The Most High · al-A'la · سورة الأعلى · 19 ayahs

١سَبِّحِ اسْمَ رَبِّكَ الْأَعْلَى

1Singiza izina rya Nyagasani wawe, Uwikirenga,

٢الَّذِي خَلَقَ فَسَوَّىٰ

2We waremye akanatunganya (buri kintu),

٣وَالَّذِي قَدَّرَ فَهَدَىٰ

3Akanakigenera (gahunda yacyo yose), hanyuma akayikiyoboramo,

٤وَالَّذِي أَخْرَجَ الْمَرْعَىٰ

4Ni na We umeza ubwatsi mu nzuri,

٥فَجَعَلَهُ غُثَاءً أَحْوَىٰ

5Hanyuma akabwumisha bugahindura ibara.

٦سَنُقْرِئُكَ فَلَا تَنْسَىٰ

6Rwose (yewe Muhamadi) tuzakwigisha (gusoma Qur’an), bityo ntuzayibagirwa,

٧إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

7Keretse ibyo Allah azashaka (ko wibagirwa). Mu by’ukuri azi ibigaragara n’ibitagaragara.

٨وَنُيَسِّرُكَ لِلْيُسْرَىٰ

8Tuzanakorohereza inzira yo gukora ibyiza.

٩فَذَكِّرْ إِنْ نَفَعَتِ الذِّكْرَىٰ

9Bityo, ibutsa (abantu) igihe urwibutso rwabagirira akamaro,

١٠سَيَذَّكَّرُ مَنْ يَخْشَىٰ

10Mu by’ukuri hazibuka wa wundi utinya (Allah),

١١وَيَتَجَنَّبُهَا الْأَشْقَى

11Ariko inkozi y’ibibi izarugendera kure (urwibutso),

١٢الَّذِي يَصْلَى النَّارَ الْكُبْرَىٰ

12(Uwo) ni we uzajya mu muriro uhambaye (akawuhiramo),

١٣ثُمَّ لَا يَمُوتُ فِيهَا وَلَا يَحْيَىٰ

13Aho atazapfa (ngo aruhuke) cyangwa ngo agiriremo ubuzima (bwiza).

١٤قَدْ أَفْلَحَ مَنْ تَزَكَّىٰ

14Mu by’ukuri wa wundi wiyejeje (akirinda ibyaha) yamaze kubona intsinzi

١٥وَذَكَرَ اسْمَ رَبِّهِ فَصَلَّىٰ

15Akanasingiza izina rya Nyagasani we ndetse akanakora iswala.

١٦بَلْ تُؤْثِرُونَ الْحَيَاةَ الدُّنْيَا

16Ariko mwe mwikundira ubuzima bwo kuri iyi si,

١٧وَالْآخِرَةُ خَيْرٌ وَأَبْقَىٰ

17Nyamara ubwo ku mperuka ari bwo bwiza kurushaho ndetse buzanahoraho.

١٨إِنَّ هَٰذَا لَفِي الصُّحُفِ الْأُولَىٰ

18Mu by’ukuri ibi (mubwirwa) biri mu byanditswe byo hambere,

١٩صُحُفِ إِبْرَاهِيمَ وَمُوسَىٰ

19Inyandiko (zahishuriwe) Ibrahim na Musa.