وَالضُّحَىٰ
Чошгоҳга қасам.
القرآن الكريمRowwad Translation Center
بِسْمِ اللَّهِ الرَّحْمَٰنِ الرَّحِيمِ
Меҳрибон ва Раҳмли Аллоҳ номи билан (бошлайман).
وَالضُّحَىٰ
Чошгоҳга қасам.
وَاللَّيْلِ إِذَا سَجَىٰ
Қоплаб-ўраб олган кечага қасам.
مَا وَدَّعَكَ رَبُّكَ وَمَا قَلَىٰ
Парвардигорингиз сизни тарк ҳам этмади, ёмон кўриб ҳам қолмади.
وَلَلْآخِرَةُ خَيْرٌ لَكَ مِنَ الْأُولَىٰ
Албатта, охират сиз учун дунёдан яхшироқдир.
وَلَسَوْفَ يُعْطِيكَ رَبُّكَ فَتَرْضَىٰ
Яқинда Парвардигорингиз сизга ато этгай ва сиз рози бўлурсиз.
أَلَمْ يَجِدْكَ يَتِيمًا فَآوَىٰ
Сизни етим ҳолда топиб, бошпана бермадими?
وَوَجَدَكَ ضَالًّا فَهَدَىٰ
Сизни ҳайрон ҳолда топиб, ҳидоятга бошламадими?
وَوَجَدَكَ عَائِلًا فَأَغْنَىٰ
Сизни камбағал ҳолда топиб, бой қилмадими?
فَأَمَّا الْيَتِيمَ فَلَا تَقْهَرْ
Бас, энди сиз ҳам етимга қаҳр қилманг!
وَأَمَّا السَّائِلَ فَلَا تَنْهَرْ
Гадони ҳайдаманг!
وَأَمَّا بِنِعْمَةِ رَبِّكَ فَحَدِّثْ
Парвардигорингизнинг неъмати ҳақида сўзланг!