اقْرَأْ بِاسْمِ رَبِّكَ الَّذِي خَلَقَ
Оку, Жараткан Раббиңдин ысымы менен!
Clot · al-'Alaq · سورة العلق · 19 ayahs
بِسْمِ اللَّهِ الرَّحْمَٰنِ الرَّحِيمِ
Ырайымдуу, Мээримдүү Аллахтын аты менен (баштаймын).
خَلَقَ الْإِنْسَانَ مِنْ عَلَقٍ
Ал инсанды уюган кандан жаратты.
اقْرَأْ وَرَبُّكَ الْأَكْرَمُ
Оку, сенин Раббиң эң улук Зат!
الَّذِي عَلَّمَ بِالْقَلَمِ
Ал инсанга калем менен (жазууну) үйрөттү.
عَلَّمَ الْإِنْسَانَ مَا لَمْ يَعْلَمْ
Инсанга билбегенин (Куранды жана башка илимдерди) билгизди.
كَلَّا إِنَّ الْإِنْسَانَ لَيَطْغَىٰ
Жок! Чынында, инсан чектен ашат
أَنْ رَآهُ اسْتَغْنَىٰ
өзүн бай-беймуктаж көргөндө!
إِنَّ إِلَىٰ رَبِّكَ الرُّجْعَىٰ
Аныгында, кайтып баруу Раббиңе гана.
أَرَأَيْتَ الَّذِي يَنْهَىٰ
Көрдүңбү сен тыюу салган кишини
عَبْدًا إِذَا صَلَّىٰ
намаз окуган пендеге?
أَرَأَيْتَ إِنْ كَانَ عَلَى الْهُدَىٰ
Эмне деп ойлойсуң, эгер ал (намаз окуучу) түз жолдо болсо...
أَوْ أَمَرَ بِالتَّقْوَىٰ
Же (адамдарды) такыбалыкка буюрса…
أَرَأَيْتَ إِنْ كَذَّبَ وَتَوَلَّىٰ
(Оо, Мухаммад), эмне дейсиң, эгер ал (каапыр чындыкты) “жалган” десе жана жүз үйрүп кетсе?
أَلَمْ يَعْلَمْ بِأَنَّ اللَّهَ يَرَىٰ
Билбейби ал Аллах көрүп турганын?!
كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ
Жок! Эгер (каршылыгын) токтотпосо, Биз анын маңдайынан катуу чапчып алабыз!
نَاصِيَةٍ كَاذِبَةٍ خَاطِئَةٍ
Дал ошол жалганчы, күнөөкөр маңдайынан!
فَلْيَدْعُ نَادِيَهُ
Эми, ал өзүнүн (ишенген) адамдарын чакыра берсин!
سَنَدْعُ الزَّبَانِيَةَ
Биз дагы (“Забания периштелери” деп аталган) тозок сакчыларын чакырабыз!
كَلَّا لَا تُطِعْهُ وَاسْجُدْ وَاقْتَرِبْ ۩
Жок, сен ага моюн сунба! (Раббиңе) сажда кыл жана (ушул сыяктуу саждалар жана башка ибадаттар менен Аллах таалага) жакын бол!