Forgiver · Ghafir · سورة غافر · 85 ayahs

١حم

1Ha, mim.1

٢تَنْزِيلُ الْكِتَابِ مِنَ اللَّهِ الْعَزِيزِ الْعَلِيمِ

2Shpallja e Librit (Kuranit) është nga Allahu, i Gjithëfuqishmi, i Gjithëdijshmi,

٣غَافِرِ الذَّنْبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ لَا إِلَٰهَ إِلَّا هُوَ ۖ إِلَيْهِ الْمَصِيرُ

3Falësi i gjynaheve, Pranuesi i pendimit, i ashpri në ndëshkim dhe Zotëruesi i bujarisë. Askush nuk ka të drejtë të adhurohet përveç Tij dhe tek Ai është kthimi.

٤مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا فَلَا يَغْرُرْكَ تَقَلُّبُهُمْ فِي الْبِلَادِ

4Askush nuk kundërshton shenjat e Allahut, përveç atyre që nuk besojnë, prandaj mos të të mashtrojë bredhja e tyre nëpër botë!

٥كَذَّبَتْ قَبْلَهُمْ قَوْمُ نُوحٍ وَالْأَحْزَابُ مِنْ بَعْدِهِمْ ۖ وَهَمَّتْ كُلُّ أُمَّةٍ بِرَسُولِهِمْ لِيَأْخُذُوهُ ۖ وَجَادَلُوا بِالْبَاطِلِ لِيُدْحِضُوا بِهِ الْحَقَّ فَأَخَذْتُهُمْ ۖ فَكَيْفَ كَانَ عِقَابِ

5Edhe para tyre kishin përgënjeshtruar populli i Nuhut dhe grupet e tjera pas tij. Çdo popull përpiqej të vriste të dërguarin e vet. Ata kundërshtonin, duke dashur që, përmes së pavërtetës, të shuanin të vërtetën. Por, pastaj i kapa me ndëshkim. Ah, si ishte dënimi Im!

٦وَكَذَٰلِكَ حَقَّتْ كَلِمَتُ رَبِّكَ عَلَى الَّذِينَ كَفَرُوا أَنَّهُمْ أَصْحَابُ النَّارِ

6Kështu u jetësua fjala e Zotit tënd kundrejt atyre që nuk besuan, sepse ata do të jenë banorët e Zjarrit.

٧الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ وَيَسْتَغْفِرُونَ لِلَّذِينَ آمَنُوا رَبَّنَا وَسِعْتَ كُلَّ شَيْءٍ رَحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ

7Ata (melekë) që mbajnë Arshin dhe ata që janë rreth tij, e lartësojnë Zotin e tyre me lavdërim, besojnë në Të dhe kërkojnë falje për besimtarët, duke thënë: "Zoti ynë, Ti ke përfshirë çdo gjë me mëshirën dhe dijen Tënde, prandaj fali ata që pendohen dhe ndjekin rrugën Tënde dhe ruaji nga dënimi i Zjarrit flakërues!"

٨رَبَّنَا وَأَدْخِلْهُمْ جَنَّاتِ عَدْنٍ الَّتِي وَعَدْتَهُمْ وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۚ إِنَّكَ أَنْتَ الْعَزِيزُ الْحَكِيمُ

8Zoti ynë, futi ata në Xhenetet e Përjetësisë që ua ke premtuar, si dhe ata që janë të devotshëm prej prindërve, bashkëshorteve dhe pasardhësve të tyre. Vërtet, Ti je i Gjithëfuqishmi, i Urti.

٩وَقِهِمُ السَّيِّئَاتِ ۚ وَمَنْ تَقِ السَّيِّئَاتِ يَوْمَئِذٍ فَقَدْ رَحِمْتَهُ ۚ وَذَٰلِكَ هُوَ الْفَوْزُ الْعَظِيمُ

9Dhe ruaji ata nga të këqijat, se atë që e mbron nga të këqijat atë Ditë, vërtet e ke mëshiruar. E pikërisht kjo është fitorja e madhe!"

١٠إِنَّ الَّذِينَ كَفَرُوا يُنَادَوْنَ لَمَقْتُ اللَّهِ أَكْبَرُ مِنْ مَقْتِكُمْ أَنْفُسَكُمْ إِذْ تُدْعَوْنَ إِلَى الْإِيمَانِ فَتَكْفُرُونَ

10Jobesimtarëve do t'u thuhet: "Urrejtja e Allahut ndaj jush, kur thirreshit për të besuar, e mohonit, ishte më e madhe se urrejtja juaj ndaj vetvetes (sot)."

١١قَالُوا رَبَّنَا أَمَتَّنَا اثْنَتَيْنِ وَأَحْيَيْتَنَا اثْنَتَيْنِ فَاعْتَرَفْنَا بِذُنُوبِنَا فَهَلْ إِلَىٰ خُرُوجٍ مِنْ سَبِيلٍ

11Ata do të thonë: "Zoti ynë, Ti na bëre të vdesim dy herë dhe na ngjalle dy herë. Tashmë i pranojmë gjynahet tona, prandaj a ka ndonjë rrugëdalje?"

