The Confederates · al-Ahzab · سورة الأحزاب · 73 ayahs

١يَا أَيُّهَا النَّبِيُّ اتَّقِ اللَّهَ وَلَا تُطِعِ الْكَافِرِينَ وَالْمُنَافِقِينَ ۗ إِنَّ اللَّهَ كَانَ عَلِيمًا حَكِيمًا

1O Pejgamber! Kije frikë Allahun dhe mos iu bind jobesimtarëve e hipokritëve. Vërtet, Allahu është i Gjithëdijshëm, i Urtë.

٢وَاتَّبِعْ مَا يُوحَىٰ إِلَيْكَ مِنْ رَبِّكَ ۚ إِنَّ اللَّهَ كَانَ بِمَا تَعْمَلُونَ خَبِيرًا

2Ndiq atë që të shpallet nga Zoti yt! S'ka dyshim se Allahu e di mirë çfarë veproni.

٣وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا

3Mbështetju Allahut, se të mjafton Allahu si Mbrojtës!

٤مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ ۚ وَمَا جَعَلَ أَزْوَاجَكُمُ اللَّائِي تُظَاهِرُونَ مِنْهُنَّ أُمَّهَاتِكُمْ ۚ وَمَا جَعَلَ أَدْعِيَاءَكُمْ أَبْنَاءَكُمْ ۚ ذَٰلِكُمْ قَوْلُكُمْ بِأَفْوَاهِكُمْ ۖ وَاللَّهُ يَقُولُ الْحَقَّ وَهُوَ يَهْدِي السَّبِيلَ

4Allahu nuk ka bërë dy zemra në brendinë e asnjë burri, as i ka bërë gratë tuaja, – të cilat i shpallni të paligjshme për ju përmes dhiharit,1 – nëna tuajat, as i ka bërë të birësuarit tuaj bij tuajt (të vërtetë). Këto janë vetëm fjalë që i shqiptoni me gojët tuaja, kurse Allahu e thotë të vërtetën dhe Ai udhëzon në rrugën e drejtë.

٥ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ ۚ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ ۚ وَلَيْسَ عَلَيْكُمْ جُنَاحٌ فِيمَا أَخْطَأْتُمْ بِهِ وَلَٰكِنْ مَا تَعَمَّدَتْ قُلُوبُكُمْ ۚ وَكَانَ اللَّهُ غَفُورًا رَحِيمًا

5Thirrni ata (të birësuarit) sipas emrave të baballarëve të tyre! Kjo është më e drejtë para Allahut. Por, nëse nuk i njihni baballarët e tyre, atëherë ata janë vëllezërit dhe miqtë tuaj të besimit. Nuk keni gjynah nëse gaboni, por për atë që zemrat tuaja e bëjnë qëllimisht. Allahu është Falës i Madh e Mëshirëplotë.

٦النَّبِيُّ أَوْلَىٰ بِالْمُؤْمِنِينَ مِنْ أَنْفُسِهِمْ ۖ وَأَزْوَاجُهُ أُمَّهَاتُهُمْ ۗ وَأُولُو الْأَرْحَامِ بَعْضُهُمْ أَوْلَىٰ بِبَعْضٍ فِي كِتَابِ اللَّهِ مِنَ الْمُؤْمِنِينَ وَالْمُهَاجِرِينَ إِلَّا أَنْ تَفْعَلُوا إِلَىٰ أَوْلِيَائِكُمْ مَعْرُوفًا ۚ كَانَ ذَٰلِكَ فِي الْكِتَابِ مَسْطُورًا

6Pejgamberi është më i afërt për besimtarët sesa ata për njëri-tjetrin, ndërsa gratë e tij janë si nënat e tyre. Njerëzit e gjakut, sipas Librit të Allahut, janë më të afërt për njëri-tjetrin sesa besimtarët e tjerë dhe muhaxhirët (në çështjen e trashëgimisë), por ju mund t'u bëni ndonjë të mirë miqve tuaj2. Kjo është e shënuar në Libër.

٧وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنْكَ وَمِنْ نُوحٍ وَإِبْرَاهِيمَ وَمُوسَىٰ وَعِيسَى ابْنِ مَرْيَمَ ۖ وَأَخَذْنَا مِنْهُمْ مِيثَاقًا غَلِيظًا

7Kujto kur Ne morëm besën nga pejgamberët dhe nga ti (o Muhamed) e nga Nuhu, Ibrahimi, Musai dhe Isai, biri i Merjemes. Ne morëm nga ata një besë të fortë,

٨لِيَسْأَلَ الصَّادِقِينَ عَنْ صِدْقِهِمْ ۚ وَأَعَدَّ لِلْكَافِرِينَ عَذَابًا أَلِيمًا

8që t'i pyesë besnikët për besnikërinë e tyre. Ndërkaq, për jobesimtarët Ai ka përgatitur dënim të dhembshëm.

