The Nightly Visitor · at-Tariq · سورة الطارق · 17 ayahs

القرآن الكريمAfrica Academy

بِسْمِ اللَّهِ الرَّحْمَٰنِ الرَّحِيمِ

በአላህ ስም እጅግ በጣም ሩህሩህ በጣም አዛኝ በሆነው (እጀምራለሁ)።

وَالسَّمَاءِ وَالطَّارِقِ

በሰማዩ እና ሌሊት በሚመጣውም እምላለሁ።

وَمَا أَدْرَاكَ مَا الطَّارِقُ

(መልዕክተኛችን ሙሐመድ ሆይ!) የሌሊት መጪው ምን እንደሆነ ምን አሳወቀህ?

النَّجْمُ الثَّاقِبُ

ጨለማውን ሰንጣቂ ኮከብ ነው።

إِنْ كُلُّ نَفْسٍ لَمَّا عَلَيْهَا حَافِظٌ

ነፍስ ሁሉ በእርሷ ላይ ጠባቂ ያለባት እንጂ ሌላ አይደለችም።

فَلْيَنْظُرِ الْإِنْسَانُ مِمَّ خُلِقَ

የሰው ልጅ ከምን እንደተፈጠረ ይመልከት፤

خُلِقَ مِنْ مَاءٍ دَافِقٍ

ከተስፈንጣሪ ውሃ (የዘር ፈሳሽ) ተፈጠረ።

يَخْرُجُ مِنْ بَيْنِ الصُّلْبِ وَالتَّرَائِبِ

ከጀርባና ከእርግብግቢቶች መካከል የሚወጣ ከሆነ የዘር ፈሳሽ ውሃ (ተፈጠረ)።

إِنَّهُ عَلَىٰ رَجْعِهِ لَقَادِرٌ

አላህ እርሱን በመመለሱ ላይ በእርግጥ ቻይ ነው።

يَوْمَ تُبْلَى السَّرَائِرُ

ሚስጥሮች በሚገለጹበት ቀን፤

فَمَا لَهُ مِنْ قُوَّةٍ وَلَا نَاصِرٍ

(ለሰው) ምንም ኃይልና ረዳት አይኖረዉም።

وَالسَّمَاءِ ذَاتِ الرَّجْعِ

የመመለስ ባለቤት (ዝናባማ) በሆነችው ሰማይ እምላለሁ።

وَالْأَرْضِ ذَاتِ الصَّدْعِ

(በበቃይ) የመሰንጠቅ ባለቤት በሆነችው ምድርም እምላለሁ።

إِنَّهُ لَقَوْلٌ فَصْلٌ

እርሱ (ቁርኣን)፤ (እውነትን ከውሸት) የሚለይ (የአላህ) ቃል ነው።

وَمَا هُوَ بِالْهَزْلِ

እርሱም ቀልድ አይደለም።

إِنَّهُمْ يَكِيدُونَ كَيْدًا

እነርሱ በእርግጥ ተንኮልን ያሴራሉ (ይሸርባሉ)።

وَأَكِيدُ كَيْدًا

እኔም (ለእነርሱ) ዘዴን እዶልታለሁ (አዘጋጃለሁ)።

فَمَهِّلِ الْكَافِرِينَ أَمْهِلْهُمْ رُوَيْدًا

(መልዕክተኛችን ሙሐመድ ሆይ!) ከሓዲያንን ቀን ስጣቸው። ጥቂትን ጊዜ አቆያቸው (ታገሳቸው)።