١٢ذَٰلِكُمْ بِأَنَّهُ إِذَا دُعِيَ اللَّهُ وَحْدَهُ كَفَرْتُمْ ۖ وَإِنْ يُشْرَكْ بِهِ تُؤْمِنُوا ۚ فَالْحُكْمُ لِلَّهِ الْعَلِيِّ الْكَبِيرِ

12(Atyre do t'u thuhet): "Kjo është për shkak se, kur adhurohej vetëm Allahu, ju mohonit, por, kur i shoqërohej diçka në adhurim, ju besonit. Pra, gjykimi i takon Allahut, të Lartit e të Madhit.

١٣هُوَ الَّذِي يُرِيكُمْ آيَاتِهِ وَيُنَزِّلُ لَكُمْ مِنَ السَّمَاءِ رِزْقًا ۚ وَمَا يَتَذَكَّرُ إِلَّا مَنْ يُنِيبُ

13Ai është që ju tregon shenjat e Tij dhe ju zbret furnizim nga qielli, por vetëm ai që kthehet tek Ai i penduar merr mësim.

١٤فَادْعُوا اللَّهَ مُخْلِصِينَ لَهُ الدِّينَ وَلَوْ كَرِهَ الْكَافِرُونَ

14Pra, lutjuni Allahut duke ia kushtuar adhurimin çiltërisht Atij, edhe nëse e urrejnë këtë gjë jobesimtarët!

١٥رَفِيعُ الدَّرَجَاتِ ذُو الْعَرْشِ يُلْقِي الرُّوحَ مِنْ أَمْرِهِ عَلَىٰ مَنْ يَشَاءُ مِنْ عِبَادِهِ لِيُنْذِرَ يَوْمَ التَّلَاقِ

15Më i Larti, Zoti i Arshit; Ai i dërgon Shpalljen me urdhrin e Tij atij që dëshiron prej robërve të Vet, për t'i paralajmëruar për Ditën e Takimit.

١٦يَوْمَ هُمْ بَارِزُونَ ۖ لَا يَخْفَىٰ عَلَى اللَّهِ مِنْهُمْ شَيْءٌ ۚ لِمَنِ الْمُلْكُ الْيَوْمَ ۖ لِلَّهِ الْوَاحِدِ الْقَهَّارِ

16Ditën kur ata do të dalin hapur, asgjë e tyre nuk do t'i fshihet Allahut. Kujt i takon pushteti sot? Allahut, të Vetmit, Ngadhënjimtarit të Pamposhtur!

١٧الْيَوْمَ تُجْزَىٰ كُلُّ نَفْسٍ بِمَا كَسَبَتْ ۚ لَا ظُلْمَ الْيَوْمَ ۚ إِنَّ اللَّهَ سَرِيعُ الْحِسَابِ

17Sot, çdo njeri do të shpërblehet për atë që ka punuar. Sot nuk ka padrejtësi. Me të vërtetë, Allahu është i shpejtë në llogari.

١٨وَأَنْذِرْهُمْ يَوْمَ الْآزِفَةِ إِذِ الْقُلُوبُ لَدَى الْحَنَاجِرِ كَاظِمِينَ ۚ مَا لِلظَّالِمِينَ مِنْ حَمِيمٍ وَلَا شَفِيعٍ يُطَاعُ

18Paralajmëroji ata për Ditën e Afërt, kur zemrat do të arrijnë në fyt, të mbushura me ankth. Keqbërësit nuk do të kenë mik të ngushtë e as ndërmjetësues që i merret fjala.

١٩يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ

19Ai i njeh shikimet tinëzare të syve dhe atë që fshehin zemrat.

٢٠وَاللَّهُ يَقْضِي بِالْحَقِّ ۖ وَالَّذِينَ يَدْعُونَ مِنْ دُونِهِ لَا يَقْضُونَ بِشَيْءٍ ۗ إِنَّ اللَّهَ هُوَ السَّمِيعُ الْبَصِيرُ

20Allahu gjykon sipas drejtësisë, ndërsa ata të cilëve u luten përveç Tij, nuk gjykojnë fare. Vërtet, Allahu është Gjithëdëgjuesi, Gjithëvëzhguesi.

٢١أَوَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ كَانُوا مِنْ قَبْلِهِمْ ۚ كَانُوا هُمْ أَشَدَّ مِنْهُمْ قُوَّةً وَآثَارًا فِي الْأَرْضِ فَأَخَذَهُمُ اللَّهُ بِذُنُوبِهِمْ وَمَا كَانَ لَهُمْ مِنَ اللَّهِ مِنْ وَاقٍ

21A nuk udhëtuan ata nëpër tokë, që të shihnin se si ka qenë fundi i atyre që ishin para tyre?! Ata ishin më të fortë dhe lanë më shumë gjurmë se këta, por Allahu i shkatërroi për shkak të gjynaheve të tyre dhe nuk pati kush t'i mbronte nga Allahu.

