إِذَا الشَّمْسُ كُوِّرَتْ
Amayka su senang ka malimumu (kaawan na sigay).
The Rolling · at-Takwir · سورة التكوير · 29 ayahs
بِسْمِ اللَّهِ الرَّحْمَٰنِ الرَّحِيمِ
Ebpunan ku matya su ingalan nu Allahu Taala a malimu (sa dunya) a sangat i kalimu nin (sa gay a mawli).
وَإِذَا النُّجُومُ انْكَدَرَتْ
Endu amayka su manga bitun ka mangalubpug.
وَإِذَا الْجِبَالُ سُيِّرَتْ
Endu amayka su manga palaw na makabayug,
وَإِذَا الْعِشَارُ عُطِّلَتْ
Endu amayka su manga magingay a manga unta ka madtimatag (da den mamarihala lun).
وَإِذَا الْوُحُوشُ حُشِرَتْ
Endu amayka su manga mayla a manga binatang na matimu.
وَإِذَا الْبِحَارُ سُجِّرَتْ
Endu amayka su manga lagat na pakalegen.
وَإِذَا النُّفُوسُ زُوِّجَتْ
Endu amayka su ngiyawa ka padtagapedan (kanu lawasin/badanin).
وَإِذَا الْمَوْءُودَةُ سُئِلَتْ
Endu amayka su wata a babay (a inilebeng sa bibyag) ka kaidsan.
بِأَيِّ ذَنْبٍ قُتِلَتْ
Endaw i kadusan a sabap a kinabunu lun?
وَإِذَا الصُّحُفُ نُشِرَتْ
Endu su manga lukisan nu manga galebekan ka makapayapat.
وَإِذَا السَّمَاءُ كُشِطَتْ
Endu amayka su langit ka mabaluba.
وَإِذَا الْجَحِيمُ سُعِّرَتْ
Endu amayka su naraka na pasindawn.
وَإِذَا الْجَنَّةُ أُزْلِفَتْ
Endu amayka su surga na isiken (kanu pakasulga).
عَلِمَتْ نَفْسٌ مَا أَحْضَرَتْ
Katawan den nu isa a ginawa su nganin a nanggalebekin.
فَلَا أُقْسِمُ بِالْخُنَّسِ
Saben-sabenal na ipedsapa ku kanu manga bitun (egkadadag u mapita su sigay nin na egkaliwanag u magabi su sigay nin).
الْجَوَارِ الْكُنَّسِ
Su manga bitun a pendalaguyan sya kanu lalanin a pakapagena.
وَاللَّيْلِ إِذَا عَسْعَسَ
Endu idsapa ku kanu magabi amayka egkalibuteng.
وَالصُّبْحِ إِذَا تَنَفَّسَ
Endu idsapa kanu mapita amayka egkaliwanag,
إِنَّهُ لَقَوْلُ رَسُولٍ كَرِيمٍ
Saben-sabenal na su Qur’an na kadtalu a inipadtalu kanu sinugu a mapulu (Jibril).
ذِي قُوَّةٍ عِنْدَ ذِي الْعَرْشِ مَكِينٍ
Aden lun i bagel a katinggiyan nin lu kanu bamarihala kanu Arash.
مُطَاعٍ ثَمَّ أَمِينٍ
Balityalan (nu manga malaikat lu sa langit) ataw ka kasaligan.
وَمَا صَاحِبُكُمْ بِمَجْنُونٍ
Endu kena man buneg su tagapeda nu.
وَلَقَدْ رَآهُ بِالْأُفُقِ الْمُبِينِ
Endu saben-sabenal a nailay nu Muhammad si Jibril sa kawang-kawangan sa mapayag.
وَمَا هُوَ عَلَى الْغَيْبِ بِضَنِينٍ
Endu di nin ebpaningit su kataw makapantag kanu di nin gangailay.
وَمَا هُوَ بِقَوْلِ شَيْطَانٍ رَجِيمٍ
Endu su Qur’an na kena kadtalu nu manga shaytan a berajamen.
فَأَيْنَ تَذْهَبُونَ
Na endaw kanu pan ebpawang?
إِنْ هُوَ إِلَّا ذِكْرٌ لِلْعَالَمِينَ
Dala kanu Qur’an ya tabya na patadem kanu sakalyan alam.
لِمَنْ شَاءَ مِنْكُمْ أَنْ يَسْتَقِيمَ
Kanu entayn i nagkahanda ebpun sa lekanu sa kadtinudtuan
وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ
Endu na da magkahanda nu ya tabya na egkahanda nu Allah a pedtiyakap kanu sakalyan alam.