٩يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَمْ تَرَوْهَا ۚ وَكَانَ اللَّهُ بِمَا تَعْمَلُونَ بَصِيرًا

9O besimtarë! Kujtoni dhuntinë e Allahut ndaj jush kur kundër jush erdhi një ushtri, por Ne dërguam kundër tyre një erë të fortë dhe ushtri që ju nuk e shihnit. Allahu sheh mirë gjithçka që bëni.

١٠إِذْ جَاءُوكُمْ مِنْ فَوْقِكُمْ وَمِنْ أَسْفَلَ مِنْكُمْ وَإِذْ زَاغَتِ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا

10Kujtoni kur ata u vërsulën drejt jush prej së larti e prej së poshtmi dhe kur sytë tuaj u shtangën e zemrat ju erdhën në fyt dhe ju vinin për Allahun lloj-lloj mendimesh.

١١هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا

11Aty besimtarët u sprovuan dhe u tronditën rëndë.

١٢وَإِذْ يَقُولُ الْمُنَافِقُونَ وَالَّذِينَ فِي قُلُوبِهِمْ مَرَضٌ مَا وَعَدَنَا اللَّهُ وَرَسُولُهُ إِلَّا غُرُورًا

12Kujtoni kur hipokritët dhe ata që kishin sëmundje në zemrat e tyre thoshin: "Allahu dhe i Dërguari i Tij nuk na premtuan gjë tjetër veç mashtrimit!"

١٣وَإِذْ قَالَتْ طَائِفَةٌ مِنْهُمْ يَا أَهْلَ يَثْرِبَ لَا مُقَامَ لَكُمْ فَارْجِعُوا ۚ وَيَسْتَأْذِنُ فَرِيقٌ مِنْهُمُ النَّبِيَّ يَقُولُونَ إِنَّ بُيُوتَنَا عَوْرَةٌ وَمَا هِيَ بِعَوْرَةٍ ۖ إِنْ يُرِيدُونَ إِلَّا فِرَارًا

13Kur një grup prej tyre thoshin: "O banorë të Jethribit! Ju nuk mund të qëndroni këtu, andaj kthehuni!" Ndërkaq, një grup tjetër nga ata kërkonin leje nga Pejgamberi për t'u larguar, duke thënë: "Shtëpitë tona janë pa mbrojtje." Në të vërtetë, ato nuk ishin pa mbrojtje, por ata thjesht donin të iknin.

١٤وَلَوْ دُخِلَتْ عَلَيْهِمْ مِنْ أَقْطَارِهَا ثُمَّ سُئِلُوا الْفِتْنَةَ لَآتَوْهَا وَمَا تَلَبَّثُوا بِهَا إِلَّا يَسِيرًا

14Nëse ata do të pushtoheshin nga anët e qytetit e më pas do t'u kërkohej t'i dorëzoheshin tundimit, ata do ta bënin atë, duke mos ngurruar, përveçse pak.

١٥وَلَقَدْ كَانُوا عَاهَدُوا اللَّهَ مِنْ قَبْلُ لَا يُوَلُّونَ الْأَدْبَارَ ۚ وَكَانَ عَهْدُ اللَّهِ مَسْئُولًا

15Ndërkohë, ata ia kishin dhënë besën Allahut më parë se nuk do të sprapseshin e për besën e dhënë Allahut do të japin llogari.

١٦قُلْ لَنْ يَنْفَعَكُمُ الْفِرَارُ إِنْ فَرَرْتُمْ مِنَ الْمَوْتِ أَوِ الْقَتْلِ وَإِذًا لَا تُمَتَّعُونَ إِلَّا قَلِيلًا

16Thuaju: "Ikja s'do t'ju bëjë dobi, nëse ikni (nga frika) prej vdekjes ose vrasjes, sepse edhe atëherë ju do të kënaqeni vetëm për pak kohë."

١٧قُلْ مَنْ ذَا الَّذِي يَعْصِمُكُمْ مِنَ اللَّهِ إِنْ أَرَادَ بِكُمْ سُوءًا أَوْ أَرَادَ بِكُمْ رَحْمَةً ۚ وَلَا يَجِدُونَ لَهُمْ مِنْ دُونِ اللَّهِ وَلِيًّا وَلَا نَصِيرًا

17Thuaju: "Kush është ai që mund t'ju mbrojë nga Allahu, nëse Ai dëshiron t'ju dëmtojë ose ta pengojë Atë nëse Ai dëshiron t'ju mëshirojë?" Ata nuk do të mund të gjejnë për vete mbrojtës e as ndihmës, përveç Allahut.