٢٢ذَٰلِكَ بِأَنَّهُمْ كَانَتْ تَأْتِيهِمْ رُسُلُهُمْ بِالْبَيِّنَاتِ فَكَفَرُوا فَأَخَذَهُمُ اللَّهُ ۚ إِنَّهُ قَوِيٌّ شَدِيدُ الْعِقَابِ

22Kjo, ngaqë atyre u vinin të dërguarit me prova të qarta, por ata nuk u besonin, prandaj Allahu i shkatërroi. Me të vërtetë, Ai është i Fuqishëm dhe i rreptë në ndëshkim.

٢٣وَلَقَدْ أَرْسَلْنَا مُوسَىٰ بِآيَاتِنَا وَسُلْطَانٍ مُبِينٍ

23Ne e dërguam Musain me shenjat (mrekullitë) Tona dhe me dëshmi të qartë

٢٤إِلَىٰ فِرْعَوْنَ وَهَامَانَ وَقَارُونَ فَقَالُوا سَاحِرٌ كَذَّابٌ

24te Faraoni, Hamani dhe Karuni, por ata thanë: "Ky është magjistar e gënjeshtar!"

٢٥فَلَمَّا جَاءَهُمْ بِالْحَقِّ مِنْ عِنْدِنَا قَالُوا اقْتُلُوا أَبْنَاءَ الَّذِينَ آمَنُوا مَعَهُ وَاسْتَحْيُوا نِسَاءَهُمْ ۚ وَمَا كَيْدُ الْكَافِرِينَ إِلَّا فِي ضَلَالٍ

25Kur u erdhi atyre e vërteta nga Ne, thanë: "Vritni bijtë e atyre që i kanë besuar atij dhe lërini të gjalla vjazat e tyre!" Por, kurthet e jobesimtarëve janë të dështuara.

٢٦وَقَالَ فِرْعَوْنُ ذَرُونِي أَقْتُلْ مُوسَىٰ وَلْيَدْعُ رَبَّهُ ۖ إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ

26Faraoni tha: "Më lini ta vras Musain e ai le të lusë Zotin e vet! Njëmend kam frikë se do t'jua ndryshojë fenë tuaj ose do të shkaktojë trazira në tokë."

٢٧وَقَالَ مُوسَىٰ إِنِّي عُذْتُ بِرَبِّي وَرَبِّكُمْ مِنْ كُلِّ مُتَكَبِّرٍ لَا يُؤْمِنُ بِيَوْمِ الْحِسَابِ

27Musai tha: "Unë i mbështetem Zotit tim e Zotit tuaj që të më mbrojë prej çdo mendjemadhi që nuk beson në Ditën e Llogarisë!"

٢٨وَقَالَ رَجُلٌ مُؤْمِنٌ مِنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَنْ يَقُولَ رَبِّيَ اللَّهُ وَقَدْ جَاءَكُمْ بِالْبَيِّنَاتِ مِنْ رَبِّكُمْ ۖ وَإِنْ يَكُ كَاذِبًا فَعَلَيْهِ كَذِبُهُ ۖ وَإِنْ يَكُ صَادِقًا يُصِبْكُمْ بَعْضُ الَّذِي يَعِدُكُمْ ۖ إِنَّ اللَّهَ لَا يَهْدِي مَنْ هُوَ مُسْرِفٌ كَذَّابٌ

28Një burrë besimtar nga familja e Faraonit, që fshihte besimin e tij, tha: "A do të vrisni një njeri vetëm pse thotë: "Zoti im është Allahu", ndërkohë që ju ka sjellë prova të qarta nga Zoti juaj? Nëse është gënjeshtar, ai i vuan pasojat e gënjeshtrës së vet; por, nëse thotë të vërtetën, atëherë mund t'ju godasë diçka nga ajo me të cilën ju kërcënon. Pa dyshim, Allahu nuk udhëzon në rrugë të drejtë atë që është teprues e gënjeshtar."

٢٩يَا قَوْمِ لَكُمُ الْمُلْكُ الْيَوْمَ ظَاهِرِينَ فِي الْأَرْضِ فَمَنْ يَنْصُرُنَا مِنْ بَأْسِ اللَّهِ إِنْ جَاءَنَا ۚ قَالَ فِرْعَوْنُ مَا أُرِيكُمْ إِلَّا مَا أَرَىٰ وَمَا أَهْدِيكُمْ إِلَّا سَبِيلَ الرَّشَادِ

29O populli im, sot pushteti është juaji, duke qenë sundues në tokë2, por kush do të na mbrojë prej dënimit të Allahut, nëse bie mbi ne?" Faraoni tha: "Unë ju them vetëm atë që shoh (si të duhur) dhe unë ju udhëzoj vetëm në rrugën e drejtë."

