وَالسَّمَاءِ وَالطَّارِقِ
Ndahiye ikirere n’ikimurika nijoro;
The Nightly Visitor · at-Tariq · سورة الطارق · 17 ayahs
بِسْمِ اللَّهِ الرَّحْمَٰنِ الرَّحِيمِ
Ku izina rya Allah, Nyirimpuhwe, Nyirimbabazi.
وَمَا أَدْرَاكَ مَا الطَّارِقُ
Ni iki cyakumenyesha ikimurika nijoro?
النَّجْمُ الثَّاقِبُ
Ni inyenyeri imurika cyane (irabagirana).
إِنْ كُلُّ نَفْسٍ لَمَّا عَلَيْهَا حَافِظٌ
Nta muntu utagira umugenzuzi (abamalayika bashinzwe kugenzura ibikorwa bya muntu).
فَلْيَنْظُرِ الْإِنْسَانُ مِمَّ خُلِقَ
Ngaho umuntu niyitegereze icyo yaremwemo!
خُلِقَ مِنْ مَاءٍ دَافِقٍ
Yaremwe mu mazi ataruka (intanga),
يَخْرُجُ مِنْ بَيْنِ الصُّلْبِ وَالتَّرَائِبِ
Aturuka hagati y’umugongo n’imbavu (zo mu gituza)
إِنَّهُ عَلَىٰ رَجْعِهِ لَقَادِرٌ
Mu by’ukuri (Allah waremye uwo muntu mu ntanga) afite ubushobozi bwo kumuzura.
يَوْمَ تُبْلَى السَّرَائِرُ
Umunsi amabanga azahishurwa,
فَمَا لَهُ مِنْ قُوَّةٍ وَلَا نَاصِرٍ
Icyo gihe (umuntu) nta mbaraga azaba afite cyangwa ngo agire umutabara.
وَالسَّمَاءِ ذَاتِ الرَّجْعِ
Ndahiye ikirere gitanga imvura igenda igaruka,
وَالْأَرْضِ ذَاتِ الصَّدْعِ
N’isi isaduka (kugira ngo ibiti n’ibimera bimere),
إِنَّهُ لَقَوْلٌ فَصْلٌ
Mu by’ukuri iyi (Qur’an) ni imvugo itandukanya (ukuri n’ikinyoma),
وَمَا هُوَ بِالْهَزْلِ
Kandi ntabwo ari imvugo idafite umumaro.
إِنَّهُمْ يَكِيدُونَ كَيْدًا
Mu by’ukuri (abahinyura ukuri) bacura umugambi mubisha (wo kurwanya ubutumwa bw’ukuri),
وَأَكِيدُ كَيْدًا
Maze nanjye (Allah) nkaburizamo umugambi wabo.
فَمَهِّلِ الْكَافِرِينَ أَمْهِلْهُمْ رُوَيْدًا
Bityo, abo bahakanyi bahe igihe (yewe Muhamadi), ubarindirize gato (bazibonera ibizababaho).