١٨قَدْ يَعْلَمُ اللَّهُ الْمُعَوِّقِينَ مِنْكُمْ وَالْقَائِلِينَ لِإِخْوَانِهِمْ هَلُمَّ إِلَيْنَا ۖ وَلَا يَأْتُونَ الْبَأْسَ إِلَّا قَلِيلًا

18Allahu i njeh mirë ata nga mesi juaj që i pengojnë të tjerët (nga lufta) dhe ata që u thonë vëllezërve të tyre: "Ejani te ne!" dhe nuk vijnë në luftë, përveçse rrallë.

١٩أَشِحَّةً عَلَيْكُمْ ۖ فَإِذَا جَاءَ الْخَوْفُ رَأَيْتَهُمْ يَنْظُرُونَ إِلَيْكَ تَدُورُ أَعْيُنُهُمْ كَالَّذِي يُغْشَىٰ عَلَيْهِ مِنَ الْمَوْتِ ۖ فَإِذَا ذَهَبَ الْخَوْفُ سَلَقُوكُمْ بِأَلْسِنَةٍ حِدَادٍ أَشِحَّةً عَلَى الْخَيْرِ ۚ أُولَٰئِكَ لَمْ يُؤْمِنُوا فَأَحْبَطَ اللَّهُ أَعْمَالَهُمْ ۚ وَكَانَ ذَٰلِكَ عَلَى اللَّهِ يَسِيرًا

19Ata janë koprracë ndaj jush. Kur i kap frika, i sheh se si të vështrojnë duke i rrotulluar sytë sikur ai që është në agoni të vdekjes. Por, kur kalon rreziku, ata ju shpojnë me gjuhë të mprehta, të etur për plaçkë. Këta nuk kanë besuar, prandaj Allahu ua asgjësoi veprat. E, kjo për Allahun është e lehtë.

٢٠يَحْسَبُونَ الْأَحْزَابَ لَمْ يَذْهَبُوا ۖ وَإِنْ يَأْتِ الْأَحْزَابُ يَوَدُّوا لَوْ أَنَّهُمْ بَادُونَ فِي الْأَعْرَابِ يَسْأَلُونَ عَنْ أَنْبَائِكُمْ ۖ وَلَوْ كَانُوا فِيكُمْ مَا قَاتَلُوا إِلَّا قَلِيلًا

20Ata mendonin se ushtritë nuk ishin larguar ende. Nëse ushtritë do të vinin përsëri, ata do të dëshironin sikur të ishin në mesin e beduinëve e të merrnin lajme për ju (nga larg). Edhe sikur të ishin mes jush, ata nuk do të luftonin përveçse pak.

٢١لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا

21Me të vërtetë, në të Dërguarin e Allahut ka një shembull të shkëlqyer për këdo që ka shpresë tek Allahu e Dita e Fundit dhe e përmend shumë Allahun.

٢٢وَلَمَّا رَأَى الْمُؤْمِنُونَ الْأَحْزَابَ قَالُوا هَٰذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ ۚ وَمَا زَادَهُمْ إِلَّا إِيمَانًا وَتَسْلِيمًا

22Kur besimtarët i panë ushtritë, thanë: "Kjo është ajo që na ka premtuar Allahu dhe i Dërguari i Tij. Allahu dhe i Dërguari i Tij e kanë thënë të vërtetën." Kjo vetëm ua shtoi besimin e nënshtrimin.

٢٣مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ يَنْتَظِرُ ۖ وَمَا بَدَّلُوا تَبْدِيلًا

23Në mesin e besimtarëve ka burra që e kanë mbajtur besën që ia kanë dhënë Allahut. Disa prej tyre e kanë përmbushur zotimin e tyre (duke vdekur në rrugën e Tij) e disa të tjerë janë ende në pritje pa ndryshuar aspak.

٢٤لِيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِنْ شَاءَ أَوْ يَتُوبَ عَلَيْهِمْ ۚ إِنَّ اللَّهَ كَانَ غَفُورًا رَحِيمًا

24(Kjo ndodhi) që Allahu t'i shpërblejë besnikët për vërtetësinë e tyre dhe t'i dënojë hipokritët nëse do ose t'ua pranojë pendimin. Vërtet, Allahu është Falës i Madh, Mëshirëplotë.

