The Most High · al-A'la · سورة الأعلى · 19 ayahs

١سَبِّحِ اسْمَ رَبِّكَ الْأَعْلَى

۱د خپل ډېر اوچت پالونکي د نوم پاکي دې بيانوه.

٢الَّذِي خَلَقَ فَسَوَّىٰ

۲هغه چې پيداکړي او برابر کړي يې دي.

٣وَالَّذِي قَدَّرَ فَهَدَىٰ

۳او هغه چې تقدير يې وټاکلو بيا يې لارښوونه وکړه.

٤وَالَّذِي أَخْرَجَ الْمَرْعَىٰ

۴او هغه چې شنه ګيا يې را واېستله.

٥فَجَعَلَهُ غُثَاءً أَحْوَىٰ

۵بيا يې وچ تور وګرځول.

٦سَنُقْرِئُكَ فَلَا تَنْسَىٰ

۶دا دی موږ يې درباندې لولو بيا به يې نه هېروې.

٧إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

۷مګر داچې الله وغواړي بېشکه هغه پر ښکاره هم پوهيږي او پر هغه څه هم چې پټ دي.

٨وَنُيَسِّرُكَ لِلْيُسْرَىٰ

۸او تا ته به د اسانۍ لار اسانه کړو.

٩فَذَكِّرْ إِنْ نَفَعَتِ الذِّكْرَىٰ

۹نو نصیحت وکړه که نصیحت څه ګټه کوي.

١٠سَيَذَّكَّرُ مَنْ يَخْشَىٰ

۱۰څوک چې وېريږي ژر به هغه نصيحت ومني.

١١وَيَتَجَنَّبُهَا الْأَشْقَى

۱۱او ډډه به ترې کوي څوک چې ډېر بدبخته وي.

١٢الَّذِي يَصْلَى النَّارَ الْكُبْرَىٰ

۱۲هغه چې لوی اور ته ننوځي.

١٣ثُمَّ لَا يَمُوتُ فِيهَا وَلَا يَحْيَىٰ

۱۳بيا به نه پکې مري او نه به ژوند کولای شي.

١٤قَدْ أَفْلَحَ مَنْ تَزَكَّىٰ

۱۴په حقيقت کې هغه څوک بريالی شو چې پاک شو.

١٥وَذَكَرَ اسْمَ رَبِّهِ فَصَلَّىٰ

۱۵او د خپل پالونکي نوم یې ياد کړ او لمونځ يې وکړ.

١٦بَلْ تُؤْثِرُونَ الْحَيَاةَ الدُّنْيَا

۱۶خو تاسې د دنيا ژوند غوره ګڼئ.

١٧وَالْآخِرَةُ خَيْرٌ وَأَبْقَىٰ

۱۷او حال داچې آخرت غوره او پايېدونکی دی.

١٨إِنَّ هَٰذَا لَفِي الصُّحُفِ الْأُولَىٰ

۱۸دغه خبرې په رېښتيا په پخوانيو صحيفو کې هم وې.

١٩صُحُفِ إِبْرَاهِيمَ وَمُوسَىٰ

۱۹(يعني) د ابراهيم او موسی په صحيفو کې.