Resurrection · al-Qiyamah · سورة القيامة · 40 ayahs

١لَا أُقْسِمُ بِيَوْمِ الْقِيَامَةِ

1M na wẽen ne Yikrã raare.

٢وَلَا أُقْسِمُ بِالنَّفْسِ اللَّوَّامَةِ

2M na wẽen yεs ne yõor sẽn sãbsd a menga.

٣أَيَحْسَبُ الْإِنْسَانُ أَلَّنْ نَجْمَعَ عِظَامَهُ

3Ninsaal tẽedame tɩ Tõnd pa na n tol n tigim a kõbã ye.

٤بَلَىٰ قَادِرِينَ عَلَىٰ أَنْ نُسَوِّيَ بَنَانَهُ

4Yaa sɩda, Tõnd tõeeme n tigim a nug-bi wã.

٥بَلْ يُرِيدُ الْإِنْسَانُ لِيَفْجُرَ أَمَامَهُ

5Pa woto ye, ninsaal ratame n kell n tong ɑ wẽngrã n pɑ bɑsdẽ ye.

٦يَسْأَلُ أَيَّانَ يَوْمُ الْقِيَامَةِ

6A sokdame: wakat bʋg la Yikrã raare.

٧فَإِذَا بَرِقَ الْبَصَرُ

7Lak tɩ ninã sã n wa nodge.

٨وَخَسَفَ الْقَمَرُ

8Tɩ kiuugã sobge.

٩وَجُمِعَ الشَّمْسُ وَالْقَمَرُ

9Tɩ b tigim wĩntoogã ne kiuugã.

١٠يَقُولُ الْإِنْسَانُ يَوْمَئِذٍ أَيْنَ الْمَفَرُّ

10Raarã, ninsaal yetame: "Põsg zĩig bε?"

١١كَلَّا لَا وَزَرَ

11Tek woto! Lεbeng zĩig ka be ye.

١٢إِلَىٰ رَبِّكَ يَوْمَئِذٍ الْمُسْتَقَرُّ

12Lεbeng zĩig yaa fo Soabã nengẽ ra-kãng raare.

١٣يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ

13B togsda ninsaal ra-kãng raarã a sẽn tʋm tɩ reng taoore, la a sẽn yaoole.

١٤بَلِ الْإِنْسَانُ عَلَىٰ نَفْسِهِ بَصِيرَةٌ

14Pa woto ye! Ninsaalã mii a mengã.

١٥وَلَوْ أَلْقَىٰ مَعَاذِيرَهُ

15Baa t'a wa ne a pademsã.

١٦لَا تُحَرِّكْ بِهِ لِسَانَكَ لِتَعْجَلَ بِهِ

16Ra rãmb f zɩlemdã ne-a (Alkʋrãɑnɑ) n yãgd ne-a ye.

١٧إِنَّ عَلَيْنَا جَمْعَهُ وَقُرْآنَهُ

17Ad a tigingã (fo sũurã pʋgẽ) la a sẽn karemd to-to wã, roga Tõnd zugu.

١٨فَإِذَا قَرَأْنَاهُ فَاتَّبِعْ قُرْآنَهُ

18Rẽnd ɑ Gibriil sã n karemd-a bɩ f tũneg a kaorengã.

١٩ثُمَّ إِنَّ عَلَيْنَا بَيَانَهُ

19Rẽ poorẽ, ad a vẽnegrã roga Tõnd zugu.

٢٠كَلَّا بَلْ تُحِبُّونَ الْعَاجِلَةَ

20Pa woto ye! Yãmb nonga tʋʋllã (Dũni).

٢١وَتَذَرُونَ الْآخِرَةَ

21La y basd yaoolmã (Laahre).

٢٢وُجُوهٌ يَوْمَئِذٍ نَاضِرَةٌ

22Nems n be n bʋgs raar-kãng raarã.

٢٣إِلَىٰ رَبِّهَا نَاظِرَةٌ

23N togl b Soabã n getẽ.

٢٤وَوُجُوهٌ يَوْمَئِذٍ بَاسِرَةٌ

24Nems yεs n weoog ra-kãng raarã.

٢٥تَظُنُّ أَنْ يُفْعَلَ بِهَا فَاقِرَةٌ

25N tẽed tɩ b na n tʋm-b-la lim-limi.

٢٦كَلَّا إِذَا بَلَغَتِ التَّرَاقِيَ

26Pa woto ye! A (yõorã) sã n wa ta rɑgsendɑkẽ wã,

٢٧وَقِيلَ مَنْ ۜ رَاقٍ

27Tɩ b yeele: "ãnd la tɩpa n sõng-do?"

٢٨وَظَنَّ أَنَّهُ الْفِرَاقُ

28T'a bãng n wãag tɩ yaa welgr bala.

٢٩وَالْتَفَّتِ السَّاقُ بِالسَّاقِ

29Tɩ kars kal tɑɑba (tɩ lebg pɑkre).

٣٠إِلَىٰ رَبِّكَ يَوْمَئِذٍ الْمَسَاقُ

30Fo Soabã nengẽ ra-kãng raarã la peeg n tʋg zĩigẽ.

٣١فَلَا صَدَّقَ وَلَا صَلَّىٰ

31Lɑ ɑ pa kõ sɩda, a ka pʋʋs me.

٣٢وَلَٰكِنْ كَذَّبَ وَتَوَلَّىٰ

32La bala a yagsame la a gũd a kuidga.

٣٣ثُمَّ ذَهَبَ إِلَىٰ أَهْلِهِ يَتَمَطَّىٰ

33Rẽ poorẽ a kẽnga a nebã nengẽ n gãeesdẽ.

٣٤أَوْلَىٰ لَكَ فَأَوْلَىٰ

34Tall-fo, tɩ sõmba ne-fo.

٣٥ثُمَّ أَوْلَىٰ لَكَ فَأَوْلَىٰ

35Rẽ poorẽ tall-fo, sõmba ne-fo.

٣٦أَيَحْسَبُ الْإِنْسَانُ أَنْ يُتْرَكَ سُدًى

36Ninsaal tẽedame tɩ b na n bas-a-la zaalem bala.

٣٧أَلَمْ يَكُ نُطْفَةً مِنْ مَنِيٍّ يُمْنَىٰ

37A ra pa yɩ bεrg n yaa mani n raagdẽ.

٣٨ثُمَّ كَانَ عَلَقَةً فَخَلَقَ فَسَوَّىٰ

38Rẽ poorẽ n yɩ zɩ-pelle t'A naan-ɑ n kõ-a ra-sãnde?

٣٩فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ

39T'A naan sẽn tũ ne yẽ pʋgẽ buk a yiibã, raoa la paga.

٤٠أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ

40Rẽ yĩnga Yẽnda pa yɩ n yaa Tõod n na n vʋʋg kũ-rãmbã?