٢٥وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا ۚ وَكَفَى اللَّهُ الْمُؤْمِنِينَ الْقِتَالَ ۚ وَكَانَ اللَّهُ قَوِيًّا عَزِيزًا

25Allahu i sprapsi jobesimtarët bashkë me mllefin e tyre, të cilët nuk përfituan kurrfarë mirësie dhe i kurseu besimtarët nga lufta. Allahu është i Fortë, i Gjithëfuqishëm.

٢٦وَأَنْزَلَ الَّذِينَ ظَاهَرُوهُمْ مِنْ أَهْلِ الْكِتَابِ مِنْ صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا

26Ai i nxori nga kështjellat e tyre ata ithtarë të Librit që u ndihmuan (armiqve) dhe shtiu tmerrin në zemrat e tyre, kështu që një pjesë të tyre i vratë e pjesën tjetër i robëruat.

٢٧وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَمْ تَطَئُوهَا ۚ وَكَانَ اللَّهُ عَلَىٰ كُلِّ شَيْءٍ قَدِيرًا

27Ai jua la juve në trashëgim tokën, shtëpitë dhe pasurinë e tyre, por edhe një tokë që nuk e kishit shkelur më parë. Allahu është i Plotfuqishëm për çdo gjë.

٢٨يَا أَيُّهَا النَّبِيُّ قُلْ لِأَزْوَاجِكَ إِنْ كُنْتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا

28O Pejgamber! Thuaju grave të tua: "Nëse e dëshironi jetën e kësaj bote dhe bukuritë e saj, atëherë ejani t'ju dhuroj pasuri dhe t'ju lëshoj me mirësjellje.

٢٩وَإِنْ كُنْتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنْكُنَّ أَجْرًا عَظِيمًا

29Por, nëse e dëshironi Allahun, të Dërguarin e Tij dhe botën tjetër, atëherë Allahu ka përgatitur për ato prej jush që bëjnë vepra të mira një shpërblim të madh."

٣٠يَا نِسَاءَ النَّبِيِّ مَنْ يَأْتِ مِنْكُنَّ بِفَاحِشَةٍ مُبَيِّنَةٍ يُضَاعَفْ لَهَا الْعَذَابُ ضِعْفَيْنِ ۚ وَكَانَ ذَٰلِكَ عَلَى اللَّهِ يَسِيرًا

30O gratë e Pejgamberit! Nëse ndokush nga ju do të bënte ndonjë paturpësi të hapur, dënimi do t'i dyfishohej. E, kjo për Allahun është e lehtë.

٣١وَمَنْ يَقْنُتْ مِنْكُنَّ لِلَّهِ وَرَسُولِهِ وَتَعْمَلْ صَالِحًا نُؤْتِهَا أَجْرَهَا مَرَّتَيْنِ وَأَعْتَدْنَا لَهَا رِزْقًا كَرِيمًا

31Ndërkaq, atyre prej jush që i binden Allahut e të Dërguarit të Tij dhe bëjnë vepra të mira, Ne do t'u japim shpërblim të dyfishtë dhe për to kemi përgatitur furnizim bujar.

٣٢يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا

32O gratë e Pejgamberit, ju nuk jeni si asnjë grua tjetër, po qe se i frikësoheni Allahut, andaj mos u llastoni në të folur, që të mos lakmojë ai që ka sëmundje në zemër, por flitni fjalë të dëlira.

٣٣وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

33Qëndroni në shtëpitë tuaja dhe mos i shfaqni stolitë tuaja siç shfaqeshin në kohën e xhahilietit (padijes)! Faleni namazin, jepeni zekatin dhe bindjuni Allahut e të Dërguarit të Tij. Në të vërtetë, Allahu dëshiron vetëm që të largojë prej jush të keqen, o anëtarë të familjes (së Pejgamberit), dhe t'ju pastrojë plotësisht.

٣٤وَاذْكُرْنَ مَا يُتْلَىٰ فِي بُيُوتِكُنَّ مِنْ آيَاتِ اللَّهِ وَالْحِكْمَةِ ۚ إِنَّ اللَّهَ كَانَ لَطِيفًا خَبِيرًا

34Dhe kujtoni atë që lexohet në shtëpitë tuaja prej ajeteve të Allahut e prej Urtësisë (profetike). Njëmend, Allahu është i Butë, i Gjithëditur.

