Man · al-Insan · سورة الإنسان · 31 ayahs

١هَلْ أَتَىٰ عَلَى الْإِنْسَانِ حِينٌ مِنَ الدَّهْرِ لَمْ يَكُنْ شَيْئًا مَذْكُورًا

1Ngintu aden ba minukit kanu manusya a bandingan sa lekanin sa timpu a da pan sekanin?

٢إِنَّا خَلَقْنَا الْإِنْسَانَ مِنْ نُطْفَةٍ أَمْشَاجٍ نَبْتَلِيهِ فَجَعَلْنَاهُ سَمِيعًا بَصِيرًا

2Saben-sabenal a binaluy nami su manusya ebpun sa mani’ a midsimbul (ig nu babay endu mama).

٣إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا

3Saben-sabenal na tinutulu nami sekanin sa lalan a mapya, na u di kena edsukur sekanin (a manusya) na egkafir.

٤إِنَّا أَعْتَدْنَا لِلْكَافِرِينَ سَلَاسِلَ وَأَغْلَالًا وَسَعِيرًا

4Saben-sabenal na inidtatalanga nami kanu manga kafir su lantay-lantay endu sangkali endu su pegkalaw-kalaw a apuy.

٥إِنَّ الْأَبْرَارَ يَشْرَبُونَ مِنْ كَأْسٍ كَانَ مِزَاجُهَا كَافُورًا

5Saben-sabenal su manga mapya a manga taw na sya silan baginem sa basu a sinimbulan sa kafur (ig a mapya i nanam nin).

٦عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرًا

6Su buwal a baginumen nu manga ulipen nu Allah na apya endaw nilan pasangulen atawaka pambuwaten.

٧يُوفُونَ بِالنَّذْرِ وَيَخَافُونَ يَوْمًا كَانَ شَرُّهُ مُسْتَطِيرًا

7Sabap sa silan a manga taw na pedtumanen nilan i samaya nilan, endu gagilekan silan kanu gay a nakalapat i kapasang nin.

٨وَيُطْعِمُونَ الطَّعَامَ عَلَىٰ حُبِّهِ مِسْكِينًا وَيَتِيمًا وَأَسِيرًا

8Endu ipapegkan nilan su pegken kanu dayt a makakalimu a miskinan endu yateem endu nasigkem.

٩إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنْكُمْ جَزَاءً وَلَا شُكُورًا

9Na edtalun nilan: saben-sabenal na lalan sa Allah i kapapegkan nami sa lekanu, da kyug nami sa balasan kami nu atawaka edsukuran kami nu.

١٠إِنَّا نَخَافُ مِنْ رَبِّنَا يَوْمًا عَبُوسًا قَمْطَرِيرًا

10Ka saben-sabenal a ipegkagilek nami kanu Kadenan nami su gay a mapasang a mawget.

١١فَوَقَاهُمُ اللَّهُ شَرَّ ذَٰلِكَ الْيَوْمِ وَلَقَّاهُمْ نَضْرَةً وَسُرُورًا

11Linepas nu Allah silan kanu kawagan nu namba a gay, endu inalaw silan sa kapya na ginawa endu kagalaw.

١٢وَجَزَاهُمْ بِمَا صَبَرُوا جَنَّةً وَحَرِيرًا

12Endu binalasan silan sabap sa kanu kinadsabar nilan sa surga, endu balegkas a sutra.

١٣مُتَّكِئِينَ فِيهَا عَلَى الْأَرَائِكِ ۖ لَا يَرَوْنَ فِيهَا شَمْسًا وَلَا زَمْهَرِيرًا

13Pedsandeng silan lu kanu manga kantil (katri), a da mailay nilan lu sa surga a senang endu da mayaw a sangat atawaka matenggaw.

١٤وَدَانِيَةً عَلَيْهِمْ ظِلَالُهَا وَذُلِّلَتْ قُطُوفُهَا تَذْلِيلًا

14Endu masupeg sa kanilan su manga panga na kayu a aden unga nin, na pendayan nilan pedtupu sa endaw i kyug nilan.

١٥وَيُطَافُ عَلَيْهِمْ بِآنِيَةٍ مِنْ فِضَّةٍ وَأَكْوَابٍ كَانَتْ قَوَارِيرَا

15Endu ipembalibet sa kanilan su bananagwan a bulawan pilak endu manga basu a manga katya a da sya sa dunya.

١٦قَوَارِيرَ مِنْ فِضَّةٍ قَدَّرُوهَا تَقْدِيرًا

16Manga katya a pilak, a naukul kanu surga i uman-isa.

