سَبِّحِ اسْمَ رَبِّكَ الْأَعْلَى
ចូរអ្នក(ព្យាការីមូហាំម៉ាត់)លើកតម្កើងព្រះនាមនៃព្រះជាម្ចាស់របស់អ្នកដ៏មហាខ្ពង់ខ្ពស់។
The Most High · al-A'la · سورة الأعلى · 19 ayahs
بِسْمِ اللَّهِ الرَّحْمَٰنِ الرَّحِيمِ
ក្នុងព្រះនាមអល់ឡោះ មហាសប្បុរស មហាអាណិតស្រលាញ់។
الَّذِي خَلَقَ فَسَوَّىٰ
ទ្រង់ជាអ្នកដែលបានបង្កើត(សព្វភាវៈទាំងអស់) និងធ្វើឲ្យវាមានលក្ខណៈឥតខ្ចោះ។
وَالَّذِي قَدَّرَ فَهَدَىٰ
ហើយទ្រង់ជាអ្នកដែលកំណត់(គ្រប់អ្វីៗទាំងអស់) ហើយផ្តល់ការចង្អុលបង្ហាញ។
وَالَّذِي أَخْرَجَ الْمَرْعَىٰ
ហើយទ្រង់ជាអ្នកដែលបណ្ដុះរុក្ខជាតិបៃតង។
فَجَعَلَهُ غُثَاءً أَحْوَىٰ
បន្ទាប់មក ទ្រង់បានធ្វើឱ្យវាទៅជាក្រៀមស្វិតក្លាយជាពណ៌ខ្មៅ។
سَنُقْرِئُكَ فَلَا تَنْسَىٰ
យើងនឹងសូត្រវា(គម្ពីរគួរអាន)ឱ្យអ្នកស្តាប់។ ដូច្នេះ អ្នកនឹងមិនភ្លេចវាឡើយ
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
លើកលែងតែអ្វីដែលអល់ឡោះមានចេតនាប៉ុណ្ណោះ។ ពិតប្រាកដណាស់ ទ្រង់ដឹងបំផុតនូវអ្វីដែលលាតត្រដាង និងអ្វីដែលគេលាក់បាំង។
وَنُيَسِّرُكَ لِلْيُسْرَىٰ
ហើយយើងនឹងសម្រួលដល់អ្នក(នូវគ្រប់កិច្ចការរបស់អ្នក)ឲ្យមានភាពងាយស្រួល។
فَذَكِّرْ إِنْ نَفَعَتِ الذِّكْرَىٰ
ដូច្នេះ ចូរអ្នកដាស់តឿន(ក្រុមរបស់អ្នក) ដរាបណាការដាស់តឿននោះ(នៅតែ)មានប្រយោជន៍។
سَيَذَّكَّرُ مَنْ يَخْشَىٰ
អ្នកដែលកោតខ្លាច(អល់ឡោះ)នឹងទទួលយកការដាស់តឿននោះ។
وَيَتَجَنَّبُهَا الْأَشْقَى
ចំណែកឯអ្នកដែលអពមង្គលនឹងចៀសឆ្ងាយពីការដាស់តឿននេះ។
الَّذِي يَصْلَى النَّارَ الْكُبْرَىٰ
គឺអ្នកដែលចូលឋាននរកដ៏មហិមា។
ثُمَّ لَا يَمُوتُ فِيهَا وَلَا يَحْيَىٰ
បន្ទាប់មក នៅក្នុងឋាននរកនោះ គេនឹងមិនស្លាប់ ហើយក៏មិនរស់(ដោយសុខស្រួល)នោះដែរ។
قَدْ أَفْلَحَ مَنْ تَزَكَّىٰ
ពិតជាបានជោគជ័យហើយ អ្នកជម្រះសម្អាតខ្លួន
وَذَكَرَ اسْمَ رَبِّهِ فَصَلَّىٰ
ហើយគេបានរំឭកព្រះនាមនៃព្រះជាម្ចាស់របស់គេ រួចបានប្រតិបត្ដិសឡាត។
بَلْ تُؤْثِرُونَ الْحَيَاةَ الدُّنْيَا
ផ្ទុយទៅវិញ ពួកអ្នកបែរជាឱ្យតម្លៃឆាកជីវិតរស់នៅក្នុងលោកិយទៅវិញ
وَالْآخِرَةُ خَيْرٌ وَأَبْقَىٰ
ខណៈថ្ងៃបរលោក គឺវាល្អប្រសើរ និងឋិតឋេរជាង(លោកិយទៅទៀត)។
إِنَّ هَٰذَا لَفِي الصُّحُفِ الْأُولَىٰ
ពិតប្រាកដណាស់ រឿងរ៉ាវនេះក៏មានចែងនៅក្នុងគម្ពីរពីមុនៗផងដែរ
صُحُفِ إِبْرَاهِيمَ وَمُوسَىٰ
គឺនៅក្នុងគម្ពីររបស់ព្យាការីអ៊ីព្រហ៊ីម និងព្យាការីមូសា។