٣٥إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا

35Nuk ka dyshim që për muslimanët dhe muslimanet, besimtarët dhe besimtaret, të përkushtuarit dhe të përkushtuarat, besnikët dhe besniket, durimtarët dhe durimtaret, të përulurit dhe të përulurat, bamirësit dhe bamirëset, agjëruesit dhe agjërueset, ruajtësit e nderit dhe ruajtëset e nderit, përmendësit e Allahut në vazhdimësi dhe përmendëset e Allahut në vazhdimësi Allahu ka përgatitur falje dhe shpërblim të madh.

٣٦وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ ۗ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا

36Nuk i takon asnjë besimtari e besimtareje që, kur Allahu dhe i Dërguari i Tij gjykojnë për ndonjë çështje, ata të kenë të drejtë zgjedhjeje në çështjen e tyre. Kushdo që nuk i bindet Allahut dhe të Dërguarit të Tij, ka rënë në një humbje të qartë.

٣٧وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَنْ تَخْشَاهُ ۖ فَلَمَّا قَضَىٰ زَيْدٌ مِنْهَا وَطَرًا زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا ۚ وَكَانَ أَمْرُ اللَّهِ مَفْعُولًا

37Kujto kur i thoshe atij që Allahu i kishte dhuruar mirësi e edhe ti i kishe bërë mirë (duke e liruar): "Mbaje gruan tënde dhe kije frikë Allahun!" Ndërkohë që ti fshihje në vetvete atë që Allahu do ta nxjerrë në pah dhe u frikësoheshe njerëzve, kur më e drejtë është t'i frikësoheshe Allahut. Ndërkaq, kur Zejdi e lëshoi atë, Ne ta dhamë ty për grua, në mënyrë që të mos u vijë rëndë besimtarëve të martohen me gratë e të birësuarve të tyre, pasi ata të jenë shkurorëzuar nga ato. E, urdhri i Allahut medoemos do të jetësohet.

٣٨مَا كَانَ عَلَى النَّبِيِّ مِنْ حَرَجٍ فِيمَا فَرَضَ اللَّهُ لَهُ ۖ سُنَّةَ اللَّهِ فِي الَّذِينَ خَلَوْا مِنْ قَبْلُ ۚ وَكَانَ أَمْرُ اللَّهِ قَدَرًا مَقْدُورًا

38Nuk ka asnjë faj për Pejgamberin kur bën atë që ia ka lejuar Allahu. Ky është ligji i Allahut edhe për ata (pejgamberët) që ishin më parë, – urdhri i Allahut është vendim i detyrueshëm, –

٣٩الَّذِينَ يُبَلِّغُونَ رِسَالَاتِ اللَّهِ وَيَخْشَوْنَهُ وَلَا يَخْشَوْنَ أَحَدًا إِلَّا اللَّهَ ۗ وَكَفَىٰ بِاللَّهِ حَسِيبًا

39ata të cilët kumtojnë shpalljet e Allahut dhe ia kanë drojën Atij e nuk i frikësohen askujt përveç Allahut. Allahu mjafton si Llogaritës.

٤٠مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَٰكِنْ رَسُولَ اللَّهِ وَخَاتَمَ النَّبِيِّينَ ۗ وَكَانَ اللَّهُ بِكُلِّ شَيْءٍ عَلِيمًا

40Muhamedi nuk është babai i asnjërit prej burrave nga mesi juaj, por është i Dërguari i Allahut dhe pejgamberi i fundit. Allahu është i Gjithëdijshëm për çdo gjë.

٤١يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا

41O ju që besoni, përmendeni Allahun shumë

٤٢وَسَبِّحُوهُ بُكْرَةً وَأَصِيلًا

42dhe lartësojeni Atë mëngjes e mbrëmje!

٤٣هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُمْ مِنَ الظُّلُمَاتِ إِلَى النُّورِ ۚ وَكَانَ بِالْمُؤْمِنِينَ رَحِيمًا

43Është Ai që ju bekon dhe melekët e Tij luten për ju, që Ai t'ju nxjerrë nga errësirat në dritë. Ai është Mëshirëplotë ndaj besimtarëve.

٤٤تَحِيَّتُهُمْ يَوْمَ يَلْقَوْنَهُ سَلَامٌ ۚ وَأَعَدَّ لَهُمْ أَجْرًا كَرِيمًا

44Përshëndetja e tyre ditën kur do ta takojnë Atë do të jetë "Selam (paqe)" dhe Ai ka përgatitur për ta shpërblim bujar.

٤٥يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا

45O Pejgamber! Ne të dërguam ty si dëshmitar, përgëzues e paralajmërues

٤٦وَدَاعِيًا إِلَى اللَّهِ بِإِذْنِهِ وَسِرَاجًا مُنِيرًا

46dhe si thirrës në rrugën e Allahut me lejen e Tij dhe si pishtar ndriçues.

