ ન કરે.
لَا تُحَرِّكْ بِهِ لِسَانَكَ لِتَعْجَلَ بِهِ
(હે પયગંબર) તમે કુરઆન મજીદને જલ્દી (યાદ કરવા) માટે પોતાની જબાનને હલાવો નહીં.
إِنَّ عَلَيْنَا جَمْعَهُ وَقُرْآنَهُ
તેનું ભેગું કરવું અને (તમારી જબાનથી) પઢાવવું અમારા શિરે છે.
فَإِذَا قَرَأْنَاهُ فَاتَّبِعْ قُرْآنَهُ
પછી જ્યારે અમે તમને પઢાવી દઈએ તો પછી તેવી જ રીતે પઢો.
ثُمَّ إِنَّ عَلَيْنَا بَيَانَهُ
પછી આનો (અર્થ) સ્પષ્ટ કરી દેવો પણ અમારા શિરે છે.
كَلَّا بَلْ تُحِبُّونَ الْعَاجِلَةَ
ના ના, (સાચી વાત એ છે કે) તમે ઝડપથી મળવાવાળી (દુનિયા) થી પ્રેમ કરો છો.
وَتَذَرُونَ الْآخِرَةَ
અને આખિરતને છોડી બેઠા છો.
وُجُوهٌ يَوْمَئِذٍ نَاضِرَةٌ
તે દિવસે ઘણા ચહેરા તાજગીભર્યા હશે.
إِلَىٰ رَبِّهَا نَاظِرَةٌ
પોતાના પાલનહાર તરફ જોઇ રહ્યા હશે.
وَوُجُوهٌ يَوْمَئِذٍ بَاسِرَةٌ
અને કેટલાક ચહેરા તે દિવસે ઉદાસ હશે.
تَظُنُّ أَنْ يُفْعَلَ بِهَا فَاقِرَةٌ
સમજતા હશે કે તેમની સાથે કમર તોડી નાખનારો વ્યવહાર કરવામાં આવશે.
كَلَّا إِذَا بَلَغَتِ التَّرَاقِيَ
ના ના જ્યારે જીવ ગળા સુધી પહોંચી જશે.
وَقِيلَ مَنْ ۜ رَاقٍ
અને કહેવામાં આવશે કે કોઇ મંત્ર-તંત્ર કરનાર છે?
وَظَنَّ أَنَّهُ الْفِرَاقُ
અને મૃત્યુ પામનારને યકીન થઇ જાય છે કે આ તેની જુદાઈનો સમય છે.
وَالْتَفَّتِ السَّاقُ بِالسَّاقِ
અને એક પિંડલી બીજી પિંડલી સાથે ભેગી થઇ જશે.
إِلَىٰ رَبِّكَ يَوْمَئِذٍ الْمَسَاقُ
આજે તારા પાલનહાર તરફ ફરવાનું છે.
فَلَا صَدَّقَ وَلَا صَلَّىٰ
તેણે ન તો પુષ્ટિ કરી અને ન તો નમાઝ પઢી.
وَلَٰكِنْ كَذَّبَ وَتَوَلَّىٰ
પરંતુ સત્યને જુઠલાવ્યુ અને મોઢું ફેરવી લીધું.
ثُمَّ ذَهَبَ إِلَىٰ أَهْلِهِ يَتَمَطَّىٰ
પછી પોતાના ઘરવાળાઓ પાસે ઇતરાઇને ગયો.
أَوْلَىٰ لَكَ فَأَوْلَىٰ
ખેદ છે તારા પર, અફસોસ છે તારા પર.
ثُمَّ أَوْلَىٰ لَكَ فَأَوْلَىٰ
પછી ખેદ છે તારા પર અને અફસોસ છે તારા માટે.
أَيَحْسَبُ الْإِنْسَانُ أَنْ يُتْرَكَ سُدًى
શું માનવી એમ સમજે છે કે તેને આમ જ નિરર્થક છોડી દેવામાં આવશે.
أَلَمْ يَكُ نُطْفَةً مِنْ مَنِيٍّ يُمْنَىٰ
શું તે વીર્યનું એક ટીપું ન હતો, જે ટપકાવવામાં આવ્યું હતું.
ثُمَّ كَانَ عَلَقَةً فَخَلَقَ فَسَوَّىٰ
પછી તે લોહીનો લોચો બની ગયો, પછી અલ્લાહએ તેને ઠીક માનવી બનાવ્યો.
فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ
પછી તેનાથી જોડકાં એટલે કે નર અને માદા બનાવ્યા.
أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ
શું (અલ્લાહ તઆલા) તે (વાત) પર કુદરત નથી ધરાવતો કે મૃતકને ફરી જીવિત કરી દે?