وَالْمُرْسَلَاتِ عُرْفًا
Saki (Allah) idsapa ku su sambel a pedtundug-tundug.
The Unleashed · al-Mursalat · سورة المرسلات · 50 ayahs
بِسْمِ اللَّهِ الرَّحْمَٰنِ الرَّحِيمِ
Ebpunan ku matya su ingalan nu Allahu Taala a malimu (sa dunya) a sangat i kalimu nin (sa gay a mawli).
فَالْعَاصِفَاتِ عَصْفًا
Saki (Allah) idsapa ku su sambel a sangat i kabagel nin.
وَالنَّاشِرَاتِ نَشْرًا
Saki (Allah) idsapa ku su sambel a pedtayak kanu dadtem.
فَالْفَارِقَاتِ فَرْقًا
Saki (Allah) idsapa ku su Qur’an a napadsenggaya sa halal-haram.
فَالْمُلْقِيَاتِ ذِكْرًا
Saki (Allah) idsapa ku su manga malaikat a bananggit sa wahi a pebpayag.
عُذْرًا أَوْ نُذْرًا
Sa manga uzur nu manga taw, atawaka ipapegkagilek.
إِنَّمَا تُوعَدُونَ لَوَاقِعٌ
Saben-sabenal su inibpasad sa lekanu na mawma (gay a mawli).
فَإِذَا النُّجُومُ طُمِسَتْ
Amayka egkanan su bitun (dala sigay nin).
وَإِذَا السَّمَاءُ فُرِجَتْ
Endu amayka magubal den su manga langit.
وَإِذَا الْجِبَالُ نُسِفَتْ
Endu amayka makabayug den su manga palaw.
وَإِذَا الرُّسُلُ أُقِّتَتْ
Endu amayka mabulig den su manga sinugu kanu waktu nin.
لِأَيِّ يَوْمٍ أُجِّلَتْ
Kanu gay a masla a nataglay sa paydu.
لِيَوْمِ الْفَصْلِ
Su gay a kagkukum.
وَمَا أَدْرَاكَ مَا يَوْمُ الْفَصْلِ
Dili nengka gatawan i pidtalu a gay a kagkukum?
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
أَلَمْ نُهْلِكِ الْأَوَّلِينَ
Saben-sabenal a bininasa nami su nangawna a manga taw.
ثُمَّ نُتْبِعُهُمُ الْآخِرِينَ
Mawli na itundug nami su mawli sa kanilan.
كَذَٰلِكَ نَفْعَلُ بِالْمُجْرِمِينَ
Mamba i pakaydan nami kanu manga darwaka.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
أَلَمْ نَخْلُقْكُمْ مِنْ مَاءٍ مَهِينٍ
Saben-sabenal a binaluy nami sekanu sa ig a malubay.
فَجَعَلْنَاهُ فِي قَرَارٍ مَكِينٍ
Binaluyan nami sa kadtakenan nin sya kanu rahim nu babay.
إِلَىٰ قَدَرٍ مَعْلُومٍ
Sa taman a di gawma i kalyu nin (kambata lun).
فَقَدَرْنَا فَنِعْمَ الْقَادِرُونَ
Langun a entu na mapya gayd i kina-ukulun.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
أَلَمْ نَجْعَلِ الْأَرْضَ كِفَاتًا
Benal a binaluy nami su lupa sa mindadalapisa.
أَحْيَاءً وَأَمْوَاتًا
Sa manga bibiyag endu manga namamatay.
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا
Endu binaluy nami sya kanu lupa i manga palaw a mapulu endu pina-inem nami sekanu sa ig a tabang.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
انْطَلِقُوا إِلَىٰ مَا كُنْتُمْ بِهِ تُكَذِّبُونَ
Angay kanu sa naraka a di nu bangimbenalen.
انْطَلِقُوا إِلَىٰ ظِلٍّ ذِي ثَلَاثِ شُعَبٍ
Lu kanu ka aden bel nin, amayka nakapulu na telu ka biyas i palas nin.
لَا ظَلِيلٍ وَلَا يُغْنِي مِنَ اللَّهَبِ
Di kasilungan endu di kadalungan ka mayaw.
إِنَّهَا تَرْمِي بِشَرَرٍ كَالْقَصْرِ
Saben-sabenal a padsabulakan nin i apuy a sangat i kangasela nin.
كَأَنَّهُ جِمَالَتٌ صُفْرٌ
Mana den su manga unta a binaning a manga masla.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
هَٰذَا يَوْمُ لَا يَنْطِقُونَ
Namba su gay a da sa kanilan i kadtalu.
وَلَا يُؤْذَنُ لَهُمْ فَيَعْتَذِرُونَ
Endu da den kanilan i makadawa pan silan.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ
Namba su gay a kagkukum, binulig nami sekanu endu su nangawna.
فَإِنْ كَانَ لَكُمْ كَيْدٌ فَكِيدُونِ
Na amayka aden pamun akal nu, na pagakal kanu bun.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
إِنَّ الْمُتَّقِينَ فِي ظِلَالٍ وَعُيُونٍ
Saben-sabenal su manga taw a magilek na sya sa kasilungan endu manga buwal.
وَفَوَاكِهَ مِمَّا يَشْتَهُونَ
Endu unga na kayu endaw i kyug nilan.
كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ
Kan kanu endu inem kanu sa mapya kanu lalaw nu galebekan nu (a mapya).
إِنَّا كَذَٰلِكَ نَجْزِي الْمُحْسِنِينَ
Saben-sabenal a mamba i kabalas nami kanu manga mibpya-piya.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
كُلُوا وَتَمَتَّعُوا قَلِيلًا إِنَّكُمْ مُجْرِمُونَ
(Su manga dupang) na kan kanu, endu egkakalini kanu sya sa dunya ka manga dupang kanu.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
وَإِذَا قِيلَ لَهُمُ ارْكَعُوا لَا يَرْكَعُونَ
Amayka pidtalu sa kanilan i ruku’ kanu na di silan rumuku’.
وَيْلٌ يَوْمَئِذٍ لِلْمُكَذِّبِينَ
Su bawgan sa naraka kanu namba a gay i kandalpan nu papendalbut (kanu manga ayatan).
فَبِأَيِّ حَدِيثٍ بَعْدَهُ يُؤْمِنُونَ
Na ngin pan i kadtalu a mawli (sa Qur’an) a palityayan nilan.