٤٧وَبَشِّرِ الْمُؤْمِنِينَ بِأَنَّ لَهُمْ مِنَ اللَّهِ فَضْلًا كَبِيرًا

47Përgëzoji besimtarët se ata do të kenë mirësi të madhe nga Allahu!

٤٨وَلَا تُطِعِ الْكَافِرِينَ وَالْمُنَافِقِينَ وَدَعْ أَذَاهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا

48Dhe mos iu bind jobesimtarëve e hipokritëve! Lëri fyerjet e tyre dhe mbështetju Allahut. Allahu mjafton si Mbrojtës.

٤٩يَا أَيُّهَا الَّذِينَ آمَنُوا إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا ۖ فَمَتِّعُوهُنَّ وَسَرِّحُوهُنَّ سَرَاحًا جَمِيلًا

49O besimtarë! Kur të martoheni me besimtare e pastaj t'i ndani para se të keni marrëdhënie me to, ju nuk keni të drejtë të kërkoni nga ato përmbushjen e ndonjë afati të pritjes. Mirëpo, jepuni atyre diçka nga pasuria dhe lëshojini me njerëzi!

٥٠يَا أَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ مِمَّا أَفَاءَ اللَّهُ عَلَيْكَ وَبَنَاتِ عَمِّكَ وَبَنَاتِ عَمَّاتِكَ وَبَنَاتِ خَالِكَ وَبَنَاتِ خَالَاتِكَ اللَّاتِي هَاجَرْنَ مَعَكَ وَامْرَأَةً مُؤْمِنَةً إِنْ وَهَبَتْ نَفْسَهَا لِلنَّبِيِّ إِنْ أَرَادَ النَّبِيُّ أَنْ يَسْتَنْكِحَهَا خَالِصَةً لَكَ مِنْ دُونِ الْمُؤْمِنِينَ ۗ قَدْ عَلِمْنَا مَا فَرَضْنَا عَلَيْهِمْ فِي أَزْوَاجِهِمْ وَمَا مَلَكَتْ أَيْمَانُهُمْ لِكَيْلَا يَكُونَ عَلَيْكَ حَرَجٌ ۗ وَكَانَ اللَّهُ غَفُورًا رَحِيمًا

50O Pejgamber! Ne t'i lejuam ty (për martesë) gratë të cilave ua ke dhënë mehrin3, robëreshat që t'i ka dhënë Allahu si pre e luftës, vajzat e axhës, vajzat e hallës, vajzat e dajës, vajzat e tezes, të cilat mërguan bashkë me ty, si dhe atë grua besimtare që ia dhuron veten Pejgamberit, nëse Pejgamberi dëshiron të martohet me të. Kjo (e fundit) është vetëm për ty, e jo për besimtarët e tjerë. Ne e dimë mirë çfarë u kemi caktuar atyre lidhur me gratë e tyre dhe me ato që janë në pronësinë e tyre, në mënyrë që ty të të mos vijë rëndë. Allahu është Falës i Madh e Mëshirëplotë.

٥١تُرْجِي مَنْ تَشَاءُ مِنْهُنَّ وَتُؤْوِي إِلَيْكَ مَنْ تَشَاءُ ۖ وَمَنِ ابْتَغَيْتَ مِمَّنْ عَزَلْتَ فَلَا جُنَاحَ عَلَيْكَ ۚ ذَٰلِكَ أَدْنَىٰ أَنْ تَقَرَّ أَعْيُنُهُنَّ وَلَا يَحْزَنَّ وَيَرْضَيْنَ بِمَا آتَيْتَهُنَّ كُلُّهُنَّ ۚ وَاللَّهُ يَعْلَمُ مَا فِي قُلُوبِكُمْ ۚ وَكَانَ اللَّهُ عَلِيمًا حَلِيمًا

51Ti mund të largosh kë të duash prej tyre e të afrosh kë të duash dhe nuk ka gjynah për ty nëse kërkon ta rikthesh atë që e ke larguar. Kjo është më mirë, në mënyrë që ato të qetësohen shpirtërisht e të mos pikëllohen dhe që të jenë të kënaqura, që të gjitha, me atë që u jep atyre. Allahu e di çfarë ka në zemrat tuaja. Allahu është i Gjithëdijshëm dhe i Butë.