٣٠وَقَالَ الَّذِي آمَنَ يَا قَوْمِ إِنِّي أَخَافُ عَلَيْكُمْ مِثْلَ يَوْمِ الْأَحْزَابِ

30Atëherë, besimtari tha: "O populli im, unë frikësohem se do t'ju zërë ndonjë dënim si i popujve të mëhershëm,

٣١مِثْلَ دَأْبِ قَوْمِ نُوحٍ وَعَادٍ وَثَمُودَ وَالَّذِينَ مِنْ بَعْدِهِمْ ۚ وَمَا اللَّهُ يُرِيدُ ظُلْمًا لِلْعِبَادِ

31ashtu si i ndodhi popullit të Nuhut, adëve, themudëve dhe atyre që erdhën më pas. Allahu nuk dëshiron t'u bëjë padrejtësi robërve të Vet.

٣٢وَيَا قَوْمِ إِنِّي أَخَافُ عَلَيْكُمْ يَوْمَ التَّنَادِ

32O populli im, unë i druhem për ju Ditës kur do të thërrisni njëri-tjetrin (në ndihmë),

٣٣يَوْمَ تُوَلُّونَ مُدْبِرِينَ مَا لَكُمْ مِنَ اللَّهِ مِنْ عَاصِمٍ ۗ وَمَنْ يُضْلِلِ اللَّهُ فَمَا لَهُ مِنْ هَادٍ

33Ditën kur do të ktheni shpinën duke ikur, pa pasur askënd që t'ju mbrojë nga Allahu. E, atë që Allahu e çon në humbje, askush s'mund ta udhëzojë.

٣٤وَلَقَدْ جَاءَكُمْ يُوسُفُ مِنْ قَبْلُ بِالْبَيِّنَاتِ فَمَا زِلْتُمْ فِي شَكٍّ مِمَّا جَاءَكُمْ بِهِ ۖ حَتَّىٰ إِذَا هَلَكَ قُلْتُمْ لَنْ يَبْعَثَ اللَّهُ مِنْ بَعْدِهِ رَسُولًا ۚ كَذَٰلِكَ يُضِلُّ اللَّهُ مَنْ هُوَ مُسْرِفٌ مُرْتَابٌ

34Në të vërtetë, juve ju erdhi më parë Jusufi me prova të qarta, por ju ende jeni në mëdyshje lidhur me atë që jua solli, derisa, kur ai vdiq, thatë: "Allahu nuk do të dërgojë pas tij asnjë të dërguar." Kështu Allahu shpie në humbje këdo që e tepron dhe dyshon.

٣٥الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ ۖ كَبُرَ مَقْتًا عِنْدَ اللَّهِ وَعِنْدَ الَّذِينَ آمَنُوا ۚ كَذَٰلِكَ يَطْبَعُ اللَّهُ عَلَىٰ كُلِّ قَلْبِ مُتَكَبِّرٍ جَبَّارٍ

35Ata që kundërshtojnë ajetet e Allahut pa pasur asnjë dëshmi, janë tepër të urryer tek Allahu dhe tek ata që besojnë. Kështu, Allahu vulos çdo zemër mendjemadhi të dhunshëm.

٣٦وَقَالَ فِرْعَوْنُ يَا هَامَانُ ابْنِ لِي صَرْحًا لَعَلِّي أَبْلُغُ الْأَسْبَابَ

36Faraoni tha: "O Haman, më ndërto një kullë të lartë, që t'i arrij rrugët,

٣٧أَسْبَابَ السَّمَاوَاتِ فَأَطَّلِعَ إِلَىٰ إِلَٰهِ مُوسَىٰ وَإِنِّي لَأَظُنُّهُ كَاذِبًا ۚ وَكَذَٰلِكَ زُيِّنَ لِفِرْعَوْنَ سُوءُ عَمَلِهِ وَصُدَّ عَنِ السَّبِيلِ ۚ وَمَا كَيْدُ فِرْعَوْنَ إِلَّا فِي تَبَابٍ

37rrugët e qiellit, që të mund të ngjitem te Zoti i Musait, ndonëse unë mendoj se ai është gënjeshtar." Kështu, Faraonit iu zbukurua puna e keqe e tij dhe u shmang nga rruga e drejtë, por dredhia e Faraonit përfundoi në humbje.

٣٨وَقَالَ الَّذِي آمَنَ يَا قَوْمِ اتَّبِعُونِ أَهْدِكُمْ سَبِيلَ الرَّشَادِ

38Ai që ishte besimtar tha: "O populli im, pasomëni mua, që t'ju udhëzoj në rrugën e drejtë!"

٣٩يَا قَوْمِ إِنَّمَا هَٰذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ

39O populli im, në të vërtetë, jeta e kësaj bote është vetëm një kënaqësi e përkohshme, ndërsa jeta tjetër është shtëpia e përhershme."

٤٠مَنْ عَمِلَ سَيِّئَةً فَلَا يُجْزَىٰ إِلَّا مِثْلَهَا ۖ وَمَنْ عَمِلَ صَالِحًا مِنْ ذَكَرٍ أَوْ أُنْثَىٰ وَهُوَ مُؤْمِنٌ فَأُولَٰئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ

40Ai që bën ndonjë të keqe, do të ndëshkohet vetëm sipas saj, ndërsa kushdo që vepron mirë, duke qenë besimtar, qoftë mashkull, qoftë femër, do të jetë me ata që hyjnë në Xhenet, ku do të furnizohen pa masë.