١٧وَيُسْقَوْنَ فِيهَا كَأْسًا كَانَ مِزَاجُهَا زَنْجَبِيلًا

17Endu pabpaginemen silan sya sa basu a sinimbulan sa luya sa surga.

١٨عَيْنًا فِيهَا تُسَمَّىٰ سَلْسَبِيلًا

18Aden pamun lawas na ig a nya nin ngala na Salsabila.

١٩وَيَطُوفُ عَلَيْهِمْ وِلْدَانٌ مُخَلَّدُونَ إِذَا رَأَيْتَهُمْ حَسِبْتَهُمْ لُؤْلُؤًا مَنْثُورًا

19Endu pambalibeten silan na manga wata a tatap den sa surga, sa ya kailay nilan na muntya a pegkendap.

٢٠وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا

20Endu amayka mailay nengka na lu nengka ba mailay i limu endu kadatu a masela.

٢١عَالِيَهُمْ ثِيَابُ سُنْدُسٍ خُضْرٌ وَإِسْتَبْرَقٌ ۖ وَحُلُّوا أَسَاوِرَ مِنْ فِضَّةٍ وَسَقَاهُمْ رَبُّهُمْ شَرَابًا طَهُورًا

21Balegkas nilan tampal sa lawas na sundus a gadung endu istabraq, endu su manga lamba nu badan nilan na manga pilak, endu pabpaginemen silan sa suti a baginemen.

٢٢إِنَّ هَٰذَا كَانَ لَكُمْ جَزَاءً وَكَانَ سَعْيُكُمْ مَشْكُورًا

22Na saben-sabenal a namba i lekanu a balas, sabap sa langun nu manga galebekan nu sa dunya na pedsukuran nu.

٢٣إِنَّا نَحْنُ نَزَّلْنَا عَلَيْكَ الْقُرْآنَ تَنْزِيلًا

23Saben-sabenal a initulun nami sa leka (Muhammad) su Qur’an sa sampulna.

٢٤فَاصْبِرْ لِحُكْمِ رَبِّكَ وَلَا تُطِعْ مِنْهُمْ آثِمًا أَوْ كَفُورًا

24Na sabar ka kanu kukuman nu kadenan nengka, di ka maginuguti i baradusa atawaka kafir.

٢٥وَاذْكُرِ اسْمَ رَبِّكَ بُكْرَةً وَأَصِيلًا

25Endu tademi ka su ngala nu Kadenan nengka sa mapita-malulem.

٢٦وَمِنَ اللَّيْلِ فَاسْجُدْ لَهُ وَسَبِّحْهُ لَيْلًا طَوِيلًا

26Endu ped ku magabi na sugyud ka sa lekanin endu tasbih ka sekanin sa magabi a malendu.

٢٧إِنَّ هَٰؤُلَاءِ يُحِبُّونَ الْعَاجِلَةَ وَيَذَرُونَ وَرَاءَهُمْ يَوْمًا ثَقِيلًا

27Saben-sabenal a silan antu a manga kafir na ya nilan kalilinyan na sagugunay, ipedtagak nilan su kadunggwan nilan sa gay a mawgat.

٢٨نَحْنُ خَلَقْنَاهُمْ وَشَدَدْنَا أَسْرَهُمْ ۖ وَإِذَا شِئْنَا بَدَّلْنَا أَمْثَالَهُمْ تَبْدِيلًا

28Tig nu Allah, binaluy nami silan, endu pigkabagel nami su zukuwan nu lawas nilan, amayka ya nami kyug i sambyan nami silan sa pagidsan nilan na entuba i manggula.

٢٩إِنَّ هَٰذِهِ تَذْكِرَةٌ ۖ فَمَنْ شَاءَ اتَّخَذَ إِلَىٰ رَبِّهِ سَبِيلًا

29Saben-sabenal su nyaba na indawan kanu langun na taw, na entayn i pegkyug (sa mapya) na yanin tuntulen su lalan nu Kadenan nin.

٣٠وَمَا تَشَاءُونَ إِلَّا أَنْ يَشَاءَ اللَّهُ ۚ إِنَّ اللَّهَ كَانَ عَلِيمًا حَكِيمًا

30Na dala bun lekanu a kahanda, ya tabya na kahanda nu Allah, ka sekanin i mataw mapambetad kanu makadayt.

٣١يُدْخِلُ مَنْ يَشَاءُ فِي رَحْمَتِهِ ۚ وَالظَّالِمِينَ أَعَدَّ لَهُمْ عَذَابًا أَلِيمًا

31Paludepen nu (Allah) kanu limu nin su taw a pegkyugan nin, na inidtatalanga nin kanu manga darwaka su siksa a masakit a malipedes.