٥٢لَا يَحِلُّ لَكَ النِّسَاءُ مِنْ بَعْدُ وَلَا أَنْ تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَقِيبًا

52Tash e tutje, nuk të lejohen më gra të tjera, as që të zëvendësosh ato me gra të tjera, edhe nëse të mahnit bukuria e tyre, me përjashtim të atyre që i ke në pronësinë tënde. Allahu është Mbikëqyrës i çdo gjëje.

٥٣يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَنْ يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلَا مُسْتَأْنِسِينَ لِحَدِيثٍ ۚ إِنَّ ذَٰلِكُمْ كَانَ يُؤْذِي النَّبِيَّ فَيَسْتَحْيِي مِنْكُمْ ۖ وَاللَّهُ لَا يَسْتَحْيِي مِنَ الْحَقِّ ۚ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ وَمَا كَانَ لَكُمْ أَنْ تُؤْذُوا رَسُولَ اللَّهِ وَلَا أَنْ تَنْكِحُوا أَزْوَاجَهُ مِنْ بَعْدِهِ أَبَدًا ۚ إِنَّ ذَٰلِكُمْ كَانَ عِنْدَ اللَّهِ عَظِيمًا

53O ju që besoni! Mos hyni në shtëpitë e Pejgamberit, përveç nëse ftoheni për të ngrënë ushqim, mirëpo jo që të prisni përgatitjen e tij. Por, kur të thirreni, hyni, e, kur të keni ngrënë, shpërndahuni pa e zgjatur me biseda. Kjo gjë e shqetësonte Pejgamberin, por ai turpërohej nga ju, mirëpo Allahu nuk turpërohet nga e vërteta. Nëse ju u kërkoni diçka grave të tij, kërkojuani mbrapa perdes. Kjo është më e pastër për zemrat tuaja dhe për zemrat e tyre. Nuk është e lejuar për ju që të shqetësoni të Dërguarin e Allahut e as të martoheni me gratë e tij pas (vdekjes së) tij. Nuk ka dyshim se ky është gjynah i madh para Allahut.

٥٤إِنْ تُبْدُوا شَيْئًا أَوْ تُخْفُوهُ فَإِنَّ اللَّهَ كَانَ بِكُلِّ شَيْءٍ عَلِيمًا

54Nëse ju shfaqni diçka ose e fshihni atë, ta dini se Allahu është i Gjithëdijshëm për çdo gjë.

٥٥لَا جُنَاحَ عَلَيْهِنَّ فِي آبَائِهِنَّ وَلَا أَبْنَائِهِنَّ وَلَا إِخْوَانِهِنَّ وَلَا أَبْنَاءِ إِخْوَانِهِنَّ وَلَا أَبْنَاءِ أَخَوَاتِهِنَّ وَلَا نِسَائِهِنَّ وَلَا مَا مَلَكَتْ أَيْمَانُهُنَّ ۗ وَاتَّقِينَ اللَّهَ ۚ إِنَّ اللَّهَ كَانَ عَلَىٰ كُلِّ شَيْءٍ شَهِيدًا

55Nuk ka gjynah për to të dalin pa mbulesë para baballarëve të tyre, bijve të tyre, vëllezërve të tyre, bijve të vëllezërve të tyre, bijve të motrave të tyre, si dhe para grave (muslimane) e robëreshave që i kanë në pronësi. Kijeni frikë Allahun (o gra besimtare), se, me të vërtetë, Allahu është Dëshmitar për çdo gjë!

٥٦إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

56Vërtet, Allahu e bekon Pejgamberin dhe melekët e Tij luten për të. Andaj, o ju që besoni, lavdërojeni atë dhe përshëndeteni me selam!

٥٧إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُهِينًا

57Ata që fyejnë Allahun dhe të Dërguarin e Tij janë të mallkuar nga Allahu në këtë botë e në botën tjetër dhe Ai ka përgatitur për ta një dënim poshtërues.

٥٨وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا

58Ndërkaq, ata që i lëndojnë besimtarët e besimtaret për diçka që nuk e kanë bërë, janë ngarkuar me shpifje dhe gjynah të qartë.

٥٩يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ۚ ذَٰلِكَ أَدْنَىٰ أَنْ يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَحِيمًا

59O Pejgamber, thuaju grave e bijave të tua dhe grave të besimtarëve që t'i lëshojnë mbulesat mbi trupat e tyre. Kështu është më afër që ato të njihen (si gra të dëlira) e të mos ngacmohen. Allahu është Falës i Madh e Mëshirëplotë.

٦٠لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا

60Nëse hipokritët dhe ata që kanë sëmundje në zemrat e tyre, si dhe ata që përhapin lajme të rreme në Medinë, nuk heqin dorë, Ne patjetër do të të japim pushtet mbi ta e atëherë ata nuk do të mbesin me ty në qytet përveçse për pak kohë.