٤١وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ

41O populli im, ç'është kjo kështu: unë ju thërras në shpëtim, ndërsa ju më thërrisni për në Zjarr?!

٤٢تَدْعُونَنِي لِأَكْفُرَ بِاللَّهِ وَأُشْرِكَ بِهِ مَا لَيْسَ لِي بِهِ عِلْمٌ وَأَنَا أَدْعُوكُمْ إِلَى الْعَزِيزِ الْغَفَّارِ

42Ju më ftoni që të mohoj Allahun e t'i shoqëroj Atij të tjerë në adhurim, gjë për të cilën nuk kam asnjë dëshmi, ndërkohë që unë ju ftoj të besoni të Gjithëfuqishmin e Falësin e Madh.

٤٣لَا جَرَمَ أَنَّمَا تَدْعُونَنِي إِلَيْهِ لَيْسَ لَهُ دَعْوَةٌ فِي الدُّنْيَا وَلَا فِي الْآخِرَةِ وَأَنَّ مَرَدَّنَا إِلَى اللَّهِ وَأَنَّ الْمُسْرِفِينَ هُمْ أَصْحَابُ النَّارِ

43S'ka dyshim se ajo në të cilën më thërrisni nuk është thirrje me vlerë, as në këtë botë, as në botën tjetër, e kthimi ynë është tek Allahu dhe ata që i kalojnë kufijtë janë banorë të Zjarrit.

٤٤فَسَتَذْكُرُونَ مَا أَقُولُ لَكُمْ ۚ وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ

44Juve do t'ju kujtohet ajo që po ju them, e unë ia besoj çështjen time Allahut. Njëmend, Allahu është Gjithëvëzhgues i robërve të Vet."

٤٥فَوَقَاهُ اللَّهُ سَيِّئَاتِ مَا مَكَرُوا ۖ وَحَاقَ بِآلِ فِرْعَوْنَ سُوءُ الْعَذَابِ

45Kështu, Allahu e mbrojti atë nga e keqja që kurdisën, ndërsa popullin e Faraonit e përfshiu dënimi i rëndë.

٤٦النَّارُ يُعْرَضُونَ عَلَيْهَا غُدُوًّا وَعَشِيًّا ۖ وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ

46Ata do t'i paraqiten zjarrit (në jetën e varrit) në mëngjes dhe në mbrëmje e, kur të ndodhë Kiameti, do të thuhet: "Futni ithtarët e Faraonit në dënimin më të rëndë!"

٤٧وَإِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا نَصِيبًا مِنَ النَّارِ

47Kur ata të grinden në Zjarr, të shtypurit do t'u thonë krerëve mendjemëdhenj: "Ne ju ndiqnim ju, kështu që a mund të na hiqni një pjesë të zjarrit?

٤٨قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ

48Krerët mendjemëdhenj do të thonë: "Të gjithë ne jemi në të. Allahu tashmë i ka gjykuar robërit e Vet."

٤٩وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِنَ الْعَذَابِ

49Ata që janë në Zjarr do t'u thonë rojave të Xhehenemit: "Luteni Zotin tuaj që të na lehtësojë dënimin vetëm për një ditë!"

٥٠قَالُوا أَوَلَمْ تَكُ تَأْتِيكُمْ رُسُلُكُمْ بِالْبَيِّنَاتِ ۖ قَالُوا بَلَىٰ ۚ قَالُوا فَادْعُوا ۗ وَمَا دُعَاءُ الْكَافِرِينَ إِلَّا فِي ضَلَالٍ

50Ata do të thonë: "A nuk ju erdhën të dërguarit tuaj me prova të qarta?" Ata do të përgjigjen: "Po, gjithsesi!" Rojat do të thonë: "Atëherë, lutuni vetë! Por, lutja e jobesimtarëve është krejt e kotë."

٥١إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

51Me të vërtetë, Ne do t'i ndihmojmë të dërguarit Tanë dhe besimtarët, në jetën e kësaj bote dhe në Ditën kur do të sillen dëshmitarët,

٥٢يَوْمَ لَا يَنْفَعُ الظَّالِمِينَ مَعْذِرَتُهُمْ ۖ وَلَهُمُ اللَّعْنَةُ وَلَهُمْ سُوءُ الدَّارِ

52Ditën kur keqbërësve nuk do t'u bëjë dobi arsyetimi. Për ta është mallkimi dhe përfundimi i keq.

٥٣وَلَقَدْ آتَيْنَا مُوسَى الْهُدَىٰ وَأَوْرَثْنَا بَنِي إِسْرَائِيلَ الْكِتَابَ

53Ne ia dhamë Musait udhëzimin dhe i bëmë bijtë e Israilit të trashëgojnë Librin (brez pas brezi),

٥٤هُدًى وَذِكْرَىٰ لِأُولِي الْأَلْبَابِ

54si udhërrëfyes dhe këshillë për mendarët.

