بِسْمِ اللَّهِ الرَّحْمَٰنِ الرَّحِيمِ
Me emrin e Allahut, të Gjithëmëshirshmit, Mëshirëplotit.
قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ
Allahu ka dëgjuar fjalët e asaj që po diskutonte me ty lidhur me burrin e saj dhe që iu ankua Allahut. Allahu e dëgjoi bisedën tuaj. Vërtet, Allahu dëgjon dhe sheh çdo gjë.
الَّذِينَ يُظَاهِرُونَ مِنْكُمْ مِنْ نِسَائِهِمْ مَا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنْكَرًا مِنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ
Ata prej jush që bëjnë dhihar, le ta dinë se ato nuk bëhen nëna të tyre. Nëna të tyre janë vetëm ato që i kanë lindur. Me të vërtetë, fjalët që thonë janë të shëmtuara e të rreme. Megjithatë, Allahu është Shlyes i gjynaheve e Falës i Madh.
وَالَّذِينَ يُظَاهِرُونَ مِنْ نِسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِنْ قَبْلِ أَنْ يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ
Ata që i shpallin të paligjshme për vete gratë e tyre përmes dhiharit e pastaj tërhiqen nga ajo që kanë thënë, duhet të lirojnë një rob para se të preken mes vete. Kjo është këshillë për ju e Allahu di gjithçka që bëni.
فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ مِنْ قَبْلِ أَنْ يَتَمَاسَّا ۖ فَمَنْ لَمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ
E kush nuk ka mundësi (të lirojë një rob), duhet të agjërojë dy muaj rresht, para se të preken mes vete. E kush nuk ka mundësi as për këtë, duhet të ushqejë gjashtëdhjetë të varfër. Kjo, që të besoni Allahun dhe të Dërguarin e Tij. Këta janë kufijtë e Allahut. Ndërkaq, për jobesimtarët ka dënim të dhembshëm.
إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِنْ قَبْلِهِمْ ۚ وَقَدْ أَنْزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُهِينٌ
Me të vërtetë, ata që i kundërvihen Allahut dhe të Dërguarit të Tij, do të poshtërohen, ashtu siç u poshtëruan ata para tyre. Ne kemi zbritur ajete të qarta, kurse për jobesimtarët ka dënim poshtërues,
يَوْمَ يَبْعَثُهُمُ اللَّهُ جَمِيعًا فَيُنَبِّئُهُمْ بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ
Ditën kur Allahu do t’i ringjallë të gjithë e do t’i njoftojë për atë që kanë bërë. Allahu i ka shënuar të gjitha, ndërsa ata e kishin harruar. Allahu është Dëshmitar për çdo gjë.
أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِنْ نَجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِنْ ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُمْ بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ
A nuk e di ti se Allahu di çdo gjë që është në qiej e në Tokë?! Nuk ka bisedë të fshehtë mes tri vetave e që Ai të mos jetë i katërti; as mes pesë vetave e që Ai të mos jetë i gjashti; as mes më pak a më shumë vetave, që Ai të mos jetë me ta, kudo që të jenë. Pastaj, në Ditën e Kiametit, Ai do t’i njoftojë për atë që kanë bërë. Pa dyshim, Allahu është i Gjithëdijshëm për çdo gjë.
أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنْفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ
A nuk i sheh ata të cilët, edhe pse u ndaluan nga bisedat e fshehta, kthehen tek ajo që u është ndaluar dhe pëshpëritin për gjynahe, armiqësi dhe mosbindje ndaj të Dërguarit? Kur vijnë te ti, të përshëndesin ndryshe nga mënyra me të cilën të përshëndet Allahu dhe thonë më vete: "Përse nuk na dënon Allahu për këtë që themi?" Mjafton për ta Xhehenemi, ku do të futen. Eh, sa vend i keq që është ai!
يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ
O ju që besuat! Kur të flisni fshehurazi, mos flitni për gjynahe, armiqësi e mosbindje ndaj të Dërguarit, por flitni për mirësi e devotshmëri dhe frikësojuni Allahut, tek i Cili do të tuboheni!
إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ
Në të vërtetë, bisedat e fshehta janë prej shejtanit, për t’i pikëlluar besimtarët, por ai nuk mund t’u bëjë dëm aspak, përveçse me lejen e Allahut. Prandaj, vetëm Allahut le t'i mbështeten besimtarët!
يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انْشُزُوا فَانْشُزُوا يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ
O ju që besoni! Kur ju thuhet “Bëni vend” nëpër ndeja, atëherë bëni vend, se Allahu do t’ju bëjë vend juve. E, kur ju thuhet “Ngrihuni”, atëherë ngrihuni, se Allahu do t'i ngrejë ata që besojnë nga mesi juaj dhe ata që u është dhënë dija në shkallë të lartë. Allahu di mirë gjithçka që bëni.
يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَكُمْ وَأَطْهَرُ ۚ فَإِنْ لَمْ تَجِدُوا فَإِنَّ اللَّهَ غَفُورٌ رَحِيمٌ
O ju që besoni! Kur doni të flisni veçmas me të Dërguarin, atëherë para bisedës suaj jepni lëmoshë, se kjo është më mirë dhe më pastër për ju. E nëse nuk gjeni (mundësi), atëherë Allahu është Falës i Madh e Mëshirëplotë.
أَأَشْفَقْتُمْ أَنْ تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ
A mos po frikësoheni (nga varfëria) të jepni lëmoshë para bisedës suaj veçmas (me të Dërguarin)?! Meqë nuk e bëtë këtë dhe Allahu jua fali, atëherë faleni namazin, jepeni zekatin dhe bindjuni Allahut e të Dërguarit të Tij! Allahu di mirë gjithçka që bëni.
أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِمْ مَا هُمْ مِنْكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ
A nuk i sheh ata që miqësohen me njerëz me të cilët Allahu është i zemëruar? Ata nuk janë as prej jush, as prej tyre, madje betohen rrejshëm me vetëdije.
أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ
Allahu ka përgatitur për ta dënim të ashpër. Sa e shëmtuar, në të vërtetë, është ajo që bëjnë.
اتَّخَذُوا أَيْمَانَهُمْ جُنَّةً فَصَدُّوا عَنْ سَبِيلِ اللَّهِ فَلَهُمْ عَذَابٌ مُهِينٌ
Ata marrin betimin e tyre si mburojë dhe i pengojnë njerëzit nga rruga e Allahut. Për ta do të ketë dënim poshtërues.
لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ
As pasuria e tyre, as fëmijët e tyre nuk do t’u vlejnë asgjë para Allahut. Ata janë banorë të Zjarrit, ku do të qëndrojnë përgjithmonë.
يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ
Ditën kur Allahu do t’i ringjallë të gjithë, ata do t’i betohen Atij ashtu siç ju betohen juve, duke menduar se po mbështeten në diçka. Vini re, pikërisht ata janë gënjeshtarët!
اسْتَحْوَذَ عَلَيْهِمُ الشَّيْطَانُ فَأَنْسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ
Shejtani i pushtoi ata dhe i bëri të harrojnë përmendjen e Allahut. Ata janë pala e shejtanit. E, pa dyshim, pala e shejtanit janë humbësit.
إِنَّ الَّذِينَ يُحَادُّونَ اللَّهَ وَرَسُولَهُ أُولَٰئِكَ فِي الْأَذَلِّينَ
Me të vërtetë, ata që i kundërvihen Allahut dhe të Dërguarit të Tij janë më të poshtëruarit.
كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ
Allahu e ka shkruar: "Unë dhe të dërguarit e Mi patjetër do të ngadhënjejmë." S'ka dyshim se Allahu është i Fortë e i Gjithëfuqishëm.
لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ ۖ وَيُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ
Nuk do të gjesh njerëz që besojnë Allahun dhe Ditën e Fundit e t'i duan ata që i kundërvihen Allahut dhe të Dërguarit të Tij, edhe sikur të jenë ata baballarët e tyre, bijtë e tyre, vëllezërit e tyre ose farefisi i tyre. Allahu ka skalitur besimin në zemrat e tyre dhe i ka forcuar me një frymë (dritë) nga ana e Tij. Ai do t’i fusë ata në kopshte të Xhenetit, nëpër të cilat rrjedhin lumenj, ku do të qëndrojnë përgjithmonë. Allahu është i kënaqur me ta dhe ata janë të kënaqur me Të. Ata janë pala e Allahut. Vini re, pala e Allahut janë fitimtarët.