٦١مَلْعُونِينَ ۖ أَيْنَمَا ثُقِفُوا أُخِذُوا وَقُتِّلُوا تَقْتِيلًا

61Ata janë të mallkuar, kudo që gjenden, do të kapen e do të vriten keqas.

٦٢سُنَّةَ اللَّهِ فِي الَّذِينَ خَلَوْا مِنْ قَبْلُ ۖ وَلَنْ تَجِدَ لِسُنَّةِ اللَّهِ تَبْدِيلًا

62Ky është ligji i Allahut edhe për ata që ishin më parë e ti nuk mund të gjesh ndryshim në ligjin e Allahut.

٦٣يَسْأَلُكَ النَّاسُ عَنِ السَّاعَةِ ۖ قُلْ إِنَّمَا عِلْمُهَا عِنْدَ اللَّهِ ۚ وَمَا يُدْرِيكَ لَعَلَّ السَّاعَةَ تَكُونُ قَرِيبًا

63Njerëzit të pyesin ty për çastin e Kiametit. Thuaju: "Dija për të është vetëm tek Allahu." E, ku e di ti, mbase Kiameti është afër?!

٦٤إِنَّ اللَّهَ لَعَنَ الْكَافِرِينَ وَأَعَدَّ لَهُمْ سَعِيرًا

64Me të vërtetë, Allahu i ka mallkuar jobesimtarët dhe ka përgatitur për ta një Zjarr flakërues,

٦٥خَالِدِينَ فِيهَا أَبَدًا ۖ لَا يَجِدُونَ وَلِيًّا وَلَا نَصِيرًا

65ku do të qëndrojnë përgjithmonë. Ata nuk do të gjejnë asnjë mbrojtës e as ndihmës.

٦٦يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا

66Ditën kur fytyrat e tyre do të rrotullohen në Zjarr, ata do të thonë: "Ah të mjerët ne, sikur t'i ishim bindur Allahut dhe t'i ishim bindur të Dërguarit!"

٦٧وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا

67Dhe do të thonë: "Zoti ynë, ne iu bindëm prijësve tanë dhe të mëdhenjve tanë, kështu që ata na shmangën nga rruga e drejtë.

٦٨رَبَّنَا آتِهِمْ ضِعْفَيْنِ مِنَ الْعَذَابِ وَالْعَنْهُمْ لَعْنًا كَبِيرًا

68Zoti ynë, jepu atyre një dënim të dyfishtë dhe mallkoji me një mallkim të madh!"

٦٩يَا أَيُّهَا الَّذِينَ آمَنُوا لَا تَكُونُوا كَالَّذِينَ آذَوْا مُوسَىٰ فَبَرَّأَهُ اللَّهُ مِمَّا قَالُوا ۚ وَكَانَ عِنْدَ اللَّهِ وَجِيهًا

69O ju që besuat, mos u bëni si ata që e fyen Musain, ndërkohë që Allahu e pastroi atë nga ajo që thanë dhe ai ishte i nderuar tek Allahu.

٧٠يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا

70O ju që besuat! Frikësojuni Allahut dhe thoni fjalë të drejta,

٧١يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ ۗ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا

71që Ai t'jua mundësojë të bëni vepra të mira dhe do t'ju falë gjynahet. Kush i bindet Allahut dhe të Dërguarit të Tij, pa dyshim, do të arrijë një fitore madhështore.

٧٢إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا

72Me të vërtetë, Ne ua ofruam përgjegjësinë qiejve, Tokës dhe maleve, por ato nuk pranuan ta marrin përsipër dhe u frikësuan prej saj, por e pranoi njeriu. Ai qe njëmend i padrejtë (ndaj vetvetes) dhe i paditur (për pasojat).

٧٣لِيُعَذِّبَ اللَّهُ الْمُنَافِقِينَ وَالْمُنَافِقَاتِ وَالْمُشْرِكِينَ وَالْمُشْرِكَاتِ وَيَتُوبَ اللَّهُ عَلَى الْمُؤْمِنِينَ وَالْمُؤْمِنَاتِ ۗ وَكَانَ اللَّهُ غَفُورًا رَحِيمًا

73Allahu do t'i dënojë hipokritët e hipokritet dhe idhujtarët e idhujtaret, ndërkaq do t'ua pranojë pendimin besimtarëve e besimtareve, sepse Allahu është Falës i Madh e Mëshirëplotë.