٥٥فَاصْبِرْ إِنَّ وَعْدَ اللَّهِ حَقٌّ وَاسْتَغْفِرْ لِذَنْبِكَ وَسَبِّحْ بِحَمْدِ رَبِّكَ بِالْعَشِيِّ وَالْإِبْكَارِ

55Prandaj, bëj durim, sepse, pa dyshim, premtimi i Allahut është i vërtetë! Kërko falje për gjynahet e tua dhe lartësoje me lavdërim Zotin tënd, në mbrëmje e në mëngjes.

٥٦إِنَّ الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ ۙ إِنْ فِي صُدُورِهِمْ إِلَّا كِبْرٌ مَا هُمْ بِبَالِغِيهِ ۚ فَاسْتَعِذْ بِاللَّهِ ۖ إِنَّهُ هُوَ السَّمِيعُ الْبَصِيرُ

56Ata që kundërshtojnë ajetet e Allahut pa pasur asnjë dëshmi, në zemrat e tyre ka vetëm mendjemadhësi, por s'do të mund t'ia arrijnë qëllimit. Pra, kërko strehim tek Allahu. Me të vërtetë, Ai është Gjithëdëgjuesi, Gjithëvëzhguesi.

٥٧لَخَلْقُ السَّمَاوَاتِ وَالْأَرْضِ أَكْبَرُ مِنْ خَلْقِ النَّاسِ وَلَٰكِنَّ أَكْثَرَ النَّاسِ لَا يَعْلَمُونَ

57Krijimi i qiejve dhe Tokës është më i madh se krijimi i njerëzve, por shumica e njerëzve nuk e dinë.

٥٨وَمَا يَسْتَوِي الْأَعْمَىٰ وَالْبَصِيرُ وَالَّذِينَ آمَنُوا وَعَمِلُوا الصَّالِحَاتِ وَلَا الْمُسِيءُ ۚ قَلِيلًا مَا تَتَذَكَّرُونَ

58I verbri dhe ai që sheh nuk janë të barabartë, as ata që besojnë dhe bëjnë vepra të mira me keqbërësit. Sa pak që mendoni!

٥٩إِنَّ السَّاعَةَ لَآتِيَةٌ لَا رَيْبَ فِيهَا وَلَٰكِنَّ أَكْثَرَ النَّاسِ لَا يُؤْمِنُونَ

59Me të vërtetë, Kiameti do të vijë patjetër! Për këtë s'ka dyshim, por shumica e njerëzve nuk besojnë.

٦٠وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ

60Zoti juaj thotë: "Lutmuni Mua, Unë do t'ju përgjigjem!" Ata që tregohen mendjemëdhenj ndaj adhurimit Tim, do të hyjnë në Xhehenem të poshtëruar.

٦١اللَّهُ الَّذِي جَعَلَ لَكُمُ اللَّيْلَ لِتَسْكُنُوا فِيهِ وَالنَّهَارَ مُبْصِرًا ۚ إِنَّ اللَّهَ لَذُو فَضْلٍ عَلَى النَّاسِ وَلَٰكِنَّ أَكْثَرَ النَّاسِ لَا يَشْكُرُونَ

61Allahu jua bëri natën për të pushuar në të, ndërsa ditën jua bëri dritë. Vërtet, Allahu është shumë Bamirës ndaj njerëzve, por shumica e tyre nuk falënderojnë.

٦٢ذَٰلِكُمُ اللَّهُ رَبُّكُمْ خَالِقُ كُلِّ شَيْءٍ لَا إِلَٰهَ إِلَّا هُوَ ۖ فَأَنَّىٰ تُؤْفَكُونَ

62Ky është pra Allahu, Zoti juaj, Krijuesi i çdo gjëje. S'ka zot që meriton të adhurohet përveç Tij. Përse largoheni atëherë?!

٦٣كَذَٰلِكَ يُؤْفَكُ الَّذِينَ كَانُوا بِآيَاتِ اللَّهِ يَجْحَدُونَ

63Kështu pra shmangen (nga e vërteta) ata që mohojnë ajetet e Allahut.

٦٤اللَّهُ الَّذِي جَعَلَ لَكُمُ الْأَرْضَ قَرَارًا وَالسَّمَاءَ بِنَاءً وَصَوَّرَكُمْ فَأَحْسَنَ صُوَرَكُمْ وَرَزَقَكُمْ مِنَ الطَّيِّبَاتِ ۚ ذَٰلِكُمُ اللَّهُ رَبُّكُمْ ۖ فَتَبَارَكَ اللَّهُ رَبُّ الْعَالَمِينَ

64Allahu është Ai që jua bëri tokën vendbanim e qiellin kulm, ju formoi duke përsosur formën tuaj dhe ju furnizoi me të mira. Ky është pra Allahu, Zoti juaj! I bekuar është Allahu, Zoti i botëve!

