سَبِّحِ اسْمَ رَبِّكَ الْأَعْلَى
Слави го името на Господарот свој Севишен,
The Most High · al-A'la · سورة الأعلى · 19 ayahs
بِسْمِ اللَّهِ الرَّحْمَٰنِ الرَّحِيمِ
1.Во името на Аллах, Семилосниот, Милостивиот!
الَّذِي خَلَقَ فَسَوَّىٰ
Кој сè создава и прави складно,
وَالَّذِي قَدَّرَ فَهَدَىٰ
и Кој сè со мера одреди и упати,
وَالَّذِي أَخْرَجَ الْمَرْعَىٰ
и Кој прави пасиштата да растат,
فَجَعَلَهُ غُثَاءً أَحْوَىٰ
а потоа прави да станат суви, потемнети.
سَنُقْرِئُكَ فَلَا تَنْسَىٰ
Ние ќе те научиме да учиш, па ништо нема да заборавиш,
إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ
освен тоа што Аллах ќе сака – бидејќи, Тој го знае тоа што јавно го изнесувате и тоа што го криете –
وَنُيَسِّرُكَ لِلْيُسْرَىٰ
и сè што е добро Ние тебе достапно ќе ти го направиме.
فَذَكِّرْ إِنْ نَفَعَتِ الذِّكْرَىٰ
Затоа опоменувај – ако опомената веќе од корист ќе биде.
سَيَذَّكَّرُ مَنْ يَخْشَىٰ
Ќе се одѕвие на опомената тој што се плаши од Аллах,
وَيَتَجَنَّبُهَا الْأَشْقَى
а ќе ја избегнува најлошиот,
الَّذِي يَصْلَى النَّارَ الْكُبْرَىٰ
кој во огнот голем ќе гори,
ثُمَّ لَا يَمُوتُ فِيهَا وَلَا يَحْيَىٰ
па во него нема ниту да умре ниту да живее.
قَدْ أَفْلَحَ مَنْ تَزَكَّىٰ
Ќе го постигне тоа што го сака тој што ќе се исчисти
وَذَكَرَ اسْمَ رَبِّهِ فَصَلَّىٰ
и ќе го спомне името на Господарот свој, па намазот (молитвата) ќе го изврши!
بَلْ تُؤْثِرُونَ الْحَيَاةَ الدُّنْيَا
Но, вие на животот од овој свет повеќе му давате предност,
وَالْآخِرَةُ خَيْرٌ وَأَبْقَىٰ
а оној свет е подобар и вечен е.
إِنَّ هَٰذَا لَفِي الصُّحُفِ الْأُولَىٰ
Ова, навистина, го има во листовите дамнешни,
صُحُفِ إِبْرَاهِيمَ وَمُوسَىٰ
во листовите на Ибрахим и на Муса.