٦٥هُوَ الْحَيُّ لَا إِلَٰهَ إِلَّا هُوَ فَادْعُوهُ مُخْلِصِينَ لَهُ الدِّينَ ۗ الْحَمْدُ لِلَّهِ رَبِّ الْعَالَمِينَ

65Ai është i Përjetshmi, s'ka zot që meriton të adhurohet përveç Tij. Andaj, lutjuni Atij duke ia kushtuar çiltërisht adhurimin! Lavdërimi i takon Allahut, Zotit të botëve!

٦٦قُلْ إِنِّي نُهِيتُ أَنْ أَعْبُدَ الَّذِينَ تَدْعُونَ مِنْ دُونِ اللَّهِ لَمَّا جَاءَنِيَ الْبَيِّنَاتُ مِنْ رَبِّي وَأُمِرْتُ أَنْ أُسْلِمَ لِرَبِّ الْعَالَمِينَ

66Thuaj: "Mua më është ndaluar t'i adhuroj ata që i adhuroni në vend të Allahut, meqë mua më kanë ardhur prova të qarta nga Zoti im dhe jam urdhëruar t'i nënshtrohem Zotit të botëve."

٦٧هُوَ الَّذِي خَلَقَكُمْ مِنْ تُرَابٍ ثُمَّ مِنْ نُطْفَةٍ ثُمَّ مِنْ عَلَقَةٍ ثُمَّ يُخْرِجُكُمْ طِفْلًا ثُمَّ لِتَبْلُغُوا أَشُدَّكُمْ ثُمَّ لِتَكُونُوا شُيُوخًا ۚ وَمِنْكُمْ مَنْ يُتَوَفَّىٰ مِنْ قَبْلُ ۖ وَلِتَبْلُغُوا أَجَلًا مُسَمًّى وَلَعَلَّكُمْ تَعْقِلُونَ

67Është Ai që ju ka krijuar prej dheut, pastaj prej një pikle, pastaj prej një mpiksjeje gjaku, pastaj prej një cope mishi e më pas ju nxjerr si foshnja e pastaj jua mundëson që të arrini moshën e pjekurisë e mandej të bëheni pleq, – ndonëse disa prej jush vdesin më herët, – në mënyrë që të arrini afatin që ju është caktuar, si dhe që të mund të kuptoni.

٦٨هُوَ الَّذِي يُحْيِي وَيُمِيتُ ۖ فَإِذَا قَضَىٰ أَمْرًا فَإِنَّمَا يَقُولُ لَهُ كُنْ فَيَكُونُ

68Ai është që jep jetë e vdekje. E, kur vendos të bëjë diçka, vetëm i thotë: "Bëhu!" dhe bëhet.

٦٩أَلَمْ تَرَ إِلَى الَّذِينَ يُجَادِلُونَ فِي آيَاتِ اللَّهِ أَنَّىٰ يُصْرَفُونَ

69A nuk i sheh ata që kundërshtojnë ajetet e Allahut se si largohen (nga e vërteta)?

٧٠الَّذِينَ كَذَّبُوا بِالْكِتَابِ وَبِمَا أَرْسَلْنَا بِهِ رُسُلَنَا ۖ فَسَوْفَ يَعْلَمُونَ

70Ata që përgënjeshtrojnë Librin dhe të vërtetën me të cilën i kemi sjellë të dërguarit Tanë, së shpejti do ta kuptojnë,

٧١إِذِ الْأَغْلَالُ فِي أَعْنَاقِهِمْ وَالسَّلَاسِلُ يُسْحَبُونَ

71kur t'u vihen vargonjtë në qafë dhe të tërhiqen me zinxhirë

٧٢فِي الْحَمِيمِ ثُمَّ فِي النَّارِ يُسْجَرُونَ

72në ujë të valuar e pastaj të digjen në Zjarr.

٧٣ثُمَّ قِيلَ لَهُمْ أَيْنَ مَا كُنْتُمْ تُشْرِكُونَ

73Atëherë do t'u thuhet: "Ku janë ata që i adhuronit

٧٤مِنْ دُونِ اللَّهِ ۖ قَالُوا ضَلُّوا عَنَّا بَلْ لَمْ نَكُنْ نَدْعُو مِنْ قَبْلُ شَيْئًا ۚ كَذَٰلِكَ يُضِلُّ اللَّهُ الْكَافِرِينَ

74në vend të Allahut?" Ata do të thonë: "Na humbën! Në të vërtetë, ne nuk adhuronim asgjë më parë." Ja, kështu Allahu i çon në humbje jobesimtarët.

٧٥ذَٰلِكُمْ بِمَا كُنْتُمْ تَفْرَحُونَ فِي الْأَرْضِ بِغَيْرِ الْحَقِّ وَبِمَا كُنْتُمْ تَمْرَحُونَ

75(Atyre do t'u thuhet): "Kjo është për shkak se ju gëzoheshit e argëtoheshit në tokë pa të drejtë.

٧٦ادْخُلُوا أَبْوَابَ جَهَنَّمَ خَالِدِينَ فِيهَا ۖ فَبِئْسَ مَثْوَى الْمُتَكَبِّرِينَ

76Hyni në portat e Xhehenemit, ku do të qëndroni përgjithmonë!" Sa vendbanim i keq për mendjemëdhenjtë!

٧٧فَاصْبِرْ إِنَّ وَعْدَ اللَّهِ حَقٌّ ۚ فَإِمَّا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ فَإِلَيْنَا يُرْجَعُونَ

77Bëj durim, sepse premtimi i Allahut është i vërtetë! Pavarësisht nëse të tregojmë diçka nga ajo me të cilën i kemi kërcënuar apo ta marrim shpirtin (para se t'i dënojmë), ata gjithsesi do të kthehen te Ne.

٧٨وَلَقَدْ أَرْسَلْنَا رُسُلًا مِنْ قَبْلِكَ مِنْهُمْ مَنْ قَصَصْنَا عَلَيْكَ وَمِنْهُمْ مَنْ لَمْ نَقْصُصْ عَلَيْكَ ۗ وَمَا كَانَ لِرَسُولٍ أَنْ يَأْتِيَ بِآيَةٍ إِلَّا بِإِذْنِ اللَّهِ ۚ فَإِذَا جَاءَ أَمْرُ اللَّهِ قُضِيَ بِالْحَقِّ وَخَسِرَ هُنَالِكَ الْمُبْطِلُونَ

78Në të vërtetë, Ne kemi çuar para teje të dërguar, për të cilët të kemi treguar, por edhe të dërguar të tjerë, për të cilët nuk të kemi treguar. Asnjë i dërguar nuk mund të sjellë mrekulli, përveçse me lejen e Allahut. E, kur të vijë urdhri i Allahut, do të gjykohet me drejtësi dhe atëherë do të shkatërrohen ithtarët e së kotës.

٧٩اللَّهُ الَّذِي جَعَلَ لَكُمُ الْأَنْعَامَ لِتَرْكَبُوا مِنْهَا وَمِنْهَا تَأْكُلُونَ

79Allahu është Ai që krijoi për ju bagëtitë, që disa t'i përdorni për hipje e disa për ushqim.

٨٠وَلَكُمْ فِيهَا مَنَافِعُ وَلِتَبْلُغُوا عَلَيْهَا حَاجَةً فِي صُدُورِكُمْ وَعَلَيْهَا وَعَلَى الْفُلْكِ تُحْمَلُونَ

80Ju keni në to edhe përfitime të tjera: përmes tyre i plotësoni nevojat tuaja, si dhe me to e me anije ju udhëtoni.

٨١وَيُرِيكُمْ آيَاتِهِ فَأَيَّ آيَاتِ اللَّهِ تُنْكِرُونَ

81Ai jua tregon shenjat e Tij. Pra, cilat shenja të Allahut po i mohoni?!

٨٢أَفَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ ۚ كَانُوا أَكْثَرَ مِنْهُمْ وَأَشَدَّ قُوَّةً وَآثَارًا فِي الْأَرْضِ فَمَا أَغْنَىٰ عَنْهُمْ مَا كَانُوا يَكْسِبُونَ

82A nuk kanë udhëtuar ata nëpër tokë për të parë se si ka qenë fundi i atyre që ishin para tyre?! Ata ishin më të shumtë e më të fortë dhe lanë më shumë gjurmë në tokë, por asgjë nuk u vlejti ajo që fituan.

٨٣فَلَمَّا جَاءَتْهُمْ رُسُلُهُمْ بِالْبَيِّنَاتِ فَرِحُوا بِمَا عِنْدَهُمْ مِنَ الْعِلْمِ وَحَاقَ بِهِمْ مَا كَانُوا بِهِ يَسْتَهْزِئُونَ

83Kur u erdhën të dërguarit e tyre me prova të qarta, ata u kënaqën me dijeninë që kishin, kështu që ata i përfshiu ajo me të cilën talleshin.

٨٤فَلَمَّا رَأَوْا بَأْسَنَا قَالُوا آمَنَّا بِاللَّهِ وَحْدَهُ وَكَفَرْنَا بِمَا كُنَّا بِهِ مُشْرِكِينَ

84Por, kur e panë dënimin Tonë, thanë: "Ne besojmë vetëm në Allahun dhe mohojmë ata që ia shoqëronim Atij (në adhurim)."

٨٥فَلَمْ يَكُ يَنْفَعُهُمْ إِيمَانُهُمْ لَمَّا رَأَوْا بَأْسَنَا ۖ سُنَّتَ اللَّهِ الَّتِي قَدْ خَلَتْ فِي عِبَادِهِ ۖ وَخَسِرَ هُنَالِكَ الْكَافِرُونَ

85Mirëpo, besimi i tyre kur panë dënimin Tonë nuk u bëri dobi. Ky është ligji i Allahut që e ka zbatuar te robërit e Tij. Kështu humbën jobesimtarët.